超易整😍最緊要收汁要有耐性就煮到呢個效果，初初煮係會好水！慢慢煮落去就會開始收汁！送飯一流😋我呢個較左做少油版，唔想落咁多油😚用雞翼十分方便😝如果想小朋友都食可以唔落米酒，用水取代☺️九層塔可以在泰式香料店或者大型超級市場都可以找到💕I got my fresh Basil at $5🫶🏻
超簡單三杯雞翼煲 中式食譜
雞
黃金帶子炒滑蛋 中式食譜
Super easy yet another daily comfort food! Must pat scallops very very dry before pan fry to get that golden crispy texture❣️超簡單的一個家常菜！重點要把帶子索到非常乾身先拿去煎！炒蛋的時間要短，才可以炒到滑蛋😋 想滑一點可以加少少牛奶😎 牛奶含有酪蛋白，可令雞蛋向低溫下就能更快成形！炒得靚嘅滑蛋係可以一塊過唔會一舊舊🥺成件事1分鐘完成❤️🔥
四川麻辣藤椒雞煲 中式食譜
開始踏入秋冬天就會想食雞煲😜，因為成日要用好多調味料，所以超級耐冇煮過😫而今次用了豪吉椒辣川 香汁去煮，超級方便而且味道非常對板，同外面嘅味道好似 !枝川香汁由新鮮二荊條辣椒、小米椒及青花椒 調配制製成，味道好重鮮椒麻辣味，食落去個味好夠香同埋好惹味，又唔會過辣!除了整雞煲，亦都適合不同 四川菜式，喺非常正宗地道四川風味💖藤椒乾如果搵唔到可以唔用 !基本上係裝飾用，因為呢枝醬汁的味道 已經非常之豐富😽
椰子雞大蜆煲 中式食譜
Highly recommend recipe🔥終於整到一直想念的椰子雞煲味道！特登搵埋沙薑青桔仔去整埋個豉油一齊食🫶🏻今次我加入咗竹笙同蜆！除咗雞湯味仲多咗層蜆的鮮甜味🌟而竹笙亦都吸收所有湯汁精神，非常好吃😋我試過用不同椰子椰青調製呢個菜，最後發現用新鮮椰青加新鮮椰青水係最鮮甜！
藤椒麻辣手撕雞 中式食譜
又係手撕雞 ！因為實在太簡單同埋非常惹味😝亦都可以做冷盤，係夏天非常之適合進食的一個菜式🤪今次用咗呢枝豪吉藤椒油，帶有鮮麻清爽味，做到非常正宗地道四川菜的味道👌🏻藤椒油亦都適合各種麵食、炒菜、燜炖、涼拌及水煮菜式 ！真心加咗就有個種麻香味 ！其實我都係第一次用藤椒油~佢同花椒油有點相似，但比花椒油入口更麻香和清新💕
超滑檸檬手撕雞髀 中式食譜
<With Eng recipe> 好味到飛起！超級簡單超級滑！今次買咗4隻雞脾😹其實買個時未諗到煮咩，夏天就突然間想食酸味🍋用返之前泰式花甲個汁去整手撕雞！效果非常夾，重點係好好食🫣記住mark底下面整滑滑雞髀tips啦💕
金沙鹹蛋黃雞翼 中式食譜
少食多滋味！起咗沙嘅鹹蛋黃配雞翼超級好食💓不過話說鹹蛋黃已經唔係好健康，所以雞翼我唔會炸，會用煎去取代🥸有時食下呢種邪惡香口菜式，其實反而仲鼓勵到自己做多啲運動😂(bad logic😅)
零失敗檸檬蒜香雞翼 西式食譜
諗唔到煮乜就會煮雞翼💖前一晚醃定入味好多，第二晚直接入焗爐就搞掂，記得最尾轉高溫焗脆個皮✨或者焗之前醃1小時以上先入到味🫢用蒜片唔用蒜蓉嘅原因係，醃的時候取其蒜味，之後焗會比較容易整返走，蒜蓉會好易焗燶！加埋檸檬去焗個味好清新！檸檬最好切薄啲，放響旁邊一齊焗就得💛
▶️放入焗爐淨係放啲雞翼好了，唔好倒埋啲醃料汁入去焗，如果唔係焗唔到乾身唔會皮脆架！
▶️今次我見雪櫃有Rosemary，順手放埋入去焗！好香！
🖤Thanks @lecreusethk#MickeyMousexLeCreuset ❤️
.
.
材料:
雞翼 10隻
蜜糖 2湯匙
檸檬 1個 (切片)
醃料:
蒜片 2湯匙
生抽 1湯匙
老抽 1湯匙
蜜糖 1湯匙
鹽 1/2茶匙
黑椒 1/2茶匙
油 1湯匙
糖 1茶匙
米酒 1/2湯匙
做法:
1) 雞翼解凍後洗淨，瀝乾水份，加入醃料醃最少2小時，過夜更入味
2) 預熱焗爐至 180°C
3) 焗盤上鋪上牛油紙，放入雞翼！蒜片和檸檬放在一旁，180°C焗十分鐘，反轉雞翼再180°C焗十分鐘，搽上蜜糖再220°C焗五分鐘，再加少少黑椒即成！
超滑蔥油雞鎚 中式食譜
好味到飛起！超級滑！就咁用無激素急凍雞鎚就得♥️特登整呢個版本出嚟，等大家超方便可以煮到呢個咁好食嘅菜式😌主要係易過用全隻雞！👦🏻大讚呢個超好食✌🏻真心好簡單同方便快捷，幸福就在餐桌上♥️ p.s. 影片為了拍攝效果，油的分量是比食譜分量多的😬
▶️煮滑雞一定唔可以用大火，要全程用細火再熄火焗！我自己加咗少少黃姜粉水入去，令到顏色靚少少，可以skip
▶️想吃得方便一點可以在上碟前，將雞肉撕下來😍
.
.
材料:
雞鎚 6隻
蔥花 3湯匙
薑蓉 2湯匙
油5湯匙
乾蔥蓉 2湯匙
芝麻 2湯匙
糖 1/2茶匙
鹽 2/3茶匙 (如不夠咸可以自己調節)
胡椒粉 1/4茶匙
浸雞:
薑 2片、蒽 2條、紹興酒 1茶匙
做法:
1) 急凍雞鎚解凍後，輕輕清洗，之後加入一茶匙鹽按摩均勻，醃5分鐘，有助去雪味
2) 凍水加入雞鎚和所有浸雞材料，開細火，水的分量一定要足夠蓋過所有雞鎚，水滾後繼續用細火，微滾的狀態下，合蓋煮15分鐘
3) 立即熄火，繼續合蓋焗15分鐘！拿起浸在凍水5分鐘備用 (嫌麻煩可以省卻這個步驟，主要是令雞皮更加爽脆)
4) 蔥花、薑蓉、糖、鹽和胡椒粉攪拌均勻！油加熱後，加入乾蔥蓉和芝麻炒香，之後便可以把這個油倒入蒽花混合物中成蔥油
5) 把蔥油倒在雞鎚上即成
滑滑海南雞飯 中式食譜
上次食咗個好好食嘅海南雞飯外賣，引發起我自己整😆其實上次整已經係三年前！日日都有太多餸想煮，成日諗唔起呢個😎今次整得超級滑！主要秘訣都係個樣，要用浸焗方法去煮熟隻雞！煮亦都一定要用細火！煮好之後要浸凍水，雞皮就會好脆身，等到隻雞降溫同表面乾身先開始切！自己整雖然有點煩，但係整到一隻滑雞充滿滿足感😜♥️🥰
▶️斑蘭葉必定要打上結，味道才會特別容易滲出來！
▶️切雞時盡量確保拿刀的手不要接觸雞塊，否則隻手會變得好油，拿不穩把刀😂切雞去骨可以參考YouTube一些教學片段😜
材料:
✨海南雞✨
雞 1隻
香茅 4支
斑蘭葉 4片
乾蔥 6粒 (去皮)
南薑 2塊
黃薑粉 1茶匙
冰塊 適量
水 適量
✨雞油飯✨
白米 1.5米杯
煮過雞的湯 1.5米杯
斑蘭葉 2片
香茅 1支
蒜 4瓣 (拍扁)
南薑 2塊
乾蔥 2粒 (切半)
雞脂肪/油 適量
✨辣椒醬✨
兩條指天椒、一湯匙蒜蓉和一茶匙薑蓉弄碎，然後加入一個青檸汁
✨薑蓉✨
2湯匙薑蓉、1/2茶匙五香粉、1/2茶匙鹽和1/4茶匙糖攪拌均勻，然後倒入兩湯匙滾油
✨甜豉油✨
2湯匙老抽、2茶匙生抽和1湯匙糖細火煮至糖溶化
海南雞做法:
1) 全雞洗淨，先將多餘的雞脂肪切出，留起備用 ，切去雞腳，把雞身的內臟徹底清走，雞頸開一個洞
2)香茅輕拍後切段，班蘭葉打結，黃薑粉加少少水攪拌均勻
3) 除雞以外，所有材料加入水中煲滾後繼續煲5分鐘，水的份量要足夠蓋過全隻雞
4) 把雞放入水內5秒，拿起，再放入，重複3次。此動作是想熱水從雞頸流入雞身，令體肉都受熱均勻
5) 細火上蓋煮6分鐘，然後熄火繼續上蓋浸40分鐘，煮雞水留起煲飯用
6) 可用竹籤在雞腿位插入測試熟度，沒有血水滲出便代表已熟，然後把雞放在冰水中15分鐘，拿起讓雞皮風乾
7) 之後斬件及去骨即成
雞油飯做法:
1) 燒紅鑊，轉小火下雞脂肪榨出油，把脂肪拿走，加入其餘所有材料炒勻
2) 將炒過的材料放入飯煲，再下一比一的煲過雞的水作煲飯用，照一般電飯煲程序煲飯即成
Beti's Kitchen 簡易食譜分享 