呢排想養一養顏補一補，就整個花膠甜品💕上次整我用了比較經濟的鱈魚膠！今次用前幾日買的鴨包肚，呢度咁大塊大約$90都幾抵食😽發得好大塊，大滿足😍紅棗亦都好夾牛奶😻可以選擇熱或凍食😆所有材料放入去燉/蒸爐就得，無燉盅就成個煲去隔水蒸都可以喔💞
北海道鮮奶燉花膠 甜品食譜
甜品
少甜益力多糕 甜品食譜
改良咗3次的食譜！其實如果唔須要整造型，就咁倒入盒當啫喱係勁易整😂但要整造型就另一回事🥹第一次整，太少魚膠粉太淋，無咗個樣！第二次就硬咗啲🫣今次認真啲整終於OK😂❤️！👶🏻大愛😽呢個勁方便，好合適dinner gathering前一晚整定做甜品💫
無蛋Tiramisu 甜品食譜
Simple version! 100%成功簡單版✨唔知有冇人同我一樣，會突然間好想好想食Tiramisu😆自從結婚整完自己個結婚蛋糕之後，就開始討厭焗蛋糕…😅呢個甜品勁方便♥️ 超快完成無需使用焗爐！
無蛋係因為我不太喜歡食生雞蛋生蛋白的蛋糕🤪用忌廉代替雞蛋都好好食💕呢個係比較滑身質地的tiramisu✔️
▶️如果搵唔到咖啡酒，可以用60ml咖啡加40ml Rum/Marsala酒代替！
▶️淡忌廉一定要在雪櫃拿出來後便立刻打發！注意容器不可有任何水份，而不夠凍亦會打發不起的！大約需要 5-6分鐘😍
🤍15cm x 15cm份量🤍
材料:
淡忌廉 250ml
意大利軟芝士 Mascarpone Cheese 300g
砂糖 80g
手指餅 20條
咖啡酒 100ml
可可粉 20g
做法:
1)意大利軟芝士忌廉從雪櫃拿出，放回室溫30分鐘
2)打發淡忌廉，從雪櫃拿出來，倒入容器中，用電動打蛋器慢速打一分鐘左右直至有泡沫，然後調整到中速打約三分鐘，最後用高速打發1-2分鐘直至末端變得企身便可，放回入雪櫃備用
3)意大利軟芝士加入砂糖，打蛋器用慢速至均勻軟滑，分3次加入已打發好的忌廉
4)手指餅每條每邊浸在咖啡酒中1秒，然後鋪在餅模底部，再放上芝士忌廉，重複做多一層，用刮刀打頂層的芝士忌廉輕輕鋪平
5)放入雪櫃雪4小時以上，之後在表面灑上可可粉即成
琥珀合桃 甜品食譜
👦🏻話佢細個同屋企人向嘉麟樓食飯之前最鍾意食呢個小食喎😂其實之後佢有時都會整，但係我冇post過🤣呢個係佢👵🏻教佢整架！其實都好易整！出面買都幾貴，自己整可以一次過整大量，再放入樽仔或者保鮮袋收藏，得閒當小食食下✌🏻
PS: 製作過程啲相影得唔係好清楚，廢事阻住大師傅開工啦😌
▶️用油炸係最傳統嘅做法！做出嚟嘅效果亦都係最脆身！用焗爐都得！不過效果一定有少少分別😶
▶️如果用焗爐請先把芝麻和合桃攪拌均勻，焗爐用150度焗20分鐘！
材料:
琥珀合桃 1斤
水 150ml
片糖 100g
白糖 30g
麥芽糖 80g
芝麻 20g
做法:
1) 芝麻白鑊炒香
2) 水加入半茶匙鹽，再加入合桃煮3分鐘以去苦澀味，瀝乾備用
3) 鍋中加入水，再加入麥芽糖、片糖和白糖小火煮至糖完全溶化及開始有糖漿狀態！加入合桃，再用中火不斷攪拌至每一粒合桃都鋪上糖漿！
4) 熱鍋加入適量的油，用中小火把合桃炸約3分鐘至琥珀色後拿起，立即加入芝麻攪拌均勻！
5) 鋪平待凉後便可食用或儲存！
玫瑰北海道牛奶官燕 紅菜頭棗泥千層糕 甜品食譜
Super easy and yummy! 用咗6盞印尼三角燕窩！再加北海道牛奶玫瑰花去燉！超正養顏⭐️唔係真係想象中咁貴！我呢到成本大約$400已經做到啖啖燕窩for 7-8個人食💖
紅菜頭棗泥千層糕係跟 @miele_hk 食譜，可以參考返佢地IG/YouTube👐🏻不過我比較懶就無好認真整千層，整咗漸變效果！我蒸好放入雪櫃，之後就咁凍食！有埋合桃好健康又有口感^_^✌🏻Thanks for the cooking kit @miele_hk 💚
▶️燕窩不宜用高溫煮！最好用細火燉！內含燕窩酸和膠原蛋白，不宜煮太耐，大約30分鐘就夠💖
.
.
材料: (4人用)
燕窩 3盞
牛奶 500ml
冰糖 2湯匙
玫瑰花瓣 1湯匙
做法:
1) 燕窩先以熟溫水浸發6小時，期間換1次水挑除雜質，再以開水過濾，然後瀝乾備用
2) 燕窩加入牛奶，再加入冰糖！玫瑰花瓣放入細魚袋/茶包，加入牛奶中！
3) 細火燉30分鐘即成，把茶包拿走，可以放上玫瑰花瓣作裝飾！
#betiskitchen中式#betiskitchen甜品
QQ冰皮月餅 甜品食譜
今個中秋竟然整咗3種月餅！冰皮絕對係最簡單😆其實我唔係太鐘意整甜品焗蛋糕之類🤣鍾意煮飯多啲🤎不過一到節日就會手痕hehe🥸個皮係整咗3次得出嘅份量！呢個食譜個冰皮不黏手容易包！雪了之後好QQ🤍🤍🤍今次分別整咗原味皮班蘭餡💫普洱茶皮朱古力餡💫綠茶皮栗子餡💫
▶️以下只係冰皮做法！內餡我懶！所以向蛋糕材料店買現成！每個餡量30g♥️
▶️呢個食譜係原味！轉其他味可加1茶匙如可可粉、綠茶粉等
▶️一定一定要用保鮮紙幫手！如果唔係好易癡手！
材料: (10件)
菜油 15g
煉奶 15g
牛奶 145g
糖粉 40g
澄面粉 15g
粘米粉 35g
糯米粉 40g
任何味豆蓉餡 300g
片粟粉/熟糯米粉 適量
做法:
1. 餡量30g一個，搓成圓形，放入雪櫃備用！
2. 牛奶和煉奶攪勻！
3. 糖粉、澄面粉、粘米粉和糯米粉過篩！加入菜油攪一攪
4. 奶混合物逐少加入粉內，壓開粉粒，拌勻成糊，之後要過一次篩，否則皮會有粉粒
5. 碟上塗少量油，倒入粉漿，蓋上鍚紙，大火蒸30分鐘
6. 蒸好後用刮刀刮起，待涼後分成20g！保鮮紙墊向上下，再用麵粉棍桿出比餡大大少少的外皮！之後就可以移開上層保鮮紙，再放入餡，可以用保鮮紙幫手收口定形！收得唔靚問題不大，之後壓模可以修正
7. 月餅輕輕沾上片粟粉，月餅餅模都要沾上少少，2隻手一齊大力壓落去！再放入雪櫃雪至少4小時即成
流心奶黃月餅 甜品食譜
中秋就到喇🍂上2次用咗Toshiba Toshiba Q20蒸氣焗爐 (MS2-TQ20SC)嘅蒸同燉功能都好成功🤍今次向難道挑戰！用熱風對流烤焗整奶黃流心月餅！今次係第2次整！改良咗少少食譜！好成功🥺因為呢個功能熱力均勻！唔會淨係得上下熱！呢新機都算機細易放！內籠實用可以一次過用到2層！可以一次整到多啲送俾人🥸🖤推廣期內買，多送一套蒸焗盤(價值$270)😙好成功今次焗得😙😎食譜有啲長！睇熟一次先開始整😌
▶️流心餡同奶黃餡要1-2日前整好！餅皮就當日先整！
▶️整個時最好開住冷氣整🤣如果唔係流心餡會溶就好難包🥲
▶️記得買定月餅模呀🤎
▶️放冰箱是指零度以下的冰格！成功原理是要把雪到冰凍的月餅放入高溫焗爐快速焗熟外皮！而內面的流心餡只是剛溶狀態！太低溫焗或焗得太耐都會令月餅變形！所以時間好重要💪🏻
<2日前>
💫至少整到16粒💫
🧡奶黃餡: (20g each)
吉士粉 20g
奶粉 20g
低筋麵粉 30g
咸蛋黃 3個
砂糖 60g
蛋 30g
椰漿 100ml
忌廉 20ml
無鹽牛油 40g
鹽 1/8 茶匙
做法:
1. 咸蛋黃蒸10分鐘後用攪拌機打碎
2. 預備一個鍋，用小火把忌廉、砂糖、牛油、椰漿煮至牛油溶化！蛋先和其他餘下材料攪拌均勻！再加入鍋中！繼續用刮刀不停保持攪動，用小火煮至成團狀！煮好後倒入碟上放涼，蓋上保鮮紙放入雪櫃雪1-2晚
<2日前>
🧡流沙餡: (6g each)
熟咸蛋黃 2個
已溶無鹽牛油 30g
水 25g
砂糖 50g
木薯粉 15g
吉士粉 15g
做法:
1. 咸蛋黃蒸10分鐘後用攪拌機打碎
2. 水、吉士粉、木薯粉和砂糖拌勻！加入無鹽牛油！用細火煮至微滾！熄火！加入咸蛋黃碎！攪拌均勻！
3. 每個保鮮膠袋剪成4份！預備約16份，把6g的流沙餡倒上，再一個一個包好，包的時候可以盡量包成圓形，咁樣會方便啲包餡！放入雪櫃冰格雪1-2晚至硬身！
<當日>
🧡餅皮: (25g each)
低筋麵粉 300g
蛋 30g
糖霜 80g
無鹽牛油 160g (放軟)
忌廉 30ml
吉士粉 30g
餅皮做法:
1 . 糖霜、吉士粉和麵粉過篩，再加入牛油搓勻！
2. 加入蛋和忌廉用手搓成至麵團！唔使搓太耐！混合到就得！
3. 用保鮮纸將做好的麵團包好！未用就放入雪櫃備用!
🧡其他材料:
適量高筋麵粉做手粉用
掃蛋水: 1隻蛋黃加入1茶匙水
掃糖水: 砂糖2湯匙加人1湯匙水
❤️月餅做法 :
1. 奶黃餡放室溫回軟10分鐘，再分20g一份，搓圓壓平再快速包入流心餡！再搓圓！要快手否則流心餡會溶！可以逐次從冰箱拿出幾粒流心餡以防止溶化！包好後放入冰箱雪至少15分鐘至硬備用！
2. 將月餅皮麵糰搓成長條形切分成25g一份小麵糰用壓平，再包入雪硬了的餡料！搓圓至沒有裂痕！
3. 己包餡之麵糰薄薄撲上少少麵粉，月餅模同樣要撲上少少麵粉！放入月餅模壓出餅紋，再放入雪櫃冰箱雪大約雪半個鐘至硬身
❤️入爐 :
1 . Q20蒸氣焗爐用熱風對流烤焗功能，以攝氏230度預熱至少15分鐘，月餅放在牛油紙上再放上焗盤！
2 . 有月餅的焗盤放上層，再放多層空的焗盤向下層隔熱用！先焗6分鐘後取出！掃蛋水後等約5分鐘再掃第二次蛋水！再放入爐轉230度焗4分鐘至上色！出爐後掃上糖水即成😴
可以去埋 @toshiba_lifestyle_hong_kong 了解點用佢哋嘅蒸氣焗爐煮出唔同嘅菜式
芒果班戟 Mango Pancakes 甜品食譜
<附隨心拍vide on instagram> Yummy summer dessert🧡整甜品這回事，我多數都係突發興起就去整，突然深夜好想食芒果pancake🤣不過原來雪過先係最好食，所以唔好整完即刻食🥲成件事都好易整，不過最重要係，你要有個不粘平底鑊！唔食甜野的👦🏻對此不感興趣但👩🏽食完話好食過上次向街買🤪😌
▶️煎第一張多數會失敗，因為個平底鑊的熱度未夠均勻和未能掌握適當嘅班cake將份量！之後第二張就會OK！
▶️色素只係令外觀黃啲靚啲，可以唔落
材料:
芒果 2個
忌廉 200ml (保持冷藏)
糖 20g
Pancake:
蛋 2隻
糖 35g
奶 200ml
低筋麵粉 80g
菜油 15ml
黃色色素 2滴 (optional)
做法: (8件)
1) 蛋加入糖攪拌至均勻，篩入低筋麵粉，輕手攪拌均勻至沒有粉粒，再加入牛奶攪拌均勻，最後加入菜油攪拌均勻
2) Pancake漿做好後要過篩，隔走雜粒和泡泡，煎出嚟先至會平滑
3) 平底鑊預熱小火，不用塗油，取適量Pancake漿，薄薄的一層便可，倒入中間再快手搖勻，用小火煮至表面不再是液體狀即可取出！Pancake放涼後便可使用
4) 淡忌廉從雪櫃取出，用電動打蛋器打秒，再加入糖，打至企身！
5) 芒果起2邊肉，再切一半，pancake皮放平，先塗上忌廉，再放上芒果，然後再放上少許忌廉，兩邊包起，放入雪櫃雪4小時即成
Q彈芋圓滴紅豆 甜品食譜
.成日都想食煙韌的芋圓！終於自己整！好易整，仲要成本極低😌記得一定要用木薯粉先會有煙韌口感！湯底超簡單！用了台灣品牌<炆久之芯>的滴紅豆♥️ 嚴選北海道紅豆原料，透過日本專利二段式高壓萃取技術，紅豆的養分全在薄薄的一層紅豆皮，要萃取無澱粉的紅豆精華，只有「紅豆不破皮」才能發揮到紅豆水功效。簡單食物認真做，大家都值得擁有更好☺️✨
.
.
▶️水一開始只加一湯匙先，之後加落去木薯粉度搓勻才視乎質地加適量的水！因為要看看本身買的食材蒸好後，多不多水喔😽
▶️炆久之芯滴紅豆沒有添加任何糖分、香料、色素、防腐劑、咖啡因、反式脂肪酸、飽和脂肪酸。成分安全，孕婦也可以飲用♥️
▶️即日起到4月30日，可享有試飲價$254 HKTVmall有得買啦🐝 即日起到4月30日，可享有試飲價$254 到HKTVmall大百貨購買啦!
https://bit.ly/3sx3b49
▶️芋圓可以加多少少木薯粉！放入保鮮袋，放進冰格可以存放一個月
.
.
材料: (2碗，芋圓可整到60粒)
炆久之芯滴紅豆 2包
芋頭 100g (㓟皮切片後量度)
紫薯 100g (㓟皮切片後量度)
黃心番薯 100g (㓟皮切片後量度)
木薯粉 50g x 2 份 40g x 1份
水 1-2湯匙 x 3份
砂糖 2茶匙 x 3份 (我不喜歡那麼甜)
做法:
1) 芋頭和番薯去皮切簿片！整芋頭建議戴膠手套 ，因為沾到芋頭的黏液會十分痕🙄
2) 放入蒸爐大火蒸20分鐘至淋！要淋到一壓就爛先得！每種壓爛後分別加入一湯匙水，攪拌成薯蓉狀！
3) 趁熱分別加入木薯粉中！芋頭和黃心番薯加入50g木薯粉，紫薯加入40g木薯粉！然後加入砂糖！再視乎需要加入多一湯匙水！用手搓成圓形光滑柔軟但不黏手麵團！
4) 如果太乾身，有裂隙，請加多少少水！如果太濕身，黏手，請加多少少木薯粉！要自己調節一下🙏🏻
5) 搓好的粉糰可以用保鮮紙蓋一蓋防止乾燥，工作枱面撒上少少木薯粉防黏，圓形粉糰分一半，再搓成長條形，用刀切粒！
6) 芋圓放滾水內大火煮至全部浮起後繼續煮多1分鐘撈起過冷河備用，紫薯芋圓要分開煮！否則其他會變哂色😂
7) 把炆久之芯滴紅豆加入1倍熱水，再放入芋圓即成！可加入煉奶😌
#台灣製造#炆久之芯#滴紅豆
#升級版紅豆水#紅豆不破皮
#滴滴精萃#全素可食#孕婦可飲用
#健康#養生#去水腫#養顏
#betiskitchen台式
#betiskitchen甜品
少甜朱固力麻糬曲奇 甜品食譜
自從中秋之後都好耐無整過餅！心血來潮想食麻糬曲奇！夜一夜都要開工整🤣💙其實好易整！不過由於時間關係再加整整下，👶🏻大佬喊…😅我的型狀同混色都係走隨心路線😸大家可以換唔同粉整唔同味！我今次用左可可粉同竹炭粉🤎下面個食譜整到12件左右！好易整⭐️
▶️ 牛油如果唔夠軟有可能會痴住哂個打蛋器，可以戴上手套用手搓下去幫助
⭐️12件⭐️
麻糬材料:
糯米粉 60g
水 100g
砂糖 15g
油 少許
麻糬做法:
1) 把所有材料攪拌均匀，把平底鑊加熱，小火倒入粉漿，一邊加熱一邊攪拌，直到開始成形和半透明即可，放涼後放入雪櫃備用
曲奇材料:
無鹽牛油 (室溫軟化) 80g
砂糖 50g
全蛋液 30g
忌廉 70g
低筋麵粉 180g
可可粉 10g
入爐朱古力 60g
曲奇做法:
1) 牛油室溫下軟化後加入糖，用電動打蛋器打至融合，分2次加入蛋液再打勻，之後分2次加入忌廉打至順滑，再篩入低筋麵粉和可可粉！用刮刀拌匀成團！再加入朱古力拌匀！如果痴手可放入雪櫃雪一陣先
2)將麻糬和曲奇麵團平勻分成十二份！大概各10g & 30g 一份！將曲奇麵團搓圓再按扁，中間放入麻糬，再慢慢收口滾圓！按返做曲奇形狀！
3) 在表面再鋪上多少少朱古力粒，170℃焗15分鐘即成！
