椒鹽南非鮑魚 中式食譜 deep fried abalones with spiced garlic

分類 炸、鮑魚、小炒、海鮮、中式在 椒鹽南非鮑魚 中式食譜 deep fried abalones with spiced garlic 發表留言
椒鹽南非鮑魚
椒鹽南非鮑魚

向街市買咗中size南非鮑魚！好食過大連鮑魚好多💞平時蒜蓉蒸鮑魚食太多也覺太悶，今次來一個椒鹽鮑魚，靈感來自西貢六福的signature dish😝👦🏻話想食特登整俾佢食💖其實最唔鍾意就係開油炸嘢！但食完就發現都值得！因為真係好好食😆

▶️擦鮑魚我個人鐘意生既時候擦一擦先，再在滾水浸煮30秒，去鮑魚殼之後再細力擦洗！煮完之後擦有時會好易爛要小心啲！
▶️ 鮑魚殼做裝飾要先向滾水煮一分鐘才能殺死細菌

材料
九孔鮮鮑魚6隻
乾葱1粒
米酒1湯匙
指天椒3隻
蒜蓉1湯匙
葱花1湯匙
蒜鹽1湯匙
炸蒜1湯匙
生粉 1湯匙
麵粉2湯匙

做法
1) 將鮑魚在滾水小火煮10秒，立刻拿出。這樣做可避免鮑魚生的時候擦洗令肉質變un.鮑魚肉跟殼分離，鮑魚肉去內臟洗淨，邊緣用牙刷刷乾淨，鮑魚殼洗淨
2) 蒜頭、乾葱、蔥、指天椒切碎。生粉及麵粉混合放碟上
3) 燒一鍋水放入薑, 水滾關火放入鮑魚，鍋蓋蓋上燜一分鐘，取出放涼。鮑魚肉用廚房紙巾把水吸乾，沾生粉及麵粉
4) 再燒一鍋水開，放鮑魚殼燙一分鐘，才能殺死生細菌
5) 鍋中下油，中火炸鮑魚肉不超過一分鐘至表面呈金黃色
6) 燒熱油鑊，爆香蒜頭、乾葱、 蔥、指天椒，放入已炸好的鮑魚炒匀, 最後加胡椒鹽炒幾下便可
7) 鮑魚肉放在鮑魚殼上，蔥粒灑在鮑魚上

大户屋風 蘿蔔蓉煮雞肉滑蛋鍋 簡易日式食譜

分類 雞、日式、日式主食在 大户屋風 蘿蔔蓉煮雞肉滑蛋鍋 簡易日式食譜 發表留言
蘿蔔蓉煮雞肉滑蛋鍋
蘿蔔蓉煮雞肉滑蛋鍋

<大户屋風> 蘿蔔蓉煮雞肉滑蛋鍋 🐔 チキンかあさん煮

真心推薦的一個食譜，參照在大户屋食過的味道，又是日本常見的家常菜，送飯一流！再用上日本水分極多的白蘿蔔磨成泥，實在太太太好食了！如果嫌炸雞扒麻煩同多油可以用煎代替，當然我做戲就做全套啦！鰹魚濃縮面汁可在各日式超市買到。

材料:
雞扒 (去骨雞腿肉) 350g
雞蛋 1 隻
白蘿蔔 10cm
胡蘿蔔 少量
洋蔥 1/2個
麵包屑 適量
麵粉 適量
蔥花 少量
鹽 1茶匙
胡椒粉 1/2茶匙

煮汁:
濃縮麺汁 150ml
水 450ml

做法:
1) 白蘿蔔磨成泥擠乾水份備用，紅蘿蔔及洋蔥切絲備用
2) 雞扒剪走多餘肥膏，背部輕輕切幾刀切斷筋部，(如果太大塊可以切成2塊)，撒上鹽和胡椒粉，先蓋上少量麵粉再蓋上麵包屑
3) 中火開油炸熟雞肉至金黃，然後取出待一會再成4-5條
4) 把煮汁材料加入鍋中慢火煮滾，加入紅蘿蔔及洋蔥煮5-6分鐘，然後再把炸好的雞肉放入煮6分鐘，最後1分鐘加入雞蛋在鍋中間，然後便可關火，表面放上白蘿蔔泥和蔥花即成

和風茶碗蒸 日式食譜

分類 日式、日式前菜在 和風茶碗蒸 日式食譜 發表留言


Japanese steamed egg is one of my fav dish for any Japanese meal! My fav texture is soft like eating a pudding. Make sure the ratio of egg vs liquid should be 1:2

材料:
雞蛋 2隻
鰹魚湯 300毫升 (可用鰹魚粉開成)
醬油1茶匙
味醂1茶匙
糖1/2茶匙

蟹柳 
日式魚片
菇
香芹

做法
1) 雞蛋打勻，不用打發太耐，以免起泡，加入鰹魚湯和其他調味料拌勻，用隔篩濾去雜質及氣泡
2) 碗慢慢倒入蛋汁，碗上鋪上保鮮紙, 隔水蒸8-10分鐘
3) 最後放上香芹裝飾

♦️一定要把蛋汁過濾，去除雜質，並把茶碗蒸封上保鮮紙
♦️雞蛋與液體的黃金比例＝1：2
♦️蒸時在鍋蓋與鍋子之間預留一支筷子空隙，溫度不致過高

焗釀鮮蟹蓋 Stuffed Crab 中式食譜

分類 蟹、海鮮、中式在 焗釀鮮蟹蓋 Stuffed Crab 中式食譜 發表留言
焗釀鮮蟹蓋

吃過唐閣的焗蟹蓋後一直念念不忘，但其實自己在家煮既可以用大隻新鮮花蟹又可以下自己喜歡的材料，唯一不便是拆蟹肉也用了我一個半小時，這個絕對是心機菜。不過宴客嘛，無所謂啦！

材料
花蟹 4隻
洋蔥 半個 切碎
蘑菇 數粒 切碎
葱切碎
麵粉 1湯匙
海鹽1/2茶匙
雞湯 60ml
牛油 2湯匙
忌廉 60ml
糖 1/2茶匙
蛋黄 1個
麵包糠 3湯匙

1) 先將蟹洗淨、蒸15-20分鐘至熟，放涼後折肉；蟹蓋洗淨，備用。蘑菇、洋蔥切碎，備用。
2) 平底鑊燒熱放入牛油, 加洋蔥炒至透明，再加入麵粉拌勻，慢慢加入雞湯至無起粒，再加入忌廉拌勻。之後加入蘑菇粒，蟹肉拌勻，再加入海鹽,葱粒和糖即成餡料
3) 把蟹肉餡料釀進蟹蓋，加上麵包糠，放入預熱的焗爐焗180度, 10-15分鐘至金黃 .

可樂雞翼 chicken wings in coke and soy sauce 中式食譜

分類 雞、家常菜、小吃、中式在 可樂雞翼 chicken wings in coke and soy sauce 中式食譜 發表留言
可樂雞翼

放工極速系列，甜甜的汁拿來送飯一流！甜可樂用來跟咸豉油作平衡，而可樂當中的成份亦可令雞翼變得更嫩滑。呢個菜絕對向你想不到煮什麼時幫到你，買包雞翼同一枝可樂就搞掂！

材料:
雞翼 10隻
蔥 1條
薑 3片
蒜頭 2粒
可樂 半杯

調味料:
生抽 2湯匙
老抽 2湯匙
白米酒 1湯匙
胡椒粉 少許

1) 雞翼放入滾水約3分鐘
2) 燒熱油鑊，放入蒜頭、薑片和蔥段爆香 加入雞翼煎至微金黃
3) 倒入調味料和可樂, 中細火煮至汁變濃稠即成

可樂雞翼

日式簡易涼拌菜 芝麻拌秋葵青豆 日式食譜

分類 蔬菜、日式、日式前菜在 日式簡易涼拌菜 芝麻拌秋葵青豆 日式食譜 發表留言
芝麻拌秋葵青豆


Love making Japanese meals so much recently… it’s easy and quick yet super yummyyyy!

呢類配菜可以煮二日分量，咁就唔駛餐餐都要煮，方便好多，又可以為一餐增加食多點菜的比例，大愛！


材料:
秋葵 10條
青豆 10條
小銀魚乾 適量
白芝麻 1湯匙
醬油 1/2湯匙
糖1/2茶匙


做法:
1) 秋葵去蒂，豆撕去旁邊的絲後切半
2) 水加入少量鹽煮滾後，加入秋葵、荷蘭豆煮3分鐘，小銀魚乾在白輕輕烘熱
3) 白芝麻磨碎後加入醬油和糖拌勻，再把其他材料加入即成

日式鹽麴牛扒 🥩Japanese Shio Koji steak💛 日式食譜

分類 牛、日式、日式主食在 日式鹽麴牛扒 🥩Japanese Shio Koji steak💛 日式食譜 發表留言

鹽麴牛扒

鹽麴是日本一種傳統調味料，以米和麴菌發酵生成的米麴，加入鹽和水混合再發酵而成。 鹽麴含豐富維他命B和乳酸菌。很多人早已將鹽麴取代鹽令餸菜比用普通鹽調味更富層次。今晚食個簡單的牛扒，真係好食過用鹽好多！我家男人大叫左幾次好好食😂

材料:

牛扒 1塊

鹽麴 1湯匙

黑胡椒 適量

牛扒燒汁 optional (我無落因為認為已夠味)

做法:

1) 牛扒用鹽麴醃10分鐘

2) 中火燒熱鑊加入少許油。將牛扒煎至兩面金黃色，(視乎生熟程度和厚度，5成熟每面煎約1-2分鐘) 然後靜置5分鐘即成，可伴牛扒燒汁食用

鹽麴牛扒鹽麴牛扒

黃金炸豆腐 Crispy Deep Fried Tofu 中式食譜

分類 炸、蔬菜、小吃、中式在 黃金炸豆腐 Crispy Deep Fried Tofu 中式食譜 發表留言
黃金炸豆腐

上次新年整糕用淨好多不同粉類，就整個黃金豆腐，參考某大師傅朋友的食譜再改良一下，用不同種類的粉才可以有呢個厚厚皮的效果，我試過淨係用麵粉同生粉是做不到的！一定要掌握好包粉這個動作，豆腐盡量抹乾一點，粉要乾，動作要快，一粒包完粉就立刻炸，包好粉的豆腐放得久也不去炸就會出水，炸出來就會起粒粒的。翻炸可以把豆腐的水分迫出令到豆腐更香脆，話時話其實我係十分討厭炸嘢的哈哈，因為用油很多又討厭被油彈的恐懼感>_<

材料
炸粉:
生粉100克
麪粉75克
糯米粉40克
粟粉20克
泡打粉10克
粘米粉20克
鹽 1茶匙
雞粉 2茶匙

豆腐1盒

淮鹽 少許

做法
1) 把炸粉材料倒入碗拌勻成炸粉
2) 將滑豆腐中間切開分切兩層，再切四刀，成八小件
3) 豆腐放入炸粉，小心輕輕撈勻，不要弄散豆腐
4) 開大火燒滾油至160℃，放入豆腐炸至金黃色撈起瀝油，然後再大火翻炸20秒
5) 可撒上淮鹽即成

臘味煲仔飯 中式食譜

分類 煲仔菜、粥粉麵飯/火鍋、中式在 臘味煲仔飯 中式食譜 發表留言
臘味煲仔飯


有時會無端端想食煲仔飯，但是坊間的名店總是大排長龍，我討厭排隊吃飯，所以還是親自操刀呢。今次無落臘肉因為怕肥，其實煲仔飯要有飯焦唔難的，但每人的爐頭和不同煲的保溫質素都未必一樣。最緊要是把飯焗一焗，再用小火煮一會就會輕易有飯焦，所以可以試一次再拿捏好自己合適的時間。但要記住有耐性，不要用大火，否則只會變成黑黑的燶了的飯喔。我覺得Le Creuset好用在此，因為保溫高，不用煮多久飯都熟了喔！

材料:
米 米杯2杯

臘腸 2條
臘肉 適量
蔥花 適量
芫荽 適量
蒸魚豉油 適量

做法
1) 鍋底抹少許油, 臘腸戳幾個洞好讓油脂流出, 米洗淨後加入同等份量的水
2) 蓋上鍋蓋以中小火煮至鍋蓋緣有蒸汽冒出, 將臘腸臘肉鋪在飯面上中火煮5分鐘, 轉小火煮15分鐘, 將火加大30秒, 再熄火繼續焗約10分鐘 (其間不要打開蓋)，再開小火煮5分鐘便可有飯焦
3) 飯焗好後，把臘味切件擺回去, 加上蒸魚豉油、蔥花和芫荽一起拌勻即可