🐷𝙍𝙞𝙘𝙚 𝘾𝙤𝙤𝙠𝙚𝙧 𝙅𝙖𝙥𝙖𝙣𝙚𝙨𝙚 𝘽𝙧𝙖𝙞𝙨𝙚𝙙 𝙋𝙤𝙧𝙠 𝙎𝙤𝙛𝙩 𝘽𝙤𝙣𝙚
之前喺餐廳食過呢道菜，覺得味道麻麻地，自己用電飯煲整，點知效果竟然仲正同入味！🤤 我今次用豬軟骨，因為煮出嚟中間條軟骨軟糯綿密，咬到勁有口感，一夾就甩～✌🏻 如果大家唔想炆咁耐，換成豬腩肉一樣咁正🐷
電飯煲日式豚角煮 日式食譜
日式
日式麵豉白蘿蔔蜆湯 日式食譜
🥣 𝙇𝙞𝙜𝙝𝙩 & 𝙉𝙪𝙩𝙧𝙞𝙩𝙞𝙤𝙪𝙨 𝙈𝙞𝙨𝙤 𝘾𝙡𝙖𝙢 𝙎𝙤𝙪𝙥
呢煲麵豉蜆湯勁好飲✌🏻比起老火湯，佢嘅口感極之輕盈無負擔，但營養依然超豐富～☺️
💖麵豉煲湯靈魂秘訣：麵豉含有豐富活性酵素同香氣，千萬唔好大滾！熄火前先將麵豉喺湯度拌勻溶開，再用微火稍為加熱就熄火，可以完美保留麵豉嘅豆香同營養！
💖急凍蜆處理小貼士：急凍蜆落鍋前唔使解凍，直接喺湯底大滾時加入，煮到隻隻打開就啱啱好，肉質最鮮嫩不縮水😍
日式鐵板香蔥牛肉薄燒 日式食譜
🇯🇵𝙅𝙖𝙥𝙖𝙣𝙚𝙨𝙚 𝙗𝙚𝙚𝙛 𝙧𝙤𝙡𝙡𝙨 𝙬𝙞𝙩𝙝 𝙨𝙘𝙪𝙡𝙡𝙞𝙤𝙣𝙨 𝙖𝙣𝙙 𝙘𝙧𝙞𝙨𝙥𝙮 𝙜𝙖𝙧𝙡𝙞𝙘
去鐵板燒餐廳必點嘅香蔥牛肉薄燒？喺屋企用平底鑊就輕鬆做到🔥 今次買咗超靚嘅日本和牛，入口即溶、油脂香到爆～自己喺屋企整可以用靚嘅材料，仲要極度簡單！包住香脆嘅炸蒜粒同大量蔥花，一口咬落去爆汁又香口😎10分鐘都唔使！有個冇睇我食譜嘅人自己走去炸蒜，然後燶咗🙂↕️炸蒜片，當佢有微微淺金黃色，就要即刻拎返出嚟！
日式超煙韌醬油丸子 日式食譜
🍡 𝙅𝙖𝙥𝙖𝙣𝙚𝙨𝙚 𝙈𝙞𝙩𝙖𝙧𝙖𝙨𝙝𝙞 𝘿𝙖𝙣𝙜𝙤
只需要勁簡單材料😍日本人在中秋節有個好特別又可愛嘅傳統，就係食「月見丸子」🌕🌾 相傳丸子象徵住圓滿嘅滿月，會將丸子疊成金字塔形供奉給月亮，祈求豐收同平安💖日本傳統係會用15粒，不過我今次整咗18粒😂淋埋鹹甜濃郁嘅日式醬油糖汁，口感軟糯拉絲，充滿滿滿嘅日式儀式感！🍡✨今年唔整月餅實在太麻煩😂✌🏻
日本原隻毛蟹意大利飯 西式食譜
🦀 𝙅𝙖𝙥𝙖𝙣𝙚𝙨𝙚 𝙝𝙖𝙞𝙧𝙮 𝙘𝙧𝙖𝙗 𝙧𝙞𝙨𝙤𝙩𝙩𝙤 𝙧𝙞𝙘𝙚
今晚想認真煮☺️之前向一間日式fusion意大利餐廳食過！勁好食！呢排見到網上超市有毛蟹賣，價錢唔係好貴，即刻買隻返屋企整😍將成隻蟹嘅精華濃縮落呢煲意大利飯度！每口飯都吸滿蟹湯，再混合埋濃郁蟹膏同忌廉～ 🤤✨當你整完就會明白餐廳點解要收呢個價錢😆但係自己屋企整到都好滿足！！！
10分鐘日式牛肉炒烏冬 中式食譜
🇯🇵 𝙌𝙪𝙞𝙘𝙠 𝙛𝙧𝙞𝙚𝙙 𝙅𝙖𝙥𝙖𝙣𝙚𝙨𝙚 𝙗𝙚𝙚𝙛 𝙪𝙙𝙤𝙣
非常適合夜晚簡單食或者整俾小朋友返學做便當✌🏻有肉都有蔬菜🤍最後加入白芝麻就靚仔晒🥳牛肉可以買啲高質素少少嘅牛肉，咁樣煮出嚟更加好食💖
➡️個人覺得用日本急凍烏冬去煮炒烏冬係最易做，而家而且唔易黐埋一齊～
日式豆乳擔擔凍烏冬 日式食譜
🧊𝙅𝙖𝙥𝙖𝙣𝙚𝙨𝙚 𝙘𝙤𝙡𝙙 𝙙𝙖𝙣 𝙙𝙖𝙣 𝙪𝙙𝙤𝙣 𝙬𝙞𝙩𝙝 𝙨𝙤𝙮 𝙢𝙞𝙡𝙠
日本食過嘅一個烏冬💖超級簡單，撈一撈就搞掂🥹不過我驚唔夠飽，所以都要炒啲豬肉碎😍豬肉碎俾心機炒到焦糖化同脆身！記得要買無糖豆乳🩵可以用素麵或者任何麵條都得！
日式麵豉忌廉煙肉意粉 日式食譜
🇯🇵 𝙅𝙖𝙥𝙖𝙣𝙚𝙨𝙚 𝙢𝙞𝙨𝙤 𝙘𝙧𝙚𝙖𝙢𝙮 𝙥𝙖𝙨𝙩𝙖
喺日本食過嘅一隻意粉，原來麵豉同忌廉一齊煮都好夾🩵再加埋紫菜絲和本菇，成件事更加入和風～我個仔勁鍾意✌🏻
▶️用細火將煙肉煎香，煎到出油之後用煙肉嘅油嚟炒本菇
▶️Cooking cream 如果用pasta cream效果會更加濃厚！
日式甜咖喱炸豬扒飯 日式食譜
🐷 𝙅𝙖𝙥𝙖𝙣𝙚𝙨𝙚 𝙨𝙬𝙚𝙚𝙩 𝙘𝙪𝙧𝙧𝙮 𝙬𝙞𝙩𝙝 𝙥𝙤𝙧𝙠 𝙘𝙝𝙤𝙥
日本Cafe的味道🇯🇵😍當我個仔第一次試咗日式咖喱汁之後，就愛上了🤣俾小朋友食買甘味就得～唔會有辣味！炸豬扒我都係最鍾意用油炸，雖然麻煩啲但係勁香脆同好食好多✨今次用咗新鮮豬扒🇯🇵勁鬆軟Juicy好食🩵
挑戰一下旋風蛋 日式食譜
🥚𝙏𝙤𝙧𝙣𝙖𝙙𝙤 𝙊𝙢𝙚𝙡𝙚𝙩𝙩𝙚 𝙘𝙝𝙖𝙡𝙡𝙚𝙣𝙜𝙚
IG日日都推俾我睇🥱雖然好多都係AI片，我都測試一下～睇片好似好易，落手做好鬼難😂😂純粹玩吓～但效果又好食，係一個堆埋一齊嘅滑蛋😍我用咗兩隻蛋，加少少鹽同牛奶！秘訣係落多少少油同埋個鑊好熱先至落蛋！跟住等10秒左右即刻響中間鏟入去😂再不斷轉轉轉～
