無水牛油係將牛油煮到油水分離，多數用向酥皮食品如中式酥皮製品！承上一個post，潮式酥皮月餅便可以用無水牛油！街外都有現成但唔係隨街買到，自己整其實都好易只需要有無鹽牛油就得🖤✨圖中的蛋黃係唔關事，背景已以😆
▶️可以整定先！白色泡泡可雪返起當油用😋
材料: 可整到250g左右
無鹽牛油 400g
做法:
1) 將牛油切粒、放入鍋中開小火，千其唔好攪拌佢！等佢自己溶和開始小滾！
2) 之後會不斷有白色泡泡向面，不斷地輕輕將浮起的白色泡沫用湯匙舀起，大約舀十分鐘先會無哂😆(我舀個時都真心懷疑會否沒完沒了)當牛油不再冒出泡沫，代表水份已經完全蒸發，即可熄火
3) 等5分鐘，白色乳清會自己沈向底， 把牛油倒入棉布袋/濾紙過濾，倒入玻璃瓶中，當看見底部的白色浮清時停止倒
4) 待凍後入雪櫃雪便可！使用前從雪櫃取出回溫至稍為變軟少少才使用
比較流心月餅 呢個一啲都唔難😎 潮式彩虹蛋黃酥月餅真係好靚！中秋節整黎送俾人就啱晒🌙💛不過個食譜真係好長打咗好耐😭整之前睇熟個食譜同步驟先！因為有牛油向裏面所以整嗰陣都盡量快啲手🥰如果唔想用色素可以用天然色素取代！顏色自己決定唔一定跟我！不過天然色素整出嚟嘅色一定冇食用色素咁鮮艷！我絕對未係整餅高手，純粹分享吓我點整！最尾有Video可以參考！
▶️無水牛油蛋糕用品店有機會買到現成，如果要自己整都好容易，可以睇我個post 最尾有教！
▶️我用左綠茶同芝麻蓉！向蛋糕用品店有得買！
▶️最後包餡時，個油酥皮桿開時要輕輕力！太大力就會整爛，無左層次😖你整到呢個位就會明
材料: (可整14個)
每個25g 任何蓉如紅豆、綠茶、白蓮蓉 *14 = 350g
鹹蛋黃 7粒
米酒 適量
油皮材料:
中筋麵粉 135g
水 60ml
糖粉 22g
無水牛油 45g
油酥材料:
低筋麵粉 165g
無水牛油 65g
紅、綠、黃、藍、紫色素
做法:
1. 餡料: 鹹蛋黃放入碗中加入少少的米酒浸五分鐘後用160度焗10分鐘至冒泡即可！放涼後切半，之後用餡料包着蛋黃搓成圓形！放入雪櫃雪一陣備用！
2. 油皮: 材料全部放入碗內揉捏成團即可，鋪上保鮮紙進行鬆弛20分鐘！
3. 油酥: 材料按壓拌勻即可，要俾d耐性！初初係會不斷一粒粒咁！壓多陣就會成團！將拌好的油酥分成五份！睇下你整多少隻色！之後加入色素再壓匀d色，一次唔好落咁多色素，試下先！之後再將每隻色分成7份輕輕搓圓！(即係7*5 =35粒)
4. 組合: 油皮鬆弛後，準確地平均分成7份！ 稍稍整圓收口！之後取一份油皮收口朝上壓扁、輕力桿成四周薄中間厚，放入五粒彩色油酥（隨意放），搓圓收口捏緊，收口朝下
5. 造形: 取一個油酥皮，收口朝上壓扁再從中間開始上下桿開成一大塊！小心輕輕力否則好易爛！之後再斜捲成長條狀！將油酥皮再次桿成長條寛狀，桿得越長層次越多！之後再捲起，一開始捲嗰陣個頭係咩色，之後焗出嚟個面中間就會係乜嘢色！再用刀向中間一刀過切一半！唔好拖刀！要一刀過！將會有 7*2= 14粒✨
6. 包餡: 油酥皮切口面朝上，輕輕壓扁成手掌大小的圓塊後，之後反轉另外一面包入蛋黃餡料！(即係靚啲嗰邊嘅切口向下) 整形和收口捏緊！
7. 入焗爐160度焗40分鐘即成 (中下層)
💛
無水牛油🧈𝒞𝓁𝒶𝓇𝒾𝒻𝒾𝑒𝒹 𝒷𝓊𝓉𝓉𝑒𝓇
.
.
無水牛油係將牛油煮到油水分離，多數用向酥皮食品如中式酥皮製品！承上一個post，潮式酥皮月餅便可以用無水牛油！街外都有現成但唔係隨街買到，自己整其實都好易只需要有無鹽牛油就得🖤✨圖中的蛋黃係唔關事，背景已以😆
.
.
▶️可以整定先！白色泡泡可雪返起當油用😋
.
.
材料: 可整到250g左右
無鹽牛油 400g
做法:
1) 將牛油切粒、放入鍋中開小火，千其唔好攪拌佢！等佢自己溶和開始小滾！
2) 之後會不斷有白色泡泡向面，不斷地輕輕將浮起的白色泡沫用湯匙舀起，大約舀十分鐘先會無哂😆(我舀個時都真心懷疑會否沒完沒了)當牛油不再冒出泡沫，代表水份已經完全蒸發，即可熄火
3) 等5分鐘，白色乳清會自己沈向底， 把牛油倒入棉布袋/濾紙過濾，倒入玻璃瓶中，當看見底部的白色浮清時停止倒
4) 待凍後入雪櫃雪便可！使用前從雪櫃取出回溫至稍為變軟少少才使用
同之前原味食譜一樣！只係用多左少少cream cheese同加左綠茶粉🍵10分鐘搞掂再焗30分鐘！好易整好creamy好cheesy💚 不過我包牛油紙包得太求其個邊有點醜😌
▶️我的食譜係6吋模，牛油紙隨心鋪上就可啦，就是要有粗礦的感覺
▶️我嫌煩無用電動打蛋器，唔想手倦可以全程照用
▶️所有材料要室溫
材料:
Cream Cheese 220g
綠茶粉 8g
砂糖 60g
低筋麵粉 3g
全蛋液 75g
忌廉 100g
做法:
1) 焗模塗上一層牛油，再隨意的鋪上牛油紙備用，焗爐預熱210度
2) 用刮刀把cream cheese 壓軟和打散，再加入綠茶粉、糖和麵粉攪拌均勻，再加入蛋液攪拌均勻，再加入忌廉攪拌均勻，盡量唔好有一粒粒！
3) 倒入焗模，210度焗20分鐘再轉220度焗10分鐘 （放底層)
4) 出爐冷卻後連焗模放雪櫃雪一晚，第二日脱模即成
唔知點解成日想食cheese cake! 呢個食譜我較到無咁甜，質地creamy同唔會食落好heavy! 為左靚就整左五種漸變色☺️如果認為太麻煩可以一隻色過！最重要係唔須要用焗爐！好易整😍
▶️食譜係6吋模
▶️煮好牛奶同魚膠粉後盡量快手，免得魚膠粉凍後會變無咁液體難倒出流質效果！
▶️綠茶粉可自己調一調！每隻既顏色深淺未必一樣！
材料:
Oreo餅8塊
牛油 25g
Cream cheese 120g (室溫)
牛奶 150g
糖 65g
忌廉 180g
魚膠粉 5g
抹茶粉 3茶匙
做法
1) 蛋糕模(用可脫底或mousse圈) 底部放上牛油紙，Oreo餅整走中間的忌廉，把餅乾打碎，再加入已溶的牛油拌勻，用刀平均地壓在模底，放入雪櫃冷藏
2) 打起忌廉，打到剛剛企身即可，放入雪櫃備用
3) 分4個碗加入以下分量綠茶粉，每碗加入小小水開左粉先 (mousse 後加)
▶️1茶匙綠茶粉 + 50g mousse
▶️3/4茶匙綠茶粉 + 70g mousse
▶️1/2茶匙綠茶粉 + 90g mousse
▶️1/4茶匙綠茶粉 + 90g mousse
4) 整mousse！Cream cheese 先切小塊方便攪拌！牛奶加熱到微滾熄火，加入魚膠粉快速拌勻！倒入cream cheese 內拌勻至無粒，再加入糖！如果仲係有粒粒可過篩，再倒入打起了的忌廉，用刮刀由底到上輕輕拌合即成mousse
5) 照3)的分量將mousse 倒入4個有綠茶粉的碗中拌勻
6) 第一層直接倒入無加綠茶粉的白色mousse，之後從淺至深色慢慢向中間倒入！有泡泡要拮走去！雪一晚即成，脫模可以用風筒熱風向四周吹一吹就好易脱到
其中一個最愛的中式甜品！用左印尼燕盞，自己整我一大碗用一個燕盞都係成本$100樓下🙈每一口都係大大啖燕窩✨雪凍食係最好食💫
▶️先以熟溫水浸發6小時，期間換1次水挑除雜質，再以開水過濾，然後瀝乾備用
▶️加熱水同冰糖用小火燉30分鐘至有清香蛋白味
和晶瑩通透，可熱食或凍食
⭐️
易過日式軟芝士蛋糕好多🤣5樣材料，電動打蛋器都唔須要出動！呢個蛋糕源自一間向西班牙Basque地區的餐廳，頂部故意燒焦到發黑而有焦香味，內面藏著滑滑的芝士蛋糕💛
▶️我的食譜係6吋模，牛油紙隨心鋪上就可啦，就是要有粗礦的感覺
▶️我嫌煩無用電動打蛋器，唔想手倦可以全程照用
▶️所有材料要室溫
材料:
Cream Cheese 200g
砂糖 60g
低筋麵粉 3g
全蛋液 75g
忌廉 100g
做法:
1) 焗模塗上一層牛油，再隨意的鋪上牛油紙備用，焗爐預熱210度
2) 用刮刀把cream cheese 壓軟和打散，再加入糖和麵粉攪拌均勻，再加入蛋液攪拌均勻，再加入忌廉攪拌均勻，盡量唔好有一粒粒！
3) 倒入焗模，210度焗20分鐘再轉220度焗10分鐘 （放底層)
4) 出爐冷卻後連焗模放雪櫃雪一晚，第二日脱模即成
零技巧的甜品😬向日本之前食過，肥但好好食！我係忌廉fans🥰 敗筆係我個方包買個時俾我壓扁左，包得唔夠整齊🤨用左日本紅色士多啤梨同淡雪❤️
材料:
方包 2片
士多啤梨 5粒
忌廉 200ml
糖 2茶匙
做法:
1) 方包切去包邊，士多啤梨去葉，忌廉加糖用打蛋器高速打成企身
2) 底下放上保鮮紙，鋪上一片方包，塗一層忌廉，再如圖放上士多啤梨，再塗上忌廉蓋上所有空位，放上第二片包，輕力壓下，包上保鮮紙
3) 放入雪櫃冷藏4小時再中間斜切即成
之前幾次整都係原味，(原味食譜之前post過) 今次加左焙茶粉，又幾夾！但係加左焙茶粉就一定要向第一個步驟將芝士煮溶唔可以有粒粒狀，否則焗後的成品就會有一粒粒白色😹啡色撞白色好顯眼😝
準備功夫:
▶️將焗模/LC煲刷上一層薄薄溶了的牛油 (我用20cm LC, 可用正常8”焗模)
▶️量好所有材料，同睇熟下面的步驟，因為成個過程要流暢，要芝士&蛋黃mix還是暖暖地(約40度)把蛋白霜加入，才有最好口感。若無法控制可以先打蛋白霜！
▶️焗爐預熱到170度
材料:
A) 芝士mix
牛奶 160ml
Cream Cheese 200g
無鹽牛油 65g
砂糖 30g.
B) 蛋黃mix
牛奶 50ml
粟粉 15g
低筋麵粉 50g
焙茶粉 10g
蛋黃4個
C) 蛋白霜
凍蛋白 4個
砂糖 100g
檸檬汁 1茶匙
做法:
1) 先做A)芝士mix, 將芝士切塊加入牛奶放到爐上用中小火加熱，邊用手動打蛋器攪拌到芝士融化就關火，趁熱加入牛油及砂糖攪拌均勻至牛油融化和均勻備用
2) 再做B)蛋黃mix，將牛奶加入鷹粟粉中攪拌均勻，然後加入已過篩的入麵粉、焙茶粉攪勻，再加入蛋黃 (如有粒塊可過篩)
3) 將B) 蛋黃mix 加入到 A) 芝士mix，用手動打蛋器攪勻
4) 再做C) 蛋白霜，蛋白用電動打蛋器先打出泡泡，然後加入1/2砂糖及檸檬汁用中速打1分鐘，就將剩下的砂糖加入，速度改為高速，將蛋白打到拿起打蛋器尾巴呈現軟軟彎曲即可，需時約7-8分鐘 (不要打得尾巴太硬，軟軟的又有彎曲便可，太硬蛋糕面好易裂開)
5) 將打好的蛋白霜分2次加入A&B mix，用橡皮括刀輕輕由底向面括均勻
6) 倒入焗模中，將焗模放置到焗爐上，焗盤倒入熱水，170度焗10-15分鐘到表面上色之後就將烤箱溫度調整到100度繼續烤50-60分鐘 (可用竹簽插下一下，如果無流質痴著即是熟了)
7) 出爐後等十五分鐘，蛋糕會輕輕縮小好易可以離模，先倒扣到一個大碟，再用另一個大碟倒扣，放涼後放冰箱冷藏4小時即成
呢個係蛋糕質感pancake食譜！空氣感pancake之前寫過，可搵返🥰 倒數少過2個月👶🏻 宜家見仲有時間盡煮盡寫食譜😹
▶️唔一定要用蛋糕圓模，可用鍚紙圈做一個圓都得，當然會無咁圓🤣
▶️用平底电爐整因為易控制到超細火，都可用平底鑊上火整，但要小小火否則好易整燶
材料:
蛋白 2隻
砂糖 40g
蛋黃 2隻
牛油溶液 20g
Vanilla 香油 1/4 茶匙 (optional)
底筋麵粉 65g (一定要過篩)
牛奶 20g
裝飾用:
糖粉、楓糖漿、打起忌廉、水果、牛油
做法:
1) 模或鍚紙圈內塗上少少牛油溶液備用
2) 雞蛋分開蛋黃和蛋白，在蛋黃加入牛油溶液和vanilla香油，打到奶黃色
3) 蛋白打到起泡，再加入糖打至企身，約6-8分鐘
4) 把蛋黃糊分2次加到蛋白霜裡，輕力翻拌均勻，再分2次加入麵粉輕力翻拌均勻，最後加入牛奶輕力翻拌均勻即成麵糊
5) 在平底鑊上抹上一層薄薄的油，小小火預熱1分鐘，放入圓模再加入麵糊，煎6分鐘後返面再煎4分鐘即成
呢個係整第三次調整的分量，材料做法都好簡單！一定要用金桶牛油！入口即溶超鬆化，牛油味好濃，好肥但真係好好食，我的擠花技術有待改善😙 原味最好食🐝 stay at home activities💛
▶️ 餅漿放入擠花袋時唔好一次過放哂，因為質地有點硬好易擠爆個袋
▶️ 擠花打直咁擠落去就可以，擠高一點都可以，因為焗時會變返平D
🔸每個可整25件🔸
材料:
原味:
金桶牛油 100g
糖霜 38g
低筋麵粉 80g
粟粉 35g
焙茶味:
金桶牛油 100g
糖霜 38g
低筋麵粉 80g
粟粉 30g
焙茶粉 5g
綠茶味:金桶牛油 100g
糖霜 38g
低筋麵粉 80g
粟粉 30g
綠茶粉 5g
做法:
1. 牛油用中速打1分鐘至軟身，加入糖霜再打1分鐘至淡黃色
2. 低筋麵粉加入粟粉拌勻 (如整其他味加入茶粉），篩入牛油和糖霜內
3. 用膠刮把粉類和牛油糖霜拌勻，由底刮至面拌至不見乾粉即可，不可過份攪拌
4. 焗盤鋪上牛油紙，餅漿放入擠袋擠花後，先雪15分鐘先好焗，焗出嚟會無咁平，擠餅時，餅同餅之間留點空位
5. 預熱焗爐150c焗16分鐘即成
