無水牛油係將牛油煮到油水分離，多數用向酥皮食品如中式酥皮製品！承上一個post，潮式酥皮月餅便可以用無水牛油！街外都有現成但唔係隨街買到，自己整其實都好易只需要有無鹽牛油就得🖤✨圖中的蛋黃係唔關事，背景已以😆
▶️可以整定先！白色泡泡可雪返起當油用😋
材料: 可整到250g左右
無鹽牛油 400g
做法:
1) 將牛油切粒、放入鍋中開小火，千其唔好攪拌佢！等佢自己溶和開始小滾！
2) 之後會不斷有白色泡泡向面，不斷地輕輕將浮起的白色泡沫用湯匙舀起，大約舀十分鐘先會無哂😆(我舀個時都真心懷疑會否沒完沒了)當牛油不再冒出泡沫，代表水份已經完全蒸發，即可熄火
3) 等5分鐘，白色乳清會自己沈向底， 把牛油倒入棉布袋/濾紙過濾，倒入玻璃瓶中，當看見底部的白色浮清時停止倒
4) 待凍後入雪櫃雪便可！使用前從雪櫃取出回溫至稍為變軟少少才使用
比較流心月餅 呢個一啲都唔難😎 潮式彩虹蛋黃酥月餅真係好靚！中秋節整黎送俾人就啱晒🌙💛不過個食譜真係好長打咗好耐😭整之前睇熟個食譜同步驟先！因為有牛油向裏面所以整嗰陣都盡量快啲手🥰如果唔想用色素可以用天然色素取代！顏色自己決定唔一定跟我！不過天然色素整出嚟嘅色一定冇食用色素咁鮮艷！我絕對未係整餅高手，純粹分享吓我點整！最尾有Video可以參考！
▶️無水牛油蛋糕用品店有機會買到現成，如果要自己整都好容易，可以睇我個post 最尾有教！
▶️我用左綠茶同芝麻蓉！向蛋糕用品店有得買！
▶️最後包餡時，個油酥皮桿開時要輕輕力！太大力就會整爛，無左層次😖你整到呢個位就會明
材料: (可整14個)
每個25g 任何蓉如紅豆、綠茶、白蓮蓉 *14 = 350g
鹹蛋黃 7粒
米酒 適量
油皮材料:
中筋麵粉 135g
水 60ml
糖粉 22g
無水牛油 45g
油酥材料:
低筋麵粉 165g
無水牛油 65g
紅、綠、黃、藍、紫色素
做法:
1. 餡料: 鹹蛋黃放入碗中加入少少的米酒浸五分鐘後用160度焗10分鐘至冒泡即可！放涼後切半，之後用餡料包着蛋黃搓成圓形！放入雪櫃雪一陣備用！
2. 油皮: 材料全部放入碗內揉捏成團即可，鋪上保鮮紙進行鬆弛20分鐘！
3. 油酥: 材料按壓拌勻即可，要俾d耐性！初初係會不斷一粒粒咁！壓多陣就會成團！將拌好的油酥分成五份！睇下你整多少隻色！之後加入色素再壓匀d色，一次唔好落咁多色素，試下先！之後再將每隻色分成7份輕輕搓圓！(即係7*5 =35粒)
4. 組合: 油皮鬆弛後，準確地平均分成7份！ 稍稍整圓收口！之後取一份油皮收口朝上壓扁、輕力桿成四周薄中間厚，放入五粒彩色油酥（隨意放），搓圓收口捏緊，收口朝下
5. 造形: 取一個油酥皮，收口朝上壓扁再從中間開始上下桿開成一大塊！小心輕輕力否則好易爛！之後再斜捲成長條狀！將油酥皮再次桿成長條寛狀，桿得越長層次越多！之後再捲起，一開始捲嗰陣個頭係咩色，之後焗出嚟個面中間就會係乜嘢色！再用刀向中間一刀過切一半！唔好拖刀！要一刀過！將會有 7*2= 14粒✨
6. 包餡: 油酥皮切口面朝上，輕輕壓扁成手掌大小的圓塊後，之後反轉另外一面包入蛋黃餡料！(即係靚啲嗰邊嘅切口向下) 整形和收口捏緊！
7. 入焗爐160度焗40分鐘即成 (中下層)
💛
無水牛油🧈𝒞𝓁𝒶𝓇𝒾𝒻𝒾𝑒𝒹 𝒷𝓊𝓉𝓉𝑒𝓇
.
.
無水牛油係將牛油煮到油水分離，多數用向酥皮食品如中式酥皮製品！承上一個post，潮式酥皮月餅便可以用無水牛油！街外都有現成但唔係隨街買到，自己整其實都好易只需要有無鹽牛油就得🖤✨圖中的蛋黃係唔關事，背景已以😆
.
.
▶️可以整定先！白色泡泡可雪返起當油用😋
.
.
材料: 可整到250g左右
無鹽牛油 400g
做法:
1) 將牛油切粒、放入鍋中開小火，千其唔好攪拌佢！等佢自己溶和開始小滾！
2) 之後會不斷有白色泡泡向面，不斷地輕輕將浮起的白色泡沫用湯匙舀起，大約舀十分鐘先會無哂😆(我舀個時都真心懷疑會否沒完沒了)當牛油不再冒出泡沫，代表水份已經完全蒸發，即可熄火
3) 等5分鐘，白色乳清會自己沈向底， 把牛油倒入棉布袋/濾紙過濾，倒入玻璃瓶中，當看見底部的白色浮清時停止倒
4) 待凍後入雪櫃雪便可！使用前從雪櫃取出回溫至稍為變軟少少才使用
係個包係自家製only,因為我發現新鮮靚嘅漢堡包係出面街好難買到！其實自己整就好似普通焗個包咁都好易！時間所限漢堡包肉我買現成㗎😛再配埋黑松露焗薯角✨我汁都冇落就咁芝士再加漢堡肉汁已經好好食✔️
包食譜 (6個)
材料:
高筋麵粉 250g
砂糖 15g
酵母 3g
無鹽牛油 20g
水 80ml
牛奶 90ml
鹽 5g
白芝麻 適量
做法:
1) 所有材料放入麵包機揉麵和第一次發酵60分鐘
或
用廚師機下所有材料除牛油和酵母外，上勾用1度揉麵5分鐘，再下牛油和酵母轉3度揉15分鐘至麵團光滑可拉出堅韌的薄膜，麵團滾圓放在碗中，焗爐底盤加入熱水，不用開機，放入焗爐發酵60分鐘，約會變大2倍
2) 取出麵團，輕壓排氣滾圓，分成6份，鋪上保鮮紙，再靜待十分鐘 ，之後再排氣收口揉圓，放在牛油紙上進行第二次發酵(約室溫1小時)
3) 麵包二次發酵後，掃上蛋漿和灑上芝麻，焗爐預熱200度，中層焗12分鐘即成
漢堡包食譜
材料:
包 2個
漢堡肉 2個
芝士 2塊
蛋 2隻
紫洋蔥 2片
生菜 2片
蕃茄 2片
做法:
1) 焗好嘅漢堡包切成一半
2) 漢堡扒煎好，最後1分鐘放上芝士片
3) 蛋煎好，無煎蛋圓模就煎個時將蛋白推入去變到圓圓地
4) 組合漢堡包！
自己響屋企整就可以落好多黑松露醬好香好香🥳用咗 @vomfasshongkong 的basil linguine!
佢有隻直情係truffle linguine 下次可以試下！ 佢d意粉係用新鮮高質材料向意大利製造！唔係mass production而係每次small batch咁整！真心就咁聞都好香！個意粉好掛汁同埋Al Dente嘅效果好好🇮🇹
橄欖油都係用左同一個牌子！佢個樽可以去佢個店度再refuel橄欖油！好環保同埋係歐洲高質素入口的橄欖油♻️
今次仲買埋新鮮黑松露片！最尾張圖有我嘅黑松露三寶✔️黑松露醬黑松露油同黑松露鹽！呢隻黑松露醬係我用過咁多隻之中最重味嘅！
材料: (2人用)
Linguine 150-200g
蘑菇 8粒
牛油 20g
忌廉 100ml
Parmesan cheese 碎25g
黑松露醬 2湯匙
黑松露油 1/2湯匙 (冇就用橄欖油)
黑松露鹽 適量 (冇就用海鹽)
黑椒 適量
新鮮黑松露片 適量 (optional)
做法
1) 蘑菇切片
2) 燒滾熱水加1湯匙鹽，意大利粉按包裝指示減2分鐘來煮至Al Dente質感，撈起瀝乾備用
3) 燒熱油鑊加入牛油、加入蘑菇炒香、放入煮好的意粉小火攪拌、再加入忌廉和黑松露醬均匀至意粉吸收忌廉汁，加入鹽和黑椒調味，熄火再加入Parmesan cheese 和黑松露油撈勻，最後在表面加上黑松露片即成
平時真心唔會買大大個冬瓜黎整，今次係見有迷你冬瓜先整🥰我淨係用左蝦，鐘意加燒鴨肉或雞肉！夜香花係靈魂唔好唔加呀💚
▶️唔用雞湯可用水溝一半浸菇浸瑤柱水
▶️用大冬瓜做法一樣，自己調較材料多d同蒸耐d
材料: 2人用
迷你冬瓜 2個
夜香花 適量
蝦 6隻
燒鴨/雞肉 100g
金華火腿 2小塊
草菇 6粒
蝦米 8粒
瑤柱 2大粒
冬菇 2粒
雞湯/水 600ml
做法:
1) 金華火腿切粒、蝦米浸軟和冬菇浸軟、瑤柱浸軟撕成絲、雞肉切粒、蝦去殼去腸切中粒
2) 冬瓜切去頂部後刮囊去籽，再刮走其他肉，但唔好刮得太深否則蒸淋左可能爛！再用小刀切鋸齒邊邊！美觀點！冬瓜肉切粒！
3) 把冬瓜放在碗上蒸15分鐘備用
4) 煲滾雞湯後加入金華火腿、蝦米、冬菇、瑤柱和冬瓜粒，之後轉小火煮15分鐘後再加入肉和蝦煮5分鐘熄火，加少少鹽和胡椒調味
5) 將湯倒入冬瓜內再蒸20分鐘後加入夜香花即成
向九龍城買到好正的肥牛，又見到間東南亞店😹就買埋羅望子醬！羅望子醬係泰菜或越菜個種酸味道的來源！來自羅望子樹，同醋唔同，佢個酸味有種獨特的果香😍仲記得向越南餐廳食過牛肉酸鍋，簡單地食到牛肉的牛味✨
▶️有d食譜用米醋取代羅望子醬，可自己調下個味
材料:
牛肉
生菜
湯底:
香茅 3條
洋蔥 半個
乾蔥 4粒
牛湯/雞湯/水 ~600ml
羅望子醬 30g
魚露 2湯匙
糖 2湯匙
做法:
1) 香茅切條後拍一拍出味，洋蔥和乾蔥 切條
2) 鍋中下油後炒香以上材料，再下羅望子醬、魚露和糖調味！可自己試下味再調下^_^
3) 成湯底後可用來烚牛肉同生菜
向街市見到好靚嘅新鮮荷葉又見到好靚嘅游水花竹蝦🥰呢個蒸籠都好耐冇用過！炒飯其實好易，大火同有耐性係咁推，直到飯的水份無咗就會粒粒分明跳晒舞🤣好好味個飯吸哂蒸蝦的汁💕
▶️用乾荷葉其實個味仲香同易買好多！無蒸籠就咁包向碟上蒸就得！乾荷葉可在藥材鋪或街市雜貨店買到！買一張無洞完整的！
材料:
乾/鮮荷葉 1塊
大蝦 6-8隻
熟白飯 1.5飯杯
蛋 2隻
蔥花 適量
蒜蓉汁:
蒜蓉 1湯匙
炸蒜 1湯匙
雞粉 1/4 茶匙
鹽 1/4茶匙
糖 1/2茶匙，
熟油 2湯匙
做法:
1) 荷葉洗一洗之後，放入熱水中加鹽灼一灼變軟，整乾後鋪在蒸籠上備用
2) 蒜蓉汁材料攪勻備用
3) 雞蛋打發好再加1/4茶匙鹽在白飯中，攪勻！大火熱鑊下油，把已混入蛋汁的飯倒在中間等30秒，先開始不斷炒和推！千其唔好壓！要有耐性！慢慢炒就會等到乾身同粒粒分明！炒好後將飯倒在荷葉上！
4) 蝦洗淨，剪去蝦槍、蝦鬚和蝦腳，用刀將大蝦開邊，放在飯上！在蝦上淋上蒜汁，蓋上荷葉，可用牙籤固定，再蓋上蒸籠！滾水蒸8分鐘，蒸好之後再撒上蔥花！如果鐘意可淋上甜豉油💕
Beti's Kitchen 簡易食譜分享 