老是常出現！呢排都好懶 重溫一下啦🤣always my fav comfort food at home♥️今次用咗我最愛的鑽石蜆💎鐘意可以用煮過蜆的水代替雞湯，但係又要等佢凍返，我會就咁用雞湯都超好食👌🏻蛋同水比例 1:2!!! 再加錫紙去蒸！最後一定要淋滾油同豉油就好滑滑的💛
大蜆蒸滑蛋 中式食譜 steamed eggs with clams
中式
黃金帶子炒滑蛋 中式食譜
Super easy yet another daily comfort food! Must pat scallops very very dry before pan fry to get that golden crispy texture❣️超簡單的一個家常菜！重點要把帶子索到非常乾身先拿去煎！炒蛋的時間要短，才可以炒到滑蛋😋 想滑一點可以加少少牛奶😎 牛奶含有酪蛋白，可令雞蛋向低溫下就能更快成形！炒得靚嘅滑蛋係可以一塊過唔會一舊舊🥺成件事1分鐘完成❤️🔥
四川麻辣藤椒雞煲 中式食譜
開始踏入秋冬天就會想食雞煲😜，因為成日要用好多調味料，所以超級耐冇煮過😫而今次用了豪吉椒辣川 香汁去煮，超級方便而且味道非常對板，同外面嘅味道好似 !枝川香汁由新鮮二荊條辣椒、小米椒及青花椒 調配制製成，味道好重鮮椒麻辣味，食落去個味好夠香同埋好惹味，又唔會過辣!除了整雞煲，亦都適合不同 四川菜式，喺非常正宗地道四川風味💖藤椒乾如果搵唔到可以唔用 !基本上係裝飾用，因為呢枝醬汁的味道 已經非常之豐富😽
菜脯肉碎大蜆米粉煲 中式食譜
研發一下新食譜😎個人十分喜歡吃海鮮！加入了菜脯和肉碎，會有多一層的鮮甜咸香，非常之夾蜆的鮮味😋大愛！食完蜆之後，再加入米粉煮至淋身，吸收所有湯的精華，非常之好吃！最後加入胡椒粉又是另一個風味🖤
奶白豬骨粟米栗子湯 湯水食譜
呢個湯細細個👵🏻已經成日煲💖家中兩位男性都非常之喜愛飲中式湯水，個湯本身基本上沒有什麼技巧，但如果要把豬骨煲到奶白色，就要落多一層功夫😊其實原理同煲魚湯一樣，將熱水倒入煎好了而帶有油脂和膠原蛋白的豬骨，便可以成功產生乳化作用，得到奶白色的效果🌰當然如果你不在乎有奶白效果，就咁將所有材料煲埋一堆都好好飲！👶🏻飲了1大碗感動💖
節瓜咸蛋蝦滑湯 湯水食譜
聽到大家反映想睇多啲湯水食譜🫣我每星期都一定煲2次湯！無湯飲唔安樂派🥲嚟緊秋天分享多少少湯水食譜🍂🍁呢個湯屬於滾湯類！好快煮好，但個湯底有濃濃蝦味，再加上節瓜同草菇吸晒啲蝦湯味，超級好飲❣️
蜜味蒜香桶蠔煲 中式食譜
這個菜式靈感來自蜜盞金蠔！十分喜歡煮煲仔菜💫通常兩個人食，加碟菜白飯同湯就成了一個晚餐啦🥳今次用了美國桶蠔，主要係因為👦🏻鍾意食大隻的蠔😂個人都喜歡食台山蠔而蠔味比較重！如果嫌麻煩可以買急凍蠔都得🥺自己選擇😗
孜然蒜香焗茄子 中式食譜
之前響一間燒烤店食過的一個菜式🤤返屋企原來自己整唔困難！可以用焗爐代替燒烤😽蒜蓉醬係重點！再加埋焗到淋晒嘅茄子超級好食💜其實這個蒜蓉醬拿來焗其他食材都非常之合適🫣不過重點一定要趁熱食！
▶️花椒粉可以唔加！孜然粉一定要加！😽蒜蓉要認真地切到超細，口感會比較好！
特濃芝士花竹蝦伊麵 中式食譜
呢期過咗休漁期之後成日都買花竹蝦❤️今次$198斤😽有時唔想整龍蝦係因為覺得比較麻煩，同埋老實講我鍾意食蝦多過龍蝦😂今次用了mozzarella 芝士片🧀不過其實隨便向屋企執啲芝士片都ok🥰個人鐘意creamy d所以加咗忌廉，唔想落都可以用牛奶取代！伊麵最後買咗兩個，知屋企位人兄一定會話唔夠麵食🫣
椰子雞大蜆煲 中式食譜
Highly recommend recipe🔥終於整到一直想念的椰子雞煲味道！特登搵埋沙薑青桔仔去整埋個豉油一齊食🫶🏻今次我加入咗竹笙同蜆！除咗雞湯味仲多咗層蜆的鮮甜味🌟而竹笙亦都吸收所有湯汁精神，非常好吃😋我試過用不同椰子椰青調製呢個菜，最後發現用新鮮椰青加新鮮椰青水係最鮮甜！
Beti's Kitchen 簡易食譜分享 