街市相熟海鮮檔姨姨話呢隻賴尿蝦多羔，反正好耐冇食過，買咗一斤♥️賴尿蝦我覺得新鮮清蒸最好食！清蒸賴尿蝦一定要大火，否則肉質會唔爽口淋淋的！今次我大火蒸左7分鐘左右，等無咁熱就搣殼等大家都易啲食🥺用剪刀切去頭部，然後在賴尿蝦身的邊緣，分邊各剪一刀，再在尾部的殻剪一下，便可把身的殻整個拿走！記得要超級小心！因為賴尿蝦好多尖剌，小心吉親手😹
我再煮滾雞湯加少少紹興酒方向底！加芫荽同辣椒仔！缺點係比較細隻，但真係好鮮甜同多羔🥳 Easy seafood dish!
清蒸賴尿蝦 中式食譜
蒸
花雕羔蟹蒸肉餅 中式食譜
So good that it melts into my mouth! 昨日在街市見到羔蟹好靚，就諗起好耐之前向筲箕灣一間餐廳食過的羔蟹蒸肉餅！肉餅再加上蟹汁精華，真心超勁好食😎醉了☺️我再特登加咗花雕酒同鹹蛋黃，so yummmm!
.
.
▶️蟹羔可以拿出來，加入少少花雕酒同胡椒粉去腥，之後再放在肉餅上面，蒸出來會比留在蟹身上美觀🧡
▶️加鹹蛋黃為了口感多一個層次，覺得麻煩可以不加喔
▶️蟹不建議買太大，因為太大隻，和蒸肉餅的時間未能配合，要先蒸蟹後落肉餅，比較麻煩！唔想處理蟹可以直接叫魚檔處理，但當然在家中處理是最新鮮的🥹
▶️要蒸肉餅鬆軟肉的質素好重要！如果成舊肉都係瘦肉無論如何都會很結實！肥瘦比例3:7 /4:6 左右！用梅頭肉OK
.
.
材料:
羔蟹 1隻 約半斤至一斤
鹹蛋 1隻
免治豬肉 300g
紹興酒 1茶匙
芫荽或蔥花
豬肉醃料:
花雕酒 1 茶匙
生粉 2茶匙
生抽 1.5茶匙
老抽 1茶匙
鹽 1/2 茶匙
水 2湯匙
糖 1/2茶匙
麻油 1茶匙
胡椒粉 1/4 茶匙
咸蛋白 1/3隻
做法:
1) )如果怕活蟹的話，可以先放入雪櫃雪30-60分鐘，令牠沒有那麼活躍😅 用鉸剪在蟹咀中間大力剌下，然後打開蟹蓋，先去除中間的蟹胃和蟹咀，蟹身在中間切開，去除蟹腮！蟹鉗拿起，輕輕拍碎蟹殼方便食用，可以把部分蟹羔拿起，之後放在肉餅上或攪拌入肉餅中
2)豬肉加入所有調味料(除咸蛋白)向同一方向攪勻至黏身，最後加入咸蛋白攪勻，醃15分鐘
3)生咸蛋黃隨意切小粒，加入醃好的豬肉中
4) 碟上掃上一層油，把肉放在碟上，再放上斬件了的蟹，蟹蓋要反轉放，之後在肉上隨意放上蟹羔，最後在表面倒上一茶匙花雕酒
5) 大火蒸12-15分鐘 (視乎蟹的大小)，最後再加上蔥花和在蟹蓋上淋上滾油即成
#betiskitchen中式#betiskitchen海鮮
肉碎蒸滑蛋 中式食譜
Grandma’s recipe👵🏻超簡單好送飯的一道菜！有時怕就咁一個蒸蛋會唔夠飽，加埋肉碎向上面就一定夠！💛💛💛免治豬肉盡量切碎一點口感更佳！
蒸滑蛋不失敗秘訣
🔸蛋:水 比例 1:2
🔸一定要用保鮮紙或鍚紙蓋住蒸
🔸蛋液過篩 盡量戮穿蛋液上的氣泡
🥚火候我用中火大火之間🤣我發現太大火會易蒸到老
材料:
雞蛋 2隻
水/雞湯 約250ml (1份蛋汁:2份水)
免治豬肉 150g
蔥花 2湯匙
滾油 & 蒸魚豉油 適量
調味料:
蠔油 1湯匙
生抽 1湯匙
老抽 1 茶匙
麻油 1茶匙
糖 1/2茶匙
水 4湯匙
生粉水 (1湯匙水+1茶匙生粉先攪拌均勻)
做法:
1) 雞蛋打勻，不用打發太耐，以免起泡，加入適量鹽和2份水/雞湯拌勻，用隔篩濾去雜質及氣泡
2) 蒸碟倒入蛋汁，鋪上錫紙，水大滾放入，隔水蒸10-12分鐘
3) 熱鍋下油，加入肉碎炒至變色！再加入蔥花、蠔油、生抽、老抽、麻油和糖炒至均勻上色！最後加入水和生粉水煮至汁濃便可關火
4) 把肉碎倒在蛋上，再加入適量滾油和蒸魚豉油即成
西京燒鱈魚 + 清蒸鱈魚 (鱈魚二食)
好耐無出過魚類食譜🤣因為基本上我平時都係食清蒸魚😆 鱈魚在我心中價錢和味道都屬於是高端魚類，味道非常特別細膩，個種魚油甘甜味無其他魚取代到！今次整西京燒同清蒸都非常之好食！👶🏻鐘意食清蒸♥️💕鱈魚我在街市冰枱買，鐘意切幾厚都得✌🏻我返屋企自己再切走中間大骨，再切一半！(美觀一點和吃得方便一點！但煎的時候會比較易爛，要小心一點喔)
1) 西京燒鱈魚
▶️西京燒表面好易整，但要整到日本餐廳個種焦香乾身感唔易，上次去京都食懷石料理問了師傅秘訣
💛要有焦糖感覺就要最後塗上少少味醂再燒多陣
💛焗爐易焗到出水，instead可以平底鑊抹油再加塊牛油紙慢火煎就會更易令魚有焦金色又唔濕身
▶️醃至少一晚，二晚就更佳。
材料
銀鱈魚 /白鱈魚 2塊
西京味噌(白味噌) 100g (一定要用白味噌否則普通味噌會好咸！)
清酒 20g
醬油 10ml
糖 30g
做法:
1) 銀鱈魚洗淨吸乾水份，沿著圓骨位切成2件(美觀一點)
2) 西京味噌、清酒及糖攪勻，小火煮到粘身再加入醬油拌匀，待涼後地醬塗上銀鱈魚的上下，包上保鮮紙，放入雪櫃醃至少1日
3) 銀鱈魚取出，抹去銀鱈魚表面的味噌醬
4) 於平底鑊上塗上油，再加牛油紙慢火煎至二面焦黃，反轉時要小心點否則好易散開，最後再輕輕塗上一層味醂再燒多陣即成！
2) 清蒸白鱈魚
直接大火蒸8-10分鐘！倒走蒸後碟上的魚水，放上蔥花！淋上滾油和蒸魚豉油即成！
櫻花蝦粉絲蒸水蛋 中式食譜
♥️♥️♥️always my comfort food steamed eggs💞best to eat with rice🍚簡簡單單又一餐⭐️櫻花蝦用咗日本無加色素的 🇯🇵 粉絲用熱水浸會淋身啲❤️
蒸滑蛋不失敗秘訣
🔸蛋:水 比例一定係 1:2 喔
🔸一定要用保鮮紙或鍚紙蓋住蒸
🔸蛋液過篩 盡量戮穿蛋液上的氣泡
🥚火候我用中火大火之間🤣我發現太大火會易蒸到老
材料:
雞蛋 2隻
櫻花蝦乾 2湯匙
粉絲 半包
水/雞湯 約250ml (1份蛋汁:2份水)
蔥花/芫荽 1湯匙
滾油 & 蒸魚豉油 適量
做法:
1) 粉絲用熱水浸淋，之後剪一剪，櫻花蝦落一茶匙油炒1分鐘炒香！
2) 雞蛋打勻，不用打發太耐，以免起泡，加入適量鹽和2份水/雞湯拌勻，用隔篩濾去雜質及氣泡
3) 蒸碟先放入粉絲，慢慢倒入蛋汁，再放上櫻花蝦乾，鋪上錫紙，隔水蒸10-12分鐘，灑上蔥花，再淋上滾油和豉油即成
無水煮葱油雞 中式食譜
今次改良咗之前個食譜，用無水煮法！勁鮮甜同入味！煲下面全部都係雞同蔥精華加醃料😚一滴水都冇落過！我用咗法國黃油雞加日本蔥🇫🇷🇯🇵其實因為帶👶🏻返學要向商場換泊車，就買隻貴少少嘅雞試吓😂原來又真係幾好食喎❤️❤️ 葱油雞是傳統的粵菜，雞和葱汁精華一齊煮熟，十分入味。適合多人的家庭飯局煮呢，如果少人食可以所有材料減半用半隻雞😋 濃濃蔥香的雞湯汁，用來拌飯一流！
▶️一開始用中細火聽到有煮滾嘅聲音，之後就要轉細火！用無水煮和煮雞唔可以大火！如果唔係就會唔滑🥰
▶️我呢個係26cm LC！好鎖水⚡️Highly recommended⚡️
材料:
雞 1隻
乾葱頭 4粒
葱 2大扎
大葱 1枝
薑片 6片
辣椒粒 適量 (optional)
油 2湯匙
滾油 2湯匙
醃料:
生抽 2湯匙
老抽 1湯匙
糖 1茶匙
鹽 1茶匙
紹興酒 1湯匙
做法:
1) 雞洗淨抹乾，在背部切半，盡量壓平，之後加入醃料醃30分鐘
2) 葱切條！乾蔥切半！大葱切條後再切半
3) 鍋中先倒入油，放上薑片，之後平均地放上葱、乾葱和大葱，再放上雞 (連埋醃雞的汁一起倒下)
4) 冚蓋後中細火聽到煮滾的聲音，就轉細火煮20分鐘，熄火之後用餘熱焗10分鐘，雞上可放上蔥花和辣椒立
5) 在另一鍋中加熱2湯匙油，連油淋在雞上即成！
新豬肉栗子冬菇蒸肉餅 中式食譜
話咁快已經立秋！🍂秋天係栗子當造嘅季節，今次簡簡單單整個新豬肉栗子蒸肉餅，人人都啱食嘅家常菜！加入咗栗子嘅蒸肉餅有一種甜香！加埋冬菇粒就更加有口感！而栗子有補氣功效，特別適合秋天食用🧡 @omnifoods.hk 新豬肉熱量低啲又無抗生素，撈飯食都健康啲🤣
▶️蒸新豬肉時建議混入燕麥、硬豆腐等較吸水的食材一同烹調，口感更像真！
材料:
新豬肉 1包
粟子 8粒
冬菇 2隻
燕麥片 1湯匙
蔥花 適量
滾油 適量
甜豉油 適量
調味料:
生抽 1茶匙
糖 1/2茶匙
胡椒粉 1/4茶匙
生粉 1茶匙
水 2湯匙
做法:
1. 冬菇浸軟切粒，栗子放入熱水浸一浸，再去殼後滾水煮15分鐘，切碎備用
2. 新豬肉加入冬菇粒和栗子粒，再加入調味料攪拌均勻。
3. 碟上塗上少許油，再把肉餅放進碟內用手輕力壓至扁平
4. 大火蒸 6-8分鐘，淋上滾油及甜豉油即可。
#betiskitchen素#betiskitchen中式#OmniFoods#新豬肉#omnilicious
花雕花蟹蒸蛋白 中式食譜
想買部蒸爐好耐！今次第一次用呢部2021年全新型號 @toshiba_lifestyle_hong_kong Q20 蒸焗爐 (MS2-TQ20SC)！選了這個鮮味十足的花雕花蟹蒸蛋白來為這個蒸焗爐開光🤍蟹和花雕的酒香十分夾，而且再加入了蒸蟹時的精華去蒸蛋白，用呢部蒸爐蒸出黎好滑熱力十分均勻！重點係機細易放！我屋企個廚房已經無位整嵌入式蒸爐🤣而且內籠實用，同時放到2層共4隻碟🤪所以呢部機好啱我用💕另外佢仲可以發酵麵團、消毒奶樽同消毒餐具！👶🏻👶🏻👶🏻性價比高真心推介😙
⭐️介紹下呢部機既特點⭐️
🧡58個功能/食譜，比舊型號多左DOUBLE
🧡獨立按鈕(蒸、焗、蒸焗功能一按就係，使用更加方便) ，仲有跟機貼中英文紙，可以更加清楚知道用緊咩功能
🧡有兒童鎖，唔使驚小朋友唔小心開咗
🧡多功能(蒸、焗、炸、燉、發酵麵團、發酵乳酪) 性價比高
🧡推廣期內買多送一套蒸焗盤(價值$270)
🧡4個清潔消毒(爐腔清潔、爐腔除味、餐具消毒、奶樽消毒)
.
.
▶️蛋白和水份比例1:1就ok
.
.
材料:
花蟹 1隻 (1斤左右)
蛋白 4隻 (約150ml)
花雕酒 2湯匙
牛奶 75ml
水/ 蒸蟹水 75ml
鹽 1/4茶匙
蒸魚豉油 適量
滾油 2湯匙
芫荽 適量
葱花 適量
做法:
1. 拆開蟹蓋後去蟹胃去腮等，洗淨，斬件後，可在蟹鉗上用刀背拍幾下，瀝乾水份，加入1湯匙花雕酒伴勻
2. 放入Toshiba Q20蒸爐用大火快蒸(自動功能31)，調校至5分鐘蒸至半熟，要留著碟底的蟹汁
3. 蛋白、牛奶、1湯匙花雕酒、蒸過蟹的水和鹽拌勻再過篩備用
4. 碟上先倒入蛋白液，再把蟹放上，碟蒸一定要加蓋或錫紙，避免倒汗水沾上蛋面
5. 用純蒸功能，蒸10分鐘
6. 取出，可倒上蔥花和芫荽，再淋上滾油和蒸魚豉油即成
#betiskitchen中式#betiskitchen海鮮#ToshibaLifestyleHongKong
#東芝Q20蒸氣焗爐
#蒸氣焗爐
荷葉籠仔蒸野生海中蝦 中式食譜
盛夏是荷葉當做季節，一心諗住搵新鮮荷葉，搵咗成個街市都冇🥲放棄🥱用乾荷葉同樣好食！最理想係入面先包一張新鮮荷葉，出面再包一張張乾的☘️乾呢張超平$1一張😅荷葉嘅清香向蒸嘅時候滲入蝦身，新鮮野生海蝦簡單食先至食到佢嘅鮮味💙爆羔十分鮮甜，休漁期貴啲都✅💕
▶️一定要猛火先放入去蒸，否則好易梅
.
.
材料:
新鮮蝦 半斤
荷葉 2張
1) 熱水把乾荷葉至軟身/新鮮荷葉熱水煮3分鐘，再瀝乾備用
2) 蝦可以洗淨直接放在荷葉上！鍾意可以先去鬚去腳去腸！荷葉面向上！再包多一層！再攞竹籤包住！
3) 大火蒸6至8分鐘！可以配辣豉油食❤️
清蒸魚 Steamed Fish in Chinese style 中式食譜
Simple cooking simple sharing🐠呢期都係簡單煮為主🥲一來想食得清淡啲一來無時間😌近期蒸過東星斑、珠星斑同金錢斑💙屋企2個人兄淨係鍾意食新鮮游水斑😥
▶️加幾條蔥向底，一斤左右大火蒸7-8分鐘，取出，倒走碟中嘅水，放上蔥花，淋上滾油，再倒上蒸魚豉油！
▶️兩斤以上可在魚鰭兩邊位切一刀會更易蒸熟
▶️魚夠新鮮絕對唔使落薑
▶️放蔥向底幫助蒸氣流通，可蒸均勻啲
▶️蒸魚豉油: 加1湯匙油爆香薑蔥，加入2湯匙老抽、1湯匙生抽、1.5湯匙糖和2湯匙水，煮滾即成
#betiskitchen中式
#betiskitchen魚
