日式咖啡屋風🇯🇵不過一定好食過餐廳！因為自己煮可以加多啲帶子同埋用好多菇菇☺️本菇加入牛油同蒜蓉仲有香草乾去炒香，之後再加入忌廉意粉非常好食😋帶子可以唔落都得，或者用其他海鮮取代🫶🏻❤️🔥
和風蒜香本菇帶子意粉 日式食譜
蝦
一鍋到底蕃茄大蝦意粉 西式食譜
呢種意粉非常之適合放工快煮🥹今次再整埋俾👶🏻食！材料都沒有大分別，但係煮俾佢食我會落少一點鹽同埋意粉會煮淋一點🔥💕最開心嘅係老闆十分滿意！所有材料都可以去超級市場買到，非常方便☺️我個人本身唔係好鍾意成日出街食🥺如果連續出街食2日已經會非常之想食屋企飯！再加上👶🏻出現之後，亦都唔想佢成日食街外面啲嘢/👩🏽’s所以只可以勤力煮🥲
節瓜咸蛋蝦滑湯 湯水食譜
聽到大家反映想睇多啲湯水食譜🫣我每星期都一定煲2次湯！無湯飲唔安樂派🥲嚟緊秋天分享多少少湯水食譜🍂🍁呢個湯屬於滾湯類！好快煮好，但個湯底有濃濃蝦味，再加上節瓜同草菇吸晒啲蝦湯味，超級好飲❣️
特濃芝士花竹蝦伊麵 中式食譜
呢期過咗休漁期之後成日都買花竹蝦❤️今次$198斤😽有時唔想整龍蝦係因為覺得比較麻煩，同埋老實講我鍾意食蝦多過龍蝦😂今次用了mozzarella 芝士片🧀不過其實隨便向屋企執啲芝士片都ok🥰個人鐘意creamy d所以加咗忌廉，唔想落都可以用牛奶取代！伊麵最後買咗兩個，知屋企位人兄一定會話唔夠麵食🫣
金湯鹹蛋黃蝦仁玉子煲 中式食譜
參考象廚的金沙豆腐蝦仁鍋 @e.g.kitchen 🌟超級好食！充滿鮮甜鹹香，撈飯一流🥹黃金湯底來自鹹蛋黃！鹹蛋黃加入雞湯之後再用來煮玉子，效果非常不錯🫶🏻今次終於影咗呢包大蝦仁嘅包裝給大家參考一下🤪一個好簡單嘅家常菜，希望大家喜歡，在家千日好💕
泰式芒果柚子大蝦沙律 泰式食譜
話說呢排天氣太熱，唔知點解冇咩胃口食嘢煮嘢😩呢幾日都會share泰式食譜💕幾日無煮飯，今晚整個清新的泰式沙律！大蝦隨意用任何急凍蝦便可以🫶🏻柚子如果唔想自己開可以買一啲一包包開好咗的柚子😆呢個餸非常之適合做cooking gathering的冷盤💛
海蝦櫻花蝦黃金炒飯 中式食譜
My boys’ fav fried rice👦🏻👶🏻! 純分享下我個人經驗，家庭式小技術😌今次用咗新鮮游水海蝦！加少少櫻花蝦同埋菜心🤲🏻我煮炒飯比較喜歡先把蛋和飯攪拌均勻！今次又係用咗蘭王蛋，隻色美美的🫶🏻今次見啲海蝦蝦頭好多膏，炒飯之前特登爆香左啲蝦膏先開始炒❤️🔥
▶️ 炒飯切忌用鑊鏟壓飯，一定要用推的方法去慢慢把飯推散！
▶️ 沒有用隔夜飯，因為好多時會雪到太硬，即日煲的飯放在室溫放涼一會便可以，我覺得效果更佳
▶️ 熱鍋熱油有耐性炒！令飯的蒸氣揮發，就會做到粒粒分明效果！
▶️ 切忌一次過倒入大量飯去炒，因為會令到鍋中太多飯，沒有足夠的散熱空間，不能炒到乾身效果
▶️ 用電飯煲煲飯，米和水比例可以用1:0.9，後會比較乾身，更易炒
▶️ 我多數用泰國金鳳米，飯身比較煙靭
.
.
材料:
海蝦 500g
櫻花蝦 30g
米 1米杯
菜心 6條
蛋 1隻
蔥花 適量
做法:
1) 1米杯的米用電飯煲煮成白飯，煮好後放在室溫15分鐘 (煮飯的水的份量，可以比平時少10%)
2) 海蝦去頭備用，蝦身放入滾水中，大火煮熟，拿起去蝦殼備用
3) 菜心只取菜心莖，切小粒備用
4)雞蛋打發好，加入1/4茶匙鹽和1茶匙油，再倒入白飯中，攪勻！
5)大火熱鑊下1湯匙油，(如蝦頭有蝦羔可以加入蝦頭爆香後拿起)，把已混入蛋汁的飯倒在中間等30秒，之後開始不斷炒和推，要有耐性，保持大火！炒約5分鐘後加入菜心粒，繼續炒多3分鐘至乾身和粒粒分明！之後加入海蝦和櫻花蝦炒勻，加少許鹽調味即成
#betiskitchen中式#betiskitchen海鮮
一鍋到底檸檬蒜蓉大蝦意粉 西式食譜
With baby version👶🏻 其實呢個食譜之前已經post過，但係個時淨係得英文食譜，今次打返個中文再改良咗少少嘢！冇咩特別想講😂好簡單好好食！加啲菠菜入去好健康💕✌🏻今次用咗冰鮮Jumbo虎蝦仁！方便快捷啖啖肉😎
<👶🏻’s version> 意粉視乎年紀！話說我個仔已經差唔多兩歲😂所以已經俾佢食一條條嘅意粉，今次用咗短身媽咪意粉✌🏻煮好意粉留起少少意粉水！蝦仁用油慢火煎香！加入菠菜同BB芝士！之後再加入意粉同適量意粉水！有需要可以加少少少少鹽調味💕😗條友仔又食哂🥺😎
材料: (2人用)
蝦仁 12-15隻
牛油 20g
意粉 150g
橄欖油 2湯匙
蒜蓉 2湯匙
baby菠菜 150g
乾辣椒碎 1湯匙 (不吃辣可不加)
檸檬汁 1湯匙
檸檬 半個
任何芝士片 3片
Parsley 適量
海鹽 適量
黑椒 適量
做法:
1) 將蝦仁洗淨，背部輕輕切一刀，(開背煮出嚟效果會靚啲)然後用廚房紙巾抹乾！意粉跟包裝減2分鐘煮至al dente ！
2) 熱鑊下10g牛油和1湯匙橄欖油！爆香蒜蓉和辣椒，再加入蝦仁煎至兩面金黃！加入海鹽和黑椒調味！
3) 再加入菠菜煮到翠綠色！便加入芝士片、10g牛油、1湯匙橄欖油、檸檬汁和意粉煮至汁濃，視乎需要調味，再加parsley和檸檬片裝飾即成
鹽焗多膏大頭蝦 中式食譜
超級簡單但好食😜向街市見到游水大頭蝦♥️睇相都見到勁多膏，好耐冇食過大頭蝦！唔一定要用大頭蝦，可以用其他大隻少少嘅蝦都得！粗鹽好平就有一包架啦！所以就算呢度用好多鹽都只不過係$6😂LC保溫真係好好，呢個餸又完美表演到😽
材料:
大頭蝦/ 大虎蝦10隻
粗鹽 1000g
牛油 20g
香葉 4片
八角 6粒
花椒 1湯匙
紹興酒 1湯匙
做法:
1) 蝦去頭頂的尖、腳和鬚！備用！
2) 燒熱鑊，下牛油，把粗鹽倒入，把鹽中火炒至熱身，加香葉、八角、花椒拌勻，把一半的鹽拿起，再將蝦放入，把拿起了的鹽放上，將蝦埋在鹽堆中！然後在邊位倒入一圈一湯匙的紹興酒！
3) 上蓋細火焗8分鐘，抹走表面鹽份即可！
#betiskitchen中式 #betiskitchen海鮮
西班牙紅蝦意粉
預祝情人節😝weekend先玩到呢啲大project lol 今次買咗好大隻西班牙野生紅蝦！超級鮮甜！個頭好多蝦膏✌🏻🇪🇸用黎煮個意粉底so good🥰但因為紅蝦養殖唔到，只可以野生捕捉，所以價錢都比較貴🥲食譜向呢個post下面！再買咗入口即溶大拖羅刺身、螢光魷魚同三文魚子，簡單整已經超好食😍
.
.
💖Super pretty heart collection from @lecreusethk 💖
.
.
🔸南瓜濃湯🔸
🔸野生西班牙紅蝦意粉🔸
🔸大拖羅三文魚子醬油柚子沙律🔸
🔸黑松露螢光魷魚🔸
🔸Tiramisu🔸Moscato🔸
.
.
紅蝦意粉食譜🇪🇸 𝑅𝑒𝒹 𝓅𝓇𝒶𝓌𝓃 𝓅𝒶𝓈𝓉𝒶
▶️唔想特登買白蘭地可用白酒
▶️番茄醬: 可以用12粒車厘茄切半，加少少油輕輕煎香，再加入150ml水煮5分鐘，加入攪拌器打碎即成
材料: (2人用)
紅蝦 300g
車厘茄 6隻
蒜頭 4粒
意粉 200g
番茄醬 4湯匙
牛油 2湯匙
白蘭地 30ml
橄欖油 適量
鹽和黑椒 適量
Parsley 適量
做法:
1) 紅蝦去殼，留頭部備用！車厘茄切半，蒜頭切片，意粉跟包裝減2分鐘煮至al dente
2) 熱鑊下牛油爆香一半蒜片，再加入紅蝦頭大火爆香2分鐘，倒入白蘭地煮至酒味蒸發，轉細火，壓出蝦頭裏面嘅蝦膏同汁，加入車厘茄和番茄醬小火煮5分鐘，拿走蝦頭，加鹽和黑椒調味，再加入意粉煮至汁濃盛起
3) 另一隻鑊下油爆香餘下一半蒜片，加入紅蝦煎香2邊，下少許鹽調味，放在意粉上，加parsley裝飾即成
#betiskitchen西式#betiskitchen海鮮#betiskitchen意粉
Beti's Kitchen 簡易食譜分享 