櫻花蝦臘腸煲仔飯 黄金飯焦技巧 成功率高 中式食譜

櫻花蝦臘腸煲仔飯
櫻花蝦臘腸煲仔飯


今次想主打講飯焦!頭幾次煮建議用簡單啲嘅材料如臘腸、臘肉或潤腸等!如果整雞或者肉餅,因為會出水,亦會怕食材煮得太熟,會更難控制飯焦的成功率😗今次用咗傳統煲仔飯瓦煲!其實本身冇諗住買,因為屋企已經有太多煲😂不過街市雜貨店見到$28實在太平😅雖然唔耐用,但係好有風味,推薦♥️👦🏻投訴話個煲太細個,佢可以食2煲😆the best claypot rice from myself ever🖤🥸Cooking video on my instagram.


事先聲明,飯焦好視乎爐頭!未必一次成功!但整幾次一定掂❗️
▶️ 飯焦原理就好似用油煎米餅,有油而飯又煮到乾身,再大火少少就做到
▶️ 但秘訣就係點樣唔好太大火煮到黑哂,靠聞下個味同聽下聲,當然仲有經驗!如果聞到有燶味就係有問題,要收手細火啲😂
▶️個煲蓋唔好成日開嚟開去!後期要將個煲打斜,不同方向對住個火煮,咁就可以連個邊都有飯焦!
▶️我無浸米,洗一洗就煮,洗完米一定要盡量整乾水先!如果唔係水份就會唔啱比例!米用泰國米最易煮到乾身粒粒分明,我用泰國金鳳口感煙韌♥️
.
.
材料: (2人用)
臘腸 2條
櫻花蝦 30g
米 2米杯
水 2米杯 (1:1 比例)
甜豉油 適量
蔥花 適量

做法:
1. 鍋底抹1茶匙油,米洗淨後加入同等份量的水,蓋上鍋蓋以中火煮至鍋蓋緣有蒸汽冒出,再轉細火繼續煮約10分鐘至收水,之後放上臘腸、繼續小火煮10分鐘
2. 期間可以炒香櫻花蝦備用
3. 向煲邊圍圈倒上1湯匙油!火力轉中火!將個煲打斜向不同方位煮1-2分鐘左右(總共6分鐘)!應該會聽到節節聲同聞到香味!關火!把臘腸取出,切粒,之後和櫻花蝦一起放返入個煲到,冚蓋焗3-5分鐘,加上蔥花和豉油即成!(如果呢一刻撩個邊都係無飯焦就落多少少油繼續重複煮)

#betiskitchen中式#betiskitchen豬

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s