Super yummy🍚好大隻飽滿爆汁😝之前Sunday family dinner最愛食翠亨邨的桶蠔煲！幾個月都無去過🙁整得靚既薑蔥桶蠔煲蠔一定要煎得乾身不水汪汪🤭餐廳煮得好乾身飽滿！自己煮都係跟返佢用美國桶蠔整呢個餸，大大隻清理方便♥️但我就鐘意有啲汁撈下飯，加多少少調味料😎建議用美國或者日本蠔，易清洗同海質比較好😗成個餸其實好簡單，材料得幾樣！但係就有少少tips防出水✔️

▶️桶蠔放入滾水煮30秒後熄火焗1分鐘，可以令到外皮先煮熟
▶️煎之前要2邊好認真地用廚房紙巾吸乾水！唔好求其😌
▶️撲上少少生粉，唔需要太多！大火多油煎至2邊微微金黃！大火就冇咁易出水！不過小心會彈油，因為始終都好難索到完全乾！(呢個危險動作我交俾👦🏻處理🥰)
▶️加少少牛油會更加香！

材料:
蠔 8隻
薑 10片
蔥 6棵
乾蔥頭 3粒
牛油 1湯匙
生粉 適量

調味料:
生抽 1/2湯匙
蠔油 1湯匙
水 1/2湯匙
糖 1/2茶匙

做法:
1)先洗蠔，把蠔放在碗中，用生粉拌勻、沖水清洗2-3次！水滾後加入蠔煮30秒，熄火焗1分鐘拿起，再用廚房紙巾輕輕索乾水份備用！
2)蔥切段、薑去皮切片、乾蔥頭去皮切半！
3)蠔兩面輕輕撲上少許生粉！熱鑊下2湯匙油，加入蠔大火煎至2面金黃！拿起備用！小心彈油！
4) 熱鑊下油，加入薑爆！再加入蔥、乾蔥頭和牛油爆香！再加入蠔和調味料輕輕力炒至乾身即成

I can’t think of what to cook😩雪櫃仲有帶子，又想食啲creamy啲嘅嘢☀️前幾日買咗呢隻rigatoni質地唔錯好掛汁！不過搵唔到用其他意粉都得♥️已經將黃金帶子秘訣傳授咗俾我徒弟👦🏻🥸而家每次都係佢整😂所以今次唔使單手拍片😂Cooking video on pic3✔️

▶️ 煎黃金帶子技巧:
✨一定要用㕑房紙巾索到好乾水，油熱先落鑊煎
✨將帶子以12點鐘方向順時針放向平底鑊中煎，就可以知邊隻要反轉先
✨唔好多手反嚟反去！每邊大火煎60-90秒再反轉另一邊
✨煎好一面才加海鹽和牛油調味，一早下鹽可能會導致出水

▶️煎車厘茄的時候可以不斷輕壓，以釋放更多茄汁，忌廉汁會更加香濃

材料: (2人份)
Rigatoni /任何意粉 200g
車厘茄 12粒
乾蔥頭 2個
蒜蓉 1湯匙
茄膏 1湯匙
牛油 15克
白酒 100ml
忌廉 200ml
Parsley 少許
鹽和黑胡椒 適量

黃金帶子:
帶子 10隻
牛油 1湯匙
橄欖油 1湯匙
海鹽 適量
黑椒碎 適量

做法:
1) 將帶子洗淨，然後用廚房紙巾抹乾，之後燒熱鑊，加入橄欖油，用油潤鑊將鑊打圈令油均勻分布，從正上方「12點」位置順時鐘將帶子落鑊
2) 大火煎60至90秒，然後反轉，落10g牛油、海鹽和黑椒再煎90秒，盛起備用
3) 乾蔥切碎，車厘茄切半，意粉跟包裝減2分鐘煮至al dente
4) 熱鑊下牛油爆香蒜蓉、乾蔥蓉和車厘茄約3分鐘，再加入茄膏炒勻，然後倒入白酒細火煮5分鐘，再加入忌廉和意粉煮至汁濃
5) 下少許黑椒和鹽調味，再加入parsley和帶子即成

#betiskitchen西式#betiskitchen海鮮
#betiskitchen意粉

👦🏻今晚又想食🥰因為實在太簡單，諗唔到整咩就可以整呢個😆我今次用左花甲，用蜆都同樣好食！個湯都好好飲！食哂蜆之後可以當湯飲❤️

▶️可以用現成椰子水代替新鮮椰青水 <我今次就係咁做😅都好好食！350ml椰青水

材料:
大蜆/花甲 1斤
椰青 1個
水 50ml
香茅 2條
檸檬葉 4片
辣椒仔 1隻
草菇/菇類 8粒
魚露 1茶匙
黑胡椒 少許
青檸 1個
芫荽 1扎

做法:
1) 草菇切半，香芧莖部切段和輕拍，檸檬葉撕開一半，椰青開好後留椰水，椰子肉切條備用，辣椒仔切粒，蜆浸鹽水吐沙
2) 鍋中倒入椰青水、水、香茅、檸檬葉、辣椒仔、草菇、魚露，中火滾3分鐘
3) 之後倒入蜆，煮到開口，再加入黑胡椒 、青檸和芫荽即成

#betiskitchen海鮮#betiskitchen東南亞

第一次認識呢個菜式係2年前向好酒好菜食過😛之後整過幾次，尋晚再調教過個汁煮多次，無落辣椒仔，口味清新啲💛呢個餸我發現用細隻啲的花甲係好食過大大隻😅！Super simple and easy❤️ 呢排掛住整新年糕點，煮啲簡單嘅嘢算😴

▶️紅尖椒同芫荽盡量切細緻一點，口感和賣相都會比較突出

材料:
花甲 1斤

醬汁:
芫荽 1扎 (切細粒)
紅尖椒 半條 (切細粒)
蒜蓉 1湯匙
麻油 1茶匙
生抽 1湯匙
魚露 1湯匙
糖 2茶匙
水 50-100ml (自己試下味)

1) 花甲先浸洗，鍋中水滾後加入花甲大火煮至開口，拿起沖一沖凍水，再移走另一邊殼！排在碟上備用！
2) 醬汁所有材料攪拌均勻，自己試吓味先！
3) 倒在花甲上即成

#betiskitchen中式#betiskitchen海鮮

inspired by the dish I had in 彤福軒✌🏻上次煮用了貴妃蚌，今次去街市搵唔到！魚檔老闆推介了呢隻新鮮北寄貝，佢話肉厚仲好食過貴妃蚌啦呀妹 (thanks for not calling me 呀姐😂) OK真係好食喎💖👦🏻大讚🤪新鮮嘅海鮮簡單煮最易食到個鮮味！個湯底超正！有花雕酒香又吸收左海鮮味！食完可以再攞嚟煮返個面🙂唔一定要用北寄貝可以用花甲/蜆！煮一定要大火煮！時間要準確！咁就唔會過熟✨
.
.
▶️有需要就加鹽調味，我鍾意唔落鹽就咁用海鮮嘅鮮味😛
.
.
材料:
北寄貝 6隻
紅尖椒 隻
蒜頭 2瓣
芫荽 1扎
蔥花 適量
雞湯 250ml
花雕酒 2湯匙

做法:
1) 北寄貝 好，可以叫魚檔開埋，否則自己用刀撩開，備用，蒜頭切片，紅尖椒切條
2) 熱鍋下油，爆香蒜片及紅尖椒，倒入花雕酒等20秒，之後再倒入雞湯！
3) 雞湯大滾後，加入北寄貝 ，冚蓋，大火煮3分鐘！之後加入芫荽和蔥花即成

#betiskitchen中式#betiskitchen海鮮

超鮮甜無水煮卜卜蜆鍋🇲🇴𝒞𝓁𝒶𝓂𝓈 𝓅𝑜𝓉
.
.
30秒學識整🫢15mins done! 超級簡單超級好食！最後個圖係一滴水都冇落過嘅效果，充滿鮮味，全部都係蜆和蔬菜的精華😜放向底的白蘿蔔和娃娃菜吸收晒！LC Buffet 每次整”無水煮”都大成功😎如果無可試下用淺身煲，一定要淺身有蓋，才可令蒸氣回流入煲底做到出水效果！如果都無就加100ml水去煮！今次隻沙白超級肥美💖$40斤！完全無沙！

.
.
▶️買水份高啲的白蘿蔔鋪底！就可以做到無水煮效果！如果真係驚唔夠可以落少少水！

▶️沙白/白蜆比較合適！新鮮度好重要！一定唔可以係死蜆，否則會有臭味同不能吐沙🫣我亦會觀察養蜆的水是否清澈，同最好在買開而可靠的魚檔多數唔會出事😎
.
.
材料:
蜆 1-1.5斤
白蘿蔔 半條
娃娃菜 2棵
蒜蓉 2湯匙
蔥花 2湯匙
蠔油 1湯匙
麻油 1茶匙

做法:
1) 蜆放鹽水浸1小時吐沙，洗淨備用
2) 白蘿蔔去皮切粗條，娃娃菜切去根部，平均鋪在鍋底，再把蜆排好，可以先排外圍，再由外至內排好
3) 表面灑上其他材料，上蓋，中火煮6-8分鐘，或蜆開口即成

#betiskitchen中式#betiskitchen海鮮

Super super easy and yummy! 幾年前向意大利五漁村一間小餐館食過的一道菜🤍咁岩街市見到啲魷魚仔好靚，就諗起呢道菜🤪新鮮嘅海鮮最就係簡單煮！就可以食到食材本身嘅鮮味💞買細隻小小嘅魷魚口感會比較細緻！魷魚煮煮下會出水，唔駛加水煮，本身既汁再加乾蔥蒜蓉超好食🤪

材料:
魷魚仔 3-4隻
蒜蓉 1湯匙
乾蔥蓉 1湯匙
牛油 2湯匙
海鹽 1/2茶匙
黑椒碎 1/2茶匙
Parsley碎 1湯匙

做法:
1) 魷魚可以叫魚檔幫手劏好，去掉身上一條的透明骨和外面的衣！
2) 熱鍋下牛油，爆香蒜蓉乾蔥，轉中大火煎香魷魚，加入parsley上蓋煮3-5分鐘，再加鹽和黑椒調味即成

#betiskitchen西式#betiskitchen海鮮

⭐️福建菜式⭐️之前向餐廳食過之後一直念念不忘！咁啱響街市見到有黃蟶子賣！就諗起可以整呢道菜👌🏻超簡單勁好食！但有個麻煩位就係煮熟完啲蟶子之後要逐隻將中間黑色污糟野整走😵

材料:
黃蟶子 半斤
蛋 4隻
紅尖椒 半條 切碎
乾蔥頭 1粒 切碎
鹽 1/2茶匙
紹興酒 1茶匙
蔥花 2湯匙
蒸魚豉油 適量
白胡椒粉 適量

做法:
1) 滾水加入紹興酒，把黃蟶子加入，大火煮到開口後，立即拿起過凍水！之後把肉取出！再逐條將中間的黑色污物去掉！
2) 蛋加入鹽攪拌均勻！
3) 平底鑊加入2湯匙油，再加入1湯匙蔥花、紅尖椒和乾蔥碎炒香，倒入蛋漿攪拌均勻，之後再加入蟶子，用中火把蛋煎熟，在表面加上餘下蔥花、適量的豉油和白胡椒粉即成

#betiskitchen中式#betiskitchen蛋#betiskitchen海鮮

今日向街市見到美美的花甲💞整返個之前已經整過嘅菜式！😗不過個汁調教過，今次加咗黑松露醬crossover！仲好食🤤不過optional，唔加都絕對無問題👌🏻Super simple and easy❤️❤️一定好食！用其他海鮮都得👦🏻大讚！Inspired by myself！無向餐廳見過呢個dish🙂

🧡今次用咗 @lecreusethk 今日新出嘅Harry Potter 系列！一人一碟超靚❤️
#LeCreusetXHarryPotter

材料:
花甲 1斤
芫荽 1扎

醬汁:
蒜蓉 2湯匙
辣椒切碎 3條
炒香過的芝麻 2湯匙
黑松露醬 1湯匙 (optional)
滾油 3湯匙
生抽 2湯匙
蠔油 1湯匙
花雕 1茶匙
糖 1茶匙
水 2湯匙

1. 花甲先浸洗，鍋中水滾後加入花甲煮至開口，拿起沖一沖凍水，再移走另一邊殼！排在碟上備用！
2. 蒜蓉、芝麻、黑松露醬和辣椒碎攪拌均勻，倒上滾油，之後再加入其他材料攪拌均勻即成醬汁！自己試吓味先！
3. 倒在花甲上，再放上芫荽碎即成

#betiskitchen中式#betiskitchen海鮮

Since 2018 Oct! 開呢個acocunt啱啱3年😛但係呢排因為👶🏻開始大個，要教學陪玩處理唔同嘢真係忙咗好多🥲無乜諗到煮乜又無乜時間打食譜😅可能遲下都會出少啲post…😆墨魚汁意粉一條條的沾上忌廉明太子汁，好好食😋帶子係我自己後加！煎黃金帶子我再post多次個tips💛仲有附上隨心video但話說啲油彈到我好痛…😂

⭐️Inspired by Queen Hollywood⭐️

💛煎黃金扇貝技巧💛
▶️一定要用㕑房紙巾索到好乾水，油熱先落鑊煎！係熱到有煙先落！大火！
▶️將帶子以12點鐘方向順時針放向平底鑊中煎，就可以知邊隻要反轉先
▶️唔好多手反嚟反去！每邊大火煎60-90秒再反轉另一邊
▶️煎好一面才加海鹽和牛油調味，一早下鹽可能會導致出水

▶️加咗大葉個味特別好多！好夾明太子！大葉可以向日式超市買到🍀

材料(2人用)
帶子 10粒
墨魚汁意大利粉 200g
明太子2條 (~75g)
牛油 15g (切粒)
淡忌廉 150ml
醬油 1湯匙
大葉 4張 (切碎)
三文魚子 隨意

做法:
1) 燒滾熱水加1湯匙鹽，意大利粉按包裝指示減2分鐘來煮至Al Dente質感，撈起瀝乾備用
2) 將帶子洗淨，然後用廚房紙巾抹乾，之後燒熱鑊，加入橄欖油，用油潤鑊將鑊打圈令油均勻分布，從正上方「12點」位置順時鐘將帶子落鑊
3) 大火煎60至90秒，然後反轉，落2湯匙牛油、少少海鹽和黑椒再煎90秒，盛起備用
4) 明太子去衣把中間的明太子拿出來！鍋中加入明太子、牛油、淡忌廉和醬油，小火煮滾
5) 細火下意大利粉、大葉碎！和明太子汁撈在一起，煮至醬汁濃稠，再加上黃金帶子和三文魚子作裝飾即成💞

#betiskitchen意粉#betiskitchen海鮮#betiskitchen西式#betiskitchen日式