好多人問我平時成日用隻鑊係咩鑊嚟，其實就係之前喺UNY 換購嘅Meyer Circulon系列28cm不黏煎鍋！佢表面有強化塗層，不含有害物質，亦都有高低坑紋！耐用抗磨！唔會用一陣就磨花哂！今次用佢黎煎蘿蔔糕煎得好靚⚡ 之後再用黎整返個XO醬蘿蔔糕🌸就perfect👌 我再試咗就咁落油加帶子去煎！傳熱好好所以都煎得好靚好金黃💛
.
.
原價$799! 而家喺APITA、UNY 或千色 Citistore買滿$50就有一個印花，儲夠10個就可以用$199元換購到呢個28cm不黏煎鍋❤ 印花派發日期去到2月28號咋！Super 抵！有興趣就要快啲行動😝
.
.
煮食材料:
蘿蔔糕 半底
XO醬 2湯匙
蛋 1隻
蔥 3條
辣椒仔 2隻 (optional)
做法:
1) 蘿蔔糕切粒，落油之後中細火煎至金黃色！盛起備用！
2) 同⼀隻鑊加入蔥炒香，再加入XO醬炒30秒，再加入蘿蔔糕炒勻！之後最後加入打勻的雞蛋煎30秒熄火即成！
#betiskitchen中式#betiskitchen新年
無得出街食團年飯，唯有自己係屋企整個簡單盆菜✨炆肉用了 @riverviewfarms_hk 的豬腩片！好快就炆好✨總共有10種唔同菜式☺️希望新一年十全十美🐂🌺預祝大家新年快樂！户户加餸！食得是福！
❤️南乳炆支竹豬腩片冬菇❤️
今次又係用咗 @riverviewfarms_hk 的豬肉！佢個豬腩肉係豬腩肉薄片所以好快炆好！唔須要煮咁耐！
材料:
乾蔥頭 1粒 (切碎)
豬腩肉片 300g (用1湯匙豉油，1茶匙生粉和糖醃10分鐘)
冬菇 8粒 (浸淋)
支竹 1色
調味料: 南乳半磚、紹興酒1茶匙、砂糖1茶匙、老抽1湯匙、鹽1/2茶匙、熱水300毫升
做法:
熱鍋下油，爆香乾蔥頭，再加入豬腩片煎一煎，加入調味料、冬菇和支竹，煮滾後改用慢火加蓋，燜煮30分鐘至汁液略稠即成
.
.
💛雞湯煮西蘭花娃娃菜💛
就咁用雞湯煮熟d菜😂
.
.
❤️清蒸元貝❤️
大元貝浸完之後蒸10分鐘再加少少鮑汁調味繼續蒸20分鐘
.
.
💛蒜蓉煎蝦💛
熱鍋下油加入蒜蓉和大海蝦煎香，加少少海鹽！
.
.
❤️木魚高湯炆蘿蔔❤️
用咗本地有機蘿蔔放入木魚高湯裏面煮兩個鐘！
.
.
💛鮑魚汁炆花膠髮菜💛
可以睇返花膠撈飯個post點樣做鮑魚汁炆花膠！今次用左2隻花膠公發到好大💕夠哂5個人食！
.
.
❤️炆南非鮑魚❤️
Made by my father in law 😆可以用罐頭鮑魚取代
.
.
💛貴妃雞燒腩仔💛
外援😂
.
.
#betiskitchen中式#betiskitchen豬
2021年第一個post！來一個正正的鮑魚菜式☺️我都係第一次炆乾鮑，所以買咗隻平平地測試測試下，呢到$70 1隻左右😝效果都不錯！不過成件事真係要幾日架😅 我再加埋花膠同冬菇入去😙
發花膠可以睇返我之前個post 🖤
▶️炆完鮑魚個湯可以留返做上湯或飲都得！如果覺得太油，可以雪一晚之後，油就會凝固浮面，咁就可以整走上面層肥油
▶️如果用明火怕痴底要加竹笪防黐底！我用真空煲炆就無加到！用真空煲不時煲滾佢，再放返內膽入就OK! 好方便❤️
▶️可以用牙籤向鮑魚中間吉一吉，如果可輕易穿過就係炆好！
材料:
乾鮑 6隻
排骨 1斤
雞 1隻
雞腳 8隻
金華火腿 3片
調味:
蠔油 1湯匙
老抽 1湯匙
冰糖 1湯匙
炆鮑魚的上湯 150ml
生粉水 1湯匙
.
.
做法:
1) 乾鮑用水浸過面，放入雪櫃，每日換一次水，浸2日，之後再煲一鍋水，要可以蓋過所有鮑魚，連鮑魚煲滾後熄火，上蓋，室溫焗過夜！
2) 之後拿出洗一洗淨，再剪開鮑魚咀，將內裡的腸臟及污衊拿出，用手按一按鮑魚中間，如果仲係硬要再浸！浸透的話應該係會有彈性！
3) 其他材料落凍水，之後煲滾5分鐘後拿起洗淨，出水備用！排骨白鑊煎至金黃！
4) 煲底先放上竹笪，(竹笪買返黎要用滾水煮一煮消毒)，再放上排骨，一半雞腳，鮑魚，一半雞腳，最上層放雞，倒入水蓋過所有材料！
5) 煲滾後轉細火炆3小時，再熄火焗至溫度降至唔熱，再開火炆3小時，如此類推！大約炆2日！最後先落金華火腿去炆最後一回！
6) 拿起鮑魚，放置等15分鐘令鮑魚收水，再加入調味料的材料，細火煮15鐘，再加入生粉水埋獻即成
#betiskitchen中式#betiskitchen海鮮
新年又到🐅呢個紅棗糕食譜好QQ口感好重紅棗味！我整過N次調較的分量🥰 唔困難整！係麻煩！我之前係會整8層，呢2年已經放棄咗，鐘意用一口玫瑰模！淨係一層紅棗一層椰汁再紅棗已經好leng💕❤️可以就買已去核的紅棗！快勁多😅最後一張圖附加各位靚靚的貼堂照😛 今年用咗角落生物模SUPER CUTE😍
➡️一層蒸熟左先倒第二層，否則會無層次感
➡️香棗紅糖搵唔到可以用黑片糖代替
➡️汁液落粉攪拌時不會可以攪到無粉粒的，之後一定要過一次篩過走粉粒先好蒸
➡️脱模可以搵支筷子向個邊LIU下佢，但最好等佢無咁熱先搞佢，最易脫就係雪凍佢，但係個模要再用，等唔到咁耐
臨急抱佛腳，每年都收到好多不同蘿蔔糕，但因為今年想自己整，所以淨係留底咗鼎爺、唐宮同文華嚟食。老實講米三星其實同其他品牌差唔多味，但自己整就多咗份心機，同可以足料好多。今次用左日本大根、北海道瑤柱、 蝦米再加櫻花蝦👌🏻下面食譜係整到四底左右，無咁大隻wok又無蒸爐既我， 一次整四底係極限>_< 下面個食譜係我整了三次調整出來的分量，覺得此軟和實之開的質感最為適中。我屋企人個個都話好食過街好多，係開心既。
材料 (4底左右)
白蘿蔔 3斤 (大概2大條)
鷹粟粉 225g
粘米粉 75g
生粉 75g
臘腸 2-3條
蝦米 30g
櫻花蝦 適量
冬菇 6粒
瑤柱 適量
水 900毫升
滾水 300毫升
鹽 15g
雞粉 35g
糖 75g
胡椒粉 1茶匙
麻油 45g
做法
1) 乾貨全部浸水過夜或半天，切小粒備用
2) 臘腸飛水後切粒
3) 鷹粟粉、粘米粉和生粉倒在大盤中，逐小加入900毫升水 可用手搓滑至粉漿沒有粉粒後備用
4) 蘿蔔刨皮切粗條，滾水灼蘿蔔5分鐘可去腥味和存放耐一點，倒去水後備用
5) 爆香臘腸出油後、加入蝦米、瑤柱和冬菇爆香，倒入蘿蔔條炒勻 (臘腸自己會出油 如不夠肥可另加油)，再加300毫升滾水，下麻油、胡椒粉、雞粉、糖和鹽，大滾後熄火 (乾貨可留小許鋪面用)
6) 將剛開水的粉漿慢慢倒入，推至半生熟漿，不要推到過熟濃稠但也不要過稀，程度大概要用點力才推到的漿一樣
7) 糕盆先掃一層薄油，將粉漿倒入糕盆內並掃平，將餘下小份乾貨鋪在糕面
8) 大火蒸 45分鐘即成，竹筷子插入取出後沒有粉漿黏住即可，襯熱撒上芫茜蔥或芝麻
9) 待涼後放入雪櫃雪數小時待結實即可煎來吃
Tips:
1) 水和粉的分量好在乎你的蘿蔔多不多水 要靠一些經驗來判斷
2) 4日之內要食哂 因為無落防腐劑有冬茹好易壞
3) 落生粉可以令糕更滑 剛蒸完會好似好水 待放涼後會結實返
4) 我這個食譜質地偏軟滑身，但煎出來形狀還是挺身 你可自行微調做出自己所喜歡的軟硬度
5) 我無蒸爐 每次只可蒸到二底 有點廢時..
6) 蒸盒可在油麻地上海街街頭一帶購買 有不同形狀
對我來說有點媽媽style的菜式， 不過我家男人喜歡食花膠同鮑魚，所以佢向加拿大探親回來就煮俾佢食！花膠又係aeon 的花膠仔，不用浸發十分方便，重要都好膠質同便宜；認真煮可用大花膠筒☺️
材料
花膠仔 1包
罐頭鮑魚 1罐 (留下50ml鮑魚汁）
冬菇 8粒（用水浸軟, 留下200ml 浸冬菇的水）
蝦米少許 (用水浸軟)
蔥 少許
薑片 2片
蒜頭 4粒
水 100ml
調味料
糖 1茶匙
蠔油 1茶匙
老抽 1湯匙
做法
1) 冬菇去蒂，用生粉摩擦表面後，沖水洗淨抹乾水份，備用
2) 燒熱油鑊，將蝦米，蔥，薑和蒜爆香，加入冬菇炒香
3) 加鮑魚汁，浸冬菇的水加蓋煮滾後加入鮑魚，轉中小火，燜煮30分鐘至冬軟稔
4) 加花膠和調味料，加蓋繼續煮15分鐘
5) 將1湯匙生粉同1湯匙水混合之後倒入鍋中，攪拌至湯汁濃稠即成
