西京燒鱈魚 + 清蒸鱈魚 (鱈魚二食)

西京燒鱈魚 + 清蒸鱈魚 (鱈魚二食)
西京燒鱈魚 + 清蒸鱈魚 (鱈魚二食)


好耐無出過魚類食譜🤣因為基本上我平時都係食清蒸魚😆 鱈魚在我心中價錢和味道都屬於是高端魚類,味道非常特別細膩,個種魚油甘甜味無其他魚取代到!今次整西京燒同清蒸都非常之好食!👶🏻鐘意食清蒸♥️💕鱈魚我在街市冰枱買,鐘意切幾厚都得✌🏻我返屋企自己再切走中間大骨,再切一半!(美觀一點和吃得方便一點!但煎的時候會比較易爛,要小心一點喔)

1) 西京燒鱈魚

▶️西京燒表面好易整,但要整到日本餐廳個種焦香乾身感唔易,上次去京都食懷石料理問了師傅秘訣
💛要有焦糖感覺就要最後塗上少少味醂再燒多陣
💛焗爐易焗到出水,instead可以平底鑊抹油再加塊牛油紙慢火煎就會更易令魚有焦金色又唔濕身
▶️醃至少一晚,二晚就更佳。

材料
銀鱈魚 /白鱈魚 2塊
西京味噌(白味噌) 100g (一定要用白味噌否則普通味噌會好咸!)
清酒 20g
醬油 10ml
糖 30g

做法:
1) 銀鱈魚洗淨吸乾水份,沿著圓骨位切成2件(美觀一點)
2) 西京味噌、清酒及糖攪勻,小火煮到粘身再加入醬油拌匀,待涼後地醬塗上銀鱈魚的上下,包上保鮮紙,放入雪櫃醃至少1日
3) 銀鱈魚取出,抹去銀鱈魚表面的味噌醬
4) 於平底鑊上塗上油,再加牛油紙慢火煎至二面焦黃,反轉時要小心點否則好易散開,最後再輕輕塗上一層味醂再燒多陣即成!

2) 清蒸白鱈魚

直接大火蒸8-10分鐘!倒走蒸後碟上的魚水,放上蔥花!淋上滾油和蒸魚豉油即成!

#betiskitchen魚#betiskitchen中式#betiskitchen日式

花膠臘腸鮑汁煲仔飯 中式食譜

花膠臘腸鮑汁煲仔飯
花膠臘腸鮑汁煲仔飯


超級好食!花膠、臘腸再加煎過嘅瑤柱絲!Perfect Match! 飯焦好正💖花膠我去鴨脷洲大街買,臘腸用咗安記,再加隻日本蛋!呢個煲仔飯我自己諗出嚟嘅配搭,出面街都冇食過😗Inspired by myself🙂🙂🙂野生鮑魚汁係之前朋友向澳洲送俾我😭向香港我都未搵到!呢個飯真係好好食!5分鐘清哂😆💞


▶️如果煮到最後都覺得冇飯焦,可以試吓細火繼續煮5分鐘再焗5分鐘!飯焦呢樣嘢,真係好睇每個屋企嘅爐頭🥲好難一概而論🔥
▶️無鮑魚汁可以用蠔油代替
▶️菜心分開煮最後先放入去會冇咁容易變老
▶️發花膠details可睇返我之前的post!向我個blog到search💖



材料: (2人用)
花膠 1大塊/ 2-3條
米 2米杯
水 2米杯
鮑魚汁 1茶匙
瑤柱 2大粒
臘腸 2條
蛋 1隻
菜心 2條
甜豉油 適量
油 1茶匙

花膠調味料:
蔥 2條
蠔油/ 鮑汁 1湯匙
雞湯 150ml
糖 1茶匙
老抽 1湯匙

做法:
1) 花膠浸1晚,之後用薑加小小米酒,煮一煲滾水再放入花膠,蓋上煲蓋,中火滾約3分鐘左右關火,花膠繼續蓋上蓋浸半日!
2) 瑤柱浸淋之後用油煎香,臘腸放入滾水煮3分鐘,切片備用,菜心用滾水煮熟
3) 花膠發好後,切粗條,煲中下油爆香蒜頭和蔥,快手下花膠輕炒後下雞湯和其他調味料,轉小火炆煮20分鐘
4) 鍋底抹1茶匙油,米洗淨後加入同等份量的水,再加多1茶匙鮑汁攪拌一下,蓋上鍋蓋以中火煮至鍋蓋緣有蒸汽冒出,再轉小火繼續煮約10分鐘至收水,之後放上臘腸、花膠、瑤柱碎,繼續煮5分鐘,再加入雞蛋煮多3分鐘,放上菜心,倒上甜豉油即成

⭐️如果想有飯焦可以最後轉中細火煮多5分鐘再熄火焗5分鐘⭐️

日式鰻魚炊飯 日式食譜

日式鰻魚炊飯
日式鰻魚炊飯


Inspired by 之前食懷石料理的菜式🤪呢個LC 18cm就係我人生第一個LC煲!用咗7年了😋飯類菜式我最鐘意用LC,因為可以鎖住熱力同保溫極強!食材可以均勻受熱!煮完之後再上蓋焗就好容易可以整到飯焦🤪個飯真係太好食同好易整!唔使10分鐘俾👦🏻食哂💞

▶️煲飯的湯要用木魚高湯,我用快速木高湯包嚟煲個湯底好方便!放入去水到煲5分鐘就完成♥️日式超市亦都有木魚湯粉!或直接用木魚碎去煲個湯底都好簡單!
▶️蛋絲係optional,純粹擺咗靚啲😅就咁平底鑊煎蛋再切絲就得!
➡️我用了2種菇,大家都可以用自己喜歡的菇

材料:
日本米 2米杯
木魚高湯 2米杯 (和米 1:1比例)
日式急凍鰻魚 1條
日本本菇 50g
日式醬油 1湯匙 
味醂 1湯匙
清酒 1茶匙

Optional:
三文魚子,大葉切碎,蛋絲

做法:
1) 米先洗乾淨,本菇去尾部,拆散備用
2)鍋中加入米,柴魚高湯、醬油、味醂和清酒攪拌均勻,然後再加入本菇攪拌均勻,開中火,湯滾後轉細火加蓋煮15-20分鐘或至飯乾身,再轉大火1分鐘後熄火,焗5分鐘 
3) 鰻魚解凍後!平底鑊下油,小火把鰻魚煎返熱!後然將鰻魚切大粒!
4) 把鰻魚粒鋪在飯上面,然後再灑上大葉,細火加蓋煮1分鐘後,再加入三文魚子和蛋絲即成

#betiskitchen日式#betiskitchen魚

意式焗海鱸魚 西式食譜

意式焗海鱸魚
意式焗海鱸魚


Last post of the Italian cooking series🇮🇹 雖然我發現大家都係鐘意Asian recipes 多啲🥲Anyways 呢個dish健康簡單!平時蒸魚太悶但又想食魚可以諗下呢個!仲可以食埋蔬菜💞師奶mode為咗換泊車買咗呢條意大利海鱸魚,平時向街市買條新鮮都得🤪

💚蔬菜只係參考!可以用鍾意嘅蔬菜去焗💚

材料:
海爐魚 1條
Rosemary 2湯匙
蒜頭 6瓣
檸檬 1個切片
Parsley碎 適量
橄欖油 適量
新薯、甘筍仔、彩色車厘茄、菠菜、蘑菇 適量
海鹽 1茶匙

做法:
1) 魚劏好洗淨抹乾備用!肚內放入1片檸檬和蒜頭,表面灑上1茶匙海鹽和1湯匙Rosemary!醃15分鐘備用!
2) 新薯加入適量橄欖油、1湯匙Rosemary和適量海鹽!放入焗爐180度焗30分鐘!
3) 菠菜用油炒熟
4) 魚、其他雜菜和檸檬,灑上適量橄欖油,放在牛油紙上,用170度焗20-25分鐘即成!之後可以放上parsley裝飾💚

#betiskitchen西式#betiskitchen魚

檸檬蜜糖香煎三文魚 西式食譜

檸檬蜜糖香煎三文魚
檸檬蜜糖香煎三文魚


今次用咗2種智利出產嘅食材!三文魚同牛油果🥑💞呢個餸甜甜酸酸好好食!最緊要都係好簡單😆幾日內已經煮咗2次!太易太好食!朋友同👦🏻都大讚👅三文魚肉質紮實鮮甜🧡btw唔講唔知,原來智利係全世界最大嘅藍莓、提子、急凍三文魚和青口出口國!想知道更多關於智利食材、酒的銷售地點可以睇 @prochile_hk ❤️ Thanks for the 💯 Chile food & wine🤲🏻

#unboxingChile#TasteofChile

材料:
三文魚 2件
檸檬 1個
蒜蓉 2湯匙
蜜糖/糖漿 4湯匙
牛油1湯匙
黑椒碎 適量
海鹽 適量
Parsley 適量

牛油果莎莎:
牛油果 半個
乾蔥碎 1湯匙
紅尖椒碎 1湯匙
青檸汁 1湯匙

做法:
1. 三文魚解凍後洗淨抹乾,用鹽同黑椒灑在2面
2. 檸檬切面!Parsley 切碎,牛油果壓碎!所有牛油果莎莎材料攪拌均勻!
3. 熱鍋下油,中大火煎熟三文魚!先煎有皮個面,皮煎約2分鐘再轉其他面煎熟!取出備用
4. 熱鍋下牛油,加入蒜蓉輕輕炒香,再加入Parsley碎、蜜糖和檸檬!煮1-2分鐘,可加入三文魚煮30秒或直接倒在三文魚上!
5. 加上牛油果莎莎一起進食即成

#betiskitchen魚#betiskitchen西式#prochile_hk#chile#tasteofchile

奶白魚湯豆腐 中式食譜

奶白魚湯豆腐
奶白魚湯豆腐


Encore fish soup again👌🏻今次又買左狗棍魚!$20一大碟仲要包處理😆魚檔大叔太好人🔥!今次用咗2斤魚配2000ml水,煲魚湯如果太少魚但加得太多水就會冇咗個鮮味!今次再加京都豆腐同埋芫荽!超級有益好飲!👦🏻👶🏻🐱大愛♥️simple food simple happiness👌🏻

▶️ 石九公、紅衫、狗棍、青根、梳羅和鳳尾等煲魚湯都一流!
▶️ 煲奶白魚湯唔好用魚袋!用咗方便但會冇咁甜😅我情願煲好再用篩隔走啲骨🐟
▶️ 魚要2邊煎熟,倒入去的水要滾,一路煲唔可以太細火!咁就一定有奶白色🥛

材料:
魚 1斤
豆腐 1磚
薑 1片
滾水 1000ml
芫荽 適量

做法:
1) 豆腐切中粒!
2) 把魚洗淨瀝乾水分,再用廚房紙巾吸下多餘水分。熱鍋下油,放入薑片中火,加入魚再煎熟至微金黃後,立刻倒入滾水!一定要滾水先會有奶白色!再中火煮約20-30分鐘即成魚湯!之後將魚用篩隔出來!
4) 魚湯中火煲滾後加入豆腐煮3分鐘,再試下味,落少少鹽,再加入芫荽即成!

#betiskitchen中式#betiskitchen魚#betiskitchen湯水

奶白魚湯豆腐浸花甲 中式食譜

奶白魚湯豆腐浸花甲
奶白魚湯豆腐浸花甲


其實要煲白雪雪的魚湯用好平嘅魚已經煲到!今次買左一碟狗棍魚都係$20!個湯好好飲煲完花甲勁鮮甜!仲要向九龍城街市買到超大靚靚花甲💙💙💙未試過食咁脹卜卜嘅花甲😌個魚湯煲好咗就留少少俾👶🏻飲!超有益♥️之後先攞嚟煮花甲!大細都食到舔舔👅😂



▶️ 石九公、紅衫、狗棍、青根、梳羅和鳳尾等煲魚湯都一流!
▶️ 煲奶白魚湯唔好用魚袋!用咗方便但會冇咁甜😅我情願煲好再用篩隔走啲骨🐟
▶️ 魚要2邊煎熟,倒入去的水要滾,一路煲唔可以太細火!咁就一定有奶白色🥛

材料:
花甲 1斤
豆腐 1磚
魚 1斤
薑 1片
滾水 1000ml
芫荽 適量

做法:
1) 花甲用鹽水浸1小時!豆腐切中粒!
2) 把魚洗淨瀝乾水分,再用廚房紙巾吸下多餘水分。熱鍋下油,放入薑片中火,加入魚再煎熟至微金黃後,立刻倒入滾水!一定要滾水先會有奶白色!再中火煮約20-30分鐘即成魚湯!之後將魚用篩隔出來!
4) 魚湯中火煲滾後加入豆腐煮3分鐘,之後再加入花甲大火煮至開殻,再試下味,夠咸便不用落鹽,再加入葱段或芫荽即成!

#betiskitchen中式#betiskitchen海鮮

清蒸魚 Steamed Fish in Chinese style 中式食譜

清蒸魚 Steamed Fish in Chinese style
清蒸魚 Steamed Fish in Chinese style



Simple cooking simple sharing🐠呢期都係簡單煮為主🥲一來想食得清淡啲一來無時間😌近期蒸過東星斑、珠星斑同金錢斑💙屋企2個人兄淨係鍾意食新鮮游水斑😥

▶️加幾條蔥向底,一斤左右大火蒸7-8分鐘,取出,倒走碟中嘅水,放上蔥花,淋上滾油,再倒上蒸魚豉油!
▶️兩斤以上可在魚鰭兩邊位切一刀會更易蒸熟
▶️魚夠新鮮絕對唔使落薑
▶️放蔥向底幫助蒸氣流通,可蒸均勻啲
▶️蒸魚豉油: 加1湯匙油爆香薑蔥,加入2湯匙老抽、1湯匙生抽、1.5湯匙糖和2湯匙水,煮滾即成

#betiskitchen中式
#betiskitchen魚

三文魚菠菜忌廉芝士意粉 西式食譜

三文魚菠菜忌廉芝士意粉


Super easy🥸最重要煎三文魚嗰陣唔好多手返黎返去!否則好易出水同煎唔到個皮脆!加咗菠菜可以食埋菜💚大家都好似鍾意意粉嘅食譜❤️所以我得閒都會諗吓同意粉有關嘅食譜🥳加多啲忌廉同芝士就會好creamy🐖but er….真心唔滿意呢個新買嘅平底鑊😫

▶️如果想煮俾小朋友食,可以唔用白酒,用煮過意粉嘅水嚟取代

材料:
意粉 300g
淡忌廉 100ml
三文魚 2塊
蒜頭 2瓣
洋葱 1/4個
菠菜 4扎
白酒 50ml
巴馬臣芝士碎
牛油 20g
橄欖油 適量
鹽適量
黑椒碎 適量
Parsley 適量
檸檬 半個

做法:
1) 燒滾熱水加1湯匙鹽,意大利粉按包裝指示減2分鐘來煮至Al Dente質感
2) 三文魚灑上適量的鹽和黑胡椒,菠菜洗淨後切去根部再切段,洋蔥切碎
3) 熱鍋下油,加入三文魚先煎有皮個邊!煎到金黃先反轉另一邊,再煎其他邊至9成熟,之後切大粒備用!
4) 燒熱油鑊中火下牛油再加適量橄欖油,加入蒜蓉和乾蔥炒香,再加入菠菜炒1分鐘,加入白酒煮1分鐘,加入意粉和三文魚粒攪拌,轉小火加入淡忌廉攪拌均匀至醬汁變稠,再加入芝士和適量鹽和黑椒碎調味,放上parsley和檸檬既成

#betiskitchen西式#betiskitchen意粉#betiskitchen魚

酸菜魚 中式食譜

酸菜魚
酸菜魚


<改良版>有時想食酸菜魚,其實自己在家煮都可以煮到這個味道,還可以不落味精健康點 。但油多就是一定的,四川菜嘛。但個人真係不喜歡鯇魚片的細骨,今次用左原條東星斑起肉,叫魚檔幫手起就得!留頭、尾和骨整魚湯底!之後我話好似爭咗啲嘢… 👦🏻同我走去花樽到執啲菊花落去😂😂😂…
.
.
▶️加入蛋白同生粉去醃魚可以令魚更滑嫩和不易碎,但魚如果煮得太熟係超易散開!
▶️如果嫌麻煩可以就咁用現成嘅魚湯800ml做湯底!
.
.
材料:
魚片 300g (可用鯇魚/桂花魚/斑/龍躉/魚柳)
魚頭、魚骨和魚尾
鹹酸菜 100g
野山椒 10隻
乾辣椒 10隻
蒜片 1湯匙
薑蓉1湯匙
滾油 3湯匙
芝麻 1湯匙
蔥花 1湯匙
指天椒 5隻

調味料:
雞粉 1茶匙
紹興酒 1茶匙
滾水 800ml
糖 1湯匙

魚片醃料:
蛋白 1湯匙
生粉 1茶匙
糖 1/2茶匙
鹽 1/2茶匙
熟油 2湯匙

做法:
1) 魚肉洗淨後下醃料拌匀醃10分鐘,魚骨、魚尾和魚頭加鹽和紹興酒醃10分鐘(用現成魚湯可skip)備用
2) 酸菜洗淨後切去尾部,再切粗條,指天椒、乾辣椒和野生椒切粗條
3) 熱鍋下油,加入酸菜炒1分鐘,再加入野山椒,乾辣椒,蒜片及薑炒多1分鐘,拿起備用
4) 熱鍋下油,加入魚骨、魚尾和魚頭爆香,煎至兩面金黃,倒入滾水和調味料,再加入之前炒香了的酸菜配料,慢火煮15分鐘!
5) 把湯內所有材料撈起,放中碟中備用,湯底繼續煮,加入魚片煮熟!(約1分鐘)
6) 把魚片放在碟上,再倒入湯底,灑上蔥花芝麻和辣椒碎,最後淋上滾油即成

#betiskitchen中式#betiskitchen魚