就快新年🧧今年時間好趕…聖誕完咗冇耐就新年😅新年出返個黃金湯意頭菜食譜😋食中餐總係覺得冇湯飲唔安樂😂超喜歡飲湯💓呢隻急凍澳洲青邊鮑向街市凍肉檔買$500左右！花膠就係之前買落的花膠筒超靚🫶🏻這個湯材料比較貴，唔可以成日煲😂不過大時大節就非常之適合，一家人食得開心最重要🤭青邊鮑煲完湯之後切片食非常鮮甜！值回票價😌
花膠青邊鮑煲雞湯 中式食譜
湯水
魚湯白胡椒蘿蔔豆腐浸花甲 湯水食譜
30秒學會 今次又改良咗一次呢個餸💕加入了白胡椒和白蘿蔔！超級鮮甜好吃💙絕對係多功能菜式，因為可以當湯飲又有得食埋啲蜆🤍今次用了剝皮魚去煲的奶白魚湯！勁鮮甜🍼個湯好好飲煲完花甲更加鮮甜！個魚湯煲完豆腐同白蘿蔔之後，落花甲之前就留少少俾👶🏻飲！超有益♥️之後先攞嚟煮花甲！大細都食到舔舔脷♥️我超鍾意食芫荽！最後加咗白胡椒🤣有人問我係唔係花甲有沙😂唔係喔白胡椒來的😆
雪梨竹蔗茅根瘦肉湯 湯水食譜
秋天滋潤湯水🌙今日share一下呢個簡單中式湯水食譜！近日天氣開始轉涼🍁此湯水清潤滋補，味道帶甜，飲完喉嚨非常之舒服☺️小朋友都適合飲用😝唔鍾意落瘦肉可以skip💕
奶白豬骨粟米栗子湯 湯水食譜
呢個湯細細個👵🏻已經成日煲💖家中兩位男性都非常之喜愛飲中式湯水，個湯本身基本上沒有什麼技巧，但如果要把豬骨煲到奶白色，就要落多一層功夫😊其實原理同煲魚湯一樣，將熱水倒入煎好了而帶有油脂和膠原蛋白的豬骨，便可以成功產生乳化作用，得到奶白色的效果🌰當然如果你不在乎有奶白效果，就咁將所有材料煲埋一堆都好好飲！👶🏻飲了1大碗感動💖
節瓜咸蛋蝦滑湯 湯水食譜
聽到大家反映想睇多啲湯水食譜🫣我每星期都一定煲2次湯！無湯飲唔安樂派🥲嚟緊秋天分享多少少湯水食譜🍂🍁呢個湯屬於滾湯類！好快煮好，但個湯底有濃濃蝦味，再加上節瓜同草菇吸晒啲蝦湯味，超級好飲❣️
冬瓜薏米瑤柱消暑湯 中式食譜
今日share一下呢個簡單中式湯水食譜！近日都超級超級熱，非常建議大家煲呢個湯去消暑，除煩止渴和去水腫❤️小朋友就非常之適合飲用😝
爵士湯 湯水食譜
爵士湯乃西苑名菜，早兩個星期去飲茶，睇一睇Menu，突然醒起上一次煲係幾年次🫣連呢個IG都未開…🥹OK… 即刻的起心肝煲個認真湯！這個湯的典故有興趣可以wiki下！不過簡單啲來講其實係蜜瓜螺頭花膠雞湯🍈材料有啲多，不過煲出嚟真係超級好飲！感動的味道🧡仲要超級滋補，飲多點湯水養養顏🥰
▶️我個人發花膠常用浸發，因為比蒸發省時，只須一日，而其實浸發過程只會煮3分鐘，並不會流失大量膠質，大家可以自行挑選方法🥰
▶️呢包花膠在story都有提及過！大約$90一大塊，已經好厚身，食得好滿足♥️☺️向鴨脷洲大街街市購入😎
▶️蜜瓜要打成蜜瓜汁，可以用攪拌機幫手，真係無就壓成溶都得，而想味道再香啲可以準備一個魚袋，把蜜瓜皮和核一起煲！🍈
.
.
材料:
雞 1隻
豬𦟌 半斤
雞腳 8隻
急凍螺頭 3件
花膠 2-4件
蜜瓜 半個
沙參 35g
肉竹 35g
瑤柱 6粒
薑 2片
水 2500-3000ml
做法:
1) 花膠清水浸1晚，之後用薑加小小米酒，煮一煲滾水，再放入花膠，蓋上煲蓋，中火滾約3分鐘左右關火，花膠繼續蓋上蓋浸半日
2)急凍螺頭解凍後切半，擦洗乾淨，移走內臟，雞斬開四件
3) 雞、雞腳、豬𦟌和螺頭加入凍水，煲滾後煮約5分鐘，汆水去除雜質，拿起備用
4) 鍋中加入水、雞、雞腳、豬𦟌、螺頭、瑤柱、薑、沙參和肉竹，大火滾5分鐘後轉小火煲1.5小時
5) 蜜瓜起肉，放入攪拌器打成蜜瓜汁！蜜瓜皮和核可入魚袋 (嫌麻煩可以skip)
6) 加入蜜瓜汁和蜜瓜魚袋放入湯中繼續煲多30分鐘，最後30分鐘加入花膠即成
#betiskitchen中式#betiskitchen湯水
奶白魚湯豆腐勝瓜 湯水食譜
奶白魚湯豆腐勝瓜
Happy Mother’s Day♥️母親節快樂！母親節我要休息☺️唔煮了👻 介紹下我成日煮俾寶貝仔飲的奶白魚湯🤍實在太好飲成日encore! 今次唔用花甲，就咁用豆腐同勝瓜，好健康🥰我最鍾意飲湯！感覺滋潤好多🥸今次諗住煲大碗啲，第二日可以繼續飲！點知又俾人KO哂😅魚湯唔好多手落太多水，如果唔係個味就會淡晒！今次買咗2斤紅衫魚仔💕魚檔已經處理好！返屋企洗一洗就得！再加3000ml滾水😊不過太多條要分3次煎🤣
▶️ 石九公、紅衫、狗棍、青根、梳羅和鳳尾等煲魚湯都一流！
▶️ 煲奶白魚湯唔好用魚袋！用咗方便但會冇咁甜😅我情願煲好再用篩隔走啲骨🐟
▶️ 魚要2邊煎熟，倒入去的水要滾，一路煲唔可以太細火！咁就一定有奶白色🥛
材料:
魚1斤
滾水 1500ml
豆腐 1磚
勝瓜 1條
薑 1片
芫荽 適量
做法:
1) 勝瓜㓟皮切塊！豆腐切中粒！
2) 把魚洗淨瀝乾水分，再用廚房紙巾吸下多餘水分。熱鍋下油，放入薑片中火，加入魚再煎熟至微金黃後，立刻倒入滾水！一定要滾水先會有奶白色！再中火煮約20-30分鐘即成魚湯！之後將魚用篩隔出來！
4) 魚湯中火煲滾後加入勝瓜和豆腐煮5分鐘，可以試味，夠咸便不用落鹽，再加入葱段或芫荽即成！
#betiskitchen中式#betiskitchen湯水
#betiskitchen魚
蓮藕栗子豬骨湯 湯水食譜
星期一就會煲湯系列😅秋天滋潤湯水推介🍂🍁第3次煲！唔好飲嘅湯我都唔會出post👾👶🏻大愛😗秋天最適合食栗子同蓮藕！個湯超級清甜🥺本來呢幾日都有啲咳咳地，飲完個人舒服好多❤️👌🏻粟子我會買去咗殼個啲，方便好多🌰
材料: (4-6碗)
蓮藕 1斤
栗子 1磅
豬骨 300g
百合 30g
玉竹 30g
蓮子 30g
蜜棗 3粒
陳皮 1片
水 3000ml
做法:
1) 陳皮洗淨，浸軟後刮瓤，其他乾貨浸15分鐘後沖水，蓮藕去皮切塊，栗子去殼
2) 豬骨凍水落鍋，水煲滾後繼續煲5分鐘！拿起備用！
3) 水滾後放入所有材料再調細火煲約2小時即成
#betiskitchen湯水#betiskitchen中式
螺頭節瓜淮山雞湯 湯水食譜
好耐無post過湯水食譜😛呢個湯十分滋陰❤️好甜好好飲！👶🏻都好喜歡🤪乾螺頭其實都好好食！淮山可以用新鮮或者乾都得！如果用新鮮淮山去皮嘅時候一定要帶手套！因為佢d汁會搞到你隻手好痕😅仲記得好多年前第一次處理新鮮淮山，仲以為個啲汁好似好滋潤咁😅之後隻手痕到一個點😅
⭐️Bowls: New Mesh collection from @lecreusethk ⭐️
▶️雞如果怕肥，可以整走啲雞皮先煲/ 用竹絲雞煲
材料: (4-6碗)
雞 1隻
乾螺頭 4隻
瑤柱 4粒
新鮮淮山 1條
節瓜 2個
茨實 30g
無花果 4粒
陳皮 1片
水 3000ml
做法:
1) 乾螺頭浸半日，瑤柱浸1小時，陳皮洗淨，浸軟後刮瓤，其他乾貨浸15分鐘後沖水，節瓜和淮山去皮切塊
2) 雞切四件後汆水後過冷河備用，
3) 水滾後放入所有材料再調細火煲約2小時即成
#betiskitchen湯水#betiskitchen中式
