Super super easy and yummm✌🏻粉絲同金菇索晒啲汁😗超級簡單！👦🏻大讚💕呢排情迷煲仔菜😂今次呢隻豆瓣醬幾好食！不過今日淨係買到小花甲😅呢排相熟海鮮檔都入唔到靚貨🥲
▶️花甲煮的途中會出水，所以一開始不用下太多水！個人喜歡這個花甲煲做到比較乾身的效果！
▶️花甲可以煮之前1小時放室溫！加入少少鹽放入水浸去沙！
材料:
花甲 1斤
粉絲 1包
金菇 1包
蒜蓉 2湯匙
蔥花 2湯匙
辣椒碎 1茶匙
水200ml
芫荽和蔥花 裝飾
調味料:
豆瓣醬 1湯匙
生抽 2湯匙
蠔油 1湯匙
麻油 1茶匙
糖 1/2茶匙
鹽 1/2茶匙
做法:
1) 粉絲放入熱水浸10分鐘，金菇切去根部，弄散
2) 熱鍋下油，加入蒜蓉、辣椒碎和蒽花爆香，再倒入調味料爆香！放上金菇和粉絲，再倒入水煮滾！
3) 加入花甲，上蓋中火煮6分鐘或煮至開口，表面灑上蔥花和芫荽即成
好耐無出過魚類食譜🤣因為基本上我平時都係食清蒸魚😆 鱈魚在我心中價錢和味道都屬於是高端魚類，味道非常特別細膩，個種魚油甘甜味無其他魚取代到！今次整西京燒同清蒸都非常之好食！👶🏻鐘意食清蒸♥️💕鱈魚我在街市冰枱買，鐘意切幾厚都得✌🏻我返屋企自己再切走中間大骨，再切一半！(美觀一點和吃得方便一點！但煎的時候會比較易爛，要小心一點喔)
1) 西京燒鱈魚
▶️西京燒表面好易整，但要整到日本餐廳個種焦香乾身感唔易，上次去京都食懷石料理問了師傅秘訣
💛要有焦糖感覺就要最後塗上少少味醂再燒多陣
💛焗爐易焗到出水，instead可以平底鑊抹油再加塊牛油紙慢火煎就會更易令魚有焦金色又唔濕身
▶️醃至少一晚，二晚就更佳。
材料
銀鱈魚 /白鱈魚 2塊
西京味噌(白味噌) 100g (一定要用白味噌否則普通味噌會好咸！)
清酒 20g
醬油 10ml
糖 30g
做法:
1) 銀鱈魚洗淨吸乾水份，沿著圓骨位切成2件(美觀一點)
2) 西京味噌、清酒及糖攪勻，小火煮到粘身再加入醬油拌匀，待涼後地醬塗上銀鱈魚的上下，包上保鮮紙，放入雪櫃醃至少1日
3) 銀鱈魚取出，抹去銀鱈魚表面的味噌醬
4) 於平底鑊上塗上油，再加牛油紙慢火煎至二面焦黃，反轉時要小心點否則好易散開，最後再輕輕塗上一層味醂再燒多陣即成！
2) 清蒸白鱈魚
直接大火蒸8-10分鐘！倒走蒸後碟上的魚水，放上蔥花！淋上滾油和蒸魚豉油即成！
雖然未必好多人有興趣，但都想分享吓啲手工菜😎以前我都以為自己炆乾鮑好困難！但係整過一次之後就發現其實只係需要多啲時間！如果有真空煲就更加方便！整完覺得好滿足同超級無敵好食😍😗😍😗我幾年前第一次係買啲最平嘅中國乾鮑測試🤣之後再開始用南非>中東>到呢期都係用日本吉品鮑♥️💕♥️💕價錢唔平但係真係好食！有時候是要對自己好一點呢🥺炆鮑魚絕對係一項技能解鎖😽
今次我仲用咗個炆鮑魚湯底去煮蝦子麵食！super yummy! Speechless✌🏻
▶️炆完鮑魚個湯可以留返做上湯或飲都得！如果覺得太油，可以雪一晚之後，油就會凝固浮面，咁就可以整走上面層肥油
▶️如果用明火怕痴底要加竹笪防黐底！我用真空煲炆就無加到！用真空煲不時煲滾佢，再放返內膽入就OK! 好方便❤️ 十分推薦✌🏻
▶️可以用牙籤向鮑魚中間吉一吉，如果可輕易穿過就係炆好！
材料:
乾鮑 10-12隻
排骨 1斤
雞 1隻
雞腳 10隻
金華火腿 50g
調味:
蠔油 1湯匙
老抽 1湯匙
冰糖 1湯匙
炆過鮑魚的上湯 200ml
生粉水 1湯匙
做法:
1) 乾鮑用水浸過面，放入雪櫃，每日換一次水，浸2日，之後再煲一鍋水，要可以蓋過所有鮑魚，連鮑魚煲滾後熄火，上蓋，室溫焗過夜！
2) 之後拿出洗一洗淨，再剪開鮑魚咀，將內裡的腸臟及污衊拿出，用手按一按鮑魚中間，如果仲係硬要再浸！浸透的話應該係會有彈性！
3) 其他材料落凍水，之後煲滾5分鐘後拿起洗淨，出水備用！排骨白鑊煎至金黃！
4) 煲底先放上竹笪，(竹笪買返黎要用滾水煮一煮消毒)，再放上排骨，一半雞腳，鮑魚，一半雞腳，最上層放雞，倒入水蓋過所有材料！
5) 煲滾後轉細火炆3小時，再熄火焗至溫度降至唔熱，再開火炆3小時，如此類推！大約炆3日！金華火腿先飛水，可以向第2日放落去！
6) 拿起鮑魚，放置等15分鐘令鮑魚收水令到有溏心效果，再加入調味料的材料，細火煮15鐘，再加入生粉水埋獻即成
With baby version👶🏻 其實呢個食譜之前已經post過，但係個時淨係得英文食譜，今次打返個中文再改良咗少少嘢！冇咩特別想講😂好簡單好好食！加啲菠菜入去好健康💕✌🏻今次用咗冰鮮Jumbo虎蝦仁！方便快捷啖啖肉😎
<👶🏻’s version> 意粉視乎年紀！話說我個仔已經差唔多兩歲😂所以已經俾佢食一條條嘅意粉，今次用咗短身媽咪意粉✌🏻煮好意粉留起少少意粉水！蝦仁用油慢火煎香！加入菠菜同BB芝士！之後再加入意粉同適量意粉水！有需要可以加少少少少鹽調味💕😗條友仔又食哂🥺😎
材料: (2人用)
蝦仁 12-15隻
牛油 20g
意粉 150g
橄欖油 2湯匙
蒜蓉 2湯匙
baby菠菜 150g
乾辣椒碎 1湯匙 (不吃辣可不加)
檸檬汁 1湯匙
檸檬 半個
任何芝士片 3片
Parsley 適量
海鹽 適量
黑椒 適量
做法:
1) 將蝦仁洗淨，背部輕輕切一刀，(開背煮出嚟效果會靚啲)然後用廚房紙巾抹乾！意粉跟包裝減2分鐘煮至al dente ！
2) 熱鑊下10g牛油和1湯匙橄欖油！爆香蒜蓉和辣椒，再加入蝦仁煎至兩面金黃！加入海鹽和黑椒調味！
3) 再加入菠菜煮到翠綠色！便加入芝士片、10g牛油、1湯匙橄欖油、檸檬汁和意粉煮至汁濃，視乎需要調味，再加parsley和檸檬片裝飾即成
上一次整麻婆豆腐原來已經係2年前！星期日看到了 @e.g.kitchen 象廚的story，吸引了我煮這一道菜🤣諮詢了他的意見參考了他的食譜！謝謝你🇹🇼加上呢排愛上用呢個煲仔煮飯😂 perfect combination✌🏻麻婆豆腐是川菜經典，煮好的麻婆豆腐又香又麻又辣，趁熱加上白飯，so good♥️本身係想用滑豆腐！但係買了板豆腐！叫男人去買餸都是不靠譜的(可能只是我家的那位)😭不過原來用板豆腐反而無咁易爛同吸汁都好好食😂🤣
▶️辣豆瓣醬是靈魂！如果想再辣啲可以加少少辣椒仔！最後落花椒粉就可以帶出麻的味道！喜歡重麻味可以下花椒油！
▶️炒好肉碎之後可以拿起一湯匙最後放在表面裝飾用😽肉碎有耐性啲炒！炒到鬆化就更好食💕
▶️豆腐要用細火同推的方法去煮就唔會咁易爛
材料:
滑豆腐 1盒
免治豬肉 200g
蒜蓉 1湯匙
蔥花 1湯匙
花椒粉 1茶匙
豆瓣醬 2湯匙
生粉水 2湯匙 (1湯匙生粉+2湯匙水)
調味料:
生抽 1.5湯匙
米酒 1茶匙
鹽1/4茶匙
白胡椒粉 1/4茶匙
水 150ml
糖1茶匙
麻油 1茶匙
做法:
1) 豆腐切成2cm塊狀，水加入1茶匙鹽！煮滾後放入豆腐，細火煮2分鐘撈起備用！
2)大火加2湯匙油在鑊中，炒香蒜蓉，倒進豆瓣醬，下豬肉碎炒到熟和粒粒狀，約需5分鐘！之後倒進調味料和豆腐煮滾，先下1湯匙的生粉水，轉以小火慢煮約5分鐘，再下餘下1湯匙的生粉水，推至厚身，再淋上花椒粉和蔥花即成！
Super easy one pot meal🍋急凍雞翼雞鎚長期有一包向冰箱！諗唔到煮咩一定會煮佢哋😗我前一晚解凍之後放入保鮮袋醃一晚！第二日加少少車厘茄同檸檬就咁放落焗爐焗就完成❤️🔥我自己再配薯蓉同羽衣甘藍食，super healthy✌🏻加咗蜜糖甜甜地嘅雞翼都好受小朋友歡迎💕焗完嘅汁都好好食🍯
▶️放入焗爐淨係放啲雞鎚好了，唔好倒埋啲醃料汁入去焗，如果唔係焗唔到乾身和皮脆架！
材料:
雞鎚 10隻
蜜糖 2湯匙
車厘茄 10粒
檸檬 1個 (半個切片半個榨汁)
Parsley碎 適量 (optional)
醃料:
蒜蓉 2湯匙
生抽 2湯匙
老抽 1湯匙
蜜糖 2湯匙
鹽 1茶匙
黑椒 1/2茶匙
油 1湯匙
糖 1茶匙
檸檬汁 1湯匙
做法:
1) 雞鎚解凍後洗淨，瀝乾水份，加入醃料醃最少2小時，過夜更入味！
2) 預熱焗爐至 180°C
3) 焗盤上放入雞鎚、車厘茄和檸檬，放中或下層180°C焗十分鐘，反轉雞鎚再180°C焗十分鐘，搽上蜜糖再220°C焗五分鐘，再加上parsley即成
Super yummy🍚好大隻飽滿爆汁😝之前Sunday family dinner最愛食翠亨邨的桶蠔煲！幾個月都無去過🙁整得靚既薑蔥桶蠔煲蠔一定要煎得乾身不水汪汪🤭餐廳煮得好乾身飽滿！自己煮都係跟返佢用美國桶蠔整呢個餸，大大隻清理方便♥️但我就鐘意有啲汁撈下飯，加多少少調味料😎建議用美國或者日本蠔，易清洗同海質比較好😗成個餸其實好簡單，材料得幾樣！但係就有少少tips防出水✔️
▶️桶蠔放入滾水煮30秒後熄火焗1分鐘，可以令到外皮先煮熟
▶️煎之前要2邊好認真地用廚房紙巾吸乾水！唔好求其😌
▶️撲上少少生粉，唔需要太多！大火多油煎至2邊微微金黃！大火就冇咁易出水！不過小心會彈油，因為始終都好難索到完全乾！(呢個危險動作我交俾👦🏻處理🥰)
▶️加少少牛油會更加香！
材料:
蠔 8隻
薑 10片
蔥 6棵
乾蔥頭 3粒
牛油 1湯匙
生粉 適量
調味料:
生抽 1/2湯匙
蠔油 1湯匙
水 1/2湯匙
糖 1/2茶匙
做法:
1)先洗蠔，把蠔放在碗中，用生粉拌勻、沖水清洗2-3次！水滾後加入蠔煮30秒，熄火焗1分鐘拿起，再用廚房紙巾輕輕索乾水份備用！
2)蔥切段、薑去皮切片、乾蔥頭去皮切半！
3)蠔兩面輕輕撲上少許生粉！熱鑊下2湯匙油，加入蠔大火煎至2面金黃！拿起備用！小心彈油！
4) 熱鑊下油，加入薑爆！再加入蔥、乾蔥頭和牛油爆香！再加入蠔和調味料輕輕力炒至乾身即成
Inspired by duck & waffle obviously! 成件事係Lazy Sunday Brunch version😗全部都係現成材料，但係效果都好正♥️鴨腿用咗一隻急凍法國油封鴨腿！向Apita買$99🤣就咁解凍後煎到2面脆身就OK✔️本身有好多鴨油，所以油都唔駛落🦆幾好食肉質唔錯♥️waffle都係用現成焗返熱佢😚鴨蛋就無跟到，用咗蘭王蛋，就咁用油煎就OK😋最後倒上糖漿🍯
#betiskitchen西式
#betiskitchen早餐
I can’t think of what to cook😩雪櫃仲有帶子，又想食啲creamy啲嘅嘢☀️前幾日買咗呢隻rigatoni質地唔錯好掛汁！不過搵唔到用其他意粉都得♥️已經將黃金帶子秘訣傳授咗俾我徒弟👦🏻🥸而家每次都係佢整😂所以今次唔使單手拍片😂Cooking video on pic3✔️
▶️ 煎黃金帶子技巧:
✨一定要用㕑房紙巾索到好乾水，油熱先落鑊煎
✨將帶子以12點鐘方向順時針放向平底鑊中煎，就可以知邊隻要反轉先
✨唔好多手反嚟反去！每邊大火煎60-90秒再反轉另一邊
✨煎好一面才加海鹽和牛油調味，一早下鹽可能會導致出水
▶️煎車厘茄的時候可以不斷輕壓，以釋放更多茄汁，忌廉汁會更加香濃
材料: (2人份)
Rigatoni /任何意粉 200g
車厘茄 12粒
乾蔥頭 2個
蒜蓉 1湯匙
茄膏 1湯匙
牛油 15克
白酒 100ml
忌廉 200ml
Parsley 少許
鹽和黑胡椒 適量
黃金帶子:
帶子 10隻
牛油 1湯匙
橄欖油 1湯匙
海鹽 適量
黑椒碎 適量
做法:
1) 將帶子洗淨，然後用廚房紙巾抹乾，之後燒熱鑊，加入橄欖油，用油潤鑊將鑊打圈令油均勻分布，從正上方「12點」位置順時鐘將帶子落鑊
2) 大火煎60至90秒，然後反轉，落10g牛油、海鹽和黑椒再煎90秒，盛起備用
3) 乾蔥切碎，車厘茄切半，意粉跟包裝減2分鐘煮至al dente
4) 熱鑊下牛油爆香蒜蓉、乾蔥蓉和車厘茄約3分鐘，再加入茄膏炒勻，然後倒入白酒細火煮5分鐘，再加入忌廉和意粉煮至汁濃
5) 下少許黑椒和鹽調味，再加入parsley和帶子即成
#betiskitchen西式#betiskitchen海鮮
#betiskitchen意粉
星期六去咗行韓國超市♥️好開心買咗好多嘢😙見呢個飯向韓國好興，不過多數用煙肉或者火腿整，但係我想健康少少同想食牛肉多啲，所以用咗呢隻韓國牛肉去煮，再加韓國泡菜同芝士！超級好食！not joking🤪🤪🤪
▶️每隻泡菜嘅辣度都未必一樣！試吓味先！如果太辣就唔好落咁多/落少啲辣椒膏😂
▶️可以用煙肉或者火腿代替牛肉！今次牛肉用咗韓式醃牛肉汁去醃，超入味好好食🥺
材料:
煮熟了的飯 2大碗 (1.5米杯煮好的飯)
牛肉片 300g
韓式醃牛肉汁 2湯匙
蒜蓉 1湯匙
車厘茄 6粒
茄膏/茄汁 1湯匙
泡菜 100g
韓式辣椒膏 1湯匙
醬油/生抽 1茶匙
Mozzarella Cheese 碎 80g
紫菜碎和芝麻 適量
做法:
1) 飯用電飯煲煮好備用
2) 牛肉用韓式醃牛肉醬醃至少30分鐘，車厘茄切半！
3) 熱鍋下油，加入牛肉煎至兩邊金黃8成熟，拿起備用！
4) 熱鍋下油，加入蒜蓉和車厘茄炒香1分鐘，再加入泡菜炒至均勻，然後倒入茄膏和韓式辣椒醬炒至均勻，再加入白飯、牛肉和醬油炒勻！
5) 把飯鋪平！表面加上芝士碎，冚蓋用細火煮5分鐘至芝士溶化！之後加上紫菜和芝麻碎即成💖
Beti's Kitchen 簡易食譜分享 