超鮮甜無水卜卜蜆鍋 中式食譜

超鮮甜無水卜卜蜆鍋
超鮮甜無水卜卜蜆鍋


Happy New Year💛新年快樂!2022年第一日整個卜卜蜆鍋慶祝下開始新的一年!超級簡單超級好食!食哂蜆之後就加返啲水當打邊爐湯底!充滿鮮味!全部都係蜆的精華💖放向底的白蘿蔔吸收晒!so good not even joking, must try😎 26cm LC Buffet Casserole here🧡每次整”無水煮”都大成功😎


▶️買水份高啲的白蘿蔔鋪底!就可以做到無水煮效果!如果真係驚唔夠可以落少少水!
▶️沙白/白蜆比較合適!新鮮度好重要!

材料:
蜆 2斤
白蘿蔔 半條
蒜蓉 2湯匙
指天椒碎 1湯匙
芫荽碎 2湯匙
蠔油 1湯匙
麻油 1茶匙

做法:
1) 蜆放鹽水浸1小時吐沙,洗淨備用
2) 白蘿蔔去皮切粗條,平均鋪在鍋底,再把蜆排好,可以先排外圍,再由外至內排好
3) 表面灑上其他材料,上蓋,中火煮6-8分鐘或蜆開口即成

#betiskitchen中式#betiskitchen海鮮

超簡單牛油蒜香本地魷魚仔 中式食譜


Super super easy and yummy! 幾年前向意大利五漁村一間小餐館食過的一道菜🤍咁岩街市見到啲魷魚仔好靚,就諗起呢道菜🤪新鮮嘅海鮮最就係簡單煮!就可以食到食材本身嘅鮮味💞買細隻小小嘅魷魚口感會比較細緻!魷魚煮煮下會出水,唔駛加水煮,本身既汁再加乾蔥蒜蓉超好食🤪

材料:
魷魚仔 3-4隻
蒜蓉 1湯匙
乾蔥蓉 1湯匙
牛油 2湯匙
海鹽 1/2茶匙
黑椒碎 1/2茶匙
Parsley碎 1湯匙

做法:
1) 魷魚可以叫魚檔幫手劏好,去掉身上一條的透明骨和外面的衣!
2) 熱鍋下牛油,爆香蒜蓉乾蔥,轉中大火煎香魷魚,加入parsley上蓋煮3-5分鐘,再加鹽和黑椒調味即成

#betiskitchen西式#betiskitchen海鮮

蟶子抱蛋 中式食譜

蟶子抱蛋
蟶子抱蛋


⭐️福建菜式⭐️之前向餐廳食過之後一直念念不忘!咁啱響街市見到有黃蟶子賣!就諗起可以整呢道菜👌🏻超簡單勁好食!但有個麻煩位就係煮熟完啲蟶子之後要逐隻將中間黑色污糟野整走😵


材料:
黃蟶子 半斤
蛋 4隻
紅尖椒 半條 切碎
乾蔥頭 1粒 切碎
鹽 1/2茶匙
紹興酒 1茶匙
蔥花 2湯匙
蒸魚豉油 適量
白胡椒粉 適量

做法:
1) 滾水加入紹興酒,把黃蟶子加入,大火煮到開口後,立即拿起過凍水!之後把肉取出!再逐條將中間的黑色污物去掉!
2) 蛋加入鹽攪拌均勻!
3) 平底鑊加入2湯匙油,再加入1湯匙蔥花、紅尖椒和乾蔥碎炒香,倒入蛋漿攪拌均勻,之後再加入蟶子,用中火把蛋煎熟,在表面加上餘下蔥花、適量的豉油和白胡椒粉即成

#betiskitchen中式#betiskitchen蛋#betiskitchen海鮮

黑松露秘製辣汁撈花甲 中式食譜

黑松露秘製辣汁撈花甲
黑松露秘製辣汁撈花甲


今日向街市見到美美的花甲💞整返個之前已經整過嘅菜式!😗不過個汁調教過,今次加咗黑松露醬crossover!仲好食🤤不過optional,唔加都絕對無問題👌🏻Super simple and easy❤️❤️一定好食!用其他海鮮都得👦🏻大讚!Inspired by myself!無向餐廳見過呢個dish🙂

🧡今次用咗 @lecreusethk 今日新出嘅Harry Potter 系列!一人一碟超靚❤️
#LeCreusetXHarryPotter



材料:
花甲 1斤
芫荽 1扎

醬汁:
蒜蓉 2湯匙
辣椒切碎 3條
炒香過的芝麻 2湯匙
黑松露醬 1湯匙 (optional)
滾油 3湯匙
生抽 2湯匙
蠔油 1湯匙
花雕 1茶匙
糖 1茶匙
水 2湯匙

1. 花甲先浸洗,鍋中水滾後加入花甲煮至開口,拿起沖一沖凍水,再移走另一邊殼!排在碟上備用!
2. 蒜蓉、芝麻、黑松露醬和辣椒碎攪拌均勻,倒上滾油,之後再加入其他材料攪拌均勻即成醬汁!自己試吓味先!
3. 倒在花甲上,再放上芫荽碎即成

#betiskitchen中式#betiskitchen海鮮

明太子忌廉墨魚汁意粉 日式食譜

明太子忌廉墨魚汁意粉
明太子忌廉墨魚汁意粉


Since 2018 Oct! 開呢個acocunt啱啱3年😛但係呢排因為👶🏻開始大個,要教學陪玩處理唔同嘢真係忙咗好多🥲無乜諗到煮乜又無乜時間打食譜😅可能遲下都會出少啲post…😆墨魚汁意粉一條條的沾上忌廉明太子汁,好好食😋帶子係我自己後加!煎黃金帶子我再post多次個tips💛仲有附上隨心video但話說啲油彈到我好痛…😂



⭐️Inspired by Queen Hollywood⭐️

💛煎黃金扇貝技巧💛
▶️一定要用㕑房紙巾索到好乾水,油熱先落鑊煎!係熱到有煙先落!大火!
▶️將帶子以12點鐘方向順時針放向平底鑊中煎,就可以知邊隻要反轉先
▶️唔好多手反嚟反去!每邊大火煎60-90秒再反轉另一邊
▶️煎好一面才加海鹽和牛油調味,一早下鹽可能會導致出水

▶️加咗大葉個味特別好多!好夾明太子!大葉可以向日式超市買到🍀

材料(2人用)
帶子 10粒
墨魚汁意大利粉 200g
明太子2條 (~75g)
牛油 15g (切粒)
淡忌廉 150ml
醬油 1湯匙
大葉 4張 (切碎)
三文魚子 隨意

做法:
1) 燒滾熱水加1湯匙鹽,意大利粉按包裝指示減2分鐘來煮至Al Dente質感,撈起瀝乾備用
2) 將帶子洗淨,然後用廚房紙巾抹乾,之後燒熱鑊,加入橄欖油,用油潤鑊將鑊打圈令油均勻分布,從正上方「12點」位置順時鐘將帶子落鑊
3) 大火煎60至90秒,然後反轉,落2湯匙牛油、少少海鹽和黑椒再煎90秒,盛起備用
4) 明太子去衣把中間的明太子拿出來!鍋中加入明太子、牛油、淡忌廉和醬油,小火煮滾
5) 細火下意大利粉、大葉碎!和明太子汁撈在一起,煮至醬汁濃稠,再加上黃金帶子和三文魚子作裝飾即成💞

#betiskitchen意粉#betiskitchen海鮮#betiskitchen西式#betiskitchen日式

泰式金不換炒花甲王 泰式食譜

泰式金不換炒花甲王
泰式金不換炒花甲王


NEW IDEA💡嚟緊連續幾個post都會係簡單泰國菜♥️又買到靚靚花甲!超簡單用泰國辣椒膏同金不換就吵到一個餸🤪呢支泰式辣椒膏係整泰國菜必備!少辣帶甜!向大部份嘅東南亞雜貨店可以買到!炒花甲要大火快炒!我個人鍾意直接炒唔會將花甲先出水😶

材料:
花甲 1斤
蒜頭 2瓣
指天椒 2條
紅尖椒 1條
金不換 (Basil) 20g

調味料:
泰式辣椒膏 1湯匙
魚露 1茶匙
蠔油 1茶匙
糖 1茶匙
水 2湯匙

做法:
1) 花甲放入鹽水略浸!蒜頭拍扁、指天椒切粒、紅尖椒切條、金不換把葉取下!
2) 熱鍋下油,先爆香蒜頭、指天椒和紅尖椒,再倒入調味料炒香!轉大火加入花甲炒約2分鐘至開口!(如果太乾可以落多少少水)
3) 最後加入金不換快炒30秒即成

#betiskitchen東南亞#betiskitchen海鮮

意大利青醬黃金帶子長通粉 西式食譜

意大利青醬黃金帶子長通粉
意大利青醬黃金帶子長通粉


Pesto sauce again😆煮意粉好香同顏色好靚☺️太方便同好食!又整過!今次配長通粉加煎黃金帶子!個帶子係徒兒👦🏻的作品😂😂我俾95分♥️♥️♥️

💛煎黃金扇貝技巧💛
▶️一定要用㕑房紙巾索到好乾水,油熱先落鑊煎!係熱到有煙先落!大火!
▶️將帶子以12點鐘方向順時針放向平底鑊中煎,就可以知邊隻要反轉先
▶️唔好多手反嚟反去!每邊大火煎60-90秒再反轉另一邊
▶️煎好一面才加海鹽和牛油調味,一早下鹽可能會導致出水

▶️pesto sauce 整好可以放雪櫃10日左右!除咗整意粉,仲可以用嚟醃肉,塗麵包或者整沙律食!

材料:
💚Pesto sauce💚
Fresh Basil 新鮮羅勒 (只用葉 量25g)
松子 40g
蒜頭 2瓣
橄欖油 80ml
Parmesan cheese 巴馬臣芝士碎 1湯匙
鹽和黑胡椒 適量

長通粉 150-200g
帶子 12粒
牛油 2湯匙
Parsley 適量
鹽和黑胡椒 適量

做法:
1) pesto sauce 所有材料用機打碎!之後自己落鹽同黑胡椒調味!
2) 燒滾熱水加1湯匙鹽,意大利粉按包裝指示減2分鐘來煮至Al Dente質感,盛起備用
3) 將帶子洗淨,然後用廚房紙巾抹乾,之後燒熱鑊,加入橄欖油,用油潤鑊將鑊打圈令油均勻分布,從正上方「12點」位置順時鐘將帶子落鑊
4) 大火煎60至90秒,然後反轉,落2湯匙牛油、少少海鹽和黑椒再煎90秒,盛起備用
5) 把pesto sauce 輕輕炒香,再加入長通粉攪拌均勻,再加入parsley 和帶子即成

#betiskitchen意粉#betiskitchen海鮮

奶白魚湯豆腐浸花甲 中式食譜

奶白魚湯豆腐浸花甲
奶白魚湯豆腐浸花甲


其實要煲白雪雪的魚湯用好平嘅魚已經煲到!今次買左一碟狗棍魚都係$20!個湯好好飲煲完花甲勁鮮甜!仲要向九龍城街市買到超大靚靚花甲💙💙💙未試過食咁脹卜卜嘅花甲😌個魚湯煲好咗就留少少俾👶🏻飲!超有益♥️之後先攞嚟煮花甲!大細都食到舔舔👅😂



▶️ 石九公、紅衫、狗棍、青根、梳羅和鳳尾等煲魚湯都一流!
▶️ 煲奶白魚湯唔好用魚袋!用咗方便但會冇咁甜😅我情願煲好再用篩隔走啲骨🐟
▶️ 魚要2邊煎熟,倒入去的水要滾,一路煲唔可以太細火!咁就一定有奶白色🥛

材料:
花甲 1斤
豆腐 1磚
魚 1斤
薑 1片
滾水 1000ml
芫荽 適量

做法:
1) 花甲用鹽水浸1小時!豆腐切中粒!
2) 把魚洗淨瀝乾水分,再用廚房紙巾吸下多餘水分。熱鍋下油,放入薑片中火,加入魚再煎熟至微金黃後,立刻倒入滾水!一定要滾水先會有奶白色!再中火煮約20-30分鐘即成魚湯!之後將魚用篩隔出來!
4) 魚湯中火煲滾後加入豆腐煮3分鐘,之後再加入花甲大火煮至開殻,再試下味,夠咸便不用落鹽,再加入葱段或芫荽即成!

#betiskitchen中式#betiskitchen海鮮

高湯象拔蚌 中式食譜

高湯象拔蚌
高湯象拔蚌


2星期前煮🥺上個星期因為榮貓出咗事無post到😞好彩而家食返嘢又好似睇得返少少!繼續努力!

向街市買了一條象拔蚌自己開!簡單用個木魚昆布高湯煮一煮嚟食!再沾少少辣豉油!so good💕💙用木魚碎加一條昆布煮個湯底就OK!

自己開象拔蚌其實好易架咋!首先向二邊切一切,令到肉離殼先!把肉取出,切走個膽!準備熱水,把洗乾淨的象拔蚌放進去15秒後取出!就好容易整走個皮!把象拔蚌放在砧板上,中間切開,但唔好切斷!之後就可以切片啦😝💙 (去YouTube 睇下片lol,無想象中咁難)

#betiskitchen中式#betiskitchen海鮮#betiskitchen火鍋

三色丼魚生飯 日式食譜

三色丼魚生飯
三色丼魚生飯


👦🏻又買咗海膽😆再加上Donki買的大拖羅同三文魚子!簡簡單單整都可以好好食✅👦🏻仲自己整埋赤醋飯,我都嚇親😂所以無影整既過程☹️不過我一排都唔想食海膽住😅壽司飯所用的醋主要有2種!即赤醋和白醋!赤醋是指用酒粕發酵制成的粕醋,而白醋係用大米發酵制成的米醋🧡傳統江戶前壽司所用的就是赤醋❤️


材料:
日本米 2米杯
赤醋 4湯匙
鹽 1茶匙
糖 1湯匙

做法:
1. 米用水輕輕洗一洗,再向水中浸30分鐘!
2. 壽司醋:醋、糖和鹽放入鍋中小火煮到糖和鹽融化便成!不可煮滾否則醋味會流失!冷卻備用!
3. 電飯煲用米 : 水 1:0.8 比例煮熟,讓煮出的米硬一些!煮好後繼續焗10分鐘!
4. 把飯取出,用飯勺整鬆啲飯!趁熱加入醋汁攪拌均勻!攤開放涼即成!

#betiskitchen海鮮#betiskitchen日式