好耐冇響街市見過有新鮮魷魚仔！每次見到都會買，因為新鮮魷魚真係好好食😜❤️魷魚仔我都會處理一下，但係就無好似大魷魚咁撕走個層皮！咁新鮮一定要清蒸就最原汁原味✌🏻💕返到屋企都仲係閃緊好神奇😍
蒜蓉粉絲蒸魷魚仔 中式食譜
蒸
海蝦蒸滑蛋 中式食譜
I love steamed eggs sooo much🧡超級鍾意食任何蛋類菜式🤣有時怕就咁一個蒸蛋會唔夠飽，加埋海蝦向上面就一定夠！本身冇諗過用LC…但係原來啲蒸碟搬走哂去新屋😭用LC其實都係當佢碟咁用！但係倒入蛋漿前一定要煲一煲水預熱，然後再把水倒走🥰🫶🏻蝦建議買新鮮，因為始終都係蒸，調味比較少，煮出來比急凍蝦仁好食好多😝
蒜蓉牛油錫紙蒸大蜆 中式食譜
超級簡單海鮮食譜💓用錫紙包住嚟蒸原汁原味！再加埋牛油蒜蓉非常之香😽蒸的時間好視乎你用咩蜆/花甲！花甲個殼比較薄，會快啲開口，自己觀察一下再調節時間😜
蒜蓉蒸日本雙色茄子 中式食譜
蒸茄子不油炸不變黑小技術💖超級好食！加埋蒜蓉汁非常入味！上次向批發市場生果部買咗個日本土佐白茄子試下🤍💜🤍💜 日本茄子皮薄細嫩吸收醬汁非常好食😍最重要呢個餸菜好簡單方便，亦都可以放涼當冷盤進食喔😌
簡易版荷葉蒸羔蟹臘味飯 中式食譜
秋天悄悄的來到🍂非常之適合食蟹和臘味飯💕簡單版就是用電飯煲煲糯米和白飯之後才和臘味一起炒勻！當然沒有生炒臘味飯那麼煙韌乾身有口感，就方便來說味道都非常不錯☺️有冇人好似我一樣勁鍾意食臘腸😂向街市買了超靚的半肥瘦本地臘腸🫶🏻除咗海鮮檔我都非常鍾意睇乾貨檔！
無水蒸蒜蓉金菇魚 中式食譜
Healthy fish dish! 🐟今次買了一條冰枱燕星斑！用呢個新煲整個無水蒸先😋Oblong長身而有深度，非常之適合煮原條魚類料理！💖冰枱魚味度始終比唔上新鮮魚，但好處就是價錢比較實惠，亦適宜用多一點的調味，今次整咗個蒜蓉醬放在金菇上！再加上魚的精華，金菇非常之鮮味😽 十分健康的一個家庭菜式🤍
🧡New @lecreusethk Fleur Relief Oblong Casserole 31cm Cotton 非常之實用🧡
大蜆蒸滑蛋 中式食譜 steamed eggs with clams
老是常出現！呢排都好懶 重溫一下啦🤣always my fav comfort food at home♥️今次用咗我最愛的鑽石蜆💎鐘意可以用煮過蜆的水代替雞湯，但係又要等佢凍返，我會就咁用雞湯都超好食👌🏻蛋同水比例 1:2!!! 再加錫紙去蒸！最後一定要淋滾油同豉油就好滑滑的💛
金銀蒜粉絲蒸貴妃蚌 中式食譜
呢排都係煮啲簡單嘅菜式多😅簡單得來又好食💙記得最尾要淋滾油同蒸魚豉油！換作其他貝類如扇貝或者北寄貝都得！為咗節省時間，叫魚檔開好就方便一點💕
清蒸賴尿蝦 中式食譜
街市相熟海鮮檔姨姨話呢隻賴尿蝦多羔，反正好耐冇食過，買咗一斤♥️賴尿蝦我覺得新鮮清蒸最好食！清蒸賴尿蝦一定要大火，否則肉質會唔爽口淋淋的！今次我大火蒸左7分鐘左右，等無咁熱就搣殼等大家都易啲食🥺用剪刀切去頭部，然後在賴尿蝦身的邊緣，分邊各剪一刀，再在尾部的殻剪一下，便可把身的殻整個拿走！記得要超級小心！因為賴尿蝦好多尖剌，小心吉親手😹
我再煮滾雞湯加少少紹興酒方向底！加芫荽同辣椒仔！缺點係比較細隻，但真係好鮮甜同多羔🥳 Easy seafood dish!
花雕羔蟹蒸肉餅 中式食譜
So good that it melts into my mouth! 昨日在街市見到羔蟹好靚，就諗起好耐之前向筲箕灣一間餐廳食過的羔蟹蒸肉餅！肉餅再加上蟹汁精華，真心超勁好食😎醉了☺️我再特登加咗花雕酒同鹹蛋黃，so yummmm!
.
.
▶️蟹羔可以拿出來，加入少少花雕酒同胡椒粉去腥，之後再放在肉餅上面，蒸出來會比留在蟹身上美觀🧡
▶️加鹹蛋黃為了口感多一個層次，覺得麻煩可以不加喔
▶️蟹不建議買太大，因為太大隻，和蒸肉餅的時間未能配合，要先蒸蟹後落肉餅，比較麻煩！唔想處理蟹可以直接叫魚檔處理，但當然在家中處理是最新鮮的🥹
▶️要蒸肉餅鬆軟肉的質素好重要！如果成舊肉都係瘦肉無論如何都會很結實！肥瘦比例3:7 /4:6 左右！用梅頭肉OK
.
.
材料:
羔蟹 1隻 約半斤至一斤
鹹蛋 1隻
免治豬肉 300g
紹興酒 1茶匙
芫荽或蔥花
豬肉醃料:
花雕酒 1 茶匙
生粉 2茶匙
生抽 1.5茶匙
老抽 1茶匙
鹽 1/2 茶匙
水 2湯匙
糖 1/2茶匙
麻油 1茶匙
胡椒粉 1/4 茶匙
咸蛋白 1/3隻
做法:
1) )如果怕活蟹的話，可以先放入雪櫃雪30-60分鐘，令牠沒有那麼活躍😅 用鉸剪在蟹咀中間大力剌下，然後打開蟹蓋，先去除中間的蟹胃和蟹咀，蟹身在中間切開，去除蟹腮！蟹鉗拿起，輕輕拍碎蟹殼方便食用，可以把部分蟹羔拿起，之後放在肉餅上或攪拌入肉餅中
2)豬肉加入所有調味料(除咸蛋白)向同一方向攪勻至黏身，最後加入咸蛋白攪勻，醃15分鐘
3)生咸蛋黃隨意切小粒，加入醃好的豬肉中
4) 碟上掃上一層油，把肉放在碟上，再放上斬件了的蟹，蟹蓋要反轉放，之後在肉上隨意放上蟹羔，最後在表面倒上一茶匙花雕酒
5) 大火蒸12-15分鐘 (視乎蟹的大小)，最後再加上蔥花和在蟹蓋上淋上滾油即成
#betiskitchen中式#betiskitchen海鮮
Beti's Kitchen 簡易食譜分享 