Super yummy🍚好大隻飽滿爆汁😝之前Sunday family dinner最愛食翠亨邨的桶蠔煲！幾個月都無去過🙁整得靚既薑蔥桶蠔煲蠔一定要煎得乾身不水汪汪🤭餐廳煮得好乾身飽滿！自己煮都係跟返佢用美國桶蠔整呢個餸，大大隻清理方便♥️但我就鐘意有啲汁撈下飯，加多少少調味料😎建議用美國或者日本蠔，易清洗同海質比較好😗成個餸其實好簡單，材料得幾樣！但係就有少少tips防出水✔️

▶️桶蠔放入滾水煮30秒後熄火焗1分鐘，可以令到外皮先煮熟
▶️煎之前要2邊好認真地用廚房紙巾吸乾水！唔好求其😌
▶️撲上少少生粉，唔需要太多！大火多油煎至2邊微微金黃！大火就冇咁易出水！不過小心會彈油，因為始終都好難索到完全乾！(呢個危險動作我交俾👦🏻處理🥰)
▶️加少少牛油會更加香！

材料:
蠔 8隻
薑 10片
蔥 6棵
乾蔥頭 3粒
牛油 1湯匙
生粉 適量

調味料:
生抽 1/2湯匙
蠔油 1湯匙
水 1/2湯匙
糖 1/2茶匙

做法:
1)先洗蠔，把蠔放在碗中，用生粉拌勻、沖水清洗2-3次！水滾後加入蠔煮30秒，熄火焗1分鐘拿起，再用廚房紙巾輕輕索乾水份備用！
2)蔥切段、薑去皮切片、乾蔥頭去皮切半！
3)蠔兩面輕輕撲上少許生粉！熱鑊下2湯匙油，加入蠔大火煎至2面金黃！拿起備用！小心彈油！
4) 熱鑊下油，加入薑爆！再加入蔥、乾蔥頭和牛油爆香！再加入蠔和調味料輕輕力炒至乾身即成

I can’t think of what to cook😩雪櫃仲有帶子，又想食啲creamy啲嘅嘢☀️前幾日買咗呢隻rigatoni質地唔錯好掛汁！不過搵唔到用其他意粉都得♥️已經將黃金帶子秘訣傳授咗俾我徒弟👦🏻🥸而家每次都係佢整😂所以今次唔使單手拍片😂Cooking video on pic3✔️

▶️ 煎黃金帶子技巧:
✨一定要用㕑房紙巾索到好乾水，油熱先落鑊煎
✨將帶子以12點鐘方向順時針放向平底鑊中煎，就可以知邊隻要反轉先
✨唔好多手反嚟反去！每邊大火煎60-90秒再反轉另一邊
✨煎好一面才加海鹽和牛油調味，一早下鹽可能會導致出水

▶️煎車厘茄的時候可以不斷輕壓，以釋放更多茄汁，忌廉汁會更加香濃

材料: (2人份)
Rigatoni /任何意粉 200g
車厘茄 12粒
乾蔥頭 2個
蒜蓉 1湯匙
茄膏 1湯匙
牛油 15克
白酒 100ml
忌廉 200ml
Parsley 少許
鹽和黑胡椒 適量

黃金帶子:
帶子 10隻
牛油 1湯匙
橄欖油 1湯匙
海鹽 適量
黑椒碎 適量

做法:
1) 將帶子洗淨，然後用廚房紙巾抹乾，之後燒熱鑊，加入橄欖油，用油潤鑊將鑊打圈令油均勻分布，從正上方「12點」位置順時鐘將帶子落鑊
2) 大火煎60至90秒，然後反轉，落10g牛油、海鹽和黑椒再煎90秒，盛起備用
3) 乾蔥切碎，車厘茄切半，意粉跟包裝減2分鐘煮至al dente
4) 熱鑊下牛油爆香蒜蓉、乾蔥蓉和車厘茄約3分鐘，再加入茄膏炒勻，然後倒入白酒細火煮5分鐘，再加入忌廉和意粉煮至汁濃
5) 下少許黑椒和鹽調味，再加入parsley和帶子即成

#betiskitchen西式#betiskitchen海鮮
#betiskitchen意粉

明太子意粉真係超好食！MUST MAKE ITEM! 仲要勁簡單♥️材料方面好多人都問我！呢度全部都係向AEON買 (including三文魚子)😜日日煮中餐都好悶！呢排出街都係淨係去買餸💪🏻外賣食1晚已經唔想再食😅都係鍾意自己煮多啲，今晚淨係食個簡單意粉🙌屋企嗰隻野成日都要有新意😗不過食得開心我就滿足了😽

材料(2人用)
蟹肉 100g
意大利粉 200g
明太子2條 (~75g)
牛油 15g (切粒)
淡忌廉 150ml
醬油 1湯匙
三文魚子 隨意

做法:
1) 燒滾熱水加1湯匙鹽，意大利粉按包裝指示減2分鐘來煮至Al Dente質感，撈起瀝乾備用
2) 燒熱鑊加入油，加入蟹肉中火炒香(~3分鐘)，盛起備用！
4) 明太子去衣把中間的明太子拿出來！鍋中加入明太子、牛油、淡忌廉和醬油，小火煮滾
5) 細火下意大利粉和蟹肉！和明太子汁撈在一起，煮至醬汁濃稠，再加上三文魚子作裝飾即成💞

#betiskitchen意粉#betiskitchen海鮮#betiskitchen西式#betiskitchen日式

超級簡單但好食😜向街市見到游水大頭蝦♥️睇相都見到勁多膏，好耐冇食過大頭蝦！唔一定要用大頭蝦，可以用其他大隻少少嘅蝦都得！粗鹽好平就有一包架啦！所以就算呢度用好多鹽都只不過係$6😂LC保溫真係好好，呢個餸又完美表演到😽


材料:
大頭蝦/ 大虎蝦10隻
粗鹽 1000g
牛油 20g
香葉 4片
八角 6粒
花椒 1湯匙
紹興酒 1湯匙

做法:
1) 蝦去頭頂的尖、腳和鬚！備用！
2) 燒熱鑊，下牛油，把粗鹽倒入，把鹽中火炒至熱身，加香葉、八角、花椒拌勻，把一半的鹽拿起，再將蝦放入，把拿起了的鹽放上，將蝦埋在鹽堆中！然後在邊位倒入一圈一湯匙的紹興酒！
3) 上蓋細火焗8分鐘，抹走表面鹽份即可！

#betiskitchen中式 #betiskitchen海鮮

預祝情人節😝weekend先玩到呢啲大project lol 今次買咗好大隻西班牙野生紅蝦！超級鮮甜！個頭好多蝦膏✌🏻🇪🇸用黎煮個意粉底so good🥰但因為紅蝦養殖唔到，只可以野生捕捉，所以價錢都比較貴🥲食譜向呢個post下面！再買咗入口即溶大拖羅刺身、螢光魷魚同三文魚子，簡單整已經超好食😍
.
.
💖Super pretty heart collection from @lecreusethk 💖
.
.
🔸南瓜濃湯🔸
🔸野生西班牙紅蝦意粉🔸
🔸大拖羅三文魚子醬油柚子沙律🔸
🔸黑松露螢光魷魚🔸
🔸Tiramisu🔸Moscato🔸
.
.
紅蝦意粉食譜🇪🇸 𝑅𝑒𝒹 𝓅𝓇𝒶𝓌𝓃 𝓅𝒶𝓈𝓉𝒶

▶️唔想特登買白蘭地可用白酒
▶️番茄醬: 可以用12粒車厘茄切半，加少少油輕輕煎香，再加入150ml水煮5分鐘，加入攪拌器打碎即成

材料: (2人用)
紅蝦 300g
車厘茄 6隻
蒜頭 4粒
意粉 200g
番茄醬 4湯匙
牛油 2湯匙
白蘭地 30ml
橄欖油 適量
鹽和黑椒 適量
Parsley 適量

做法:
1) 紅蝦去殼，留頭部備用！車厘茄切半，蒜頭切片，意粉跟包裝減2分鐘煮至al dente
2) 熱鑊下牛油爆香一半蒜片，再加入紅蝦頭大火爆香2分鐘，倒入白蘭地煮至酒味蒸發，轉細火，壓出蝦頭裏面嘅蝦膏同汁，加入車厘茄和番茄醬小火煮5分鐘，拿走蝦頭，加鹽和黑椒調味，再加入意粉煮至汁濃盛起
3) 另一隻鑊下油爆香餘下一半蒜片，加入紅蝦煎香2邊，下少許鹽調味，放在意粉上，加parsley裝飾即成

#betiskitchen西式#betiskitchen海鮮#betiskitchen意粉

👦🏻今晚又想食🥰因為實在太簡單，諗唔到整咩就可以整呢個😆我今次用左花甲，用蜆都同樣好食！個湯都好好飲！食哂蜆之後可以當湯飲❤️

▶️可以用現成椰子水代替新鮮椰青水 <我今次就係咁做😅都好好食！350ml椰青水

材料:
大蜆/花甲 1斤
椰青 1個
水 50ml
香茅 2條
檸檬葉 4片
辣椒仔 1隻
草菇/菇類 8粒
魚露 1茶匙
黑胡椒 少許
青檸 1個
芫荽 1扎

做法:
1) 草菇切半，香芧莖部切段和輕拍，檸檬葉撕開一半，椰青開好後留椰水，椰子肉切條備用，辣椒仔切粒，蜆浸鹽水吐沙
2) 鍋中倒入椰青水、水、香茅、檸檬葉、辣椒仔、草菇、魚露，中火滾3分鐘
3) 之後倒入蜆，煮到開口，再加入黑胡椒 、青檸和芫荽即成

#betiskitchen海鮮#betiskitchen東南亞

第一次認識呢個菜式係2年前向好酒好菜食過😛之後整過幾次，尋晚再調教過個汁煮多次，無落辣椒仔，口味清新啲💛呢個餸我發現用細隻啲的花甲係好食過大大隻😅！Super simple and easy❤️ 呢排掛住整新年糕點，煮啲簡單嘅嘢算😴

▶️紅尖椒同芫荽盡量切細緻一點，口感和賣相都會比較突出

材料:
花甲 1斤

醬汁:
芫荽 1扎 (切細粒)
紅尖椒 半條 (切細粒)
蒜蓉 1湯匙
麻油 1茶匙
生抽 1湯匙
魚露 1湯匙
糖 2茶匙
水 50-100ml (自己試下味)

1) 花甲先浸洗，鍋中水滾後加入花甲大火煮至開口，拿起沖一沖凍水，再移走另一邊殼！排在碟上備用！
2) 醬汁所有材料攪拌均勻，自己試吓味先！
3) 倒在花甲上即成

#betiskitchen中式#betiskitchen海鮮

inspired by the dish I had in 彤福軒✌🏻上次煮用了貴妃蚌，今次去街市搵唔到！魚檔老闆推介了呢隻新鮮北寄貝，佢話肉厚仲好食過貴妃蚌啦呀妹 (thanks for not calling me 呀姐😂) OK真係好食喎💖👦🏻大讚🤪新鮮嘅海鮮簡單煮最易食到個鮮味！個湯底超正！有花雕酒香又吸收左海鮮味！食完可以再攞嚟煮返個面🙂唔一定要用北寄貝可以用花甲/蜆！煮一定要大火煮！時間要準確！咁就唔會過熟✨
.
.
▶️有需要就加鹽調味，我鍾意唔落鹽就咁用海鮮嘅鮮味😛
.
.
材料:
北寄貝 6隻
紅尖椒 隻
蒜頭 2瓣
芫荽 1扎
蔥花 適量
雞湯 250ml
花雕酒 2湯匙

做法:
1) 北寄貝 好，可以叫魚檔開埋，否則自己用刀撩開，備用，蒜頭切片，紅尖椒切條
2) 熱鍋下油，爆香蒜片及紅尖椒，倒入花雕酒等20秒，之後再倒入雞湯！
3) 雞湯大滾後，加入北寄貝 ，冚蓋，大火煮3分鐘！之後加入芫荽和蔥花即成

#betiskitchen中式#betiskitchen海鮮

超鮮甜無水煮卜卜蜆鍋🇲🇴𝒞𝓁𝒶𝓂𝓈 𝓅𝑜𝓉
.
.
30秒學識整🫢15mins done! 超級簡單超級好食！最後個圖係一滴水都冇落過嘅效果，充滿鮮味，全部都係蜆和蔬菜的精華😜放向底的白蘿蔔和娃娃菜吸收晒！LC Buffet 每次整”無水煮”都大成功😎如果無可試下用淺身煲，一定要淺身有蓋，才可令蒸氣回流入煲底做到出水效果！如果都無就加100ml水去煮！今次隻沙白超級肥美💖$40斤！完全無沙！

.
.
▶️買水份高啲的白蘿蔔鋪底！就可以做到無水煮效果！如果真係驚唔夠可以落少少水！

▶️沙白/白蜆比較合適！新鮮度好重要！一定唔可以係死蜆，否則會有臭味同不能吐沙🫣我亦會觀察養蜆的水是否清澈，同最好在買開而可靠的魚檔多數唔會出事😎
.
.
材料:
蜆 1-1.5斤
白蘿蔔 半條
娃娃菜 2棵
蒜蓉 2湯匙
蔥花 2湯匙
蠔油 1湯匙
麻油 1茶匙

做法:
1) 蜆放鹽水浸1小時吐沙，洗淨備用
2) 白蘿蔔去皮切粗條，娃娃菜切去根部，平均鋪在鍋底，再把蜆排好，可以先排外圍，再由外至內排好
3) 表面灑上其他材料，上蓋，中火煮6-8分鐘，或蜆開口即成

#betiskitchen中式#betiskitchen海鮮

Super super easy and yummy! 幾年前向意大利五漁村一間小餐館食過的一道菜🤍咁岩街市見到啲魷魚仔好靚，就諗起呢道菜🤪新鮮嘅海鮮最就係簡單煮！就可以食到食材本身嘅鮮味💞買細隻小小嘅魷魚口感會比較細緻！魷魚煮煮下會出水，唔駛加水煮，本身既汁再加乾蔥蒜蓉超好食🤪

材料:
魷魚仔 3-4隻
蒜蓉 1湯匙
乾蔥蓉 1湯匙
牛油 2湯匙
海鹽 1/2茶匙
黑椒碎 1/2茶匙
Parsley碎 1湯匙

做法:
1) 魷魚可以叫魚檔幫手劏好，去掉身上一條的透明骨和外面的衣！
2) 熱鍋下牛油，爆香蒜蓉乾蔥，轉中大火煎香魷魚，加入parsley上蓋煮3-5分鐘，再加鹽和黑椒調味即成

#betiskitchen西式#betiskitchen海鮮