簡單家常小菜！近排好像分享了很多西式食譜，今次介紹一個中式家常菜🥸My comfort food❤️送飯非常之不錯！今次用了黑毛豬肉、冬菇和櫻花蝦做材料，再加入布包豆腐入面煎香，然後放在湯汁上煮一煮，非常入味好吃😝 十分推薦大家做的一個有營養家常菜☺️小朋友都會好鐘意食🤪

▶️建議購買布包豆腐，因為比硬豆腐或板豆腐更為結實，釀入肉時不容易破爛，煎的時候更加易煎到金黃😎

材料:
免治豬肉 180g
冬菇 2個
櫻花蝦乾/ 蝦米仔 20g (可以不加)
蔥粒 2湯匙
布包豆腐 / 硬豆腐 2磚
芫荽 適量

湯料:
水 150ml
生抽 1湯匙
蠔油 1茶匙
糖 1/2 茶匙
生粉 1湯匙

醃料:
豉油 1湯匙
鹽 1/4茶匙
生粉 1湯匙
胡椒粉 適量
水 2湯匙
麻油 1茶匙
糖 1/2茶匙

做法:
1) 冬菇浸軟切粒，蝦米切粒，豆腐切成2cm厚度長方形備用
2)免治豬肉先加入醃料中攪拌至起膠，可用手撻數十下幫助
3) 再加入冬菇、蔥及蝦米粒，再把肉撻20下至有黏性不會散開
4) 豆腐用小匙羹在中間開一個洞，底部不要挖穿！將肉餡釀在內面，壓實和鋪平
5)燒熱油後用中大火煎至2邊金黃即成，先煎有肉的一面，再煎有豆腐的一面！
6) 另一個煲中先掃上一層油以防豆腐黏底！再把煎好的豆腐放入，倒入湯汁材料，中火煮滾後轉小火煮3-5分鐘，再放上芫荽即成

#betiskitchen中式#betiskitchen豬

其實一直都想出多一點魚類食譜，一來自己好喜歡食魚，二來就是魚好健康🐟平時多數都係就咁清蒸魚，上個星期向中菜廳品嚐過這個菜式之後，念念不忘！因為自己實在太鍾意食鱈魚，所以即刻返去研究研究！結果成品非常滿意🫣三種蒽包括美國紫洋蔥、日本京都九條蔥和本地乾蔥頭！再加入花雕酒超級好食！💕

個人喜歡在街市魚檔買鱈魚，平過超級市場，同可以切我鍾意嘅厚度✅

▶️要將鱈魚煎至乾身而不散開，必須要有適量的油，而且鱈魚要盡量印乾身！煎之前一刻才把生粉輕輕沾上，之後便要立即放入油內煎🖤煎的時候不要多手反來反去喔

▶️最後落完調味料之後轉中大火把醬汁輕輕煮至乾身，會更有風味

材料:
鱈魚 2塊
乾蔥頭1個
紫洋蔥 半個
花雕酒 1湯匙
蒽 2扎
薑 4片
生粉 適量
紅椒&芫荽 (裝飾用 can skip)

調味料:
蠔油 1湯匙
老抽 1 茶匙
糖 1/2茶匙
水 2湯匙

做法:
1) 紫洋蔥切條、乾蔥頭切碎、蒽切段！鱈魚切件，可以一開四，中間條骨不要，盡量不要切得太細件，否則好容易煎散
2) 鱈魚用廚房紙巾抹乾身，兩邊加入少許白胡椒和鹽，之後預備生粉，燒熱兩湯匙油，把鱈魚兩邊輕輕撲上生粉，之後便立刻放入油中，中火煎至2邊金黃色，約6分鐘，拿起備用
3) 熱鍋下油，加入乾蔥、紫洋蔥、蒽和薑用中火爆炒2分鐘！小心加入魚塊，然後倒入花雕酒讓酒精揮發！之後便可以倒入調味料輕輕攪拌均勻，煮至乾身即成

#betiskitchen中式#betiskitchen魚

好味到飛起！超級滑！就咁用無激素急凍雞鎚就得♥️特登整呢個版本出嚟，等大家超方便可以煮到呢個咁好食嘅菜式😌主要係易過用全隻雞！👦🏻大讚呢個超好食✌🏻真心好簡單同方便快捷，幸福就在餐桌上♥️ p.s. 影片為了拍攝效果，油的分量是比食譜分量多的😬

▶️煮滑雞一定唔可以用大火，要全程用細火再熄火焗！我自己加咗少少黃姜粉水入去，令到顏色靚少少，可以skip

▶️想吃得方便一點可以在上碟前，將雞肉撕下來😍
.
.
材料:
雞鎚 6隻
蔥花 3湯匙
薑蓉 2湯匙
油5湯匙
乾蔥蓉 2湯匙
芝麻 2湯匙
糖 1/2茶匙
鹽 2/3茶匙 (如不夠咸可以自己調節)
胡椒粉 1/4茶匙

浸雞:
薑 2片、蒽 2條、紹興酒 1茶匙

做法:
1) 急凍雞鎚解凍後，輕輕清洗，之後加入一茶匙鹽按摩均勻，醃5分鐘，有助去雪味
2) 凍水加入雞鎚和所有浸雞材料，開細火，水的分量一定要足夠蓋過所有雞鎚，水滾後繼續用細火，微滾的狀態下，合蓋煮15分鐘
3) 立即熄火，繼續合蓋焗15分鐘！拿起浸在凍水5分鐘備用 (嫌麻煩可以省卻這個步驟，主要是令雞皮更加爽脆)
4) 蔥花、薑蓉、糖、鹽和胡椒粉攪拌均勻！油加熱後，加入乾蔥蓉和芝麻炒香，之後便可以把這個油倒入蒽花混合物中成蔥油
5) 把蔥油倒在雞鎚上即成

#betiskitchen中式#betiskitchen雞

So good that it melts into my mouth! 昨日在街市見到羔蟹好靚，就諗起好耐之前向筲箕灣一間餐廳食過的羔蟹蒸肉餅！肉餅再加上蟹汁精華，真心超勁好食😎醉了☺️我再特登加咗花雕酒同鹹蛋黃，so yummmm!
.
.
▶️蟹羔可以拿出來，加入少少花雕酒同胡椒粉去腥，之後再放在肉餅上面，蒸出來會比留在蟹身上美觀🧡

▶️加鹹蛋黃為了口感多一個層次，覺得麻煩可以不加喔

▶️蟹不建議買太大，因為太大隻，和蒸肉餅的時間未能配合，要先蒸蟹後落肉餅，比較麻煩！唔想處理蟹可以直接叫魚檔處理，但當然在家中處理是最新鮮的🥹

▶️要蒸肉餅鬆軟肉的質素好重要！如果成舊肉都係瘦肉無論如何都會很結實！肥瘦比例3:7 /4:6 左右！用梅頭肉OK
.
.
材料:
羔蟹 1隻 約半斤至一斤
鹹蛋 1隻
免治豬肉 300g
紹興酒 1茶匙
芫荽或蔥花

豬肉醃料:
花雕酒 1 茶匙
生粉 2茶匙
生抽 1.5茶匙
老抽 1茶匙
鹽 1/2 茶匙
水 2湯匙
糖 1/2茶匙
麻油 1茶匙
胡椒粉 1/4 茶匙
咸蛋白 1/3隻

做法:
1) )如果怕活蟹的話，可以先放入雪櫃雪30-60分鐘，令牠沒有那麼活躍😅 用鉸剪在蟹咀中間大力剌下，然後打開蟹蓋，先去除中間的蟹胃和蟹咀，蟹身在中間切開，去除蟹腮！蟹鉗拿起，輕輕拍碎蟹殼方便食用，可以把部分蟹羔拿起，之後放在肉餅上或攪拌入肉餅中
2)豬肉加入所有調味料(除咸蛋白)向同一方向攪勻至黏身，最後加入咸蛋白攪勻，醃15分鐘
3)生咸蛋黃隨意切小粒，加入醃好的豬肉中
4) 碟上掃上一層油，把肉放在碟上，再放上斬件了的蟹，蟹蓋要反轉放，之後在肉上隨意放上蟹羔，最後在表面倒上一茶匙花雕酒
5) 大火蒸12-15分鐘 (視乎蟹的大小)，最後再加上蔥花和在蟹蓋上淋上滾油即成

#betiskitchen中式#betiskitchen海鮮

呢期好鐘意食煲仔菜♥️♥️♥️又買咗九龍城文記肥牛！再加上想食麻辣！就諗到整呢個麻辣牛肉煲🤤要有麻味一定要加花椒粒同花椒油！如果冇所謂可以skip😂呢個version小辣！我唔係太食得辣！可以自己加減豆瓣醬或麻辣醬改變辣度🥺👦🏻話勁好食😜💙😜💙

Video here: https://www.instagram.com/p/Cc0Tpwcvci0/?utm_source=ig_web_copy_link

▶️豆皮/百頁向街市賣豆腐芽菜個類店舖有售，買返嚟係一大張，自己再切粗條！買唔到可以用腐皮豆卜等取代，差唔多口感！

材料:
肥牛 250g
芽菜 50g
豆皮/腐皮 100g
辣豆瓣醬 1湯匙
麻辣醬 1/2湯匙
水 300ml
蒜蓉 1湯匙
花椒粒 1湯匙
乾蔥碎 1湯匙
辣椒乾 4條
花椒油 1茶匙
芫荽或蔥花 適量

調味料:
蠔油 1湯匙
生抽 1湯匙
糖 1茶匙

做法:
1)芽菜去根，豆皮切粗條
2)熱鍋下油，爆香蒜蓉、花椒粒、乾蔥碎和辣椒乾約1分鐘，加入辣豆瓣醬和麻辣醬爆香30秒，之後倒入水！
3)水滾後加入芽菜和豆皮用細火煮約5分鐘，之後煮中火，加入調味料，加入牛肉煮至剛變色後便可加入花椒油！最後加入芫荽或蔥花，可以再加少少花椒粒做裝飾即成

#betiskitchen牛#betiskitchen中式

上次食咗個好好食嘅海南雞飯外賣，引發起我自己整😆其實上次整已經係三年前！日日都有太多餸想煮，成日諗唔起呢個😎今次整得超級滑！主要秘訣都係個樣，要用浸焗方法去煮熟隻雞！煮亦都一定要用細火！煮好之後要浸凍水，雞皮就會好脆身，等到隻雞降溫同表面乾身先開始切！自己整雖然有點煩，但係整到一隻滑雞充滿滿足感😜♥️🥰

▶️斑蘭葉必定要打上結，味道才會特別容易滲出來！
▶️切雞時盡量確保拿刀的手不要接觸雞塊，否則隻手會變得好油，拿不穩把刀😂切雞去骨可以參考YouTube一些教學片段😜

材料:
✨海南雞✨
雞 1隻
香茅 4支
斑蘭葉 4片
乾蔥 6粒 (去皮)
南薑 2塊
黃薑粉 1茶匙
冰塊 適量
水 適量

✨雞油飯✨
白米 1.5米杯
煮過雞的湯 1.5米杯
斑蘭葉 2片
香茅 1支
蒜 4瓣 (拍扁)
南薑 2塊
乾蔥 2粒 (切半)
雞脂肪/油 適量

✨辣椒醬✨
兩條指天椒、一湯匙蒜蓉和一茶匙薑蓉弄碎，然後加入一個青檸汁

✨薑蓉✨
2湯匙薑蓉、1/2茶匙五香粉、1/2茶匙鹽和1/4茶匙糖攪拌均勻，然後倒入兩湯匙滾油

✨甜豉油✨
2湯匙老抽、2茶匙生抽和1湯匙糖細火煮至糖溶化

海南雞做法:
1) 全雞洗淨，先將多餘的雞脂肪切出，留起備用 ，切去雞腳，把雞身的內臟徹底清走，雞頸開一個洞
2)香茅輕拍後切段，班蘭葉打結，黃薑粉加少少水攪拌均勻
3) 除雞以外，所有材料加入水中煲滾後繼續煲5分鐘，水的份量要足夠蓋過全隻雞
4) 把雞放入水內5秒，拿起，再放入，重複3次。此動作是想熱水從雞頸流入雞身，令體肉都受熱均勻
5) 細火上蓋煮6分鐘，然後熄火繼續上蓋浸40分鐘，煮雞水留起煲飯用
6) 可用竹籤在雞腿位插入測試熟度，沒有血水滲出便代表已熟，然後把雞放在冰水中15分鐘，拿起讓雞皮風乾
7) 之後斬件及去骨即成

雞油飯做法:
1) 燒紅鑊，轉小火下雞脂肪榨出油，把脂肪拿走，加入其餘所有材料炒勻
2) 將炒過的材料放入飯煲，再下一比一的煲過雞的水作煲飯用，照一般電飯煲程序煲飯即成

#betiskitchen雞#betiskitchen中式

👵🏻’s recipe! Encored for many times already😚So juicy💕(second video it’s so hot almost hurt my fingers😂)勁簡單，諗唔到煮咩煮呢個啱晒！我真係好鍾意食雞翼架😎腐乳係發酵左嘅豆腐！顏色係白色即係豆腐本身嘅顏色🤍而南乳就係加咗红麴的腐乳，所以顏色係紅色！南乳整體上沒有腐乳咁鹹，帶有甜香♥️

▶️煎雞翼一定要用中細火煎！但好多時如果就咁煎，表面煎燶咗，但啲肉都未熟！我會煎到兩邊金黃之後，加少少水上蓋煮至水收乾，令到雞翼中心受熱均勻，然後再轉中火把雞翼兩面繼續煎至金黃！

雞翼 10隻

醃料:
南乳 50g
腐乳 20g
糖 1茶匙
麻油 1茶匙
生抽 1茶匙
老抽 1茶匙
米酒 1湯匙
胡椒粉 1/2茶匙

做法:
1) 所有醃料攪拌均勻，盡量壓爛南乳和腐乳，雞翼放入醃料醃至小一小時，醃過夜更佳
2) 煎之前可以抺走雞翼上部分的醃料
3)熱鑊下油，用細火先煎香雞翼2面至金黃色約1-2分鐘，加入30ml水，小心彈油！上蓋煮5分鐘，此時水份應該會揮發走，開蓋，轉中火，把雞翼的兩邊繼續煎多1-2分鐘，煎至金黃色即成

#betiskitchen中式#betiskitchen雞

Super super easy and yummm✌🏻粉絲同金菇索晒啲汁😗超級簡單！👦🏻大讚💕呢排情迷煲仔菜😂今次呢隻豆瓣醬幾好食！不過今日淨係買到小花甲😅呢排相熟海鮮檔都入唔到靚貨🥲

▶️花甲煮的途中會出水，所以一開始不用下太多水！個人喜歡這個花甲煲做到比較乾身的效果！
▶️花甲可以煮之前1小時放室溫！加入少少鹽放入水浸去沙！

材料:
花甲 1斤
粉絲 1包
金菇 1包
蒜蓉 2湯匙
蔥花 2湯匙
辣椒碎 1茶匙
水200ml
芫荽和蔥花 裝飾

調味料:
豆瓣醬 1湯匙
生抽 2湯匙
蠔油 1湯匙
麻油 1茶匙
糖 1/2茶匙
鹽 1/2茶匙

做法:
1) 粉絲放入熱水浸10分鐘，金菇切去根部，弄散
2) 熱鍋下油，加入蒜蓉、辣椒碎和蒽花爆香，再倒入調味料爆香！放上金菇和粉絲，再倒入水煮滾！
3) 加入花甲，上蓋中火煮6分鐘或煮至開口，表面灑上蔥花和芫荽即成

#betiskitchen中式#betiskitchen海鮮

Super yummy🍚好大隻飽滿爆汁😝之前Sunday family dinner最愛食翠亨邨的桶蠔煲！幾個月都無去過🙁整得靚既薑蔥桶蠔煲蠔一定要煎得乾身不水汪汪🤭餐廳煮得好乾身飽滿！自己煮都係跟返佢用美國桶蠔整呢個餸，大大隻清理方便♥️但我就鐘意有啲汁撈下飯，加多少少調味料😎建議用美國或者日本蠔，易清洗同海質比較好😗成個餸其實好簡單，材料得幾樣！但係就有少少tips防出水✔️

▶️桶蠔放入滾水煮30秒後熄火焗1分鐘，可以令到外皮先煮熟
▶️煎之前要2邊好認真地用廚房紙巾吸乾水！唔好求其😌
▶️撲上少少生粉，唔需要太多！大火多油煎至2邊微微金黃！大火就冇咁易出水！不過小心會彈油，因為始終都好難索到完全乾！(呢個危險動作我交俾👦🏻處理🥰)
▶️加少少牛油會更加香！

材料:
蠔 8隻
薑 10片
蔥 6棵
乾蔥頭 3粒
牛油 1湯匙
生粉 適量

調味料:
生抽 1/2湯匙
蠔油 1湯匙
水 1/2湯匙
糖 1/2茶匙

做法:
1)先洗蠔，把蠔放在碗中，用生粉拌勻、沖水清洗2-3次！水滾後加入蠔煮30秒，熄火焗1分鐘拿起，再用廚房紙巾輕輕索乾水份備用！
2)蔥切段、薑去皮切片、乾蔥頭去皮切半！
3)蠔兩面輕輕撲上少許生粉！熱鑊下2湯匙油，加入蠔大火煎至2面金黃！拿起備用！小心彈油！
4) 熱鑊下油，加入薑爆！再加入蔥、乾蔥頭和牛油爆香！再加入蠔和調味料輕輕力炒至乾身即成

超級簡單但好食😜向街市見到游水大頭蝦♥️睇相都見到勁多膏，好耐冇食過大頭蝦！唔一定要用大頭蝦，可以用其他大隻少少嘅蝦都得！粗鹽好平就有一包架啦！所以就算呢度用好多鹽都只不過係$6😂LC保溫真係好好，呢個餸又完美表演到😽


材料:
大頭蝦/ 大虎蝦10隻
粗鹽 1000g
牛油 20g
香葉 4片
八角 6粒
花椒 1湯匙
紹興酒 1湯匙

做法:
1) 蝦去頭頂的尖、腳和鬚！備用！
2) 燒熱鑊，下牛油，把粗鹽倒入，把鹽中火炒至熱身，加香葉、八角、花椒拌勻，把一半的鹽拿起，再將蝦放入，把拿起了的鹽放上，將蝦埋在鹽堆中！然後在邊位倒入一圈一湯匙的紹興酒！
3) 上蓋細火焗8分鐘，抹走表面鹽份即可！

#betiskitchen中式 #betiskitchen海鮮