簡單食譜💙冇咩心情煮飯嘅日子，簡簡單單又一餐⭐️ 我會一半用雞湯，一半用浸過瑤柱同蝦乾嘅水，唔落鹽！唔記得影舀蛋嘅video😌好滑💛
蒸滑蛋不失敗秘訣
🔸蛋:水 比例一定係 1:2 喔
🔸一定要用保鮮紙或鍚紙蓋住蒸
🔸蛋液過篩 盡量戮穿蛋液上的氣泡
材料:
雞蛋 2隻
粉絲 半包
大蝦乾 8條
瑤柱 6粒
浸蝦乾瑤柱水/雞湯約240ml (1份蛋汁:2份水)
葱花 1湯匙
做法:
1) 大蝦乾和瑤柱浸1小時到軟，瑤柱撕開，粉絲浸15分鐘，之後滾水煮30秒，拿起瀝乾水份和剪一剪
2) 可以留 1/4的大蝦乾和瑤柱，用油煎香之後放面用
3) 雞蛋打勻，不用打發太耐，以免起泡，加入水/雞湯拌勻，用隔篩濾去雜質及氣泡
4) 蒸碟慢慢倒入蛋汁，再放入粉絲、 大蝦乾和瑤柱！碗上鋪上錫紙，中大火隔水蒸12分鐘，灑上煎過的大蝦乾和瑤柱、蔥花淋上豉油即成
好靚既臘腸❤️好食😋其實煲仔飯要有飯焦唔難的！但每人的爐頭和不同煲的保溫質素都未必一樣！所以可以試一次再拿捏好自己合適的時間🤔如果唔熟悉就一開始唔好太大火，因為燶咗就返唔到轉頭！我覺得啲雞已經有味，唔使落煲仔飯豉油都好好食！
▶️雞易出水，所以落個時盡量唔好沾上咁多濕醃料入去！否則個飯會好易好濕！材料盡量唔好搭埋一齊，如果唔係啲雞好難熟！
▶️水同米比例1:1就OK
材料
米 米杯2杯
水 米杯2杯
雞 1/3隻
臘腸 2條
冬菇 2隻 (浸好)
蔥花 適量
芫荽 適量
雞醃料:
生抽 1湯匙
老抽 1茶匙
砂糖 1/2 茶匙
紹興酒 1茶匙
麻油 1茶匙
生粉 1茶匙
胡椒粉 1/4茶匙
做法:
1) 鍋底抹少許油，臘腸戳幾個洞好讓油脂流出，米洗淨後加入同等份量的水，雞加入醃料醃15分鐘
2) 蓋上鍋蓋以中小火煮至鍋蓋緣有蒸汽冒出，將臘腸臘肉鋪在飯面上中火煮5分鐘，再放上冬菇和雞轉小火煮15分鐘，將火加大30秒，再熄火繼續焗約10分鐘 (其間不要打開蓋)，再開小火煮5分鐘便可有飯焦 (如果仲未有就可以大火少少繼續煮)
3) 飯焗好後，把臘腸切件擺回去，加上蔥花和芫荽一起拌勻即可
屋企得筷子，無粗木棒🤣而筷子又長過隻鑊，搞到右邊個條個尾煎唔到…….😤不過真係好好食😻連續兩晚都整！今次我用咗先蒸後煎的方法！好成功！先蒸可以個texture 淋d又定左型先，之後再煎都唔會硬骨骨😍一定要加雞軟骨！雞軟骨可以向凍肉店買到！唔係就無個種咬感！紫蘇葉都最好唔好skip!
▶️照燒汁我用左牛角！好夾😍
▶️一拌好係有d淋，小心慢慢包係粗竹籤到再去蒸，之後煎就唔會散開哂同內面熟唔到！
▶️免治雞肉向街好少有，我多數自己切再搞碎！鐘意淋d可以用雞上腿，結實d就用雞胸肉！
材料:
免治雞肉 300g
雞軟骨 100g
味醂 1湯匙
豉油 1湯匙
生粉 1.5-2湯匙
紫蘇葉 3片切碎
乾葱碎 2湯匙
蛋 1隻
照燒汁 適量
做法:
1) 除照燒汁外，所有材料順時針攪拌至起膠，再小心包成長條狀在竹籤上
2) 碟上塗上一層油，放上雞肉棒，大火蒸4分鐘
3) 熱鑊下油！中細火煎至2面微微金黃，再邊煎邊掃上照燒汁！直至達到理上顏色！可配生雞蛋食！
零技巧！今次整咗個椰子雞火鍋！係清清地既椰子雞湯，可以品嘗到椰子同雞既清甜味！最好係加新鮮椰青水！不過我無時間買😭但係都好清甜！食之前雞煮熟後可飲一碗先！
👉🏻如果想湯底清澈點可以把雞先飛水，但我比較喜歡直接落
👉🏻加湯頭幾轉可加椰子水，之後個湯愈打愈甜，好好飲，我再攞嚟煮咗個烏冬食
❤️豉油我加咗生抽、水、蔥花、芫荽、辣椒、青檸、沙薑、胡椒粉和糖！
材料
雞 半至1隻 (睇下幾多人食)
新鮮椰子1個
Extra椰子水 1000ml (加湯用)
竹笙
菇類
紅棗
薑片 2片
鹽 少許
做法
1) 雞切塊洗凈用少許鹽醃一會，椰子取椰子水和椰肉(叫街市檔販代開)，椰肉切條！紅棗去芯！
2) 鍋倒入所有材料即可
又係用左蘭王蛋🤤佢個蛋黃既可安全生食又好好食🧡每隻蛋黃都呈深紅色，蛋香非常豐郁👏🏻不過用其他日本蛋都🆗
⭐️認真打多d tips等大家都可以成功⭐️
▶️水大滾先好落蛋！大滾如video咁！( pls go to my instagram for videossss)
▶️唔好一次煮咁多隻蛋！因為會令到水溫降底！如果水唔能夠蓋得住成隻蛋，有可能會爆！
▶️我經驗⋯⋯啡蛋係易剝殼過白蛋🤔
▶️唔好用平時剝全熟蛋的方法剝！要先輕輕向枱面敲碎蛋殻，再細心用匙羹輕輕敲到蛋殼全部變到碎晒！如video (sorry得一隻手影得好衰🤣) 然後先開始用手指邊推走d殻！咁就會白滑無手指印🤍
材料:
蛋 6隻(室溫)
冰 適量
醬汁:
熟水 180ml
醬油 150ml
糖漿/蜜糖/糖 100ml
蒜蓉 2湯匙
芝麻 適量
蔥花 適量
紅和青辣椒 適量 (optional)
做法
1) 燒一大鍋熱水，水煮到大滾用勺輕輕的將蛋放入 (大滾不是小滾喔) 最好分2次每次煮3隻 水一定要蓋過所有蛋
2) 用大火煮6分鐘
3) 煮蛋的同時準備一碗的冰水，6分鐘一到，立刻將蛋從滾水中撈起放在冰水中快速冷卻 (煮蛋時可用🥄攪拌一下蛋好讓蛋黃置中)
4) 待完全冷卻後小心的剝去蛋殻，可把蛋的四圍敲一敲更易剝，之後放入醬汁再放入雪櫃保存1日過夜即成
5) 醬汁可以撈飯食
Comfort food 🇬🇧 成日好想食酥皮😚其實買現成酥皮幫下手就變得好易整架💛
材料: (2人用約15cm直徑圓批一個)
無骨無皮雞腿肉 3塊
洋蔥 半個
白蘑菇 150g
Thyme 2扎
麵粉 1.5湯匙
牛油 10g
雞湯 200ml
牛奶 100ml
現成急凍酥皮 1塊
蛋 1隻
海鹽 適量
黑胡椒 適量
橄欖油 適量
做法:
1) 雞腿肉切細塊然後用適量鹽和黑胡椒醃10分鐘
2) 蘑菇切片，洋蔥切條，雞蛋打發好
3) 熱鑊下油，把雞腿肉煎至金黃色後盛起備用
4) 熱鑊下牛油把洋蔥和蘑菇炒香，約3分鐘，然後再加入麵粉炒勻，再慢慢加入thyme、雞湯和牛奶，煮滾後把雞腿肉加入，然後轉細火繼續煮15至20至分鐘，加鹽和黑椒調味
5) 把現成急凍酥皮放軟後，枱面灑上麵粉以防癡底，用麵粉棍壓成3mm厚度，把煮好的餡料放在焗碟上，然後再在上面鋪上酥皮，在酥皮面輕輕𠝹幾刀，但唔好𠝹穿！酥皮邊輕輕用手指壓好和切走多餘的部份！表面再塗上蛋液！
6) 放入焗爐用200度焗20分鐘或者酥皮面變黃金即成
忽然好想食juicy的焗雞，就買左隻細細隻1kg既澳洲無激素雞💛btw反轉左隻雞影相😅但當我發現已經太遲😅大家可以配不同雜菜去焗黎做配菜，但最好分開焗！因為怕佢地出水令到隻雞皮唔脆！
▶️鹽同香草唔怕查多啲向雞面，如果用無鹽牛油就要落多啲鹽
▶️雞皮下面加入牛油就可以更容易焗到雞皮脆身又juicy
▶️頭段焗熟時唔好太高溫，後段就開始用高溫焗脆個皮！時間自己睇下雞大小而調節！
材料:
雞一隻 (~1kg)
海鹽 2茶匙
黑椒 1茶匙
檸檬 1個
蒜頭 2瓣
新鮮thyme 8扎
香草乾 適量
有鹽牛油 4湯匙 (室溫放軟)
掃面:
蒜蓉 1湯匙
有鹽牛油 4湯匙
做法:
1)把雞洗淨，用廚紙內外抹乾，雞內塗上少少橄欖油，再將檸檬切角，蒜頭壓扁，和6扎thyme放入雞內
2) 雞身外小心的把雞皮和雞肉分離，然後把已放軟的2湯匙牛油平均地放入雞肉和雞皮中間，再輕輕按摩
3) 把海鹽、黑椒、2扎thyme碎、2湯匙牛油和香草抹在雞皮上
4) 掃面牛油: 把牛油煮溶後加入蒜蓉炒香即成，每焗20分鐘掃一次向雞面！
5) 把焗爐預熱至攝氏150度烤40分鐘，中途掉轉雞身兩次令烤色更均勻，再轉攝氏240度烤15分鐘烤脆雞皮
6) 把雞斬件或原隻上碟即成
十分健康同養身的水餃！加入左田原香滴雞精！更啱孕媽媽或坐月食，食落有好香嘅雞味✨新手媽媽坐月都可以簡單又有營養！可以包定一批當早餐食😆前一晚將包滴雞精從冰格放去普通格一晚，等佢解凍返做啫喱狀先！我今次仲用左有機雞肉同日本冬菇🍴
@tianyuanxianghk
▶️煮雲吞時大火水滾先落，一次唔好落太多粒，不時攪拌以防痴底，可用雞湯加少少麻油同葱花去煮
▶️雪櫃3天內食用，冰格可以放2星期
▶️菜盡量弄乾先切碎
材料: (約25隻)
菠菜 8-10根
雞柳/免治雞肉 250-300g
冬菇 4粒
水餃皮 1/2斤
滴雞精 2包
調味料:
生抽 2湯匙
鹽 1/2茶匙
糖 1茶匙
麻油 1茶匙
水 1湯匙
胡椒粉 1/2茶匙
生粉 1湯匙
紹酒 1茶匙
做法:
1) 菠菜用鹽水浸洗，切去根部，煲滾水後加入適量鹽，煮30秒撈起浸凍水，待涼後搾乾水和切碎備用，冬菇切碎
2) 雞肉切碎，加入醃料順同一個方面拌勻，再用手撻到起膠，放雪櫃15分鐘備用，把冬菇和菠菜加入
3) 準備水，水餃皮的邊沾上少許水，將適量的餡料放在中間，再放上滴雞精啫喱，對摺，邊緣位按實再二邊用手隨意地推一推行中間，用力壓好收口，放在舖上少許麵粉的盤上，放雪櫃備用 (可YouTube學下不同包水餃方法先)
#田原香滴雞精#滴雞精懷孕#坐月湯水
真心易整好食夏天食最啱🔥☀️仲可以用比街買到靚好多的材料✨^_^
醉溏心蛋💛用左蘭王蛋可以生食蛋黃好香濃！
醉南非飽魚💛向街市見到$220斤 用左2斤
醉海中蝦💛方便快速鮮甜
▶️蛋最好分開浸
食譜之前post過，重溫！
醉汁材料: (一份一種材料)
花雕 50ml
水 50ml
糟鹵 300ml
魚露 1湯匙
糖 2湯匙
玫瑰露 1湯匙
做法:
醉汁開細火煮至小滾熄火，待涼透後才加入材料，必須浸過材料，放冰箱雪一晚即可食用，如果雪二晚就更入味
▶️自己試味！太咸可以加點水和多點糖
⭐️鮑魚⭐️
材料:
鮑魚 10隻
冰水 適量
做法:
1) 將新鮮鮑魚刷乾淨 ，隔水蒸熟
2) 蒸熟後放入冰水令其降溫及肉質彈牙
⭐️醉蛋⭐️
材料:
日本蛋 6隻
冰水 適量
做法:
1) 燒一大鍋熱水，水煮到大滾用勺輕輕的將蛋放入 (大滾不是小滾喔)
3) 繼續用大火煮6分鐘-6分鐘30秒
3) 煮蛋的同時準備一碗的冰水，時間一到，立刻將蛋從滾水中撈起放在冰水中快速冷卻 (煮時可用🥄攪拌一下蛋好讓蛋黃置中)
4) 待完全冷卻後小心的剝去蛋殻，可把蛋的四圍敲一敲更易剝
⭐️醉蝦⭐️
材料:
蝦 半斤
冰水 適量
1) 先把蝦挑腸，剪去頭頂的尖刺和腳。沖水洗淨，用廚房紙抹乾水份備用
2) 燒一鍋水，放入薑，水滾起後，將鮮蝦放入鍋中煮約2分鐘，撈起，放入冰水中降溫
越來越多新手媽媽都選擇自己坐月，一來怕請左個唔好既陪月/工人姐姐，二來
避免同四大長老係坐月期對育兒方式有任何衝突。除左照顧新生兒外，最影響
新手媽媽決定會否自己坐月的因素莫過於處理坐月湯水和補身食療的問題了。
滴雞精當坐月湯水是其中一個新興又方便的選擇，一般的滴雞精都是低卡路里
之餘又含豐富營養，每啖都是雞隻精華。無論順產或開刀的新手媽媽一般都適
合飲用滴雞精來調理身體，當做坐月湯水的一種。
滴雞精有優質蛋白及氨基酸等，微小份子易於被人體吸收,有助補氣血，增加母
乳量，以及有助排出惡露。而且一般都只需要加熱幾分鐘，連新手媽媽都可以
極速簡單處理呢種「坐月補身湯水」，所以非常適合唔想自己煲燉品既新手媽
媽。但市面上的滴雞精選擇如此多，對坐月的新手媽媽來講邊隻滴雞精當做坐
月湯水補身好?
其實產婦比一般人更適合飲用一些含溫和中藥材的坐月湯水或滴雞精，因爲剛
生產的婦女大多陰虛，一般來講坐月湯水不宜大補，但分階段選對溫和的中藥
材反而可以幫助產後媽媽帶來正面的幫助。所以滴雞精邊隻品牌好，難以單靠
有多小膠原蛋白、蛋白質或價錢等去衡量，反而選對適合功效才是產品用料以
外最重要的考量。
好多人都認爲坐月湯水的聖品一定是花膠、燕窩、當歸、人參等名貴藥材，但
其實有一種同樣是養生價值高，由安胎時期就可以飲用，並且非常適合針對坐
月的藥材卻常常被新手媽媽忽略，這種非常適合加入坐月湯水的藥材就是杜仲
。
根據本草綱目記載杜仲能入肝補腎，補中氣，強筋骨，改善脫髮，輕身，調節
心血管等。現代藥理專家亦對杜仲進行大量藥理研究，發現杜仲的化學成
分豐富，有一定的食療保健功效。如果份量不多，又不是長期每日飲數杯，
基本上可說是老少咸宜，因此杜仲在坐月湯水的角色裏可以擔當多個重任，非
常適合坐月媽媽飲用。
杜仲五大功效：
第一：幫助產後傷口復原，所含的綠原酸能有效地減低陰道感染及泌尿道感染
機率。
第二： 補肝護腎，頭髮狀態出現異常與人體肝腎氣血息息相關，因此可以大大
減小頭髮脫落和變白的機會。
第三：增加子宮收縮，有助子宮恢復產前情況，並減少惡露天數。
第四：具鎮痛作用，可舒緩產後腰痠、背痛、膝蓋痛和強化筋骨。
第五：輕身，增加脂肪細胞的葡萄糖轉運和消耗、促進新陳代謝、減小脂肪
積聚，加快回復產後身形。
杜仲價值如此豐富，因此許多專業陪月和注冊中醫師也建議新手媽媽由懷孕中
後期治腰酸到坐月湯水助傷口復原均可以加入杜仲作食療,如；杜仲栗子燉豬脊骨、五子湯、杜仲巴戟黑豆湯、巴戟杜仲海馬湯等等…市面上含中藥材成分的滴雞精選擇如此多，各種名貴藥材聼起來是很吸引沒錯，但如此適合當做孕晚期&坐月湯水的杜仲，卻只有田原香滴雞精這個品牌有
加入，實在匪而所思。
致想要自己坐月的新手媽媽：
‘ 你需要的是適合產後溫和調理又方便準備的坐月湯水，請僅記選對適合的功效和材料才是最重要啊。 ’
田原香杜仲滴雞精($1050 / 20包)，除了含杜仲外，還加入了黨參、白朮、黃芩、杜仲、續斷、生地、白芍、莬絲子、酸棗仁、阿膠、麥門冬和桑寄生。對坐月的新手媽媽來講呢個口味的滴雞精可以一次過做到強壯筋骨、改善腰酸、滋陰養陰、烏髭髮的功效，非常適合新手媽媽自己坐月當做坐月湯水的溫和調理。
Beti's Kitchen 簡易食譜分享 