🦀 𝙅𝙖𝙥𝙖𝙣𝙚𝙨𝙚 𝙝𝙖𝙞𝙧𝙮 𝙘𝙧𝙖𝙗 𝙧𝙞𝙨𝙤𝙩𝙩𝙤 𝙧𝙞𝙘𝙚
今晚想認真煮☺️之前向一間日式fusion意大利餐廳食過！勁好食！呢排見到網上超市有毛蟹賣，價錢唔係好貴，即刻買隻返屋企整😍將成隻蟹嘅精華濃縮落呢煲意大利飯度！每口飯都吸滿蟹湯，再混合埋濃郁蟹膏同忌廉～ 🤤✨當你整完就會明白餐廳點解要收呢個價錢😆但係自己屋企整到都好滿足！！！
日本原隻毛蟹意大利飯 西式食譜
蟹
蟹肉蟹粉蒜片意粉 中式食譜
𝙃𝙖𝙞𝙧𝙮 𝙘𝙧𝙖𝙗 𝙘𝙤𝙧𝙖𝙡 𝙖𝙣𝙙 𝙢𝙚𝙖𝙩 𝙥𝙖𝙨𝙩𝙖
It’s crab season again!🍂話說我好鍾意食大閘蟹～但係有時就咁食成日會覺得唔係好舒服😂所以唔可以食太多！👦🏻非常善良地逐隻蟹拆肉拆蟹粉🫢之後諗唔到整咩就整個意粉😝好好食！每一啖都係蟹肉同蟹粉🩷唔知大家鍾意食意粉定拌麵多啲呢？
秋季蟹粉豆腐配法式蒜蓉包 中式食譜
𝙃𝙖𝙞𝙧𝙮 𝙘𝙧𝙖𝙗 𝙘𝙤𝙧𝙖𝙡 𝙬𝙞𝙩𝙝 𝙁𝙧𝙚𝙣𝙘𝙝 𝙜𝙖𝙧𝙡𝙞𝙘 𝙗𝙧𝙚𝙖𝙙
大家都知我好鍾意啲得意嘢☺️今次Tempo聯乘人氣插畫家Plastic Thing推出全新限定版掛牆式極吸萬用廚紙！個包裝好靚好得意💓個廚紙可以掛喺牆身到，單手已經可以攞到廚紙，非常方便，仲令到廚房整齊咗好多😍而今次想分享俾大家嘅食譜常簡簡單單！響屋企都做到餐廳嘅味道🍁🦀香脆的蒜蓉包沾上蟹膏的汁，sooo good!
簡易版荷葉蒸羔蟹臘味飯 中式食譜
秋天悄悄的來到🍂非常之適合食蟹和臘味飯💕簡單版就是用電飯煲煲糯米和白飯之後才和臘味一起炒勻！當然沒有生炒臘味飯那麼煙韌乾身有口感，就方便來說味道都非常不錯☺️有冇人好似我一樣勁鍾意食臘腸😂向街市買了超靚的半肥瘦本地臘腸🫶🏻除咗海鮮檔我都非常鍾意睇乾貨檔！
泰式粉絲蟹煲 泰式食譜
<With English recipe> Last recipe of my Thai series💫🇹🇭上年夏天都整咗一系列泰式食譜！今年呢個系列都來到最後一個🤪今次向街市買咗隻好新鮮嘅膏蟹！夏天膏蟹當做💫整返個粉絲蟹煲😝其實我鍾意食啲粉絲同膏多過隻蟹😂因為要剝殼好煩🥹Anyways加咗芫荽根部同魚露入去煮，東南亞風味重咗🌟
花雕羔蟹蒸肉餅 中式食譜
So good that it melts into my mouth! 昨日在街市見到羔蟹好靚，就諗起好耐之前向筲箕灣一間餐廳食過的羔蟹蒸肉餅！肉餅再加上蟹汁精華，真心超勁好食😎醉了☺️我再特登加咗花雕酒同鹹蛋黃，so yummmm!
.
.
▶️蟹羔可以拿出來，加入少少花雕酒同胡椒粉去腥，之後再放在肉餅上面，蒸出來會比留在蟹身上美觀🧡
▶️加鹹蛋黃為了口感多一個層次，覺得麻煩可以不加喔
▶️蟹不建議買太大，因為太大隻，和蒸肉餅的時間未能配合，要先蒸蟹後落肉餅，比較麻煩！唔想處理蟹可以直接叫魚檔處理，但當然在家中處理是最新鮮的🥹
▶️要蒸肉餅鬆軟肉的質素好重要！如果成舊肉都係瘦肉無論如何都會很結實！肥瘦比例3:7 /4:6 左右！用梅頭肉OK
.
.
材料:
羔蟹 1隻 約半斤至一斤
鹹蛋 1隻
免治豬肉 300g
紹興酒 1茶匙
芫荽或蔥花
豬肉醃料:
花雕酒 1 茶匙
生粉 2茶匙
生抽 1.5茶匙
老抽 1茶匙
鹽 1/2 茶匙
水 2湯匙
糖 1/2茶匙
麻油 1茶匙
胡椒粉 1/4 茶匙
咸蛋白 1/3隻
做法:
1) )如果怕活蟹的話，可以先放入雪櫃雪30-60分鐘，令牠沒有那麼活躍😅 用鉸剪在蟹咀中間大力剌下，然後打開蟹蓋，先去除中間的蟹胃和蟹咀，蟹身在中間切開，去除蟹腮！蟹鉗拿起，輕輕拍碎蟹殼方便食用，可以把部分蟹羔拿起，之後放在肉餅上或攪拌入肉餅中
2)豬肉加入所有調味料(除咸蛋白)向同一方向攪勻至黏身，最後加入咸蛋白攪勻，醃15分鐘
3)生咸蛋黃隨意切小粒，加入醃好的豬肉中
4) 碟上掃上一層油，把肉放在碟上，再放上斬件了的蟹，蟹蓋要反轉放，之後在肉上隨意放上蟹羔，最後在表面倒上一茶匙花雕酒
5) 大火蒸12-15分鐘 (視乎蟹的大小)，最後再加上蔥花和在蟹蓋上淋上滾油即成
#betiskitchen中式#betiskitchen海鮮
北海道毛蟹瑩光魷魚飯 日式食譜
Happy Friday🦀這個都幾trouble但真係super yummy!!!! 材料已經加哂分✌🏻上次整過一次係用熟蟹肉同熟螢光魷魚！我覺得效果OK成本底啲但係始終唔夠鮮味！今次特登買咗隻日本北海道空運直送新鮮毛蟹同新鮮螢光魷魚！super yummy omg 雖然好鬼煩要手拆蟹肉又要炮製班魷魚，(真心嬲整到😂) 但係食完之後是感動的😂2個材料都好多膏😋♥️追求簡單版本可以用已拆肉熟蟹肉同熟螢光魷魚再加用電飯煲煲飯都得😜
▶️螢光魷魚可以睇 @rays_platesss YouTube 有條片好詳細咁介紹點樣處理！我都係跟佢！第一次整咋☺️😜
▶️毛蟹一斤，大火反轉身蒸15分鐘左右！之後拆蟹肉先係戲肉😩不過算啦太好食係要辛苦啲🥺
▶️飯個湯底用蒸完蟹啲蟹汁+ 木魚高湯加啲蟹殼入去煲！再加少少醬油！成件事係想食到海鮮嘅鮮味！
材料:
毛蟹 1隻
螢光魷魚 250g
三文魚子 適量
Parsley / 大葉 適量 (裝飾)
米 2米杯
木魚高湯 400ml (10g木魚碎加400ml水煲5分鐘)
日式醬油 1湯匙
做法:
1) 毛蟹反轉身放在碟上，大火蒸15分鐘！留起蒸蟹汁！蟹拿出來拆肉！小心蟹殼十分鋒利🥲去除蟹掩和蟹腸，再用剪刀在關節位拆下蟹腳和蟹鉗，再剪開蟹腳拆出蟹肉！然後打開蟹蓋，先去除中間的蟹胃和蟹咀，留蟹蓋備用！蟹身在中間切開，去除蟹腮，拆肉！蟹肉備用，蟹殼留起！
2) 螢光魷魚用鉗子在中間背部開一個小洞，去掉背後的軟骨，之後再去掉眼睛和嘴巴！去掉眼睛的時候要小心一點，盡量不要弄破眼睛，否則有些黑色汁會走出來又要洗一洗😂
3) 10g木魚碎加入400ml水，再加入和蟹殼煲5-10分鐘，隔走蟹殼和木魚碎，成煲飯上湯！
4) 米加入蒸蟹汁&高湯 (米1:水份1 比列)，再加入日式醬油，細火加蓋煮15-20分鐘至飯乾身！如果中途太乾身但啲米都未熟就加多少少高湯！之後再放入螢光魷魚煮3分鐘，再加入蟹蓋和蟹肉在表面煮多3分鐘，最後加入三文魚子和大葉裝飾即成！
明太子忌廉蟹肉意粉 西式意粉
明太子意粉真係超好食！MUST MAKE ITEM! 仲要勁簡單♥️材料方面好多人都問我！呢度全部都係向AEON買 (including三文魚子)😜日日煮中餐都好悶！呢排出街都係淨係去買餸💪🏻外賣食1晚已經唔想再食😅都係鍾意自己煮多啲，今晚淨係食個簡單意粉🙌屋企嗰隻野成日都要有新意😗不過食得開心我就滿足了😽
材料(2人用)
蟹肉 100g
意大利粉 200g
明太子2條 (~75g)
牛油 15g (切粒)
淡忌廉 150ml
醬油 1湯匙
三文魚子 隨意
做法:
1) 燒滾熱水加1湯匙鹽，意大利粉按包裝指示減2分鐘來煮至Al Dente質感，撈起瀝乾備用
2) 燒熱鑊加入油，加入蟹肉中火炒香(~3分鐘)，盛起備用！
4) 明太子去衣把中間的明太子拿出來！鍋中加入明太子、牛油、淡忌廉和醬油，小火煮滾
5) 細火下意大利粉和蟹肉！和明太子汁撈在一起，煮至醬汁濃稠，再加上三文魚子作裝飾即成💞
#betiskitchen意粉#betiskitchen海鮮#betiskitchen西式#betiskitchen日式
日式蟹肉麵豉忌廉烏冬 日式食譜
Super easy recipe💥蟹肉用咗ready to cook拆好咗嘅蟹肉🦀如果想再講究啲可以用松葉蟹肉❤️最後撈埋生雞蛋一齊食super creamy🤓呢個係👦🏻向Censu食過之後提議我整lol😆He is my cooking inspiration🥺
材料:
急凍烏冬 2個
可生食用蛋黃 2個
蟹肉 200g
麵豉 1湯匙
忌廉 250ml
三文魚子 適量
糖 1/2茶匙
日式醬油 1湯匙
紫菜碎 適量
蔥花/紫蘇葉碎 適量
做法:
1) 烏冬滾水煮2分鐘，盛起備用
2) 熱鍋下油，加入蟹肉炒香，加入少少鹽，盛起備用
3) 鍋中加入一湯匙水和一湯匙麵豉醬，小火把麵豉醬煮至溶化，再加入忌廉！繼續用細火煮至和麵豉醬混合，再倒入蟹肉、烏冬、糖和醬油煮至醬汁濃厚便可關火
4) 先放上烏冬，再放上蛋黃、紫菜碎、蔥花和三文魚子即成✨
#betiskitchen日式
#betiskitchen海鮮
蟹粉花膠撈麵 中式食譜
上年整過蟹粉粉皮，今年試另一樣🍂仲記得前年有咗👶🏻！無得食又好想食😅今次用咗6隻大閘蟹🦀5.5-6両左右一隻！多謝👦🏻幫我拆蟹肉蟹羔🧡上年向蘇淅會食過💞今年憑記憶再整返同一個菜😆不過佢係用粗麵！我個人鐘意用幼麵多啲！蟹黃汁十分掛身！但係真係好肥🐷要努力跑返多幾次🙈蟹粉我覺得自制都係一個樂趣，上海食品店買到嘅蟹粉唔平，始終成本高又要好多人手😬
⭐️蟹粉撈面⭐️
材料:
大閘蟹 6隻 (6両)
紫蘇葉 6張
▶️大閘蟹放上紫蘇葉蒸好之後拆肉拆羔
材料: (2人用)
蟹粉 200g
麵 2個
薑蓉 1湯匙
油 3湯匙
雞粉 1茶匙
紹興酒 1茶匙
鎮江醋 1茶匙
鹽 少許
胡椒粉 少許
蔥花 適量
做法:
1) 麵加水煮至軟身，隔走水份！留少少煮麵水備用！
2) 熱鍋下油，下薑蓉爆香，再下蟹粉炒2分鐘至蟹油出，再加入調味料再煮多2分鐘便可加入麵拌勻，再加上蔥花和煮好的花膠即成
⭐️花膠⭐️
花膠 1塊
蒜頭 2粒
蔥 2條
蠔油/ 鮑汁 1湯匙
雞湯 200ml
糖 1茶匙
老抽 1湯匙
做法:
1) 花膠浸1晚，之後用薑加小小米酒，煮一煲滾水再放入花膠，蓋上煲蓋，中火滾約3分鐘左右關火，花膠繼續蓋上蓋浸半日左右就會發到好大！一開始煮嗰陣會縮水㗎！唔好嚇親！之後浸就會變返大！
2)花膠發好後，煲中下油爆香蒜頭和蔥，快手下花膠輕炒後下雞湯和其他調味料，轉小火炆煮15-20分鐘，之後切粗條即成
#betiskitchen中式#betiskitchen海鮮
