𝑱𝒂𝒑𝒂𝒏𝒆𝒔𝒆 𝒈𝒓𝒊𝒍𝒍𝒆𝒅 𝒆𝒆𝒍 𝒂𝒏𝒅 𝒆𝒈𝒈 𝒓𝒊𝒄𝒆
A simple dish which is good for cooking on a workday, just grab a grilled eel from supermarket and cooking time less than 15mins😋簡單的一個15分鐘日式料理💖呢個食譜其實係三年前寫過，以前未有👶🏻成日都會煮日式大餐，而家真係好耐冇玩過😂基本上都係煮一至兩個主菜就收工😽就咁呢個飯都可以當一餐，再加幾條菜😎
日式咖啡屋風🇯🇵不過一定好食過餐廳！因為自己煮可以加多啲帶子同埋用好多菇菇☺️本菇加入牛油同蒜蓉仲有香草乾去炒香，之後再加入忌廉意粉非常好食😋帶子可以唔落都得，或者用其他海鮮取代🫶🏻❤️🔥
*With Eng Recipe* 上次整呢個菜已經是拍攝食譜書的時候🤪仲記得第一次食係向東京一間cafe💞Cafe會將忌廉先打起，質地非常厚身！不過在家製造就可以省卻這個步驟🥱I LIKE 明太子TOO MUCH! GOT SO MANY VERSIONS of its pasta/ udon recipes😂明太子為日本九州博多的名產，是以鱈魚卵加鹽醃漬而成，而再將辣椒磨成粉加入原有的鱈魚子醃漬的則辛味明太子❣️一條條的沾上忌廉明太子汁，好好食架呢😋如果覺得太肥可以用多啲牛奶取代忌廉🙈
<With Eng recipe> Super super easy and yummy! 呢個都係一個放工速煮到系列！今次蠔唔使用到新鮮，用急凍蠔就得🤪而因為醬汁味道多，所以用急凍蠔都可以🥹甜甜地好好食❤️蠔盡量用廚房紙巾印乾，輕輕灑上生粉，再煎至2邊金黃色會好食過直接放入烏冬裏面煮熟💕
Happy Friday🦀這個都幾trouble但真係super yummy!!!! 材料已經加哂分✌🏻上次整過一次係用熟蟹肉同熟螢光魷魚！我覺得效果OK成本底啲但係始終唔夠鮮味！今次特登買咗隻日本北海道空運直送新鮮毛蟹同新鮮螢光魷魚！super yummy omg 雖然好鬼煩要手拆蟹肉又要炮製班魷魚，(真心嬲整到😂) 但係食完之後是感動的😂2個材料都好多膏😋♥️追求簡單版本可以用已拆肉熟蟹肉同熟螢光魷魚再加用電飯煲煲飯都得😜
▶️螢光魷魚可以睇 @rays_platesss YouTube 有條片好詳細咁介紹點樣處理！我都係跟佢！第一次整咋☺️😜
▶️毛蟹一斤，大火反轉身蒸15分鐘左右！之後拆蟹肉先係戲肉😩不過算啦太好食係要辛苦啲🥺
▶️飯個湯底用蒸完蟹啲蟹汁+ 木魚高湯加啲蟹殼入去煲！再加少少醬油！成件事係想食到海鮮嘅鮮味！
材料:
毛蟹 1隻
螢光魷魚 250g
三文魚子 適量
Parsley / 大葉 適量 (裝飾)
米 2米杯
木魚高湯 400ml (10g木魚碎加400ml水煲5分鐘)
日式醬油 1湯匙
做法:
1) 毛蟹反轉身放在碟上，大火蒸15分鐘！留起蒸蟹汁！蟹拿出來拆肉！小心蟹殼十分鋒利🥲去除蟹掩和蟹腸，再用剪刀在關節位拆下蟹腳和蟹鉗，再剪開蟹腳拆出蟹肉！然後打開蟹蓋，先去除中間的蟹胃和蟹咀，留蟹蓋備用！蟹身在中間切開，去除蟹腮，拆肉！蟹肉備用，蟹殼留起！
2) 螢光魷魚用鉗子在中間背部開一個小洞，去掉背後的軟骨，之後再去掉眼睛和嘴巴！去掉眼睛的時候要小心一點，盡量不要弄破眼睛，否則有些黑色汁會走出來又要洗一洗😂
3) 10g木魚碎加入400ml水，再加入和蟹殼煲5-10分鐘，隔走蟹殼和木魚碎，成煲飯上湯！
4) 米加入蒸蟹汁&高湯 (米1:水份1 比列)，再加入日式醬油，細火加蓋煮15-20分鐘至飯乾身！如果中途太乾身但啲米都未熟就加多少少高湯！之後再放入螢光魷魚煮3分鐘，再加入蟹蓋和蟹肉在表面煮多3分鐘，最後加入三文魚子和大葉裝飾即成！
好耐無出過魚類食譜🤣因為基本上我平時都係食清蒸魚😆 鱈魚在我心中價錢和味道都屬於是高端魚類，味道非常特別細膩，個種魚油甘甜味無其他魚取代到！今次整西京燒同清蒸都非常之好食！👶🏻鐘意食清蒸♥️💕鱈魚我在街市冰枱買，鐘意切幾厚都得✌🏻我返屋企自己再切走中間大骨，再切一半！(美觀一點和吃得方便一點！但煎的時候會比較易爛，要小心一點喔)
1) 西京燒鱈魚
▶️西京燒表面好易整，但要整到日本餐廳個種焦香乾身感唔易，上次去京都食懷石料理問了師傅秘訣
💛要有焦糖感覺就要最後塗上少少味醂再燒多陣
💛焗爐易焗到出水，instead可以平底鑊抹油再加塊牛油紙慢火煎就會更易令魚有焦金色又唔濕身
▶️醃至少一晚，二晚就更佳。
材料
銀鱈魚 /白鱈魚 2塊
西京味噌(白味噌) 100g (一定要用白味噌否則普通味噌會好咸！)
清酒 20g
醬油 10ml
糖 30g
做法:
1) 銀鱈魚洗淨吸乾水份，沿著圓骨位切成2件(美觀一點)
2) 西京味噌、清酒及糖攪勻，小火煮到粘身再加入醬油拌匀，待涼後地醬塗上銀鱈魚的上下，包上保鮮紙，放入雪櫃醃至少1日
3) 銀鱈魚取出，抹去銀鱈魚表面的味噌醬
4) 於平底鑊上塗上油，再加牛油紙慢火煎至二面焦黃，反轉時要小心點否則好易散開，最後再輕輕塗上一層味醂再燒多陣即成！
2) 清蒸白鱈魚
直接大火蒸8-10分鐘！倒走蒸後碟上的魚水，放上蔥花！淋上滾油和蒸魚豉油即成！
明太子意粉真係超好食！MUST MAKE ITEM! 仲要勁簡單♥️材料方面好多人都問我！呢度全部都係向AEON買 (including三文魚子)😜日日煮中餐都好悶！呢排出街都係淨係去買餸💪🏻外賣食1晚已經唔想再食😅都係鍾意自己煮多啲，今晚淨係食個簡單意粉🙌屋企嗰隻野成日都要有新意😗不過食得開心我就滿足了😽
材料(2人用)
蟹肉 100g
意大利粉 200g
明太子2條 (~75g)
牛油 15g (切粒)
淡忌廉 150ml
醬油 1湯匙
三文魚子 隨意
做法:
1) 燒滾熱水加1湯匙鹽，意大利粉按包裝指示減2分鐘來煮至Al Dente質感，撈起瀝乾備用
2) 燒熱鑊加入油，加入蟹肉中火炒香(~3分鐘)，盛起備用！
4) 明太子去衣把中間的明太子拿出來！鍋中加入明太子、牛油、淡忌廉和醬油，小火煮滾
5) 細火下意大利粉和蟹肉！和明太子汁撈在一起，煮至醬汁濃稠，再加上三文魚子作裝飾即成💞
#betiskitchen意粉#betiskitchen海鮮#betiskitchen西式#betiskitchen日式
今次特登買咗北海道豚肉，整咗日本豆乳鍋同燒汁豚肉卷！第一次用火鍋燒烤兩用機😍都幾特別！食熱氣野之餘又可以食下蔬菜✅超級簡單冬天整啱晒🇯🇵用咗好多時間去裝飾個火鍋✨
今次用咗的廚具:
💖Cuisintec 迷你火鍋燒烤機
💖Disney x WO天然木色砧板-長1511
💖德國孖人TWIN Grip 果刀2件套裝
💖德國SNF 8吋多用途廚房剪刀
✌🏻部分產品由即日起至2月17日都可以向<一田星級廚具展>買到！一田百貨沙田、大埔、荃灣店！ @yatahk
🇯🇵 日本豆乳鍋🇯🇵
材料:
豬肉片 300g
大葱 半條
紅蘿蔔 半條
其他蔬菜 隨意
牛油 20g
豆乳 500ml
鹽 1/2茶匙
雞湯或鰹魚湯 200ml
做法:
1) 蔬菜切片、大葱切段
2)同一鍋中把蔬菜爆香，再倒入豆乳、湯底、豬肉和鹽煮滾至豬肉煮熟，再加雞蛋即成
🇯🇵 燒汁豚肉卷🇯🇵
材料:
豬肉片 200g
椰菜 適量
日式燒汁 1湯匙
芝麻 1湯匙
蔥花 1湯匙
做法:
1. 豬肉片卷在椰菜絲上，熱鍋下油，加入豬肉煎3分鐘，再加入其他材料煮熟即成
🧧虎年第一個食譜POST!🐯繼續冇得晚市堂食！初一係屋企食好啲！Inspired by 幾日前食過的Kappo Rin (last pic)💖佢煮飯材料用咗紅蘿蔔同魷魚絲！我自己調配一下，諗一諗(Hi creativity)改咗用北海道洋蔥絲！超級清甜，炒過嘅洋蔥絲再加入木魚高湯煲飯，個飯勁好食同清甜🥺！我呢到用咗1/3底海膽，其他留返就咁食🤭firstly一定要有新鮮海膽同三文魚子✨海膽from @uni_brother 日本直送到屋企！包裝得好好💯fresh af😸💖👌🏻
▶️煲飯的湯要用木魚高湯，我平時用快速木高湯包嚟煲個湯底好方便！放入去水到煲5分鐘就完成♥️(AEON有) 日式超市亦都有木魚湯粉！或直接用木魚碎去煲個湯底都好簡單！尋日心情好，用木魚加昆布去煲個湯底！做法可以向我blog search <昆布柴魚高湯> 🤭
➡️北海道細洋蔥比其他洋蔥清甜，如果搵唔到都可以就咁用普通洋蔥，但係最好切絲切得細條啲！口感會好啲🧅
材料:
日本米 2米杯
木魚高湯 2米杯 （和米 1:1比例)
海膽 100g
洋蔥 1個細/半個大
三文魚子 50g
日式醬油 1湯匙
味醂 1湯匙
清酒 1茶匙
大葉 3塊切碎
青檸皮的碎 (optional)
做法:
1) 米先洗乾淨，洋蔥切絲，熱鍋下油，把洋蔥用細火輕輕炒香3分鐘，盛起備用
2)鍋中加入米，柴魚高湯、醬油、味醂和清酒攪拌均勻，然後再加入洋蔥攪拌均勻，開中火，湯滾後轉細火加蓋煮15-20分鐘或至飯乾身，再轉大火1分鐘後熄火，焗5分鐘
3) 把三文魚子和海膽鋪在飯上面，然後再灑上大葉，細火加蓋煮20秒後，再加青檸皮碎即成
#betiskitchen日式#betiskitchen海鮮
Inspired by 之前食懷石料理的菜式🤪呢個LC 18cm就係我人生第一個LC煲！用咗7年了😋飯類菜式我最鐘意用LC，因為可以鎖住熱力同保溫極強！食材可以均勻受熱！煮完之後再上蓋焗就好容易可以整到飯焦🤪個飯真係太好食同好易整！唔使10分鐘俾👦🏻食哂💞
▶️煲飯的湯要用木魚高湯，我用快速木高湯包嚟煲個湯底好方便！放入去水到煲5分鐘就完成♥️日式超市亦都有木魚湯粉！或直接用木魚碎去煲個湯底都好簡單！
▶️蛋絲係optional，純粹擺咗靚啲😅就咁平底鑊煎蛋再切絲就得！
➡️我用了2種菇，大家都可以用自己喜歡的菇
材料:
日本米 2米杯
木魚高湯 2米杯 （和米 1:1比例)
日式急凍鰻魚 1條
日本本菇 50g
日式醬油 1湯匙
味醂 1湯匙
清酒 1茶匙
Optional:
三文魚子，大葉切碎，蛋絲
做法:
1) 米先洗乾淨，本菇去尾部，拆散備用
2)鍋中加入米，柴魚高湯、醬油、味醂和清酒攪拌均勻，然後再加入本菇攪拌均勻，開中火，湯滾後轉細火加蓋煮15-20分鐘或至飯乾身，再轉大火1分鐘後熄火，焗5分鐘
3) 鰻魚解凍後！平底鑊下油，小火把鰻魚煎返熱！後然將鰻魚切大粒！
4) 把鰻魚粒鋪在飯上面，然後再灑上大葉，細火加蓋煮1分鐘後，再加入三文魚子和蛋絲即成
Beti's Kitchen 簡易食譜分享 