上一次整麻婆豆腐原來已經係2年前！星期日看到了 @e.g.kitchen 象廚的story，吸引了我煮這一道菜🤣諮詢了他的意見參考了他的食譜！謝謝你🇹🇼加上呢排愛上用呢個煲仔煮飯😂 perfect combination✌🏻麻婆豆腐是川菜經典，煮好的麻婆豆腐又香又麻又辣，趁熱加上白飯，so good♥️本身係想用滑豆腐！但係買了板豆腐！叫男人去買餸都是不靠譜的(可能只是我家的那位)😭不過原來用板豆腐反而無咁易爛同吸汁都好好食😂🤣

▶️辣豆瓣醬是靈魂！如果想再辣啲可以加少少辣椒仔！最後落花椒粉就可以帶出麻的味道！喜歡重麻味可以下花椒油！
▶️炒好肉碎之後可以拿起一湯匙最後放在表面裝飾用😽肉碎有耐性啲炒！炒到鬆化就更好食💕
▶️豆腐要用細火同推的方法去煮就唔會咁易爛

材料:
滑豆腐 1盒
免治豬肉 200g
蒜蓉 1湯匙
蔥花 1湯匙
花椒粉 1茶匙
豆瓣醬 2湯匙
生粉水 2湯匙 (1湯匙生粉+2湯匙水)

調味料:
生抽 1.5湯匙
米酒 1茶匙
鹽1/4茶匙
白胡椒粉 1/4茶匙
水 150ml
糖1茶匙
麻油 1茶匙

做法:
1) 豆腐切成2cm塊狀，水加入1茶匙鹽！煮滾後放入豆腐，細火煮2分鐘撈起備用！
2)大火加2湯匙油在鑊中，炒香蒜蓉，倒進豆瓣醬，下豬肉碎炒到熟和粒粒狀，約需5分鐘！之後倒進調味料和豆腐煮滾，先下1湯匙的生粉水，轉以小火慢煮約5分鐘，再下餘下1湯匙的生粉水，推至厚身，再淋上花椒粉和蔥花即成！

#betiskitchen中式#betiskitchen豬

Super yummy🍚好大隻飽滿爆汁😝之前Sunday family dinner最愛食翠亨邨的桶蠔煲！幾個月都無去過🙁整得靚既薑蔥桶蠔煲蠔一定要煎得乾身不水汪汪🤭餐廳煮得好乾身飽滿！自己煮都係跟返佢用美國桶蠔整呢個餸，大大隻清理方便♥️但我就鐘意有啲汁撈下飯，加多少少調味料😎建議用美國或者日本蠔，易清洗同海質比較好😗成個餸其實好簡單，材料得幾樣！但係就有少少tips防出水✔️

▶️桶蠔放入滾水煮30秒後熄火焗1分鐘，可以令到外皮先煮熟
▶️煎之前要2邊好認真地用廚房紙巾吸乾水！唔好求其😌
▶️撲上少少生粉，唔需要太多！大火多油煎至2邊微微金黃！大火就冇咁易出水！不過小心會彈油，因為始終都好難索到完全乾！(呢個危險動作我交俾👦🏻處理🥰)
▶️加少少牛油會更加香！

材料:
蠔 8隻
薑 10片
蔥 6棵
乾蔥頭 3粒
牛油 1湯匙
生粉 適量

調味料:
生抽 1/2湯匙
蠔油 1湯匙
水 1/2湯匙
糖 1/2茶匙

做法:
1)先洗蠔，把蠔放在碗中，用生粉拌勻、沖水清洗2-3次！水滾後加入蠔煮30秒，熄火焗1分鐘拿起，再用廚房紙巾輕輕索乾水份備用！
2)蔥切段、薑去皮切片、乾蔥頭去皮切半！
3)蠔兩面輕輕撲上少許生粉！熱鑊下2湯匙油，加入蠔大火煎至2面金黃！拿起備用！小心彈油！
4) 熱鑊下油，加入薑爆！再加入蔥、乾蔥頭和牛油爆香！再加入蠔和調味料輕輕力炒至乾身即成

超級簡單但好食😜向街市見到游水大頭蝦♥️睇相都見到勁多膏，好耐冇食過大頭蝦！唔一定要用大頭蝦，可以用其他大隻少少嘅蝦都得！粗鹽好平就有一包架啦！所以就算呢度用好多鹽都只不過係$6😂LC保溫真係好好，呢個餸又完美表演到😽


材料:
大頭蝦/ 大虎蝦10隻
粗鹽 1000g
牛油 20g
香葉 4片
八角 6粒
花椒 1湯匙
紹興酒 1湯匙

做法:
1) 蝦去頭頂的尖、腳和鬚！備用！
2) 燒熱鑊，下牛油，把粗鹽倒入，把鹽中火炒至熱身，加香葉、八角、花椒拌勻，把一半的鹽拿起，再將蝦放入，把拿起了的鹽放上，將蝦埋在鹽堆中！然後在邊位倒入一圈一湯匙的紹興酒！
3) 上蓋細火焗8分鐘，抹走表面鹽份即可！

#betiskitchen中式 #betiskitchen海鮮

今次想主打講飯焦！頭幾次煮建議用簡單啲嘅材料如臘腸、臘肉或潤腸等！如果整雞或者肉餅，因為會出水，亦會怕食材煮得太熟，會更難控制飯焦的成功率😗今次用咗傳統煲仔飯瓦煲！其實本身冇諗住買，因為屋企已經有太多煲😂不過街市雜貨店見到$28實在太平😅雖然唔耐用，但係好有風味，推薦♥️👦🏻投訴話個煲太細個，佢可以食2煲😆the best claypot rice from myself ever🖤🥸Cooking video on my instagram.


事先聲明，飯焦好視乎爐頭！未必一次成功！但整幾次一定掂❗️
▶️ 飯焦原理就好似用油煎米餅，有油而飯又煮到乾身，再大火少少就做到
▶️ 但秘訣就係點樣唔好太大火煮到黑哂，靠聞下個味同聽下聲，當然仲有經驗！如果聞到有燶味就係有問題，要收手細火啲😂
▶️個煲蓋唔好成日開嚟開去！後期要將個煲打斜，不同方向對住個火煮，咁就可以連個邊都有飯焦！
▶️我無浸米，洗一洗就煮，洗完米一定要盡量整乾水先！如果唔係水份就會唔啱比例！米用泰國米最易煮到乾身粒粒分明，我用泰國金鳳口感煙韌♥️
.
.
材料: (2人用)
臘腸 2條
櫻花蝦 30g
米 2米杯
水 2米杯 (1:1 比例)
甜豉油 適量
蔥花 適量

做法:
1. 鍋底抹1茶匙油，米洗淨後加入同等份量的水，蓋上鍋蓋以中火煮至鍋蓋緣有蒸汽冒出，再轉細火繼續煮約10分鐘至收水，之後放上臘腸、繼續小火煮10分鐘
2. 期間可以炒香櫻花蝦備用
3. 向煲邊圍圈倒上1湯匙油！火力轉中火！將個煲打斜向不同方位煮1-2分鐘左右(總共6分鐘)！應該會聽到節節聲同聞到香味！關火！把臘腸取出，切粒，之後和櫻花蝦一起放返入個煲到，冚蓋焗3-5分鐘，加上蔥花和豉油即成！(如果呢一刻撩個邊都係無飯焦就落多少少油繼續重複煮)

#betiskitchen中式#betiskitchen豬

<食譜改良> 今年限量地整咗六底！五底都俾哂朋友😆自己整嘅蘿蔔糕真係好食好多！我最鍾意食到一條條蘿蔔！咁多年都係用呢個食譜，蘿蔔全部切粗條！今次用咗日本大根、本地臘腸、北海道瑤柱同日本菇❤️❤️❤️每底都勁多料😜預祝各位新年快樂！🍊 With 1min cooking video on my instagram⭐️

材料 (10吋圓形 4底左右 /長形6底)
白蘿蔔 3斤 (大概2大條)
鷹粟粉 225g
粘米粉 75g
生粉 75g
臘腸 2-3條
蝦米 30g
冬菇 6粒
瑤柱 適量
水 900毫升
滾水 300毫升
鹽 15g
雞粉 35g
糖 75g
胡椒粉 1茶匙
麻油 45g

做法:
1) 乾貨全部浸水過夜或半天，切小粒備用
2) 臘腸飛水後切粒
3) 鷹粟粉、粘米粉和生粉倒在大盤中，逐小加入900毫升水 可用手搓滑至粉漿沒有粉粒後備用
4) 蘿蔔刨皮切粗條，滾水灼蘿蔔5分鐘可去腥味和存放耐一點，倒去水後備用
5) 爆香臘腸出油後、加入蝦米、瑤柱和冬菇爆香，倒入蘿蔔條炒勻 (臘腸自己會出油 如不夠肥可另加油)，再加300毫升滾水，下麻油、胡椒粉、雞粉、糖和鹽，大滾後熄火 (乾貨可留小許鋪面用)
6) 熄火後要立刻將剛開水的粉漿慢慢倒入，推至半生熟漿，不要推到過熟濃稠但也不要過稀，程度大概要用點力才推到的漿一樣
7) 糕盆先掃一層薄油，將粉漿倒入糕盆內並掃平，將餘下小份乾貨鋪在糕面
8) 大火/ 100度蒸1-1.5小時即成，竹筷子插入取出後沒有粉漿黏住即可
9) 待涼後放入雪櫃雪數小時待結實即可煎來吃

Tips:
1) 水和粉的分量好在乎你的蘿蔔多不多水 要靠一些經驗來判斷
2) 4日之內要食哂 因為無落防腐劑有冬菇好易壞
3) 落生粉可以令糕更滑 剛蒸完會好似好水咁 待放涼後會結實返
4) 我這個食譜質地偏軟滑身，但煎出來形狀還是挺身，你可自行微調做出自己所喜歡的軟硬度
5) 蒸盒可在油麻地上海街街頭一帶購買 有不同形狀

6) 熄火後立刻將剛開水的粉漿慢慢倒入，因為要有熱度才可把粉漿堆至半生熟漿，不然會水汪汪！

#betiskitchen中式#betiskitchen新年

第一次認識呢個菜式係2年前向好酒好菜食過😛之後整過幾次，尋晚再調教過個汁煮多次，無落辣椒仔，口味清新啲💛呢個餸我發現用細隻啲的花甲係好食過大大隻😅！Super simple and easy❤️ 呢排掛住整新年糕點，煮啲簡單嘅嘢算😴

▶️紅尖椒同芫荽盡量切細緻一點，口感和賣相都會比較突出

材料:
花甲 1斤

醬汁:
芫荽 1扎 (切細粒)
紅尖椒 半條 (切細粒)
蒜蓉 1湯匙
麻油 1茶匙
生抽 1湯匙
魚露 1湯匙
糖 2茶匙
水 50-100ml (自己試下味)

1) 花甲先浸洗，鍋中水滾後加入花甲大火煮至開口，拿起沖一沖凍水，再移走另一邊殼！排在碟上備用！
2) 醬汁所有材料攪拌均勻，自己試吓味先！
3) 倒在花甲上即成

#betiskitchen中式#betiskitchen海鮮

#StartGreenWithMiele 新年新態度Healthy life healthy new year🌿新一年希望整多啲素菜食譜！培養低碳習慣以建立更美好的環境🌏原來素蘿蔔糕都好好食！以前覺得自己整中式糕點好麻煩，但整完一次之後真係返唔到轉頭！好食過出面買嘅好多😌全天然無防腐劑足料糕點🍀✨ @miele_hk

材料: (4底左右)
白蘿蔔 3斤 (大概2大條)
鷹粟粉 225g
粘米粉 75g
生粉 75g
羊肚菌 8條
紅蘿蔔粒 30g
菜脯粒 30g
冬菇 6粒
黑松露醬 2湯匙
水 900毫升
滾水 300毫升
鹽 25g
菇粉 25g
糖 75g
胡椒粉 1茶匙
麻油 45g

做法:
1) 乾貨全部浸水過夜或半天，切小粒備用
2) 鷹粟粉、粘米粉和生粉倒在大盤中，逐小加入900毫升水 可用手搓滑至粉漿沒有粉粒後備用
3) 蘿蔔刨皮切粗條，滾水灼蘿蔔5分鐘可去腥味和存放耐一點，倒去水後備用
4)熱鍋下2湯匙油後，加入紅蘿蔔粒、菜脯粒、羊肚菌、黑松露醬和冬菇爆香，再倒入蘿蔔條炒勻，再加300毫升滾水，下麻油、胡椒粉、菇粉、糖和鹽，大滾後熄火 (乾貨可留小許鋪面用)
5)立即將剛開水的粉漿 (先攪勻，粉可能沈底)，倒入剛熄火的鍋中，用力不斷推至半生熟漿，不要推到過熟濃稠但也不要過稀，程度大概要用點力才推到的漿一樣
6)糕盆先掃一層薄油，將粉漿倒入糕盆內並掃平，將餘下小份乾貨鋪在糕面
7)大火蒸 45分鐘即成，竹筷子插入取出後沒有粉漿黏住即可，襯熱撒上芫茜蔥或芝麻
8)待涼後放入雪櫃雪數小時待結實即可煎來吃

Tips:
1) 水和粉的分量好在乎你的蘿蔔多不多水 要靠一些經驗來判斷
2) 4日之內要食哂 因為無落防腐劑有冬菇好易壞
3) 落生粉可以令糕更滑 剛蒸完會好似好水咁！但待放涼後會結實返
4) 我這個食譜質地偏軟滑身，但煎出來形狀還是挺身 你可自行微調做出自己所喜歡的軟硬度
5) 蒸盒可在油麻地上海街街頭一帶購買 有不同形狀！

#betiskitchen中式#betiskitchen素#betiskitchen新年

Super easy and yummy! 用咗6盞印尼三角燕窩！再加北海道牛奶玫瑰花去燉！超正養顏⭐️唔係真係想象中咁貴！我呢到成本大約$400已經做到啖啖燕窩for 7-8個人食💖

紅菜頭棗泥千層糕係跟 @miele_hk 食譜，可以參考返佢地IG/YouTube👐🏻不過我比較懶就無好認真整千層，整咗漸變效果！我蒸好放入雪櫃，之後就咁凍食！有埋合桃好健康又有口感^_^✌🏻Thanks for the cooking kit @miele_hk 💚

▶️燕窩不宜用高溫煮！最好用細火燉！內含燕窩酸和膠原蛋白，不宜煮太耐，大約30分鐘就夠💖
.
.
材料: (4人用)
燕窩 3盞
牛奶 500ml
冰糖 2湯匙
玫瑰花瓣 1湯匙

做法:
1) 燕窩先以熟溫水浸發6小時，期間換1次水挑除雜質，再以開水過濾，然後瀝乾備用
2) 燕窩加入牛奶，再加入冰糖！玫瑰花瓣放入細魚袋/茶包，加入牛奶中！
3) 細火燉30分鐘即成，把茶包拿走，可以放上玫瑰花瓣作裝飾！

#betiskitchen中式#betiskitchen甜品

超簡單但好惹味的一個家常小菜！recipe from grandma 👵🏻 部位我多數買新鮮牛冧肉，可以叫街市牛肉店幫手切埋，方便快捷😹 要整到滑牛肉第一其實要肉質好、部位對，第二就係要逆紋切，等三就係醃肉方法！

▶️一定要跟足以下醃肉次序！

材料:
牛肉 300g
蔥 1大扎
蒜頭 6粒
辣椒仔 2條
西芹 1條

醃料:
蠔油 1湯匙
生抽 1湯匙
糖 1茶匙
胡椒粉 1/2茶匙
生粉 1湯匙 + 水 2湯匙 成生粉水
油 1湯匙

調味料:
蠔油 1茶匙
生抽 1茶匙
生粉 1茶匙
水 2湯匙

做法:
1) 牛肉切片，加入蠔油、生抽、糖、胡椒粉攪拌均勻！之後再加入生粉水攪拌30秒至均勻及牛肉吸收水份，最後加入油醃15分鐘！
2) 蒽切段，西芹切大粒，辣椒仔切粒，蒜頭拍扁
3) 調味料攪拌均勻
4) 中火下1-2湯匙油，加入蒜頭、蒽和辣椒仔爆香，再加入牛肉，先鋪平煎好1邊，再開始爆炒，牛肉開始轉淺色粉紅色的時候加入調味料和西芹，炒熟即成！

#betiskitchen中式#betiskitchen牛

inspired by the dish I had in 彤福軒✌🏻上次煮用了貴妃蚌，今次去街市搵唔到！魚檔老闆推介了呢隻新鮮北寄貝，佢話肉厚仲好食過貴妃蚌啦呀妹 (thanks for not calling me 呀姐😂) OK真係好食喎💖👦🏻大讚🤪新鮮嘅海鮮簡單煮最易食到個鮮味！個湯底超正！有花雕酒香又吸收左海鮮味！食完可以再攞嚟煮返個面🙂唔一定要用北寄貝可以用花甲/蜆！煮一定要大火煮！時間要準確！咁就唔會過熟✨
.
.
▶️有需要就加鹽調味，我鍾意唔落鹽就咁用海鮮嘅鮮味😛
.
.
材料:
北寄貝 6隻
紅尖椒 隻
蒜頭 2瓣
芫荽 1扎
蔥花 適量
雞湯 250ml
花雕酒 2湯匙

做法:
1) 北寄貝 好，可以叫魚檔開埋，否則自己用刀撩開，備用，蒜頭切片，紅尖椒切條
2) 熱鍋下油，爆香蒜片及紅尖椒，倒入花雕酒等20秒，之後再倒入雞湯！
3) 雞湯大滾後，加入北寄貝 ，冚蓋，大火煮3分鐘！之後加入芫荽和蔥花即成

#betiskitchen中式#betiskitchen海鮮