簡易雜菜三文魚忌廉濃湯通粉 西式食譜

𝑪𝒓𝒆𝒂𝒎𝒚 𝒔𝒂𝒍𝒎𝒐𝒏 𝒔𝒐𝒖𝒑 𝒘𝒊𝒕𝒉 𝒎𝒂𝒄𝒂𝒓𝒐𝒏𝒊

簡易雜菜三文魚忌廉濃湯通粉



been busy lately and this one pot soup is good for the whole fam with lots of nutritional ingredients! 呢排都比較忙,而我家大小少爺對食對比較有要求🤦🏻‍♀️呢一個湯絕對滿足到佢哋又滿足到我自己😂一個湯有哂魚同蔬菜,再加通心粉!非常之健康亦都可以直接當一餐🥰💯媽媽方便快捷之選💖

簡易日式滑蛋鰻魚飯 日式食譜

簡易日式滑蛋鰻魚飯
簡易日式滑蛋鰻魚飯

𝑱𝒂𝒑𝒂𝒏𝒆𝒔𝒆 𝒈𝒓𝒊𝒍𝒍𝒆𝒅 𝒆𝒆𝒍 𝒂𝒏𝒅 𝒆𝒈𝒈 𝒓𝒊𝒄𝒆

A simple dish which is good for cooking on a workday, just grab a grilled eel from supermarket and cooking time less than 15mins😋簡單的一個15分鐘日式料理💖呢個食譜其實係三年前寫過,以前未有👶🏻成日都會煮日式大餐,而家真係好耐冇玩過😂基本上都係煮一至兩個主菜就收工😽就咁呢個飯都可以當一餐,再加幾條菜😎

辣菜脯潮州魚蛋米粉 中式食譜

辣菜脯潮州魚蛋米粉
辣菜脯潮州魚蛋米粉


魚蛋麵在家煮唔一定tur,裝飾一下再加用靚靚材料其實都可以好吸引😎話說呢2個幾星期👩🏽回鄉了,這幾天的生活都超級繁忙,不過都非常之珍惜可以每日同👶🏻獨處的時光🥰Anyways無咩時間認真煮飯都係煮一啲簡單菜式為主😽今次響九龍城買了肥牛和新鮮製造潮州魚蛋蝦棗💞食得出非常之足料,簡簡單單非常之好食!happy happy☺️

魚湯白胡椒蘿蔔豆腐浸花甲 湯水食譜

魚湯白胡椒蘿蔔豆腐浸花甲
魚湯白胡椒蘿蔔豆腐浸花甲


30秒學會 今次又改良咗一次呢個餸💕加入了白胡椒和白蘿蔔!超級鮮甜好吃💙絕對係多功能菜式,因為可以當湯飲又有得食埋啲蜆🤍今次用了剝皮魚去煲的奶白魚湯!勁鮮甜🍼個湯好好飲煲完花甲更加鮮甜!個魚湯煲完豆腐同白蘿蔔之後,落花甲之前就留少少俾👶🏻飲!超有益♥️之後先攞嚟煮花甲!大細都食到舔舔脷♥️我超鍾意食芫荽!最後加咗白胡椒🤣有人問我係唔係花甲有沙😂唔係喔白胡椒來的😆

無水蒸蒜蓉金菇魚 中式食譜

無水蒸蒜蓉金菇魚
無水蒸蒜蓉金菇魚


Healthy fish dish! 🐟今次買了一條冰枱燕星斑!用呢個新煲整個無水蒸先😋Oblong長身而有深度,非常之適合煮原條魚類料理!💖冰枱魚味度始終比唔上新鮮魚,但好處就是價錢比較實惠,亦適宜用多一點的調味,今次整咗個蒜蓉醬放在金菇上!再加上魚的精華,金菇非常之鮮味😽 十分健康的一個家庭菜式🤍

🧡New @lecreusethk Fleur Relief Oblong Casserole 31cm Cotton 非常之實用🧡

蒜香忌廉三文魚意粉 西式食譜

蒜香忌廉三文魚意粉
蒜香忌廉三文魚意粉


<With Eng recipe> whenever I can’t think of what to cook, I always go for easy pasta🤪 呢個意粉大部分材料都可以一早買定,三文魚用急凍,遲菠菜苗都係用急凍🫣,簡單方便!特別適合放工極速煮💕意粉用任何意粉都得!我今次用了Rigatoni

超滑薯蓉配香煎脆皮三文魚 西式食譜

超滑薯蓉配香煎脆皮三文魚
超滑薯蓉配香煎脆皮三文魚


超級鍾意食三文魚!🇳🇴今次用了一隻挪威極光三文魚,是好食的,但食唔出同平時的三文魚有咩分別😂但三文魚真心好方便,一解凍就煎得,再加上非常非常滑嘅薯蓉🤤雖然薯蓉感覺有點邪惡,不過話說我吃不飽是睡不著的😅唔理得咁多想食就食,唯有做多點運動❤️‍🔥如果連食嘢都要經常控制住我覺得好辛苦🥲cooking and eating give me happiness❤️

檸檬蜜糖香煎三文魚 西式食譜

檸檬蜜糖香煎三文魚
檸檬蜜糖香煎三文魚



呢個食譜半年前post過🙃就是一個很簡單而又好吃的菜式,重點係三文魚好健康,我超鍾意食三文魚!出奇地向餐廳竟然冇食過呢個菜式😆改良一下,省卻了牛油果莎莎,加入了黃金薯仔粒和車厘茄,用了Rosemary取代Parsley!原來仲好食🧡比多少少創意就可以創造到不同版本的食譜😎

▶️三文魚建議買連皮去骨三文魚塊,方便又快捷!小朋友都非常之適合食用!如果兩件三文魚唔夠食直接加多2件,醬汁材料可以乘2!

材料:
三文魚 2件
檸檬 1個
蒜蓉 2湯匙
車厘茄 10粒
薯仔 1個
蜜糖/糖漿 4湯匙
牛油1湯匙
黑椒碎 適量
海鹽 適量
Rosemary 3條

做法:
1) 三文魚解凍後洗淨抹乾,用鹽同黑椒灑在2面
2) 檸檬切片,薯仔去皮切小方粒,車厘茄切半
3) 熱鍋下油,中細火有耐性地把薯仔粒煎至金黃色,其間加1條Rosemary一起煎取其味,再下少許鹽和黑胡椒,拿起備用
4) 熱鍋下油,中大火煎熟三文魚!先煎有皮的一面,皮煎約2分鐘後,再轉其他面煎熟!取出備用
5) 熱鍋下牛油,加入蒜蓉和車厘茄輕輕炒香,再加入Rosemary、蜜糖和檸檬!煮1-2分鐘,可加入三文魚煮30秒或直接倒在三文魚上即成

#betiskitchen魚#betiskitchen西式

三蒽花雕焗鱈魚 中式食譜

三蒽花雕焗鱈魚
三蒽花雕焗鱈魚


其實一直都想出多一點魚類食譜,一來自己好喜歡食魚,二來就是魚好健康🐟平時多數都係就咁清蒸魚,上個星期向中菜廳品嚐過這個菜式之後,念念不忘!因為自己實在太鍾意食鱈魚,所以即刻返去研究研究!結果成品非常滿意🫣三種蒽包括美國紫洋蔥、日本京都九條蔥和本地乾蔥頭!再加入花雕酒超級好食!💕

個人喜歡在街市魚檔買鱈魚,平過超級市場,同可以切我鍾意嘅厚度✅

▶️要將鱈魚煎至乾身而不散開,必須要有適量的油,而且鱈魚要盡量印乾身!煎之前一刻才把生粉輕輕沾上,之後便要立即放入油內煎🖤煎的時候不要多手反來反去喔

▶️最後落完調味料之後轉中大火把醬汁輕輕煮至乾身,會更有風味

材料:
鱈魚 2塊
乾蔥頭1個
紫洋蔥 半個
花雕酒 1湯匙
蒽 2扎
薑 4片
生粉 適量
紅椒&芫荽 (裝飾用 can skip)

調味料:
蠔油 1湯匙
老抽 1 茶匙
糖 1/2茶匙
水 2湯匙

做法:
1) 紫洋蔥切條、乾蔥頭切碎、蒽切段!鱈魚切件,可以一開四,中間條骨不要,盡量不要切得太細件,否則好容易煎散
2) 鱈魚用廚房紙巾抹乾身,兩邊加入少許白胡椒和鹽,之後預備生粉,燒熱兩湯匙油,把鱈魚兩邊輕輕撲上生粉,之後便立刻放入油中,中火煎至2邊金黃色,約6分鐘,拿起備用
3) 熱鍋下油,加入乾蔥、紫洋蔥、蒽和薑用中火爆炒2分鐘!小心加入魚塊,然後倒入花雕酒讓酒精揮發!之後便可以倒入調味料輕輕攪拌均勻,煮至乾身即成

#betiskitchen中式#betiskitchen魚