
𝑪𝒓𝒆𝒂𝒎y 𝒄𝒍𝒂𝒎𝒔 𝒘𝒊𝒕𝒉 𝒃𝒂𝒄𝒐𝒏 𝒂𝒏𝒅 𝒃𝒖𝒕𝒕𝒆𝒓
Super tasty dish💕這道菜太簡單,我甚少會向餐廳吃,因為自己煮得仲好食同可以用好多蜆🤭今次加入了煙肉碎和牛油,非常好食!湯底好重忌廉和牛油味!配上法式長麵包食用一流😋btw呢個切蒜小神器係淘的😂你哋其中一個介紹俾我❣️貪佢平平地細細部,出面係玻璃容易清洗,重點係攞出嚟用唔麻煩😅
𝑪𝒓𝒆𝒂𝒎y 𝒄𝒍𝒂𝒎𝒔 𝒘𝒊𝒕𝒉 𝒃𝒂𝒄𝒐𝒏 𝒂𝒏𝒅 𝒃𝒖𝒕𝒕𝒆𝒓
Super tasty dish💕這道菜太簡單,我甚少會向餐廳吃,因為自己煮得仲好食同可以用好多蜆🤭今次加入了煙肉碎和牛油,非常好食!湯底好重忌廉和牛油味!配上法式長麵包食用一流😋btw呢個切蒜小神器係淘的😂你哋其中一個介紹俾我❣️貪佢平平地細細部,出面係玻璃容易清洗,重點係攞出嚟用唔麻煩😅
好耐都冇買過蝴蝶蚌💓呢個菜式係響意大利海邊一間餐廳食過,憑印象煮返個味🤭very easy and quick dish! 蝴蝶蚌比蜆和花甲貴但係就厚肉,無沙同鮮甜嘅🤣大家可以用蜆代替都得喔!加入白酒同檸檬非常之好食,蝴蝶蚌外殼比較厚身,所以自己觀察住幾時開口!
Inspired by the cooking class in Le Cordon Bleu! 呢個菜式係之前向藍帶上堂學的🥰不過自己改咗少少材料簡單化✨超級好食!蘑菇如果切得太薄,煮完出嚟會冇乜口感,所以建議可以切厚一點!牛高湯我用濃縮精華加水,sour cream大型超級市場都有,如果真係搵唔到可以用cooking cream取代💓加入老抽純粹係顏色會靚一啲☺️如果煮到最後都仲係比較水水的可以嘗試加入一湯匙生粉水就OK💙
呢個菜太易煮,好少會向餐廳食,因為自己超輕易便可以煮很好吃!🤭今次購買了這個比較細小的法國藍青口,比荷蘭的更嫩滑鮮甜,但缺點就是比較細粒,要食好多粒先飽😋藍青口入口前會加海水和氣體保存攝氏0至4度,大家打開包裝的時候,青口都依然是生的,輕輕清洗表面和丟掉爛了殻的那些就得,看到有青口邊有海草可以簡單清理一下💖
超級鍾意食三文魚!🇳🇴今次用了一隻挪威極光三文魚,是好食的,但食唔出同平時的三文魚有咩分別😂但三文魚真心好方便,一解凍就煎得,再加上非常非常滑嘅薯蓉🤤雖然薯蓉感覺有點邪惡,不過話說我吃不飽是睡不著的😅唔理得咁多想食就食,唯有做多點運動❤️🔥如果連食嘢都要經常控制住我覺得好辛苦🥲cooking and eating give me happiness❤️
之後介紹過紅酒汁、蘑菇汁同港式黑椒汁!今次介紹埋呢一個超好食嘅忌廉黑椒汁!我這塊牛扒是澳洲穀飼肉眼扒,入口好香肉味🤤性價比高,有時更喜歡這種牛扒質感,感覺沒有和牛那麼肥膩❤️配薯條超級好食!其實我由細到大都不太喜歡吃太生的牛扒🤣所以我多數煮到medium – medium done🫡
▶️煎牛扒一定要超大火同油熱先好落牛扒,我呢個厚度2cm每邊煎了2分鐘左右!如果喜歡再生一點可以每邊煎1分半鐘✨
▶️忌廉黑椒汁的白蘭地如果真的沒有,可以用白酒取代!牛湯可以用簡單方便牛湯包,如果都沒有就用雞湯取代😆
⭐️香煎牛扒⭐️
材料:
牛扒 1塊
蒜頭 2粒
Rosemary 2條
牛油 2湯匙
油 適量
海鹽和黑椒 適量
1) 牛扒煎之前放在室溫30分鐘,每邊平均地放上海鹽和黑椒碎,蒜頭拍扁
2) 大火下油,加入蒜頭和Rosemary放在一邊 (出味用),再下牛扒煎好一邊,之後加入牛油,翻去第二邊再煎至自己喜歡的熟度!切忌翻來翻去!期間可以把牛油不斷到倒在牛扒面上,增添香味
3) 煎好後休息5分鐘才切開進食!可鎖住肉汁!
⭐️忌廉黑椒汁⭐️
材料:
蒜蓉 1湯匙
牛油 30g
白蘭地 20ml
忌廉 120ml
雞或牛湯 100ml
黑椒碎 2湯匙
海鹽 適量
做法:
1) 熱鍋下牛油,加入蒜蓉炒至微微啡色,加入白蘭地,酒味蒸發後,再倒入雞湯煮滾,加入一湯匙的黑胡椒碎,再加入忌廉煮滾後轉細火,邊煮邊攪拌,汁煮至濃厚,便可加入餘下一湯匙的黑胡椒碎和海鹽即成
Creamy black pepper sauce:
Minced garlic 1tbsp
Butter 30g
Brandy/ cognac 20ml
Heavy cream 120ml
Chicken / beef stock 100ml
Crashed black peppercorns 2tbsp
Sea salt to taste
瑞士薯餅本身是農家傳統早餐,大概就是家中食剩的薯仔拿來兩邊煎香!想念之前去瑞士旅行的光景🥺如果還是2人世界我們應該去了旅行🥲anyways 呢個薯餅是簡單version!不過煎嘅時候要有啲耐性,用中細火慢慢將兩邊煎至金黃✨薯仔可以鋪厚少少,之後慢慢煎會縮水,而且有厚度才做到外脆內軟的效果💖💖💖
▶️要準備比較大size的刨條工具和大碟用作翻面輔助用!我是直接把薯餅從平底鑊返轉在一隻碟上,再放回入平底鑊煎另一邊😹如果困難可以用上2隻碟幫助,一隻從平底鑊擺放,另一隻放在表面用作反面用😬
▶️亦都可以造成一小塊一小塊圓形,會更易翻面和烹調時間可以縮短
▶️一定要連皮煮熟薯仔和放入雪櫃冷藏,牛油分量會比較多才做到金黃效果!覺得太肥可以自行減少
材料: (約26cm平底鑊)
薯仔 600g
牛油 60g
海鹽 適量
太陽蛋 1隻 (optional)
做法:
1) 水中加入一茶匙鹽,加入整個連皮薯仔,用中火煮20分鐘
2) 薯仔拿出,放涼,再放入雪櫃冷藏1小時以上
3) 薯仔從雪櫃拿出來,去皮,用刨刨成條狀,加入適量鹽攪勻調味
4) 平底鑊加入一半牛油,煮溶後把薯仔加入,可以輕手鋪平和調整一下形狀,中小火煎10分鐘,然後用碟輔助,反轉另一面,先加入餘下一半的牛油,再把薯餅放回入平底鑊,繼續把另一邊煎10分鐘即成!
5) 可以放一隻太陽蛋在表面
#betiskitchen西式#betiskitchen蔬菜
連續整咗兩晚就知唔係講笑🧡😍 個人覺得比芝士焗龍蝦清新同更加食到龍蝦鮮味!龍蝦可以叫海鮮檔開邊,不過有機會因為氧化而產生黑色素變黑😙所以我今次自己處理,但係我一定要雪暈咗先開邊!彈彈下實在太恐怖🤣 got this lobster at $250❤️🔥
▶️新鮮龍蝦開邊我多數不會”放尿”,(插隻筷子入尾部),因為切開的時間已經會整走污糟物和龍蝦腸😶🌫️我會放隻龍蝦入雪櫃雪暈,再拿出一刀插入頭同和頸中間位置,之後順著頭部切半,可以用剪刀幫助!最後去腸同剪下啲觸鬚就可以了😝
▶️煮食用牛油我多數用無鹽,如果用有鹽牛油就自行減少鹽的分量就可以
▶️香草我用了新鮮parsley,但記住要切碎啲先出味!如果唔想特登買可以用乾的mixed herb都得
材料
龍蝦 1隻 (1-1.5斤)
蒜蓉 2湯匙
牛油 50g (室溫放軟)
Parsley / mixed herbs 2湯匙
檸檬 1個
1/2 茶匙海鹽
1/2 茶匙黑椒
做法:
1) 預熱焗爐200度,龍蝦放尿,清潔好開邊!(可以叫海鮮檔代勞)
2) 牛油壓軟,加入parsley碎、蒜蓉、海鹽和黑椒攪拌均勻!最後加入1茶匙檸檬皮碎!
3) 把牛油混合物釀入龍蝦內,用200度焗10-12分鐘至表面金黃即成!可拌檸檬汁食用🤍
#betiskitchen海鮮#betiskitchen西式
呢個食譜半年前post過🙃就是一個很簡單而又好吃的菜式,重點係三文魚好健康,我超鍾意食三文魚!出奇地向餐廳竟然冇食過呢個菜式😆改良一下,省卻了牛油果莎莎,加入了黃金薯仔粒和車厘茄,用了Rosemary取代Parsley!原來仲好食🧡比多少少創意就可以創造到不同版本的食譜😎
▶️三文魚建議買連皮去骨三文魚塊,方便又快捷!小朋友都非常之適合食用!如果兩件三文魚唔夠食直接加多2件,醬汁材料可以乘2!
材料:
三文魚 2件
檸檬 1個
蒜蓉 2湯匙
車厘茄 10粒
薯仔 1個
蜜糖/糖漿 4湯匙
牛油1湯匙
黑椒碎 適量
海鹽 適量
Rosemary 3條
做法:
1) 三文魚解凍後洗淨抹乾,用鹽同黑椒灑在2面
2) 檸檬切片,薯仔去皮切小方粒,車厘茄切半
3) 熱鍋下油,中細火有耐性地把薯仔粒煎至金黃色,其間加1條Rosemary一起煎取其味,再下少許鹽和黑胡椒,拿起備用
4) 熱鍋下油,中大火煎熟三文魚!先煎有皮的一面,皮煎約2分鐘後,再轉其他面煎熟!取出備用
5) 熱鍋下牛油,加入蒜蓉和車厘茄輕輕炒香,再加入Rosemary、蜜糖和檸檬!煮1-2分鐘,可加入三文魚煮30秒或直接倒在三文魚上即成