🐷𝙃𝙆 𝙨𝙩𝙮𝙡𝙚 𝙘𝙧𝙚𝙖𝙢𝙮 𝙘𝙤𝙧𝙣 𝙘𝙝𝙞𝙘𝙠𝙚𝙣 𝙧𝙞𝙘𝙚
小朋友最鍾意食白汁粟米飯🙂↕️我細個都係～今次冇用到自家製忌廉粟米，直接用罐頭粟米蓉，因為實在太趕時間😂😂😂不過都超級好食🥹炸豬扒我都係最鍾意用油炸，雖然麻煩啲但係勁香脆同好食好多✨今次用咗日本豬扒🇯🇵唔好唔記得咗煲飯🙂↕️
白汁忌廉粟米配炸豬扒 中式食譜
中式
零失敗青檸蒜香雞翼 中式食譜
🍯𝙇𝙞𝙢𝙚 𝙖𝙣𝙙 𝙝𝙤𝙣𝙚𝙮 𝙗𝙖𝙠𝙚𝙙 𝙬𝙞𝙣𝙜𝙨
諗唔到煮乜就會煮雞翼💖最重要方便快捷好食✌🏻前一晚醃定入味好多，第二晚直接入焗爐就搞掂，記得最尾轉高溫焗脆個皮✨或者焗之前醃1小時以上先入到味🫢用蒜片唔用蒜蓉嘅原因係，醃的時候取其蒜味，之後焗會比較容易整返走，蒜蓉會好易焗燶！加埋青檸汁去焗個味好清新！
冬瓜淮山薏米粟米湯 中式湯水
🌼 𝘾𝙝𝙞𝙣𝙚𝙨𝙚 𝙨𝙥𝙧𝙞𝙣𝙜 𝙨𝙤𝙪𝙥
春天天氣都非常潮濕，呢排成日都眼腫面腫，一定要飲返個春天去濕湯水😬💕冬瓜與薏米皆有利水作用，能幫助排除體內多餘水分，改善水腫！排毒美顏🧏🏻♀️冇影煮食過程，又係執料俾姐姐煲！🤣
港式沙嗲牛肉通心粉 中式食譜
🇭🇰 𝙃𝙆 𝙎𝙩𝙮𝙡𝙚 𝙎𝙖𝙩𝙖𝙮 𝘽𝙚𝙚𝙛 𝙬𝙞𝙩𝙝 𝙈𝙖𝙘𝙖𝙧𝙤𝙣𝙞
雖然預制好嘅沙嗲牛肉湯底係好方便，但係其實自己整都好簡單～而且份量又可以多啲😬只需要兩種調味料就夠！今次用埋快速通心粉，成件事好方便快捷💓美中不足係買咗包質素唔係幾好嘅牛肉🥲如果唔係用快熟通心粉，可以通心粉煮耐少少～
豬肚花膠紅棗雞湯 湯水食譜
❣️ 𝙋𝙤𝙧𝙠 𝙨𝙩𝙤𝙢𝙖𝙘𝙝 𝙛𝙞𝙨𝙝 𝙢𝙖𝙬 𝙘𝙝𝙞𝙘𝙠𝙚𝙣 𝙨𝙤𝙪𝙥
非常滋潤養顏補血的一個湯水！雞肉與紅棗能補氣補血💕再加入花膠有美顏功能🤎仲有一個鐘頭已經煲到好靚好好飲嘅顏色🤗一定一定要買急凍豬肚！方便勁多洗一洗切一切就煮得🩶呢一隻好爽口～大家可以加入白胡椒粒一齊炒豬肚，不過我諗住俾小朋友飲，所以冇加到白胡椒粒～
花甲蝦滑蒸滑蛋 中式食譜
🦐𝙎𝙩𝙚𝙖𝙢𝙚𝙙 𝙚𝙜𝙜 𝙬𝙞𝙩𝙝 𝙥𝙧𝙖𝙬𝙣 𝙥𝙖𝙨𝙩𝙖 𝙖𝙣𝙙 𝙘𝙡𝙖𝙢𝙨
Steamed egg is always my fav comfort food at home♥️今次用了花甲加蝦膠！非常鮮甜好食😊再加夢王蛋！顏色靚💓鐘意可以用煮過蜆的水代替雞湯，但係又要等佢凍返冇咁多時間😂就咁用雞湯都超好食👌🏻再加錫紙去蒸！最後一定要淋滾油同豉油就好滑滑的💛
養生花膠雞湯米線 中式食譜
🐔 𝙁𝙞𝙨𝙝 𝙢𝙖𝙬 𝙖𝙣𝙙 𝙘𝙝𝙞𝙘𝙠𝙚𝙣 𝙗𝙚𝙖𝙪𝙩𝙮 𝙧𝙞𝙘𝙚 𝙣𝙤𝙤𝙙𝙡𝙚𝙨
呢個冇添加真材實料勁濃湯底呢個米線好食過出面好多餐廳😌因為個湯底係上一個reel炆鮑魚煲咗三日兩夜嘅黃金雞湯😋個湯頭好食到唔識形容～鹽都唔使落✨不過當然我唔會成日咁得閒喺度自己煲雞湯🤣期間限定💓🫥今次用咗新鮮雞髀，紅棗，花膠和蟲草花🧏🏻♀️非常養生美顏☺️
鮑魚紅燒五花肉 中式食譜
🐷 𝘽𝙧𝙖𝙞𝙨𝙚𝙙 𝙥𝙤𝙧𝙠 𝙗𝙚𝙡𝙡𝙮 𝙬𝙞𝙩𝙝 𝙖𝙗𝙖𝙡𝙤𝙣𝙚
呢排成日都煮中餐😙🧧呢個絕對係賀年菜式～～～加埋鮑魚超級好食！！呢度呢堆鮑魚都係買咗$100🤣反而用細隻啲嘅鮑魚好似夾啲💕
賀年XO醬炒蘿蔔糕 中式食譜
𝙎𝙩𝙞𝙧-𝙛𝙧𝙞𝙚𝙙 𝙍𝙖𝙙𝙞𝙨𝙝 𝘾𝙖𝙠𝙚 𝙬𝙞𝙩𝙝 𝙓𝙊 𝙎𝙖𝙪𝙘𝙚
就快又到新年😬呢排超級忙都唔知有冇時間自己整蘿蔔糕😭XO醬同蘿蔔糕真係好夾🩷永遠受歡迎嘅菜式就係佢哋一齊出現🤣今次用咗 @maximsproducts 美心瑤柱厚切絲蘿蔔糕加瑤柱XO醬！100% 香港製造～清甜白蘿蔔切成8mm絲絲蘿蔔條，加上北海道瑤柱，臘味及蝦米，入口非常惹味滿足😍
無水煮葱油雞 中式食譜
🐓 𝙉𝙤 𝙬𝙖𝙩𝙚𝙧 𝙖𝙙𝙙𝙚𝙙 𝙎𝙘𝙖𝙡𝙡𝙞𝙤𝙣 𝙊𝙞𝙡 𝘾𝙝𝙞𝙘𝙠𝙚𝙣
2021年已經出過食譜～見呢排興煮無水煮，再整過😍不過今次轉咗做雞髀🩵勁鮮甜同入味！煲下面全部都係雞同蔥精華加醃料😚今葱油雞是傳統的粵菜，雞和葱汁精華一齊煮熟，十分入味😋 濃濃蔥香的雞湯汁，用來拌飯一流！
Beti's Kitchen 簡易食譜分享 