𝙎𝙞𝙢𝙥𝙡𝙚 𝙎𝙞𝙘𝙝𝙪𝙖𝙣 𝙨𝙩𝙮𝙡𝙚 𝙗𝙤𝙞𝙡𝙚𝙙 𝙛𝙞𝙨𝙝
就快母親節🫶🏻 大家有冇諗過煮餐飯俾媽媽食做母親節禮物呢💕
我媽媽一向無辣不歡！如果你哋都一樣，咁今次介紹俾大家嘅呢個菜式就啱晒啦~
今次推介大家煮呢個菜式非常方便快捷，新手都絕對可以煮到餐廳水準！片尾有彩蛋，偷拍👦🏻對呢碟餸嘅評語🤣 記住要睇到尾😛
超簡易川式風味水煮魚 中式食譜
節日食譜
賀年蜜汁金蠔花膠撈飯 中式食譜
賀年食譜❤️呢個飯非常之吸睛，朋友贈送的流浮山金蠔每隻都非常之飽滿😍再加入蜜汁撈飯食好開胃🦪食譜都好簡單，絕對唔複雜🥰新年如果要整不同菜式，有機會搞到廚房亂七八糟😂今次同大家介紹下呢隻佳能雙重鎖緊密實袋✨佢一盒有齊2種尺寸 ，唔駛再驚買錯Ｓｉｚｅ用唔著😂！今次我用咗細袋浸花膠，而佢仲有雙重鎖緊封口，所以浸發過程都唔會漏水，亦可以確保水份蓋過花膠表面！
賀年胡麻海鮮一品鍋 中式食譜
新年意頭菜式🧧今次使用了日本百年老店茅乃舍的胡麻湯包，超好吃非常健康的湯底！湯包嘅主要材料都係採用了天然食材，不含化學成份和防腐劑，小朋友都食得放心✨超級香濃的胡麻味！用嚟整新年一品鍋十分方便好吃❤️食完晒啲餸可以再用來煮麵吃🥰最重要係處理湯底非常方便，5分鐘內完成！新年都比較忙，而呢個超方便好吃健康湯底就大派用場，再準備材料就可以一鍋煮熟☺️ 芝麻鍋濃郁的香氣更帶來滿滿喜氣💓
🖤🤍Happy Fathers Day🖤🤍
我Daddy向我細個已經係家中神隊友
(相入面高舉雙手個位)
而家都進化做超強湊孫公公
我性格都學咗佢
好多事都親力親為
處理解決得到就盡做
父母的確十分影響
一個人的性格和成長
好在有您這個榜樣
養兒方知父母恩💖
送給Daddy & 👦🏻的禮物 就係飯一餐
各男子點評:
Daddy話好好好好食
細佬飲咗好多碗魚湯
熟客👦🏻淡淡地說了一句好食 (💢)
👶🏻大叫munmun同食咗好多魚魚
Menu:
▪️潮式浸花甲
▫️香草牛油蒜蓉焗澳龍
▪️荷葉蒸花竹蝦
▫️清蒸東星班
▪️櫻花蝦西班牙黑毛豬蓮藕餅
▫️芝麻手撕清遠雞
▪️清炒本地菜心苗
▫️奶白魚湯煲豆腐
▪️香軟煲仔白飯
P.S. 個菜心睇擺碟都知唔係我style… by👦🏻
💙
琥珀合桃 甜品食譜
👦🏻話佢細個同屋企人向嘉麟樓食飯之前最鍾意食呢個小食喎😂其實之後佢有時都會整，但係我冇post過🤣呢個係佢👵🏻教佢整架！其實都好易整！出面買都幾貴，自己整可以一次過整大量，再放入樽仔或者保鮮袋收藏，得閒當小食食下✌🏻
PS: 製作過程啲相影得唔係好清楚，廢事阻住大師傅開工啦😌
▶️用油炸係最傳統嘅做法！做出嚟嘅效果亦都係最脆身！用焗爐都得！不過效果一定有少少分別😶
▶️如果用焗爐請先把芝麻和合桃攪拌均勻，焗爐用150度焗20分鐘！
材料:
琥珀合桃 1斤
水 150ml
片糖 100g
白糖 30g
麥芽糖 80g
芝麻 20g
做法:
1) 芝麻白鑊炒香
2) 水加入半茶匙鹽，再加入合桃煮3分鐘以去苦澀味，瀝乾備用
3) 鍋中加入水，再加入麥芽糖、片糖和白糖小火煮至糖完全溶化及開始有糖漿狀態！加入合桃，再用中火不斷攪拌至每一粒合桃都鋪上糖漿！
4) 熱鍋加入適量的油，用中小火把合桃炸約3分鐘至琥珀色後拿起，立即加入芝麻攪拌均勻！
5) 鋪平待凉後便可食用或儲存！
中式炆溏心乾鮑 中式食譜
雖然未必好多人有興趣，但都想分享吓啲手工菜😎以前我都以為自己炆乾鮑好困難！但係整過一次之後就發現其實只係需要多啲時間！如果有真空煲就更加方便！整完覺得好滿足同超級無敵好食😍😗😍😗我幾年前第一次係買啲最平嘅中國乾鮑測試🤣之後再開始用南非>中東>到呢期都係用日本吉品鮑♥️💕♥️💕價錢唔平但係真係好食！有時候是要對自己好一點呢🥺炆鮑魚絕對係一項技能解鎖😽
今次我仲用咗個炆鮑魚湯底去煮蝦子麵食！super yummy! Speechless✌🏻
▶️炆完鮑魚個湯可以留返做上湯或飲都得！如果覺得太油，可以雪一晚之後，油就會凝固浮面，咁就可以整走上面層肥油
▶️如果用明火怕痴底要加竹笪防黐底！我用真空煲炆就無加到！用真空煲不時煲滾佢，再放返內膽入就OK! 好方便❤️ 十分推薦✌🏻
▶️可以用牙籤向鮑魚中間吉一吉，如果可輕易穿過就係炆好！
材料:
乾鮑 10-12隻
排骨 1斤
雞 1隻
雞腳 10隻
金華火腿 50g
調味:
蠔油 1湯匙
老抽 1湯匙
冰糖 1湯匙
炆過鮑魚的上湯 200ml
生粉水 1湯匙
做法:
1) 乾鮑用水浸過面，放入雪櫃，每日換一次水，浸2日，之後再煲一鍋水，要可以蓋過所有鮑魚，連鮑魚煲滾後熄火，上蓋，室溫焗過夜！
2) 之後拿出洗一洗淨，再剪開鮑魚咀，將內裡的腸臟及污衊拿出，用手按一按鮑魚中間，如果仲係硬要再浸！浸透的話應該係會有彈性！
3) 其他材料落凍水，之後煲滾5分鐘後拿起洗淨，出水備用！排骨白鑊煎至金黃！
4) 煲底先放上竹笪，(竹笪買返黎要用滾水煮一煮消毒)，再放上排骨，一半雞腳，鮑魚，一半雞腳，最上層放雞，倒入水蓋過所有材料！
5) 煲滾後轉細火炆3小時，再熄火焗至溫度降至唔熱，再開火炆3小時，如此類推！大約炆3日！金華火腿先飛水，可以向第2日放落去！
6) 拿起鮑魚，放置等15分鐘令鮑魚收水令到有溏心效果，再加入調味料的材料，細火煮15鐘，再加入生粉水埋獻即成
足料臘味蘿蔔糕 中式節日食譜
<食譜改良> 今年限量地整咗六底！五底都俾哂朋友😆自己整嘅蘿蔔糕真係好食好多！我最鍾意食到一條條蘿蔔！咁多年都係用呢個食譜，蘿蔔全部切粗條！今次用咗日本大根、本地臘腸、北海道瑤柱同日本菇❤️❤️❤️每底都勁多料😜預祝各位新年快樂！🍊 With 1min cooking video on my instagram⭐️
材料 (10吋圓形 4底左右 /長形6底)
白蘿蔔 3斤 (大概2大條)
鷹粟粉 225g
粘米粉 75g
生粉 75g
臘腸 2-3條
蝦米 30g
冬菇 6粒
瑤柱 適量
水 900毫升
滾水 300毫升
鹽 15g
雞粉 35g
糖 75g
胡椒粉 1茶匙
麻油 45g
做法:
1) 乾貨全部浸水過夜或半天，切小粒備用
2) 臘腸飛水後切粒
3) 鷹粟粉、粘米粉和生粉倒在大盤中，逐小加入900毫升水 可用手搓滑至粉漿沒有粉粒後備用
4) 蘿蔔刨皮切粗條，滾水灼蘿蔔5分鐘可去腥味和存放耐一點，倒去水後備用
5) 爆香臘腸出油後、加入蝦米、瑤柱和冬菇爆香，倒入蘿蔔條炒勻 (臘腸自己會出油 如不夠肥可另加油)，再加300毫升滾水，下麻油、胡椒粉、雞粉、糖和鹽，大滾後熄火 (乾貨可留小許鋪面用)
6) 熄火後要立刻將剛開水的粉漿慢慢倒入，推至半生熟漿，不要推到過熟濃稠但也不要過稀，程度大概要用點力才推到的漿一樣
7) 糕盆先掃一層薄油，將粉漿倒入糕盆內並掃平，將餘下小份乾貨鋪在糕面
8) 大火/ 100度蒸1-1.5小時即成，竹筷子插入取出後沒有粉漿黏住即可
9) 待涼後放入雪櫃雪數小時待結實即可煎來吃
Tips:
1) 水和粉的分量好在乎你的蘿蔔多不多水 要靠一些經驗來判斷
2) 4日之內要食哂 因為無落防腐劑有冬菇好易壞
3) 落生粉可以令糕更滑 剛蒸完會好似好水咁 待放涼後會結實返
4) 我這個食譜質地偏軟滑身，但煎出來形狀還是挺身，你可自行微調做出自己所喜歡的軟硬度
5) 蒸盒可在油麻地上海街街頭一帶購買 有不同形狀
6) 熄火後立刻將剛開水的粉漿慢慢倒入，因為要有熱度才可把粉漿堆至半生熟漿，不然會水汪汪！
#betiskitchen中式#betiskitchen新年
黑松露羊肚菌素蘿蔔糕 新年糕點食譜
#StartGreenWithMiele 新年新態度Healthy life healthy new year🌿新一年希望整多啲素菜食譜！培養低碳習慣以建立更美好的環境🌏原來素蘿蔔糕都好好食！以前覺得自己整中式糕點好麻煩，但整完一次之後真係返唔到轉頭！好食過出面買嘅好多😌全天然無防腐劑足料糕點🍀✨ @miele_hk
材料: (4底左右)
白蘿蔔 3斤 (大概2大條)
鷹粟粉 225g
粘米粉 75g
生粉 75g
羊肚菌 8條
紅蘿蔔粒 30g
菜脯粒 30g
冬菇 6粒
黑松露醬 2湯匙
水 900毫升
滾水 300毫升
鹽 25g
菇粉 25g
糖 75g
胡椒粉 1茶匙
麻油 45g
做法:
1) 乾貨全部浸水過夜或半天，切小粒備用
2) 鷹粟粉、粘米粉和生粉倒在大盤中，逐小加入900毫升水 可用手搓滑至粉漿沒有粉粒後備用
3) 蘿蔔刨皮切粗條，滾水灼蘿蔔5分鐘可去腥味和存放耐一點，倒去水後備用
4)熱鍋下2湯匙油後，加入紅蘿蔔粒、菜脯粒、羊肚菌、黑松露醬和冬菇爆香，再倒入蘿蔔條炒勻，再加300毫升滾水，下麻油、胡椒粉、菇粉、糖和鹽，大滾後熄火 (乾貨可留小許鋪面用)
5)立即將剛開水的粉漿 (先攪勻，粉可能沈底)，倒入剛熄火的鍋中，用力不斷推至半生熟漿，不要推到過熟濃稠但也不要過稀，程度大概要用點力才推到的漿一樣
6)糕盆先掃一層薄油，將粉漿倒入糕盆內並掃平，將餘下小份乾貨鋪在糕面
7)大火蒸 45分鐘即成，竹筷子插入取出後沒有粉漿黏住即可，襯熱撒上芫茜蔥或芝麻
8)待涼後放入雪櫃雪數小時待結實即可煎來吃
Tips:
1) 水和粉的分量好在乎你的蘿蔔多不多水 要靠一些經驗來判斷
2) 4日之內要食哂 因為無落防腐劑有冬菇好易壞
3) 落生粉可以令糕更滑 剛蒸完會好似好水咁！但待放涼後會結實返
4) 我這個食譜質地偏軟滑身，但煎出來形狀還是挺身 你可自行微調做出自己所喜歡的軟硬度
5) 蒸盒可在油麻地上海街街頭一帶購買 有不同形狀！
#betiskitchen中式#betiskitchen素#betiskitchen新年
玫瑰北海道牛奶官燕 紅菜頭棗泥千層糕 甜品食譜
Super easy and yummy! 用咗6盞印尼三角燕窩！再加北海道牛奶玫瑰花去燉！超正養顏⭐️唔係真係想象中咁貴！我呢到成本大約$400已經做到啖啖燕窩for 7-8個人食💖
紅菜頭棗泥千層糕係跟 @miele_hk 食譜，可以參考返佢地IG/YouTube👐🏻不過我比較懶就無好認真整千層，整咗漸變效果！我蒸好放入雪櫃，之後就咁凍食！有埋合桃好健康又有口感^_^✌🏻Thanks for the cooking kit @miele_hk 💚
▶️燕窩不宜用高溫煮！最好用細火燉！內含燕窩酸和膠原蛋白，不宜煮太耐，大約30分鐘就夠💖
.
.
材料: (4人用)
燕窩 3盞
牛奶 500ml
冰糖 2湯匙
玫瑰花瓣 1湯匙
做法:
1) 燕窩先以熟溫水浸發6小時，期間換1次水挑除雜質，再以開水過濾，然後瀝乾備用
2) 燕窩加入牛奶，再加入冰糖！玫瑰花瓣放入細魚袋/茶包，加入牛奶中！
3) 細火燉30分鐘即成，把茶包拿走，可以放上玫瑰花瓣作裝飾！
#betiskitchen中式#betiskitchen甜品
冬至快樂🤍𝐻𝒶𝓅𝓅𝓎 𝓌𝒾𝓃𝓉𝑒𝓇 𝓈𝑜𝓁𝓈𝓉𝒾𝒸𝑒❄️
Dinner for family: 6 dishes x one soup x 🍚 最滿意係浸咗3日又炆咗3日的乾鮑！最尾重溫下個食譜🥢煮就唔係煮咗好耐，朝早買好餸4點半先開工🤣7點食得✌🏻所有菜式都有post過食譜！可以向我website search💞
.
.
🤍炆糖心乾鮑花膠冬菇
🤍紅燒五花肉
🤍沙薑手撕雞
🤍起沙黃金蝦
🤍清蒸東星斑
🤍上湯浸豆胚
🥣奶白魚湯豆腐
.
.
💖