Perfect appetiser for a cooking gathering💞簡單版的口水雞！非常之適合做宴客冷/常溫盤，可以預先準備，而且常溫進食，免卻了烹調多個菜式保溫的問題😝當然亦可以平日晚飯煮這個，突然想食辣或者冇乜胃口，用來拌飯非常之開胃✌🏻個人非常鍾意烹調手撕雞原因是，蒸好雞肉後手撕，再拌入醬汁非常之方便而且啖啖肉😽
四川麻辣口水手撕雞 中式食譜
冷盤
黑松露秘製辣汁撈花甲 中式食譜
向街市見到美美的紅肉花甲💞雖然佢冇花甲王咁大隻但係我覺得好鮮甜同埋影相好靚🥰加咗黑松露醬味道好特別！不過optional，唔加都絕對無問題👌🏻Super simple and easy❤️❤️一定好食！Inspired by myself🙂
蒜蓉蒸日本雙色茄子 中式食譜
蒸茄子不油炸不變黑小技術💖超級好食！加埋蒜蓉汁非常入味！上次向批發市場生果部買咗個日本土佐白茄子試下🤍💜🤍💜 日本茄子皮薄細嫩吸收醬汁非常好食😍最重要呢個餸菜好簡單方便，亦都可以放涼當冷盤進食喔😌
藤椒麻辣手撕雞 中式食譜
又係手撕雞 ！因為實在太簡單同埋非常惹味😝亦都可以做冷盤，係夏天非常之適合進食的一個菜式🤪今次用咗呢枝豪吉藤椒油，帶有鮮麻清爽味，做到非常正宗地道四川菜的味道👌🏻藤椒油亦都適合各種麵食、炒菜、燜炖、涼拌及水煮菜式 ！真心加咗就有個種麻香味 ！其實我都係第一次用藤椒油~佢同花椒油有點相似，但比花椒油入口更麻香和清新💕
金磚豆腐 中式食譜
<With eng recipe>話說去西貢食海鮮成日都好鍾意叫呢個菜式😍但係幾年前返屋企整過幾次都唔得！主要係個皮唔夠厚同一放多陣就淋😅為了整餐西貢海鮮宴，特登研究同實驗咗幾次🫶🏻得咗！炸粉的配方參考專業廚師 @sauce_kitchen2018 🙏🏻💕 btw我的廚房新手人妻朋友根據我的口述，都成功做到😂😂😂 (pic 4-5)
超滑檸檬手撕雞髀 中式食譜
<With Eng recipe> 好味到飛起！超級簡單超級滑！今次買咗4隻雞脾😹其實買個時未諗到煮咩，夏天就突然間想食酸味🍋用返之前泰式花甲個汁去整手撕雞！效果非常夾，重點係好好食🫣記住mark底下面整滑滑雞髀tips啦💕
潮式撈汁花甲 中式食譜
第一次認識呢個菜式係2年前向好酒好菜食過😛之後整過幾次，尋晚再調教過個汁煮多次，無落辣椒仔，口味清新啲💛呢個餸我發現用細隻啲的花甲係好食過大大隻😅！Super simple and easy❤️ 呢排掛住整新年糕點，煮啲簡單嘅嘢算😴
▶️紅尖椒同芫荽盡量切細緻一點，口感和賣相都會比較突出
材料:
花甲 1斤
醬汁:
芫荽 1扎 (切細粒)
紅尖椒 半條 (切細粒)
蒜蓉 1湯匙
麻油 1茶匙
生抽 1湯匙
魚露 1湯匙
糖 2茶匙
水 50-100ml (自己試下味)
1) 花甲先浸洗，鍋中水滾後加入花甲大火煮至開口，拿起沖一沖凍水，再移走另一邊殼！排在碟上備用！
2) 醬汁所有材料攪拌均勻，自己試吓味先！
3) 倒在花甲上即成
#betiskitchen中式#betiskitchen海鮮
黑松露秘製辣汁撈花甲 中式食譜
今日向街市見到美美的花甲💞整返個之前已經整過嘅菜式！😗不過個汁調教過，今次加咗黑松露醬crossover！仲好食🤤不過optional，唔加都絕對無問題👌🏻Super simple and easy❤️❤️一定好食！用其他海鮮都得👦🏻大讚！Inspired by myself！無向餐廳見過呢個dish🙂
🧡今次用咗 @lecreusethk 今日新出嘅Harry Potter 系列！一人一碟超靚❤️
#LeCreusetXHarryPotter
材料:
花甲 1斤
芫荽 1扎
醬汁:
蒜蓉 2湯匙
辣椒切碎 3條
炒香過的芝麻 2湯匙
黑松露醬 1湯匙 (optional)
滾油 3湯匙
生抽 2湯匙
蠔油 1湯匙
花雕 1茶匙
糖 1茶匙
水 2湯匙
1. 花甲先浸洗，鍋中水滾後加入花甲煮至開口，拿起沖一沖凍水，再移走另一邊殼！排在碟上備用！
2. 蒜蓉、芝麻、黑松露醬和辣椒碎攪拌均勻，倒上滾油，之後再加入其他材料攪拌均勻即成醬汁！自己試吓味先！
3. 倒在花甲上，再放上芫荽碎即成
#betiskitchen中式#betiskitchen海鮮
醉溏心蛋 中式食譜
向日式超市發現到好多未見過的日本蛋👻我好鐘意食蛋🧡今次用咗呢隻夢王整醉蛋recommended! 因為易剝殼！蛋味濃色橙紅！來自兵庫県產日本生雞蛋拌飯冠軍😌太好食一次就俾👦🏻食哂🤨重post之前剝蛋殼video🥸食譜之前post過，改良咗少少💛 加多咗2粒八角落去浸😸
⭐️認真打多d tips等大家都可以成功⭐️
▶️水大滾先好落蛋！
▶️唔好一次煮咁多隻蛋！因為會令到水溫降底！如果水唔能夠蓋得住成隻蛋，有可能會爆！
▶️我經驗⋯⋯啡蛋係易剝殼過白蛋🤔
▶️唔好用平時剝全熟蛋的方法剝！要先輕輕向枱面敲碎蛋殻，再細心用匙羹輕輕敲到蛋殼全部變到碎晒！如video然後先開始用手指邊推走d殻！咁就會白滑無手指印🤍
材料:
日本蛋 6隻
杞子 10粒
冰水 適量
醉汁:
花雕 50ml
糟鹵 150ml
水 50ml
魚露 1茶匙
糖 2湯匙
玫瑰露 1湯匙
做法:
1) 杞子略略浸水
2) 燒一大鍋熱水，水煮到大滾用勺輕輕的將蛋放入 (大滾不是小滾喔)
3) 繼續用大火煮6分鐘
4) 煮蛋的同時準備一碗的冰水，時間一到，立刻將蛋從滾水中撈起放在冰水中快速冷卻 (煮時可用🥄攪拌一下蛋好讓蛋黃置中)
5) 待完全冷卻後小心的剝去蛋殻，可把蛋的四圍敲一敲更易剝
6) 醉汁開細火煮至小滾熄火，待涼透後才加入雞蛋，必須浸過每隻雞蛋，放冰箱雪一晚即可食用，如果雪第二晚就最溏心
簡易醉雞翼 中式食譜
雖然我最喜歡吃的酒醉菜式是醉鮑魚，但係有時整下雞翼都不錯，方便同唔須要擦洗😂可以當做小食，或冷盤送飯都好正💛
➡️ 把煮熟的雞翼浸冰水可令雞皮收縮更滑口
➡️ 可自行試味，唔夠咸可加魚露/唔夠甜可加糖/唔夠酒味可加花雕
➡️雞翼過冰水後盡量抹走雞油才放入醉雞汁，否則醉雞汁會不夠清油淋淋
材料:
雞翼 12隻
杞子 10g
薑片 5片
葱段 4棵
冰水 適量
醉雞汁:
花雕 50ml
糟鹵 150ml
魚露 1湯匙
糖 2湯匙
玫瑰露 1湯匙
做法:
1) 杞子略略浸水
2) 雞翼、葱段及薑片放凍水開細火飛水，水小小滾起時要轉最小火煮5分鐘，冚蓋熄火用餘熱焗5分鐘，馬上拿出放在冰水沖浸
3) 醉雞汁開細火煮至小滾熄火，待涼透後才加入雞翼，必須浸過每隻雞翼，放冰箱雪一晚即成
