法國香草焗雞西式食譜

17 八月, 20206 五月, 2021雞、西式、主菜發表留言

忽然好想食juicy的焗雞，就買左隻細細隻1kg既澳洲無激素雞💛btw反轉左隻雞影相😅但當我發現已經太遲😅大家可以配不同雜菜去焗黎做配菜，但最好分開焗！因為怕佢地出水令到隻雞皮唔脆！

▶️鹽同香草唔怕查多啲向雞面，如果用無鹽牛油就要落多啲鹽
▶️雞皮下面加入牛油就可以更容易焗到雞皮脆身又juicy
▶️頭段焗熟時唔好太高溫，後段就開始用高溫焗脆個皮！時間自己睇下雞大小而調節！

材料:
雞一隻 (~1kg)
海鹽 2茶匙
黑椒 1茶匙
檸檬 1個
蒜頭 2瓣
新鮮thyme 8扎
香草乾適量
有鹽牛油 4湯匙 (室溫放軟)

掃面:
蒜蓉 1湯匙
有鹽牛油 4湯匙

做法:
1)把雞洗淨，用廚紙內外抹乾，雞內塗上少少橄欖油，再將檸檬切角，蒜頭壓扁，和6扎thyme放入雞內
2) 雞身外小心的把雞皮和雞肉分離，然後把已放軟的2湯匙牛油平均地放入雞肉和雞皮中間，再輕輕按摩
3) 把海鹽、黑椒、2扎thyme碎、2湯匙牛油和香草抹在雞皮上
4) 掃面牛油: 把牛油煮溶後加入蒜蓉炒香即成，每焗20分鐘掃一次向雞面！
5) 把焗爐預熱至攝氏150度烤40分鐘，中途掉轉雞身兩次令烤色更均勻，再轉攝氏240度烤15分鐘烤脆雞皮
6) 把雞斬件或原隻上碟即成

雞肉香菇滴雞精水餃中式食譜

31 七月, 202010 五月, 2021雞、小吃、中式發表留言

十分健康同養身的水餃！加入左田原香滴雞精！更啱孕媽媽或坐月食，食落有好香嘅雞味✨新手媽媽坐月都可以簡單又有營養！可以包定一批當早餐食😆前一晚將包滴雞精從冰格放去普通格一晚，等佢解凍返做啫喱狀先！我今次仲用左有機雞肉同日本冬菇🍴

@tianyuanxianghk

▶️煮雲吞時大火水滾先落，一次唔好落太多粒，不時攪拌以防痴底，可用雞湯加少少麻油同葱花去煮
▶️雪櫃3天內食用，冰格可以放2星期
▶️菜盡量弄乾先切碎

材料: (約25隻)
菠菜 8-10根
雞柳/免治雞肉 250-300g
冬菇 4粒
水餃皮 1/2斤
滴雞精 2包

調味料:
生抽 2湯匙
鹽 1/2茶匙
糖 1茶匙
麻油 1茶匙
水 1湯匙
胡椒粉 1/2茶匙
生粉 1湯匙
紹酒 1茶匙

做法:
1) 菠菜用鹽水浸洗，切去根部，煲滾水後加入適量鹽，煮30秒撈起浸凍水，待涼後搾乾水和切碎備用，冬菇切碎
2) 雞肉切碎，加入醃料順同一個方面拌勻，再用手撻到起膠，放雪櫃15分鐘備用，把冬菇和菠菜加入
3) 準備水，水餃皮的邊沾上少許水，將適量的餡料放在中間，再放上滴雞精啫喱，對摺，邊緣位按實再二邊用手隨意地推一推行中間，用力壓好收口，放在舖上少許麵粉的盤上，放雪櫃備用 (可YouTube學下不同包水餃方法先)

#田原香滴雞精 #滴雞精懷孕 #坐月湯水

酒醉三寶中式食譜

11 七月, 2020雞、蝦、鮑魚、海鮮發表留言

真心易整好食夏天食最啱🔥☀️仲可以用比街買到靚好多的材料✨^_^

醉溏心蛋💛用左蘭王蛋可以生食蛋黃好香濃！
醉南非飽魚💛向街市見到$220斤用左2斤
醉海中蝦💛方便快速鮮甜

▶️蛋最好分開浸

食譜之前post過，重溫！

醉汁材料: (一份一種材料)
花雕 50ml
水 50ml
糟鹵 300ml
魚露 1湯匙
糖 2湯匙
玫瑰露 1湯匙

做法:
醉汁開細火煮至小滾熄火，待涼透後才加入材料，必須浸過材料，放冰箱雪一晚即可食用，如果雪二晚就更入味

▶️自己試味！太咸可以加點水和多點糖

⭐️鮑魚⭐️
材料:
鮑魚 10隻
冰水適量

做法:
1) 將新鮮鮑魚刷乾淨，隔水蒸熟
2) 蒸熟後放入冰水令其降溫及肉質彈牙

⭐️醉蛋⭐️
材料:
日本蛋 6隻
冰水適量

做法:
1) 燒一大鍋熱水，水煮到大滾用勺輕輕的將蛋放入 (大滾不是小滾喔)
3) 繼續用大火煮6分鐘-6分鐘30秒
3) 煮蛋的同時準備一碗的冰水，時間一到，立刻將蛋從滾水中撈起放在冰水中快速冷卻 (煮時可用🥄攪拌一下蛋好讓蛋黃置中)
4) 待完全冷卻後小心的剝去蛋殻，可把蛋的四圍敲一敲更易剝

⭐️醉蝦⭐️
材料:
蝦半斤
冰水適量

1) 先把蝦挑腸，剪去頭頂的尖刺和腳。沖水洗淨，用廚房紙抹乾水份備用
2) 燒一鍋水，放入薑，水滾起後，將鮮蝦放入鍋中煮約2分鐘，撈起，放入冰水中降溫

坐月湯水滴雞精邊隻好

11 七月, 2020雞發表留言

越來越多新手媽媽都選擇自己坐月，一來怕請左個唔好既陪月/工人姐姐，二來
避免同四大長老係坐月期對育兒方式有任何衝突。除左照顧新生兒外，最影響
新手媽媽決定會否自己坐月的因素莫過於處理坐月湯水和補身食療的問題了。
滴雞精當坐月湯水是其中一個新興又方便的選擇，一般的滴雞精都是低卡路里
之餘又含豐富營養，每啖都是雞隻精華。無論順產或開刀的新手媽媽一般都適
合飲用滴雞精來調理身體，當做坐月湯水的一種。

滴雞精有優質蛋白及氨基酸等，微小份子易於被人體吸收,有助補氣血，增加母
乳量，以及有助排出惡露。而且一般都只需要加熱幾分鐘，連新手媽媽都可以
極速簡單處理呢種「坐月補身湯水」，所以非常適合唔想自己煲燉品既新手媽
媽。但市面上的滴雞精選擇如此多，對坐月的新手媽媽來講邊隻滴雞精當做坐
月湯水補身好?

其實產婦比一般人更適合飲用一些含溫和中藥材的坐月湯水或滴雞精，因爲剛
生產的婦女大多陰虛，一般來講坐月湯水不宜大補，但分階段選對溫和的中藥
材反而可以幫助產後媽媽帶來正面的幫助。所以滴雞精邊隻品牌好，難以單靠
有多小膠原蛋白、蛋白質或價錢等去衡量，反而選對適合功效才是產品用料以
外最重要的考量。

好多人都認爲坐月湯水的聖品一定是花膠、燕窩、當歸、人參等名貴藥材，但
其實有一種同樣是養生價值高，由安胎時期就可以飲用，並且非常適合針對坐
月的藥材卻常常被新手媽媽忽略，這種非常適合加入坐月湯水的藥材就是杜仲
。

根據本草綱目記載杜仲能入肝補腎，補中氣，強筋骨，改善脫髮，輕身，調節
心血管等。現代藥理專家亦對杜仲進行大量藥理研究，發現杜仲的化學成
分豐富，有一定的食療保健功效。如果份量不多，又不是長期每日飲數杯，
基本上可說是老少咸宜，因此杜仲在坐月湯水的角色裏可以擔當多個重任，非
常適合坐月媽媽飲用。

杜仲五大功效：
第一：幫助產後傷口復原，所含的綠原酸能有效地減低陰道感染及泌尿道感染
機率。
第二：補肝護腎，頭髮狀態出現異常與人體肝腎氣血息息相關，因此可以大大
減小頭髮脫落和變白的機會。
第三：增加子宮收縮，有助子宮恢復產前情況，並減少惡露天數。
第四：具鎮痛作用，可舒緩產後腰痠、背痛、膝蓋痛和強化筋骨。
第五：輕身，增加脂肪細胞的葡萄糖轉運和消耗、促進新陳代謝、減小脂肪
積聚，加快回復產後身形。

杜仲價值如此豐富，因此許多專業陪月和注冊中醫師也建議新手媽媽由懷孕中
後期治腰酸到坐月湯水助傷口復原均可以加入杜仲作食療,如；杜仲栗子燉豬脊骨、五子湯、杜仲巴戟黑豆湯、巴戟杜仲海馬湯等等…市面上含中藥材成分的滴雞精選擇如此多，各種名貴藥材聼起來是很吸引沒錯，但如此適合當做孕晚期&坐月湯水的杜仲，卻只有田原香滴雞精這個品牌有
加入，實在匪而所思。

致想要自己坐月的新手媽媽：
‘ 你需要的是適合產後溫和調理又方便準備的坐月湯水，請僅記選對適合的功效和材料才是最重要啊。 ’

田原香杜仲滴雞精($1050 / 20包)，除了含杜仲外，還加入了黨參、白朮、黃芩、杜仲、續斷、生地、白芍、莬絲子、酸棗仁、阿膠、麥門冬和桑寄生。對坐月的新手媽媽來講呢個口味的滴雞精可以一次過做到強壯筋骨、改善腰酸、滋陰養陰、烏髭髮的功效，非常適合新手媽媽自己坐月當做坐月湯水的溫和調理。

滴雞精 #坐月湯水 #坐月 #新手媽媽 #滴雞精邊隻好 #杜仲滴雞精 #產後調理

花雕花甲蒸滑蛋中式食譜

19 六月, 20205 三月, 2022簡易主菜、蒸、雞、蜆貝和其他、海鮮、中式發表留言

食譜2年半前已經post過🙃always my fav comfort food at home♥️今次用咗菲律賓無沙花甲超級新鮮$68斤😜加少少花雕就可把味道再提升層次🤍就咁搵水煮蜆就得，咁先可以煮到剛開口即刻拎走☺️鐘意可以用煮過蜆的水代替雞湯，但係又要等佢凍返，我會就咁用雞湯都超好食👌🏻蛋同水比例 1:2!!! 再加錫紙去蒸！最後一定要淋滾油同豉油就好滑滑的💛

材料:
蛋 2隻
花甲 10-12隻
雞湯蛋的份量2倍 (或水加鹽代替)
蒸魚豉油適量
花雕酒 1茶匙
滾油 2湯匙
芫荽適量
葱花適量

做法:
1) 花甲先加鹽浸一小時吐沙，不過優質花甲多數無乜沙！熱水煲滾，把花甲加入，一開殼立刻拿起！避免過熟！整乾少少先加入蛋中，否則會太多水
2) 輕輕搞拌蛋，再加入雞湯，再用網篩過濾蛋液，倒入碟中，再放上花甲，裝蛋液的碟蒸一定要加蓋或錫紙，避免倒汗水沾上蛋面
3) 大火蒸4分鐘再轉中火蒸8分鐘
4) 蒸後可倒上蔥花和芫荽，再淋上滾油和豉油

日式咖喱鍋日式食譜

28 五月, 2020雞、日式、日式主食發表留言

孕後期真係比較懶，成日諗唔到煮乜😭呢個係有肉有菜有麵的快速晚餐idea🥳湯底加左咖喱磚，唔會太濃味但係又有淡淡咖喱味！好方便架😎食哂最後可加個烏冬去再煮，飽哂

材料:
雞扒肉 2塊
蛋 1隻
甘筍、菜、豆腐、車厘茄、菇類隨意

湯底材料:
昆布柴魚高湯 500ml
味醂 1湯匙
醬油 2湯匙
咖喱磚 2小塊

做法:
1) 雞肉切大粒，其他材料洗淨切成想要的形狀
2) 湯底材料煮滾，再加入雞肉粒小火煮熟，再加入其他蔬菜，最後加入蛋煮至剛煮即成

正宗港式瑞士雞翼中式食譜

18 五月, 20201 二月, 2023雞、家常菜、中式發表留言

瑞士雞翼其實只係以前既外國人聽錯Sweet wings 做 Swiss wings 而名！絕對係本土香港菜！用呢隻本土製作的鉅利醬油先至最啱味，整左3次調較的食譜😚唔係講笑，我認為整得唔好既食譜係唔會post！我試過用普通生抽同老抽都係似到8成，但用呢隻鉅利有9成9似💛如果連香料都唔落就淨係似甜豉油雞翼😂當然你懶都可以用現成瑞士汁😚

Continue reading ➞ 正宗港式瑞士雞翼中式食譜

梳乎厘蛋韓式食譜

9 五月, 2020雞、韓式發表留言

見好多人都整🙈我都整下先！當然我無用人手打蛋白1000次，出動打蛋器無咁倦輕輕鬆鬆搞掂☺️

材料: (1份)
蛋一隻

做法:
1) 蛋白和蛋黃分開！蛋白加少少鹽，打至企身，倒轉個碗都唔會跌落黎個種！蛋黃輕力拌好，再加入已打好的蛋白輕輕搞拌！
2) 平底鑊均勻地塗上少許油，把蛋液倒上，可輕壓至圓大一點，超小火上蓋煎4-5分鐘，熄火後摺作一半即成

蒸水蛋中式食譜

1 五月, 202010 五月, 2021簡易主菜、蒸、雞、家常菜、中式、中式基本發表留言

純粹想分享下用呢種有蓋陶瓷餐具蒸蛋快靚正！第一次用呢隻京都產極濃蛋，蛋味好香濃😝我加左粉絲同瑤柱向底

💛蒸滑蛋tips💛

▶️蛋和水比例 1 : 2
▶️輕輕搞拌蛋和水，再用網篩過濾蛋液，裝蛋液的碟蒸時一定要加蓋或錫紙，避免倒汗水沾上蛋面
▶️可用雞湯代替水加鹽
▶️大火蒸4分鐘再轉中火蒸8分鐘
▶️蒸後可倒上熟油、蔥花和豉油