Healthy fish dish! 🐟今次買了一條冰枱燕星斑！用呢個新煲整個無水蒸先😋Oblong長身而有深度，非常之適合煮原條魚類料理！💖冰枱魚味度始終比唔上新鮮魚，但好處就是價錢比較實惠，亦適宜用多一點的調味，今次整咗個蒜蓉醬放在金菇上！再加上魚的精華，金菇非常之鮮味😽 十分健康的一個家庭菜式🤍

🧡New @lecreusethk Fleur Relief Oblong Casserole 31cm Cotton 非常之實用🧡

Continue reading ➞ 無水蒸蒜蓉金菇魚 中式食譜

<With Eng recipe> whenever I can’t think of what to cook, I always go for easy pasta🤪 呢個意粉大部分材料都可以一早買定，三文魚用急凍，遲菠菜苗都係用急凍🫣，簡單方便！特別適合放工極速煮💕意粉用任何意粉都得！我今次用了Rigatoni

Continue reading ➞ 蒜香忌廉三文魚意粉 西式食譜

Super good for summer! 其中一個泰式大餐的菜式！超級簡單好食😋可以事前預備好，開飯之前放入平底鑊煎熟就得！熱辣辣食最正🫶🏻

Continue reading ➞ 泰式紅咖喱魚餅 泰式食譜

超級鍾意食三文魚！🇳🇴今次用了一隻挪威極光三文魚，是好食的，但食唔出同平時的三文魚有咩分別😂但三文魚真心好方便，一解凍就煎得，再加上非常非常滑嘅薯蓉🤤雖然薯蓉感覺有點邪惡，不過話說我吃不飽是睡不著的😅唔理得咁多想食就食，唯有做多點運動❤️‍🔥如果連食嘢都要經常控制住我覺得好辛苦🥲cooking and eating give me happiness❤️

Continue reading ➞ 超滑薯蓉配香煎脆皮三文魚 西式食譜

呢個食譜半年前post過🙃就是一個很簡單而又好吃的菜式，重點係三文魚好健康，我超鍾意食三文魚！出奇地向餐廳竟然冇食過呢個菜式😆改良一下，省卻了牛油果莎莎，加入了黃金薯仔粒和車厘茄，用了Rosemary取代Parsley！原來仲好食🧡比多少少創意就可以創造到不同版本的食譜😎

▶️三文魚建議買連皮去骨三文魚塊，方便又快捷！小朋友都非常之適合食用！如果兩件三文魚唔夠食直接加多2件，醬汁材料可以乘2！

材料:
三文魚 2件
檸檬 1個
蒜蓉 2湯匙
車厘茄 10粒
薯仔 1個
蜜糖/糖漿 4湯匙
牛油1湯匙
黑椒碎 適量
海鹽 適量
Rosemary 3條

做法:
1) 三文魚解凍後洗淨抹乾，用鹽同黑椒灑在2面
2) 檸檬切片，薯仔去皮切小方粒，車厘茄切半
3) 熱鍋下油，中細火有耐性地把薯仔粒煎至金黃色，其間加1條Rosemary一起煎取其味，再下少許鹽和黑胡椒，拿起備用
4) 熱鍋下油，中大火煎熟三文魚！先煎有皮的一面，皮煎約2分鐘後，再轉其他面煎熟！取出備用
5) 熱鍋下牛油，加入蒜蓉和車厘茄輕輕炒香，再加入Rosemary、蜜糖和檸檬！煮1-2分鐘，可加入三文魚煮30秒或直接倒在三文魚上即成

#betiskitchen魚#betiskitchen西式

其實一直都想出多一點魚類食譜，一來自己好喜歡食魚，二來就是魚好健康🐟平時多數都係就咁清蒸魚，上個星期向中菜廳品嚐過這個菜式之後，念念不忘！因為自己實在太鍾意食鱈魚，所以即刻返去研究研究！結果成品非常滿意🫣三種蒽包括美國紫洋蔥、日本京都九條蔥和本地乾蔥頭！再加入花雕酒超級好食！💕

個人喜歡在街市魚檔買鱈魚，平過超級市場，同可以切我鍾意嘅厚度✅

▶️要將鱈魚煎至乾身而不散開，必須要有適量的油，而且鱈魚要盡量印乾身！煎之前一刻才把生粉輕輕沾上，之後便要立即放入油內煎🖤煎的時候不要多手反來反去喔

▶️最後落完調味料之後轉中大火把醬汁輕輕煮至乾身，會更有風味

材料:
鱈魚 2塊
乾蔥頭1個
紫洋蔥 半個
花雕酒 1湯匙
蒽 2扎
薑 4片
生粉 適量
紅椒&芫荽 (裝飾用 can skip)

調味料:
蠔油 1湯匙
老抽 1 茶匙
糖 1/2茶匙
水 2湯匙

做法:
1) 紫洋蔥切條、乾蔥頭切碎、蒽切段！鱈魚切件，可以一開四，中間條骨不要，盡量不要切得太細件，否則好容易煎散
2) 鱈魚用廚房紙巾抹乾身，兩邊加入少許白胡椒和鹽，之後預備生粉，燒熱兩湯匙油，把鱈魚兩邊輕輕撲上生粉，之後便立刻放入油中，中火煎至2邊金黃色，約6分鐘，拿起備用
3) 熱鍋下油，加入乾蔥、紫洋蔥、蒽和薑用中火爆炒2分鐘！小心加入魚塊，然後倒入花雕酒讓酒精揮發！之後便可以倒入調味料輕輕攪拌均勻，煮至乾身即成

#betiskitchen中式#betiskitchen魚

奶白魚湯豆腐勝瓜

Happy Mother’s Day♥️母親節快樂！母親節我要休息☺️唔煮了👻 介紹下我成日煮俾寶貝仔飲的奶白魚湯🤍實在太好飲成日encore! 今次唔用花甲，就咁用豆腐同勝瓜，好健康🥰我最鍾意飲湯！感覺滋潤好多🥸今次諗住煲大碗啲，第二日可以繼續飲！點知又俾人KO哂😅魚湯唔好多手落太多水，如果唔係個味就會淡晒！今次買咗2斤紅衫魚仔💕魚檔已經處理好！返屋企洗一洗就得！再加3000ml滾水😊不過太多條要分3次煎🤣

▶️ 石九公、紅衫、狗棍、青根、梳羅和鳳尾等煲魚湯都一流！
▶️ 煲奶白魚湯唔好用魚袋！用咗方便但會冇咁甜😅我情願煲好再用篩隔走啲骨🐟
▶️ 魚要2邊煎熟，倒入去的水要滾，一路煲唔可以太細火！咁就一定有奶白色🥛

材料:
魚1斤
滾水 1500ml
豆腐 1磚
勝瓜 1條
薑 1片
芫荽 適量

做法:
1) 勝瓜㓟皮切塊！豆腐切中粒！
2) 把魚洗淨瀝乾水分，再用廚房紙巾吸下多餘水分。熱鍋下油，放入薑片中火，加入魚再煎熟至微金黃後，立刻倒入滾水！一定要滾水先會有奶白色！再中火煮約20-30分鐘即成魚湯！之後將魚用篩隔出來！
4) 魚湯中火煲滾後加入勝瓜和豆腐煮5分鐘，可以試味，夠咸便不用落鹽，再加入葱段或芫荽即成！

#betiskitchen中式#betiskitchen湯水
#betiskitchen魚

Super easy brunch / simple dinner idea♥️第一次食係幾年前去Tuscany一間family restaurant 早餐食過😜 Frittata 意大利烘蛋是源於意大利的一個蛋類菜式，主要是蛋汁加入芝士、奶、蔬菜和不同肉類，然後放入焗爐焗！超級簡單方便✔️

▶️蛋汁加入牛奶或忌廉，焗出來的效果就會更加滑！

▶️三文魚不用煎至全熟，只需煎至兩面金黃即可，因為之後都會繼續放入焗爐烹調

材料:
三文魚 2件
牛油 2湯匙
蛋 3隻
牛奶 100ml
芝士片/芝士碎 50g
Baby菠菜 100g
車厘茄 10粒
海鹽 適量
黑胡椒 適量

做法:
1) 三文魚洗淨抹乾！兩邊加入適量海鹽和黑胡椒！平底鑊加入適量橄欖油，先煎有皮的一邊，途中不要翻動，直至煎到金黃後再繼續煎另一面，不用煎至全熟，拿起備用
2) 菠菜加入牛油輕輕炒至至軟身，車厘茄切半
3) 蛋、牛奶、芝士、1/2茶匙海鹽和黑胡椒攪拌均勻，之後再加入炒好了的菠菜，倒再焗盆上，再放上三文魚和車厘茄
4) 焗爐200度焗約15分鐘即成

#betiskitchen蛋#betiskitchen魚#betiskitchen西式

好耐無出過魚類食譜🤣因為基本上我平時都係食清蒸魚😆 鱈魚在我心中價錢和味道都屬於是高端魚類，味道非常特別細膩，個種魚油甘甜味無其他魚取代到！今次整西京燒同清蒸都非常之好食！👶🏻鐘意食清蒸♥️💕鱈魚我在街市冰枱買，鐘意切幾厚都得✌🏻我返屋企自己再切走中間大骨，再切一半！(美觀一點和吃得方便一點！但煎的時候會比較易爛，要小心一點喔)

1) 西京燒鱈魚

▶️西京燒表面好易整，但要整到日本餐廳個種焦香乾身感唔易，上次去京都食懷石料理問了師傅秘訣
💛要有焦糖感覺就要最後塗上少少味醂再燒多陣
💛焗爐易焗到出水，instead可以平底鑊抹油再加塊牛油紙慢火煎就會更易令魚有焦金色又唔濕身
▶️醃至少一晚，二晚就更佳。

材料
銀鱈魚 /白鱈魚 2塊
西京味噌(白味噌) 100g (一定要用白味噌否則普通味噌會好咸！)
清酒 20g
醬油 10ml
糖 30g

做法:
1) 銀鱈魚洗淨吸乾水份，沿著圓骨位切成2件(美觀一點)
2) 西京味噌、清酒及糖攪勻，小火煮到粘身再加入醬油拌匀，待涼後地醬塗上銀鱈魚的上下，包上保鮮紙，放入雪櫃醃至少1日
3) 銀鱈魚取出，抹去銀鱈魚表面的味噌醬
4) 於平底鑊上塗上油，再加牛油紙慢火煎至二面焦黃，反轉時要小心點否則好易散開，最後再輕輕塗上一層味醂再燒多陣即成！

2) 清蒸白鱈魚

直接大火蒸8-10分鐘！倒走蒸後碟上的魚水，放上蔥花！淋上滾油和蒸魚豉油即成！

#betiskitchen魚#betiskitchen中式#betiskitchen日式

超級好食！花膠、臘腸再加煎過嘅瑤柱絲！Perfect Match! 飯焦好正💖花膠我去鴨脷洲大街買，臘腸用咗安記，再加隻日本蛋！呢個煲仔飯我自己諗出嚟嘅配搭，出面街都冇食過😗Inspired by myself🙂🙂🙂野生鮑魚汁係之前朋友向澳洲送俾我😭向香港我都未搵到！呢個飯真係好好食！5分鐘清哂😆💞

▶️如果煮到最後都覺得冇飯焦，可以試吓細火繼續煮5分鐘再焗5分鐘！飯焦呢樣嘢，真係好睇每個屋企嘅爐頭🥲好難一概而論🔥
▶️無鮑魚汁可以用蠔油代替
▶️菜心分開煮最後先放入去會冇咁容易變老
▶️發花膠details可睇返我之前的post！向我個blog到search💖

材料: (2人用)
花膠 1大塊/ 2-3條
米 2米杯
水 2米杯
鮑魚汁 1茶匙
瑤柱 2大粒
臘腸 2條
蛋 1隻
菜心 2條
甜豉油 適量
油 1茶匙

花膠調味料:
蔥 2條
蠔油/ 鮑汁 1湯匙
雞湯 150ml
糖 1茶匙
老抽 1湯匙

做法:
1) 花膠浸1晚，之後用薑加小小米酒，煮一煲滾水再放入花膠，蓋上煲蓋，中火滾約3分鐘左右關火，花膠繼續蓋上蓋浸半日！
2) 瑤柱浸淋之後用油煎香，臘腸放入滾水煮3分鐘，切片備用，菜心用滾水煮熟
3) 花膠發好後，切粗條，煲中下油爆香蒜頭和蔥，快手下花膠輕炒後下雞湯和其他調味料，轉小火炆煮20分鐘
4) 鍋底抹1茶匙油，米洗淨後加入同等份量的水，再加多1茶匙鮑汁攪拌一下，蓋上鍋蓋以中火煮至鍋蓋緣有蒸汽冒出，再轉小火繼續煮約10分鐘至收水，之後放上臘腸、花膠、瑤柱碎，繼續煮5分鐘，再加入雞蛋煮多3分鐘，放上菜心，倒上甜豉油即成

⭐️如果想有飯焦可以最後轉中細火煮多5分鐘再熄火焗5分鐘⭐️