原個日本靜岡蜜瓜蛋糕 甜品食譜

原個日本靜岡蜜瓜蛋糕
原個日本靜岡蜜瓜蛋糕

中秋節收到好多生果,就咁食真係食唔晒,咁岩又有朋友嚟我屋企探👶🏻,就諗到整個蜜瓜蛋糕🍈🥰個樣好似複雜但係其實超易整🤣如果連蛋糕都唔想自己焗可以就咁買個現成嘅蛋糕底!



▶️刮蜜瓜肉之後盡量倒乾蜜瓜水份! 因為如果蜜瓜水多嘅話蛋糕就會唔結實
▶️蜜瓜肉有淨可以就咁食 
▶️可先整蛋糕再整啫喱再整cream

⭐️蜜瓜一個⭐️

▶️蜜瓜切開頂部,然後將所有蜜瓜肉和水刮出來,最後個蜜瓜唔好咁濕身
▶️2/3肉和水整蜜瓜啫喱,1/3切大粒/圓波

⭐️A) 海綿蛋糕 (六吋蛋糕模)
材料:
雞蛋 3隻(室溫)
低筋麵粉 60g
砂糖60g
無鹽奶油20g
雲呢拿香油 1/4茶匙

做法:
1) 低筋麵粉過篩,無鹽奶油用微波爐10秒至融化,焗模掃上油,預備一個大盆裝上50c度的水,焗爐預熱至170c度
2) 用打蛋器將雞蛋與細砂糖打幾下,再將盆放上已經煮至50c度的盆子上隔水加熱的方式,繼續用打蛋器高速將蛋液打到起泡和蓬鬆 (打到打蛋器滴下來的蛋糊有清楚的痕跡)
3) 將低筋麵粉分3次過篩進蛋糊中,每次輕輕攪拌再落下一次的粉 (不需要用打蛋器)
4) 最後將一部份的麵糊倒入融化的無鹽牛油中,再攪拌均勻,然後再將攪拌均勻的牛油和雲呢拿香油倒回入大麵糊中再用打蛋器攪拌均勻
5) 倒入焗模中,再在桌上敲幾下敲出氣泡,焗30分鐘即成

⭐️B) 蜜瓜啫喱
材料:
2/3蜜瓜肉和蜜瓜水 (打好後量約450ml)
水 50ml
魚膠粉 8g

做法:
1) 2/3蜜瓜肉和水用攪拌機攪碎
2) 水加入魚膠粉在熱水座溶,再倒入蜜瓜液中
3) 倒入模中雪至凝固

▶️蜜瓜要多水先至容易凝固做到啫喱,如果你個蜜瓜唔夠多水,可能就要加多少少水而隔走少少果肉再雪

⭐️C) 甜忌廉
材料:
淡忌廉 300ml
糖 20g

做法:
1) 把淡忌廉倒進冷凍的盆中,用打蛋器高速打發1分鐘,再分2次加入糖,打發至企身,再放入雪櫃備用

⭐️組合
1) 蛋糕中間切做2層,和啫喱一樣沿着蜜瓜蓋切做圓塊
2) 先落忌廉,再放一層蛋糕,然後再放一層忌廉和果肉,再放入啫喱,再放蛋糕,最後一層忌廉,用刀刮平表面,再裝飾
3) 放入雪櫃雪3小時即成

日本桃燕麥奶凍 甜品食譜

日本桃燕麥奶凍
日本桃燕麥奶凍

💚Green Monday💚素食系列!超級簡單😂今次無用牛奶同忌廉,用左呢期好hit的燕麥奶oat milk同燕麥忌廉oat cream,貪佢低糖低脂健康同純素!不同的Oat milk 產品可在Green Common/ City Super/百佳惠康/marketplace搵到架🤍唔用桃可以用其他水果都得!
唔想桃咁易氧化可以整前將桃,加入一湯匙的檸檬汁和一杯水浸泡5分鐘🥰

▶️最好用底層可脱的蛋糕模或獨立杯仔!咁就唔會有脫模困難
▶️寒天粉向室溫都可以凝固到!所以整好盡快將入模中!

材料: (約6吋圓模)
果凍層:
桃 一個 
水 300ml
寒天/果凍粉 4g
糖 20g

奶凍層:
燕麥奶 200ml
燕麥忌廉 200ml
糖 30g
寒天/果凍粉 6g

裝飾:(optional)
薄荷葉和金箔

做法:
1) 先做奶凍層,鍋中加入燕麥奶、燕麥忌廉、糖和寒天粉,煮至寒天粉和糖溶化即可,倒入模中,再待涼放入雪櫃至凝固 (約30分鐘-1小時)
2) 再做果凍層!桃去皮切塊,鍋中加入水、糖和寒天粉,煮至寒天粉和糖溶化即可
3) 把奶凍層從雪櫃拿出來,放上桃,再倒入果凍水,放回入雪櫃,雪至凝固即成

無水牛油 甜品食譜

無水牛油
無水牛油

無水牛油係將牛油煮到油水分離,多數用向酥皮食品如中式酥皮製品!承上一個post,潮式酥皮月餅便可以用無水牛油!街外都有現成但唔係隨街買到,自己整其實都好易只需要有無鹽牛油就得🖤✨圖中的蛋黃係唔關事,背景已以😆

▶️可以整定先!白色泡泡可雪返起當油用😋

材料: 可整到250g左右
無鹽牛油 400g

做法:
1) 將牛油切粒、放入鍋中開小火,千其唔好攪拌佢!等佢自己溶和開始小滾!
2) 之後會不斷有白色泡泡向面,不斷地輕輕將浮起的白色泡沫用湯匙舀起,大約舀十分鐘先會無哂😆(我舀個時都真心懷疑會否沒完沒了)當牛油不再冒出泡沫,代表水份已經完全蒸發,即可熄火
3) 等5分鐘,白色乳清會自己沈向底, 把牛油倒入棉布袋/濾紙過濾,倒入玻璃瓶中,當看見底部的白色浮清時停止倒
4) 待凍後入雪櫃雪便可!使用前從雪櫃取出回溫至稍為變軟少少才使用

彩虹蛋黃千層酥 甜品食譜

彩虹蛋黃千層酥
彩虹蛋黃千層酥

比較流心月餅 呢個一啲都唔難😎 潮式彩虹蛋黃酥月餅真係好靚!中秋節整黎送俾人就啱晒🌙💛不過個食譜真係好長打咗好耐😭整之前睇熟個食譜同步驟先!因為有牛油向裏面所以整嗰陣都盡量快啲手🥰如果唔想用色素可以用天然色素取代!顏色自己決定唔一定跟我!不過天然色素整出嚟嘅色一定冇食用色素咁鮮艷!我絕對未係整餅高手,純粹分享吓我點整!最尾有Video可以參考!



▶️無水牛油蛋糕用品店有機會買到現成,如果要自己整都好容易,可以睇我個post 最尾有教!

▶️我用左綠茶同芝麻蓉!向蛋糕用品店有得買!

▶️最後包餡時,個油酥皮桿開時要輕輕力!太大力就會整爛,無左層次😖你整到呢個位就會明

材料: (可整14個)
每個25g 任何蓉如紅豆、綠茶、白蓮蓉 *14 = 350g
鹹蛋黃 7粒
米酒 適量

油皮材料:
中筋麵粉 135g
水 60ml
糖粉 22g
無水牛油 45g

油酥材料:
低筋麵粉 165g
無水牛油 65g
紅、綠、黃、藍、紫色素

做法:
1. 餡料: 鹹蛋黃放入碗中加入少少的米酒浸五分鐘後用160度焗10分鐘至冒泡即可!放涼後切半,之後用餡料包着蛋黃搓成圓形!放入雪櫃雪一陣備用!

2. 油皮: 材料全部放入碗內揉捏成團即可,鋪上保鮮紙進行鬆弛20分鐘!

3. 油酥: 材料按壓拌勻即可,要俾d耐性!初初係會不斷一粒粒咁!壓多陣就會成團!將拌好的油酥分成五份!睇下你整多少隻色!之後加入色素再壓匀d色,一次唔好落咁多色素,試下先!之後再將每隻色分成7份輕輕搓圓!(即係7*5 =35粒)

4. 組合: 油皮鬆弛後,準確地平均分成7份! 稍稍整圓收口!之後取一份油皮收口朝上壓扁、輕力桿成四周薄中間厚,放入五粒彩色油酥(隨意放),搓圓收口捏緊,收口朝下

5. 造形: 取一個油酥皮,收口朝上壓扁再從中間開始上下桿開成一大塊!小心輕輕力否則好易爛!之後再斜捲成長條狀!將油酥皮再次桿成長條寛狀,桿得越長層次越多!之後再捲起,一開始捲嗰陣個頭係咩色,之後焗出嚟個面中間就會係乜嘢色!再用刀向中間一刀過切一半!唔好拖刀!要一刀過!將會有 7*2= 14粒✨

6. 包餡: 油酥皮切口面朝上,輕輕壓扁成手掌大小的圓塊後,之後反轉另外一面包入蛋黃餡料!(即係靚啲嗰邊嘅切口向下) 整形和收口捏緊!

7. 入焗爐160度焗40分鐘即成 (中下層)

💛

無水牛油🧈𝒞𝓁𝒶𝓇𝒾𝒻𝒾𝑒𝒹 𝒷𝓊𝓉𝓉𝑒𝓇
.
.
無水牛油係將牛油煮到油水分離,多數用向酥皮食品如中式酥皮製品!承上一個post,潮式酥皮月餅便可以用無水牛油!街外都有現成但唔係隨街買到,自己整其實都好易只需要有無鹽牛油就得🖤✨圖中的蛋黃係唔關事,背景已以😆
.
.
▶️可以整定先!白色泡泡可雪返起當油用😋
.
.
材料: 可整到250g左右
無鹽牛油 400g

做法:
1) 將牛油切粒、放入鍋中開小火,千其唔好攪拌佢!等佢自己溶和開始小滾!
2) 之後會不斷有白色泡泡向面,不斷地輕輕將浮起的白色泡沫用湯匙舀起,大約舀十分鐘先會無哂😆(我舀個時都真心懷疑會否沒完沒了)當牛油不再冒出泡沫,代表水份已經完全蒸發,即可熄火
3) 等5分鐘,白色乳清會自己沈向底, 把牛油倒入棉布袋/濾紙過濾,倒入玻璃瓶中,當看見底部的白色浮清時停止倒
4) 待凍後入雪櫃雪便可!使用前從雪櫃取出回溫至稍為變軟少少才使用

#betiskitchen甜品

巴斯克焦香綠茶芝士蛋糕 甜品食譜

巴斯克焦香綠茶芝士蛋糕
巴斯克焦香綠茶芝士蛋糕


同之前原味食譜一樣!只係用多左少少cream cheese同加左綠茶粉🍵10分鐘搞掂再焗30分鐘!好易整好creamy好cheesy💚 不過我包牛油紙包得太求其個邊有點醜😌


▶️我的食譜係6吋模,牛油紙隨心鋪上就可啦,就是要有粗礦的感覺
▶️我嫌煩無用電動打蛋器,唔想手倦可以全程照用
▶️所有材料要室溫

材料:
Cream Cheese 220g 
綠茶粉 8g
砂糖 60g
低筋麵粉 3g 
全蛋液 75g
忌廉 100g

做法:
1) 焗模塗上一層牛油,再隨意的鋪上牛油紙備用,焗爐預熱210度
2) 用刮刀把cream cheese 壓軟和打散,再加入綠茶粉、糖和麵粉攪拌均勻,再加入蛋液攪拌均勻,再加入忌廉攪拌均勻,盡量唔好有一粒粒!
3) 倒入焗模,210度焗20分鐘再轉220度焗10分鐘 (放底層)
4) 出爐冷卻後連焗模放雪櫃雪一晚,第二日脱模即成

免焗綠茶芝士蛋糕 甜品食譜

唔知點解成日想食cheese cake! 呢個食譜我較到無咁甜,質地creamy同唔會食落好heavy! 為左靚就整左五種漸變色☺️如果認為太麻煩可以一隻色過!最重要係唔須要用焗爐!好易整😍



▶️食譜係6吋模
▶️煮好牛奶同魚膠粉後盡量快手,免得魚膠粉凍後會變無咁液體難倒出流質效果!
▶️綠茶粉可自己調一調!每隻既顏色深淺未必一樣!

材料:
Oreo餅8塊
牛油 25g
Cream cheese 120g (室溫)
牛奶 150g
糖 65g
忌廉 180g
魚膠粉 5g
抹茶粉 3茶匙

做法
1) 蛋糕模(用可脫底或mousse圈) 底部放上牛油紙,Oreo餅整走中間的忌廉,把餅乾打碎,再加入已溶的牛油拌勻,用刀平均地壓在模底,放入雪櫃冷藏
2) 打起忌廉,打到剛剛企身即可,放入雪櫃備用
3) 分4個碗加入以下分量綠茶粉,每碗加入小小水開左粉先 (mousse 後加)
▶️1茶匙綠茶粉 + 50g mousse
▶️3/4茶匙綠茶粉 + 70g mousse
▶️1/2茶匙綠茶粉 + 90g mousse
▶️1/4茶匙綠茶粉 + 90g mousse
4) 整mousse!Cream cheese 先切小塊方便攪拌!牛奶加熱到微滾熄火,加入魚膠粉快速拌勻!倒入cream cheese 內拌勻至無粒,再加入糖!如果仲係有粒粒可過篩,再倒入打起了的忌廉,用刮刀由底到上輕輕拌合即成mousse
5) 照3)的分量將mousse 倒入4個有綠茶粉的碗中拌勻
6) 第一層直接倒入無加綠茶粉的白色mousse,之後從淺至深色慢慢向中間倒入!有泡泡要拮走去!雪一晚即成,脫模可以用風筒熱風向四周吹一吹就好易脱到

冰糖燉燕窩 甜品食譜

冰糖燉燕窩
冰糖燉燕窩


其中一個最愛的中式甜品!用左印尼燕盞,自己整我一大碗用一個燕盞都係成本$100樓下🙈每一口都係大大啖燕窩✨雪凍食係最好食💫

▶️先以熟溫水浸發6小時,期間換1次水挑除雜質,再以開水過濾,然後瀝乾備用
▶️加熱水同冰糖用小火燉30分鐘至有清香蛋白味
和晶瑩通透,可熱食或凍食

⭐️

巴斯克焦香芝士蛋糕 甜品食譜

巴斯克焦香芝士蛋糕
巴斯克焦香芝士蛋糕

易過日式軟芝士蛋糕好多🤣5樣材料,電動打蛋器都唔須要出動!呢個蛋糕源自一間向西班牙Basque地區的餐廳,頂部故意燒焦到發黑而有焦香味,內面藏著滑滑的芝士蛋糕💛


▶️我的食譜係6吋模,牛油紙隨心鋪上就可啦,就是要有粗礦的感覺
▶️我嫌煩無用電動打蛋器,唔想手倦可以全程照用
▶️所有材料要室溫

材料:
Cream Cheese 200g 
砂糖 60g
低筋麵粉 3g 
全蛋液 75g
忌廉 100g

做法:
1) 焗模塗上一層牛油,再隨意的鋪上牛油紙備用,焗爐預熱210度
2) 用刮刀把cream cheese 壓軟和打散,再加入糖和麵粉攪拌均勻,再加入蛋液攪拌均勻,再加入忌廉攪拌均勻,盡量唔好有一粒粒!
3) 倒入焗模,210度焗20分鐘再轉220度焗10分鐘 (放底層)
4) 出爐冷卻後連焗模放雪櫃雪一晚,第二日脱模即成

日式士多啤梨三文治 甜品食譜

日式士多啤梨三文治
日式士多啤梨三文治

零技巧的甜品😬向日本之前食過,肥但好好食!我係忌廉fans🥰 敗筆係我個方包買個時俾我壓扁左,包得唔夠整齊🤨用左日本紅色士多啤梨同淡雪❤️



材料:
方包 2片
士多啤梨 5粒
忌廉 200ml
糖 2茶匙

做法:
1) 方包切去包邊,士多啤梨去葉,忌廉加糖用打蛋器高速打成企身
2) 底下放上保鮮紙,鋪上一片方包,塗一層忌廉,再如圖放上士多啤梨,再塗上忌廉蓋上所有空位,放上第二片包,輕力壓下,包上保鮮紙
3) 放入雪櫃冷藏4小時再中間斜切即成

焙茶日式軟芝士蛋糕 甜品食譜

焙茶日式軟芝士蛋糕
焙茶日式軟芝士蛋糕

之前幾次整都係原味,(原味食譜之前post過) 今次加左焙茶粉,又幾夾!但係加左焙茶粉就一定要向第一個步驟將芝士煮溶唔可以有粒粒狀,否則焗後的成品就會有一粒粒白色😹啡色撞白色好顯眼😝

準備功夫:
▶️將焗模/LC煲刷上一層薄薄溶了的牛油 (我用20cm LC, 可用正常8”焗模)
▶️量好所有材料,同睇熟下面的步驟,因為成個過程要流暢,要芝士&蛋黃mix還是暖暖地(約40度)把蛋白霜加入,才有最好口感。若無法控制可以先打蛋白霜!
▶️焗爐預熱到170度

材料:
A) 芝士mix
牛奶 160ml
Cream Cheese 200g
無鹽牛油 65g
砂糖 30g.

B) 蛋黃mix
牛奶 50ml
粟粉 15g
低筋麵粉 50g
焙茶粉 10g
蛋黃4個

C) 蛋白霜
凍蛋白 4個 
砂糖 100g 
檸檬汁 1茶匙

做法:
1) 先做A)芝士mix, 將芝士切塊加入牛奶放到爐上用中小火加熱,邊用手動打蛋器攪拌到芝士融化就關火,趁熱加入牛油及砂糖攪拌均勻至牛油融化和均勻備用
2) 再做B)蛋黃mix,將牛奶加入鷹粟粉中攪拌均勻,然後加入已過篩的入麵粉、焙茶粉攪勻,再加入蛋黃 (如有粒塊可過篩)
3) 將B) 蛋黃mix 加入到 A) 芝士mix,用手動打蛋器攪勻
4) 再做C) 蛋白霜,蛋白用電動打蛋器先打出泡泡,然後加入1/2砂糖及檸檬汁用中速打1分鐘,就將剩下的砂糖加入,速度改為高速,將蛋白打到拿起打蛋器尾巴呈現軟軟彎曲即可,需時約7-8分鐘 (不要打得尾巴太硬,軟軟的又有彎曲便可,太硬蛋糕面好易裂開)
5) 將打好的蛋白霜分2次加入A&B mix,用橡皮括刀輕輕由底向面括均勻
6) 倒入焗模中,將焗模放置到焗爐上,焗盤倒入熱水,170度焗10-15分鐘到表面上色之後就將烤箱溫度調整到100度繼續烤50-60分鐘 (可用竹簽插下一下,如果無流質痴著即是熟了)
7) 出爐後等十五分鐘,蛋糕會輕輕縮小好易可以離模,先倒扣到一個大碟,再用另一個大碟倒扣,放涼後放冰箱冷藏4小時即成