真心易整好食夏天食最啱🔥☀️仲可以用比街買到靚好多的材料✨^_^

醉溏心蛋💛用左蘭王蛋可以生食蛋黃好香濃！
醉南非飽魚💛向街市見到$220斤 用左2斤
醉海中蝦💛方便快速鮮甜

▶️蛋最好分開浸

食譜之前post過，重溫！

醉汁材料: (一份一種材料)
花雕 50ml
水 50ml
糟鹵 300ml
魚露 1湯匙
糖 2湯匙
玫瑰露 1湯匙

做法: 
醉汁開細火煮至小滾熄火，待涼透後才加入材料，必須浸過材料，放冰箱雪一晚即可食用，如果雪二晚就更入味

▶️自己試味！太咸可以加點水和多點糖

⭐️鮑魚⭐️
材料:
鮑魚 10隻
冰水 適量

做法:
1) 將新鮮鮑魚刷乾淨 ，隔水蒸熟
2) 蒸熟後放入冰水令其降溫及肉質彈牙

⭐️醉蛋⭐️
材料:
日本蛋 6隻
冰水 適量

做法:
1) 燒一大鍋熱水，水煮到大滾用勺輕輕的將蛋放入 (大滾不是小滾喔)
3) 繼續用大火煮6分鐘-6分鐘30秒
3) 煮蛋的同時準備一碗的冰水，時間一到，立刻將蛋從滾水中撈起放在冰水中快速冷卻 (煮時可用🥄攪拌一下蛋好讓蛋黃置中)
4) 待完全冷卻後小心的剝去蛋殻，可把蛋的四圍敲一敲更易剝

⭐️醉蝦⭐️
材料:
蝦 半斤
冰水 適量

1) 先把蝦挑腸，剪去頭頂的尖刺和腳。沖水洗淨，用廚房紙抹乾水份備用
2) 燒一鍋水，放入薑，水滾起後，將鮮蝦放入鍋中煮約2分鐘，撈起，放入冰水中降溫

• 

• 

我用了和牛片，唔須要切，方便點又好食點🧡最緊要大火同夠油就可以炒到乾身不痴底！河粉去街市買新鮮for炒用的河粉最好食，直接落鑊炒就得，十分簡單的一個餸，又可以當一餐💕用鉅利醬油好好食！再加多少少鹽就得！

材料: 2人份
河粉 400g
和牛片或牛冧肉 200g
洋蔥 半個
韭菜 20g
銀芽 100g
蔥段 適量

調味料:
生抽 2.5湯匙
老抽 1湯匙
糖 1茶匙
鹽 1/2茶匙 (自己再加如果唔夠)

或4湯匙鉅利醬油加少少鹽

牛肉醃料:
生抽 2茶匙
糖 1/4茶匙
水 2茶匙
麻油 1/2茶匙
生粉 1茶匙

1) 牛肉逆紋切薄片，用醃料醃約15分鐘備用
2) 蔥和韭菜切段，洋蔥切粗絲，銀芽洗淨備用
3) 調味料攪勻備用
4) 熱鑊下油放入牛肉每面煎至半熟盛起備用
5) 同一隻鑊下3湯匙油，放入洋蔥和一半蔥段大火炒至略焦，再放入河粉快炒至微微金香，再加入韭菜和銀芽炒多會，倒入調味料炒至乾身，再放入餘下蔥段和牛肉炒勻即成

• 

• 

• 

• 

• 

越來越多新手媽媽都選擇自己坐月，一來怕請左個唔好既陪月/工人姐姐，二來
避免同四大長老係坐月期對育兒方式有任何衝突。除左照顧新生兒外，最影響
新手媽媽決定會否自己坐月的因素莫過於處理坐月湯水和補身食療的問題了。
滴雞精當坐月湯水是其中一個新興又方便的選擇，一般的滴雞精都是低卡路里
之餘又含豐富營養，每啖都是雞隻精華。無論順產或開刀的新手媽媽一般都適
合飲用滴雞精來調理身體，當做坐月湯水的一種。

滴雞精有優質蛋白及氨基酸等，微小份子易於被人體吸收,有助補氣血，增加母
乳量，以及有助排出惡露。而且一般都只需要加熱幾分鐘，連新手媽媽都可以
極速簡單處理呢種「坐月補身湯水」，所以非常適合唔想自己煲燉品既新手媽
媽。但市面上的滴雞精選擇如此多，對坐月的新手媽媽來講邊隻滴雞精當做坐
月湯水補身好?

其實產婦比一般人更適合飲用一些含溫和中藥材的坐月湯水或滴雞精，因爲剛
生產的婦女大多陰虛，一般來講坐月湯水不宜大補，但分階段選對溫和的中藥
材反而可以幫助產後媽媽帶來正面的幫助。所以滴雞精邊隻品牌好，難以單靠
有多小膠原蛋白、蛋白質或價錢等去衡量，反而選對適合功效才是產品用料以
外最重要的考量。

好多人都認爲坐月湯水的聖品一定是花膠、燕窩、當歸、人參等名貴藥材，但
其實有一種同樣是養生價值高，由安胎時期就可以飲用，並且非常適合針對坐
月的藥材卻常常被新手媽媽忽略，這種非常適合加入坐月湯水的藥材就是杜仲
。

根據本草綱目記載杜仲能入肝補腎，補中氣，強筋骨，改善脫髮，輕身，調節
心血管等。現代藥理專家亦對杜仲進行大量藥理研究，發現杜仲的化學成
分豐富，有一定的食療保健功效。如果份量不多，又不是長期每日飲數杯，
基本上可說是老少咸宜，因此杜仲在坐月湯水的角色裏可以擔當多個重任，非
常適合坐月媽媽飲用。

杜仲五大功效：
第一：幫助產後傷口復原，所含的綠原酸能有效地減低陰道感染及泌尿道感染
機率。
第二： 補肝護腎，頭髮狀態出現異常與人體肝腎氣血息息相關，因此可以大大
減小頭髮脫落和變白的機會。
第三：增加子宮收縮，有助子宮恢復產前情況，並減少惡露天數。
第四：具鎮痛作用，可舒緩產後腰痠、背痛、膝蓋痛和強化筋骨。
第五：輕身，增加脂肪細胞的葡萄糖轉運和消耗、促進新陳代謝、減小脂肪
積聚，加快回復產後身形。

杜仲價值如此豐富，因此許多專業陪月和注冊中醫師也建議新手媽媽由懷孕中
後期治腰酸到坐月湯水助傷口復原均可以加入杜仲作食療,如；杜仲栗子燉豬脊骨、五子湯、杜仲巴戟黑豆湯、巴戟杜仲海馬湯等等…市面上含中藥材成分的滴雞精選擇如此多，各種名貴藥材聼起來是很吸引沒錯，但如此適合當做孕晚期&坐月湯水的杜仲，卻只有田原香滴雞精這個品牌有
加入，實在匪而所思。

致想要自己坐月的新手媽媽：
‘ 你需要的是適合產後溫和調理又方便準備的坐月湯水，請僅記選對適合的功效和材料才是最重要啊。 ’

田原香杜仲滴雞精($1050 / 20包)，除了含杜仲外，還加入了黨參、白朮、黃芩、杜仲、續斷、生地、白芍、莬絲子、酸棗仁、阿膠、麥門冬和桑寄生。對坐月的新手媽媽來講呢個口味的滴雞精可以一次過做到強壯筋骨、改善腰酸、滋陰養陰、烏髭髮的功效，非常適合新手媽媽自己坐月當做坐月湯水的溫和調理。

滴雞精 #坐月湯水 #坐月 #新手媽媽 #滴雞精邊隻好 #杜仲滴雞精 #產後調理

又係我最鐘意整嘅意粉同黃金帶子呢個組合🤣💛呢期都長期處於放假狀態，無乜心情cooking，但係又唔想成日向街食，煮啲簡單野算😛

煎黃金扇貝技巧:
▶️一定要用㕑房紙巾索到好乾水，油熱先落鑊煎
▶️將帶子以12點鐘方向順時針放向平底鑊中煎，就可以知邊隻要反轉先
▶️唔好多手反嚟反去！每邊大火煎60-90秒再反轉另一邊
▶️煎好一面才加海鹽和牛油調味，一早下鹽可能會導致出水

材料:
扇貝 8-10隻
牛油 30g
意粉 200g
橄欖油 2湯匙
蒜蓉 2湯匙
本菇 半包
乾蔥蓉 2湯匙
清酒 60ml
檸檬汁 2湯匙
檸檬 半個
Parsley 適量
海鹽 適量
黑椒 適量

做法:
1) 將扇貝洗淨，然後用廚房紙巾抹乾，之後燒熱鑊，加入橄欖油，用油潤鑊將鑊打圈令油均勻分布，從正上方「12點」位置順時鐘將帶子落鑊
2) 大火煎60至90秒，然後反轉，落10g牛油、海鹽和黑椒再煎90秒，盛起備用
3) 意粉跟包裝減2分鐘煮至al dente 
4) 熱鑊下10g牛油爆香蒜蓉、乾蔥蓉和本菇，倒入清酒煮至酒味蒸發，再加入10g牛油、檸檬汁和意粉煮至汁濃
5) 加入扇貝，下少許鹽調味，加parsley和檸檬片裝飾即成

十分好味和鮮甜的米線！魚湯係自家制十分足料！可用自己喜愛的海鮮😛向街外一定無食到咁足料同健康🥰唔想整魚湯可以用現成的魚湯就更省時♥️

魚湯材料:
紅衫魚 2條
薑 1片
滾水 1000ml

做法:
1) 熱鍋下油，加入薑煎香後再加入紅衫魚煎至兩面金黃，然後加入滾水，大火滾3分鐘後轉細火煮30-45分鐘即成，盛起備用

麵材料:
米線 2人份
海鮮 隨意適量 (我用了花甲、蝦和龍躉腩)
番茄 1個
薯仔 1個
紫洋蔥 半個
茄膏 2湯匙
青檸 半個
芫荽一棵
糖 2茶匙
鹽 適量

做法:
1) 洋蔥切條，薯仔和番茄切粒，海鮮洗淨
2) 熱鑊下油先炒香洋蔥，然後加入薯仔和番茄略炒，再加入茄膏略炒，然後倒入魚湯，轉細火煮15分鐘，再加入海鮮煮至剛熟，加入糖和鹽調味
3) 米線用滾水煮熟後加入魚湯，再加入芫荽和青檸做裝飾即成

• 

• 

• 

• 

• 

• 

無飯煮唯有焗下包去破解一下晚上餵奶換片無限loop的生活🤣有個好陪月真係舒服好多😽今次用了湯種法去整個包！包内鬆軟面就香脆！食譜整到七大個左右♥️

湯種材料:
高筋麵粉 25g
水 120ml

做法: 
1) 開小火邊加熱邊攪拌至濃稠後關火備用

包材料:
高筋麵粉 280g
鹽 半茶匙
湯種 90g
酵母 6g
糖 45g
雞蛋 1隻
水 30ml
忌廉 45ml
無鹽牛油 (室溫) 25g

菠蘿皮材料:
無鹽牛油 (室溫) 40g
蛋黃 15g
糖 50g
低筋麵粉 80g
奶粉/吉士粉 8g
泡打粉 2g
梳打粉 2g

做法:
1) 所有材料連湯種放入麵包機揉麵和第一次發酵60分鐘
或
用廚師機下所有材料連湯種除牛油外，上勾用1度揉麵5分鐘，再下牛油轉3度揉15分鐘至麵團光滑可拉出堅韌的薄膜，麵團滾圓放在碗中，焗爐底盤加入熱水，不用開機，放入焗爐發酵60分鐘，約會變大2倍

2) 取出麵團，輕壓排氣，分成7份，再靜待十分鐘 (約75g一個)，之後整形再收口揉圓，放在牛油紙上進行第二次發酵(約室溫1小時)

3) 開始做菠蘿皮，牛油及糖用刮刀攪勻，然後加入蛋黃再攪勻，粉類過篩加入牛油混合物中，搓成團後用保鮮紙包起，放入雪櫃雪約30分鐘

4) 雪好後將菠蘿皮粉團分成7份，(25g一個)，然後滾圓，拿一個在上下都包上保鮮紙，用手壓平再用捍麵棒捍成圓片

5) 麵包二次發酵後，鋪上菠蘿皮，再掃上蛋漿，焗爐預熱180度，中層焗15-20分鐘即成

勁耐無認認真真煮餐西餐🥲唯有星期六晚先做到！上次煮呢個湯已經係生👶🏻前…❤️想念個陣自由嘅2人生活但又原來有👶🏻出現係咁開心充實🥰因為禁晚市關係，呢排啲龍蝦平咗好多！去到街市就諗好整龍蝦湯✌🏻雖然材料好多，但就係因為咁，煮出嚟個味好有層次好creamy👦🏻好快就飲哂🖤

▶️魚高湯我用citysuper一隻無添加濃縮液開成湯，好方便

材料: (2人用)
龍蝦 1隻
甘筍 1/2條
西芹 1/2條
蒜頭 1粒
洋蔥 1/2個
牛油 2湯匙
茄膏 3湯匙
麵粉 20g
Thyme 2條
Bay Leave 1片
白酒 40ml
白蘭地 30ml
Fish / Seafood Stock 600ml
忌廉 30ml
鹽和黑胡椒 適量

做法:
1) 龍蝦斬件和將龍蝦肉取出備用，將龍蝦殼放入焗爐用200c焗15分鐘備用
2) 蒜頭、洋蔥、西芹和甘筍切粒，熱鍋下牛油炒香，加入白蘭地酒再炒一會
3) 加入茄膏和麵粉，炒一下，再加入龍蝦殻、白酒、bay leaves、thyme和fish stock轉大火煮滾後轉小火煲30分鐘
4) 拿走龍蝦殼、bay leaves和thyme，將所有材料用攪拌機打成湯，再加入龍蝦肉煮5分鐘，再加入忌廉、鹽和黑椒即成

食譜2年半前已經post過🙃always my fav comfort food at home♥️今次用咗菲律賓無沙花甲超級新鮮$68斤😜加少少花雕就可把味道再提升層次🤍就咁搵水煮蜆就得，咁先可以煮到剛開口即刻拎走☺️鐘意可以用煮過蜆的水代替雞湯，但係又要等佢凍返，我會就咁用雞湯都超好食👌🏻蛋同水比例 1:2!!! 再加錫紙去蒸！最後一定要淋滾油同豉油就好滑滑的💛

材料:
蛋 2隻
花甲 10-12隻
雞湯 蛋的份量2倍 (或水加鹽代替)
蒸魚豉油 適量
花雕酒 1茶匙
滾油 2湯匙
芫荽 適量 
葱花 適量

做法:
1) 花甲先加鹽浸一小時吐沙，不過優質花甲多數無乜沙！熱水煲滾，把花甲加入，一開殼立刻拿起！避免過熟！整乾少少先加入蛋中，否則會太多水
2) 輕輕搞拌蛋，再加入雞湯，再用網篩過濾蛋液，倒入碟中，再放上花甲，裝蛋液的碟蒸一定要加蓋或錫紙，避免倒汗水沾上蛋面
3) 大火蒸4分鐘再轉中火蒸8分鐘
4) 蒸後可倒上蔥花和芫荽，再淋上滾油和豉油

外脆內軟！十分簡單！唔計焗半個鐘之內就搞掂😎我用左parmesan cheese碎，如果用其他深色d既cheese如cheddar cheese就會外面都明顯睇到粒粒芝士碎💛



▶️先預熱焗爐180度！一整好粉團要立刻焗！

材料: (14粒)
木薯粉 20g
糯米粉 90g
牛奶 60ml
糖 30g
無鹽牛油 35g
蛋 1隻
芝士粉 20g
芝士碎 30g
鹽 2g

做法:
1) 牛油、牛奶、鹽和糖用小火煮至牛油溶化熄火，再篩入木薯粉，快速用刮刀拌勻至麵團有漿性可掛在刮刀上，(要趁熱做)，倒入大碗中
2) 再加入芝士粉和糥米粉，用手搓匀成麵糰，加入蛋液搓匀，再加入芝士碎搓匀，此時麵團應該是不粘手的！
3) 分成20g一份，再搓成小圓形，入焗爐底或中層180度焗20分鐘即成

• 

• 

• 

• 

• 

• 

• 

• 

孕後期真係比較懶，成日諗唔到煮乜😭呢個係有肉有菜有麵的快速晚餐idea🥳湯底加左咖喱磚，唔會太濃味但係又有淡淡咖喱味！好方便架😎食哂最後可加個烏冬去再煮，飽哂

材料:
雞扒肉 2塊
蛋 1隻
甘筍、菜、豆腐、車厘茄、菇類 隨意

湯底材料:
昆布柴魚高湯 500ml
味醂 1湯匙
醬油 2湯匙
咖喱磚 2小塊

做法:
1) 雞肉切大粒，其他材料洗淨切成想要的形狀
2) 湯底材料煮滾，再加入雞肉粒小火煮熟，再加入其他蔬菜，最後加入蛋煮至剛煮即成

• 

• 

• 

• 

•