簡易版荷葉蒸羔蟹臘味飯 中式食譜

簡易版荷葉蒸羔蟹臘味飯
簡易版荷葉蒸羔蟹臘味飯


秋天悄悄的來到🍂非常之適合食蟹和臘味飯💕簡單版就是用電飯煲煲糯米和白飯之後才和臘味一起炒勻!當然沒有生炒臘味飯那麼煙韌乾身有口感,就方便來說味道都非常不錯☺️有冇人好似我一樣勁鍾意食臘腸😂向街市買了超靚的半肥瘦本地臘腸🫶🏻除咗海鮮檔我都非常鍾意睇乾貨檔!

泰式粉絲蟹煲 泰式食譜

泰式粉絲蟹煲
泰式粉絲蟹煲


<With English recipe> Last recipe of my Thai series💫🇹🇭上年夏天都整咗一系列泰式食譜!今年呢個系列都來到最後一個🤪今次向街市買咗隻好新鮮嘅膏蟹!夏天膏蟹當做💫整返個粉絲蟹煲😝其實我鍾意食啲粉絲同膏多過隻蟹😂因為要剝殼好煩🥹Anyways加咗芫荽根部同魚露入去煮,東南亞風味重咗🌟

花雕羔蟹蒸肉餅 中式食譜

花雕羔蟹蒸肉餅
花雕羔蟹蒸肉餅


So good that it melts into my mouth! 昨日在街市見到羔蟹好靚,就諗起好耐之前向筲箕灣一間餐廳食過的羔蟹蒸肉餅!肉餅再加上蟹汁精華,真心超勁好食😎醉了☺️我再特登加咗花雕酒同鹹蛋黃,so yummmm!
.
.
▶️蟹羔可以拿出來,加入少少花雕酒同胡椒粉去腥,之後再放在肉餅上面,蒸出來會比留在蟹身上美觀🧡

▶️加鹹蛋黃為了口感多一個層次,覺得麻煩可以不加喔

▶️蟹不建議買太大,因為太大隻,和蒸肉餅的時間未能配合,要先蒸蟹後落肉餅,比較麻煩!唔想處理蟹可以直接叫魚檔處理,但當然在家中處理是最新鮮的🥹

▶️要蒸肉餅鬆軟肉的質素好重要!如果成舊肉都係瘦肉無論如何都會很結實!肥瘦比例3:7 /4:6 左右!用梅頭肉OK
.
.
材料:
羔蟹 1隻 約半斤至一斤
鹹蛋 1隻
免治豬肉 300g
紹興酒 1茶匙
芫荽或蔥花

豬肉醃料:
花雕酒 1 茶匙
生粉 2茶匙
生抽 1.5茶匙
老抽 1茶匙
鹽 1/2 茶匙
水 2湯匙
糖 1/2茶匙
麻油 1茶匙
胡椒粉 1/4 茶匙
咸蛋白 1/3隻

做法:
1) )如果怕活蟹的話,可以先放入雪櫃雪30-60分鐘,令牠沒有那麼活躍😅 用鉸剪在蟹咀中間大力剌下,然後打開蟹蓋,先去除中間的蟹胃和蟹咀,蟹身在中間切開,去除蟹腮!蟹鉗拿起,輕輕拍碎蟹殼方便食用,可以把部分蟹羔拿起,之後放在肉餅上或攪拌入肉餅中
2)豬肉加入所有調味料(除咸蛋白)向同一方向攪勻至黏身,最後加入咸蛋白攪勻,醃15分鐘
3)生咸蛋黃隨意切小粒,加入醃好的豬肉中
4) 碟上掃上一層油,把肉放在碟上,再放上斬件了的蟹,蟹蓋要反轉放,之後在肉上隨意放上蟹羔,最後在表面倒上一茶匙花雕酒
5) 大火蒸12-15分鐘 (視乎蟹的大小),最後再加上蔥花和在蟹蓋上淋上滾油即成

#betiskitchen中式#betiskitchen海鮮

北海道毛蟹瑩光魷魚飯 日式食譜

北海道毛蟹瑩光魷魚飯
北海道毛蟹瑩光魷魚飯


Happy Friday🦀這個都幾trouble但真係super yummy!!!! 材料已經加哂分✌🏻上次整過一次係用熟蟹肉同熟螢光魷魚!我覺得效果OK成本底啲但係始終唔夠鮮味!今次特登買咗隻日本北海道空運直送新鮮毛蟹同新鮮螢光魷魚!super yummy omg 雖然好鬼煩要手拆蟹肉又要炮製班魷魚,(真心嬲整到😂) 但係食完之後是感動的😂2個材料都好多膏😋♥️追求簡單版本可以用已拆肉熟蟹肉同熟螢光魷魚再加用電飯煲煲飯都得😜



▶️螢光魷魚可以睇 @rays_platesss YouTube 有條片好詳細咁介紹點樣處理!我都係跟佢!第一次整咋☺️😜

▶️毛蟹一斤,大火反轉身蒸15分鐘左右!之後拆蟹肉先係戲肉😩不過算啦太好食係要辛苦啲🥺

▶️飯個湯底用蒸完蟹啲蟹汁+ 木魚高湯加啲蟹殼入去煲!再加少少醬油!成件事係想食到海鮮嘅鮮味!

材料:
毛蟹 1隻
螢光魷魚 250g
三文魚子 適量
Parsley / 大葉 適量 (裝飾)
米 2米杯
木魚高湯 400ml (10g木魚碎加400ml水煲5分鐘)
日式醬油 1湯匙

做法:
1) 毛蟹反轉身放在碟上,大火蒸15分鐘!留起蒸蟹汁!蟹拿出來拆肉!小心蟹殼十分鋒利🥲去除蟹掩和蟹腸,再用剪刀在關節位拆下蟹腳和蟹鉗,再剪開蟹腳拆出蟹肉!然後打開蟹蓋,先去除中間的蟹胃和蟹咀,留蟹蓋備用!蟹身在中間切開,去除蟹腮,拆肉!蟹肉備用,蟹殼留起!

2) 螢光魷魚用鉗子在中間背部開一個小洞,去掉背後的軟骨,之後再去掉眼睛和嘴巴!去掉眼睛的時候要小心一點,盡量不要弄破眼睛,否則有些黑色汁會走出來又要洗一洗😂

3) 10g木魚碎加入400ml水,再加入和蟹殼煲5-10分鐘,隔走蟹殼和木魚碎,成煲飯上湯!

4) 米加入蒸蟹汁&高湯 (米1:水份1 比列),再加入日式醬油,細火加蓋煮15-20分鐘至飯乾身!如果中途太乾身但啲米都未熟就加多少少高湯!之後再放入螢光魷魚煮3分鐘,再加入蟹蓋和蟹肉在表面煮多3分鐘,最後加入三文魚子和大葉裝飾即成!

#betiskitchen海鮮#betiskitchen日式

明太子忌廉蟹肉意粉 西式意粉

明太子忌廉蟹肉意粉
明太子忌廉蟹肉意粉


明太子意粉真係超好食!MUST MAKE ITEM! 仲要勁簡單♥️材料方面好多人都問我!呢度全部都係向AEON買 (including三文魚子)😜日日煮中餐都好悶!呢排出街都係淨係去買餸💪🏻外賣食1晚已經唔想再食😅都係鍾意自己煮多啲,今晚淨係食個簡單意粉🙌屋企嗰隻野成日都要有新意😗不過食得開心我就滿足了😽

材料(2人用)
蟹肉 100g
意大利粉 200g
明太子2條 (~75g)
牛油 15g (切粒)
淡忌廉 150ml
醬油 1湯匙
三文魚子 隨意

做法:
1) 燒滾熱水加1湯匙鹽,意大利粉按包裝指示減2分鐘來煮至Al Dente質感,撈起瀝乾備用
2) 燒熱鑊加入油,加入蟹肉中火炒香(~3分鐘),盛起備用!
4) 明太子去衣把中間的明太子拿出來!鍋中加入明太子、牛油、淡忌廉和醬油,小火煮滾
5) 細火下意大利粉和蟹肉!和明太子汁撈在一起,煮至醬汁濃稠,再加上三文魚子作裝飾即成💞

#betiskitchen意粉#betiskitchen海鮮#betiskitchen西式#betiskitchen日式

日式蟹肉麵豉忌廉烏冬 日式食譜

日式蟹肉麵豉忌廉烏冬
日式蟹肉麵豉忌廉烏冬


Super easy recipe💥蟹肉用咗ready to cook拆好咗嘅蟹肉🦀如果想再講究啲可以用松葉蟹肉❤️最後撈埋生雞蛋一齊食super creamy🤓呢個係👦🏻向Censu食過之後提議我整lol😆He is my cooking inspiration🥺

材料:
急凍烏冬 2個
可生食用蛋黃 2個
蟹肉 200g
麵豉 1湯匙
忌廉 250ml
三文魚子 適量
糖 1/2茶匙
日式醬油 1湯匙
紫菜碎 適量
蔥花/紫蘇葉碎 適量

做法:
1) 烏冬滾水煮2分鐘,盛起備用
2) 熱鍋下油,加入蟹肉炒香,加入少少鹽,盛起備用
3) 鍋中加入一湯匙水和一湯匙麵豉醬,小火把麵豉醬煮至溶化,再加入忌廉!繼續用細火煮至和麵豉醬混合,再倒入蟹肉、烏冬、糖和醬油煮至醬汁濃厚便可關火
4) 先放上烏冬,再放上蛋黃、紫菜碎、蔥花和三文魚子即成✨

#betiskitchen日式
#betiskitchen海鮮

蟹粉花膠撈麵 中式食譜

蟹粉花膠撈麵
蟹粉花膠撈麵


上年整過蟹粉粉皮,今年試另一樣🍂仲記得前年有咗👶🏻!無得食又好想食😅今次用咗6隻大閘蟹🦀5.5-6両左右一隻!多謝👦🏻幫我拆蟹肉蟹羔🧡上年向蘇淅會食過💞今年憑記憶再整返同一個菜😆不過佢係用粗麵!我個人鐘意用幼麵多啲!蟹黃汁十分掛身!但係真係好肥🐷要努力跑返多幾次🙈蟹粉我覺得自制都係一個樂趣,上海食品店買到嘅蟹粉唔平,始終成本高又要好多人手😬



⭐️蟹粉撈面⭐️
材料:
大閘蟹 6隻 (6両)
紫蘇葉 6張

▶️大閘蟹放上紫蘇葉蒸好之後拆肉拆羔

材料: (2人用)
蟹粉 200g
麵 2個

薑蓉 1湯匙
油 3湯匙
雞粉 1茶匙
紹興酒 1茶匙
鎮江醋 1茶匙
鹽 少許
胡椒粉 少許
蔥花 適量

做法:
1) 麵加水煮至軟身,隔走水份!留少少煮麵水備用!
2) 熱鍋下油,下薑蓉爆香,再下蟹粉炒2分鐘至蟹油出,再加入調味料再煮多2分鐘便可加入麵拌勻,再加上蔥花和煮好的花膠即成

⭐️花膠⭐️

花膠 1塊
蒜頭 2粒
蔥 2條
蠔油/ 鮑汁 1湯匙
雞湯 200ml
糖 1茶匙
老抽 1湯匙

做法:
1) 花膠浸1晚,之後用薑加小小米酒,煮一煲滾水再放入花膠,蓋上煲蓋,中火滾約3分鐘左右關火,花膠繼續蓋上蓋浸半日左右就會發到好大!一開始煮嗰陣會縮水㗎!唔好嚇親!之後浸就會變返大!
2)花膠發好後,煲中下油爆香蒜頭和蔥,快手下花膠輕炒後下雞湯和其他調味料,轉小火炆煮15-20分鐘,之後切粗條即成

#betiskitchen中式#betiskitchen海鮮

花雕花蟹蒸蛋白 中式食譜

花雕花蟹蒸蛋白
花雕花蟹蒸蛋白


想買部蒸爐好耐!今次第一次用呢部2021年全新型號 @toshiba_lifestyle_hong_kong Q20 蒸焗爐 (MS2-TQ20SC)!選了這個鮮味十足的花雕花蟹蒸蛋白來為這個蒸焗爐開光🤍蟹和花雕的酒香十分夾,而且再加入了蒸蟹時的精華去蒸蛋白,用呢部蒸爐蒸出黎好滑熱力十分均勻!重點係機細易放!我屋企個廚房已經無位整嵌入式蒸爐🤣而且內籠實用,同時放到2層共4隻碟🤪所以呢部機好啱我用💕另外佢仲可以發酵麵團、消毒奶樽同消毒餐具!👶🏻👶🏻👶🏻性價比高真心推介😙

⭐️介紹下呢部機既特點⭐️
🧡58個功能/食譜,比舊型號多左DOUBLE
🧡獨立按鈕(蒸、焗、蒸焗功能一按就係,使用更加方便) ,仲有跟機貼中英文紙,可以更加清楚知道用緊咩功能
🧡有兒童鎖,唔使驚小朋友唔小心開咗
🧡多功能(蒸、焗、炸、燉、發酵麵團、發酵乳酪) 性價比高
🧡推廣期內買多送一套蒸焗盤(價值$270)
🧡4個清潔消毒(爐腔清潔、爐腔除味、餐具消毒、奶樽消毒)
.
.
▶️蛋白和水份比例1:1就ok
.
.
材料:
花蟹 1隻 (1斤左右)
蛋白 4隻 (約150ml)
花雕酒 2湯匙
牛奶 75ml
水/ 蒸蟹水 75ml
鹽 1/4茶匙
蒸魚豉油 適量
滾油 2湯匙
芫荽 適量
葱花 適量

做法:
1. 拆開蟹蓋後去蟹胃去腮等,洗淨,斬件後,可在蟹鉗上用刀背拍幾下,瀝乾水份,加入1湯匙花雕酒伴勻
2. 放入Toshiba Q20蒸爐用大火快蒸(自動功能31),調校至5分鐘蒸至半熟,要留著碟底的蟹汁
3. 蛋白、牛奶、1湯匙花雕酒、蒸過蟹的水和鹽拌勻再過篩備用
4. 碟上先倒入蛋白液,再把蟹放上,碟蒸一定要加蓋或錫紙,避免倒汗水沾上蛋面
5. 用純蒸功能,蒸10分鐘
6. 取出,可倒上蔥花和芫荽,再淋上滾油和蒸魚豉油即成

#betiskitchen中式#betiskitchen海鮮#ToshibaLifestyleHongKong
#東芝Q20蒸氣焗爐
#蒸氣焗爐

特濃蟹肉芝士蕃茄意大利飯 西式食譜

特濃蟹肉芝士蕃茄意大利飯


煮意大利飯不困難,但就要有耐性不時攪拌同時間要攞得準,最好唔好煮多過20分鐘!就會煮到al dente!今次用左拆好哂既蟹肉!方便到爆🙈賣相都好leng leng😍⭐️呢個意大利飯係參考一間意大利餐廳,👦🏻食過之後不斷叫我整煩死我🤣成全佢❤️

▶️ 意大利米無須用水洗,否則就無一粒粒的口感
▶️魚高湯無既就用雞湯,未倒落啲飯前最好䁔住佢!咁樣就唔會令到個飯降溫!

材料: (2人份)
意大利米 180g
洋葱碎 1/4個
牛油 20克
蟹肉 100g (or 你鐘意就多啲)
茄膏 2湯匙
車厘茄 10粒
Fish stock 1000ml
白酒 60ml
忌廉 50ml
Parmesan cheese 100g
橄欖油 適量
鹽和黑胡椒 適量
炸煙肉粒 (optional裝飾用)

做法:
1) 洋蔥切碎,車厘茄切半!
2) 牛油加少少橄欖油起鑊爆香洋葱碎,再落車厘茄和茄膏炒香,之後下意大利米炒1分鐘至每粒米都包上汁
3) 加入白酒煮1分鐘,轉細火,分數次加入fish stock,每次收水後再加入高湯,煮15分鐘!最後5分鐘加入蟹肉!or直到飯煮至al dente熟(約20分鐘,可自己試下先)
4)下忌廉、cheese和調味料攪拌均勻煮多1分鐘,熄火即成!可放少少炒香左嘅蟹肉做裝飾💕

#betiskitchen西式#betiskitchen海鮮

黑松露蟹肉日式飯 日式食譜

黑松露蟹肉日式飯
黑松露蟹肉日式飯


聖誕快樂🎄🎅🏻今次係👦🏻煮的,佢跟我之前寫過的食譜煮,所以我無乜影步驟相😅😂ANYWAYS佢都成功!不過我上次煮仲爆香左蝦頭同毛蟹殻煲個湯去煲飯,香到爆🖤🖤🖤但嫌麻煩可用水或雞湯煲飯都✅


用毛蟹或其他日本蟹都得!蒸熟再拆肉

材料:
日本米2杯 (再加平時電飯煲煲2杯米的水/雞湯/蝦蟹湯)
牛油 1湯匙
車打芝士絲 2湯匙
三文魚子 適量
黑松露醬 2茶匙
黑松露油 1茶匙
熟蟹肉 150g
日本豉油 2茶匙
味醂 2茶匙
Parsley碎
胡椒粉 適量
鹽 適量

做法:
1) 米洗淨加平時電飯煲煲2杯米的水份或湯、車打芝士絲和牛油放進電飯煲煮成熟飯
2) 飯熟後加入黑松露醬、黑松露油、豉油、味醂、鹽和胡椒粉攪拌
3) 燒熱鍋子,加入飯、一半熟蟹肉攪拌, 輕輕壓平表面,超小火加蓋煮十分鐘至有飯焦
4) 最後放上一半熟蟹肉、三文魚子和Parsley在表面便完成

#betiskitchen海鮮#betiskitchen日式