So good that it melts into my mouth! 昨日在街市見到羔蟹好靚，就諗起好耐之前向筲箕灣一間餐廳食過的羔蟹蒸肉餅！肉餅再加上蟹汁精華，真心超勁好食😎醉了☺️我再特登加咗花雕酒同鹹蛋黃，so yummmm!
.
.
▶️蟹羔可以拿出來，加入少少花雕酒同胡椒粉去腥，之後再放在肉餅上面，蒸出來會比留在蟹身上美觀🧡

▶️加鹹蛋黃為了口感多一個層次，覺得麻煩可以不加喔

▶️蟹不建議買太大，因為太大隻，和蒸肉餅的時間未能配合，要先蒸蟹後落肉餅，比較麻煩！唔想處理蟹可以直接叫魚檔處理，但當然在家中處理是最新鮮的🥹

▶️要蒸肉餅鬆軟肉的質素好重要！如果成舊肉都係瘦肉無論如何都會很結實！肥瘦比例3:7 /4:6 左右！用梅頭肉OK
.
.
材料:
羔蟹 1隻 約半斤至一斤
鹹蛋 1隻
免治豬肉 300g
紹興酒 1茶匙
芫荽或蔥花

豬肉醃料:
花雕酒 1 茶匙
生粉 2茶匙
生抽 1.5茶匙
老抽 1茶匙
鹽 1/2 茶匙
水 2湯匙
糖 1/2茶匙
麻油 1茶匙
胡椒粉 1/4 茶匙
咸蛋白 1/3隻

做法:
1) )如果怕活蟹的話，可以先放入雪櫃雪30-60分鐘，令牠沒有那麼活躍😅 用鉸剪在蟹咀中間大力剌下，然後打開蟹蓋，先去除中間的蟹胃和蟹咀，蟹身在中間切開，去除蟹腮！蟹鉗拿起，輕輕拍碎蟹殼方便食用，可以把部分蟹羔拿起，之後放在肉餅上或攪拌入肉餅中
2)豬肉加入所有調味料(除咸蛋白)向同一方向攪勻至黏身，最後加入咸蛋白攪勻，醃15分鐘
3)生咸蛋黃隨意切小粒，加入醃好的豬肉中
4) 碟上掃上一層油，把肉放在碟上，再放上斬件了的蟹，蟹蓋要反轉放，之後在肉上隨意放上蟹羔，最後在表面倒上一茶匙花雕酒
5) 大火蒸12-15分鐘 (視乎蟹的大小)，最後再加上蔥花和在蟹蓋上淋上滾油即成

#betiskitchen中式#betiskitchen海鮮

奶白魚湯豆腐勝瓜

Happy Mother’s Day♥️母親節快樂！母親節我要休息☺️唔煮了👻 介紹下我成日煮俾寶貝仔飲的奶白魚湯🤍實在太好飲成日encore! 今次唔用花甲，就咁用豆腐同勝瓜，好健康🥰我最鍾意飲湯！感覺滋潤好多🥸今次諗住煲大碗啲，第二日可以繼續飲！點知又俾人KO哂😅魚湯唔好多手落太多水，如果唔係個味就會淡晒！今次買咗2斤紅衫魚仔💕魚檔已經處理好！返屋企洗一洗就得！再加3000ml滾水😊不過太多條要分3次煎🤣

▶️ 石九公、紅衫、狗棍、青根、梳羅和鳳尾等煲魚湯都一流！
▶️ 煲奶白魚湯唔好用魚袋！用咗方便但會冇咁甜😅我情願煲好再用篩隔走啲骨🐟
▶️ 魚要2邊煎熟，倒入去的水要滾，一路煲唔可以太細火！咁就一定有奶白色🥛

材料:
魚1斤
滾水 1500ml
豆腐 1磚
勝瓜 1條
薑 1片
芫荽 適量

做法:
1) 勝瓜㓟皮切塊！豆腐切中粒！
2) 把魚洗淨瀝乾水分，再用廚房紙巾吸下多餘水分。熱鍋下油，放入薑片中火，加入魚再煎熟至微金黃後，立刻倒入滾水！一定要滾水先會有奶白色！再中火煮約20-30分鐘即成魚湯！之後將魚用篩隔出來！
4) 魚湯中火煲滾後加入勝瓜和豆腐煮5分鐘，可以試味，夠咸便不用落鹽，再加入葱段或芫荽即成！

#betiskitchen中式#betiskitchen湯水
#betiskitchen魚

呢期好鐘意食煲仔菜♥️♥️♥️又買咗九龍城文記肥牛！再加上想食麻辣！就諗到整呢個麻辣牛肉煲🤤要有麻味一定要加花椒粒同花椒油！如果冇所謂可以skip😂呢個version小辣！我唔係太食得辣！可以自己加減豆瓣醬或麻辣醬改變辣度🥺👦🏻話勁好食😜💙😜💙

Video here: https://www.instagram.com/p/Cc0Tpwcvci0/?utm_source=ig_web_copy_link

▶️豆皮/百頁向街市賣豆腐芽菜個類店舖有售，買返嚟係一大張，自己再切粗條！買唔到可以用腐皮豆卜等取代，差唔多口感！

材料:
肥牛 250g
芽菜 50g
豆皮/腐皮 100g
辣豆瓣醬 1湯匙
麻辣醬 1/2湯匙
水 300ml
蒜蓉 1湯匙
花椒粒 1湯匙
乾蔥碎 1湯匙
辣椒乾 4條
花椒油 1茶匙
芫荽或蔥花 適量

調味料:
蠔油 1湯匙
生抽 1湯匙
糖 1茶匙

做法:
1)芽菜去根，豆皮切粗條
2)熱鍋下油，爆香蒜蓉、花椒粒、乾蔥碎和辣椒乾約1分鐘，加入辣豆瓣醬和麻辣醬爆香30秒，之後倒入水！
3)水滾後加入芽菜和豆皮用細火煮約5分鐘，之後煮中火，加入調味料，加入牛肉煮至剛變色後便可加入花椒油！最後加入芫荽或蔥花，可以再加少少花椒粒做裝飾即成

#betiskitchen牛#betiskitchen中式

上次食咗個好好食嘅海南雞飯外賣，引發起我自己整😆其實上次整已經係三年前！日日都有太多餸想煮，成日諗唔起呢個😎今次整得超級滑！主要秘訣都係個樣，要用浸焗方法去煮熟隻雞！煮亦都一定要用細火！煮好之後要浸凍水，雞皮就會好脆身，等到隻雞降溫同表面乾身先開始切！自己整雖然有點煩，但係整到一隻滑雞充滿滿足感😜♥️🥰

▶️斑蘭葉必定要打上結，味道才會特別容易滲出來！
▶️切雞時盡量確保拿刀的手不要接觸雞塊，否則隻手會變得好油，拿不穩把刀😂切雞去骨可以參考YouTube一些教學片段😜

材料:
✨海南雞✨
雞 1隻
香茅 4支
斑蘭葉 4片
乾蔥 6粒 (去皮)
南薑 2塊
黃薑粉 1茶匙
冰塊 適量
水 適量

✨雞油飯✨
白米 1.5米杯
煮過雞的湯 1.5米杯
斑蘭葉 2片
香茅 1支
蒜 4瓣 (拍扁)
南薑 2塊
乾蔥 2粒 (切半)
雞脂肪/油 適量

✨辣椒醬✨
兩條指天椒、一湯匙蒜蓉和一茶匙薑蓉弄碎，然後加入一個青檸汁

✨薑蓉✨
2湯匙薑蓉、1/2茶匙五香粉、1/2茶匙鹽和1/4茶匙糖攪拌均勻，然後倒入兩湯匙滾油

✨甜豉油✨
2湯匙老抽、2茶匙生抽和1湯匙糖細火煮至糖溶化

海南雞做法:
1) 全雞洗淨，先將多餘的雞脂肪切出，留起備用 ，切去雞腳，把雞身的內臟徹底清走，雞頸開一個洞
2)香茅輕拍後切段，班蘭葉打結，黃薑粉加少少水攪拌均勻
3) 除雞以外，所有材料加入水中煲滾後繼續煲5分鐘，水的份量要足夠蓋過全隻雞
4) 把雞放入水內5秒，拿起，再放入，重複3次。此動作是想熱水從雞頸流入雞身，令體肉都受熱均勻
5) 細火上蓋煮6分鐘，然後熄火繼續上蓋浸40分鐘，煮雞水留起煲飯用
6) 可用竹籤在雞腿位插入測試熟度，沒有血水滲出便代表已熟，然後把雞放在冰水中15分鐘，拿起讓雞皮風乾
7) 之後斬件及去骨即成

雞油飯做法:
1) 燒紅鑊，轉小火下雞脂肪榨出油，把脂肪拿走，加入其餘所有材料炒勻
2) 將炒過的材料放入飯煲，再下一比一的煲過雞的水作煲飯用，照一般電飯煲程序煲飯即成

#betiskitchen雞#betiskitchen中式

Grandma’s recipe👵🏻超簡單好送飯的一道菜！有時怕就咁一個蒸蛋會唔夠飽，加埋肉碎向上面就一定夠！💛💛💛免治豬肉盡量切碎一點口感更佳！

蒸滑蛋不失敗秘訣
🔸蛋:水 比例 1:2
🔸一定要用保鮮紙或鍚紙蓋住蒸
🔸蛋液過篩 盡量戮穿蛋液上的氣泡
🥚火候我用中火大火之間🤣我發現太大火會易蒸到老

材料:
雞蛋 2隻
水/雞湯 約250ml (1份蛋汁:2份水)
免治豬肉 150g
蔥花 2湯匙
滾油 & 蒸魚豉油 適量

調味料:
蠔油 1湯匙
生抽 1湯匙
老抽 1 茶匙
麻油 1茶匙
糖 1/2茶匙
水 4湯匙
生粉水 (1湯匙水+1茶匙生粉先攪拌均勻)

做法:
1) 雞蛋打勻，不用打發太耐，以免起泡，加入適量鹽和2份水/雞湯拌勻，用隔篩濾去雜質及氣泡
2) 蒸碟倒入蛋汁，鋪上錫紙，水大滾放入，隔水蒸10-12分鐘
3) 熱鍋下油，加入肉碎炒至變色！再加入蔥花、蠔油、生抽、老抽、麻油和糖炒至均勻上色！最後加入水和生粉水煮至汁濃便可關火
4) 把肉碎倒在蛋上，再加入適量滾油和蒸魚豉油即成

#betiskitchen中式#betiskitchen蛋

👵🏻’s recipe! Encored for many times already😚So juicy💕(second video it’s so hot almost hurt my fingers😂)勁簡單，諗唔到煮咩煮呢個啱晒！我真係好鍾意食雞翼架😎腐乳係發酵左嘅豆腐！顏色係白色即係豆腐本身嘅顏色🤍而南乳就係加咗红麴的腐乳，所以顏色係紅色！南乳整體上沒有腐乳咁鹹，帶有甜香♥️

▶️煎雞翼一定要用中細火煎！但好多時如果就咁煎，表面煎燶咗，但啲肉都未熟！我會煎到兩邊金黃之後，加少少水上蓋煮至水收乾，令到雞翼中心受熱均勻，然後再轉中火把雞翼兩面繼續煎至金黃！

雞翼 10隻

醃料:
南乳 50g
腐乳 20g
糖 1茶匙
麻油 1茶匙
生抽 1茶匙
老抽 1茶匙
米酒 1湯匙
胡椒粉 1/2茶匙

做法:
1) 所有醃料攪拌均勻，盡量壓爛南乳和腐乳，雞翼放入醃料醃至小一小時，醃過夜更佳
2) 煎之前可以抺走雞翼上部分的醃料
3)熱鑊下油，用細火先煎香雞翼2面至金黃色約1-2分鐘，加入30ml水，小心彈油！上蓋煮5分鐘，此時水份應該會揮發走，開蓋，轉中火，把雞翼的兩邊繼續煎多1-2分鐘，煎至金黃色即成

#betiskitchen中式#betiskitchen雞

👦🏻話佢細個同屋企人向嘉麟樓食飯之前最鍾意食呢個小食喎😂其實之後佢有時都會整，但係我冇post過🤣呢個係佢👵🏻教佢整架！其實都好易整！出面買都幾貴，自己整可以一次過整大量，再放入樽仔或者保鮮袋收藏，得閒當小食食下✌🏻

PS: 製作過程啲相影得唔係好清楚，廢事阻住大師傅開工啦😌

▶️用油炸係最傳統嘅做法！做出嚟嘅效果亦都係最脆身！用焗爐都得！不過效果一定有少少分別😶

▶️如果用焗爐請先把芝麻和合桃攪拌均勻，焗爐用150度焗20分鐘！

材料:
琥珀合桃 1斤
水 150ml
片糖 100g
白糖 30g
麥芽糖 80g
芝麻 20g

做法:
1) 芝麻白鑊炒香
2) 水加入半茶匙鹽，再加入合桃煮3分鐘以去苦澀味，瀝乾備用
3) 鍋中加入水，再加入麥芽糖、片糖和白糖小火煮至糖完全溶化及開始有糖漿狀態！加入合桃，再用中火不斷攪拌至每一粒合桃都鋪上糖漿！
4) 熱鍋加入適量的油，用中小火把合桃炸約3分鐘至琥珀色後拿起，立即加入芝麻攪拌均勻！
5) 鋪平待凉後便可食用或儲存！

#betiskitchen中式#betiskitchen甜品

Super super easy and yummm✌🏻粉絲同金菇索晒啲汁😗超級簡單！👦🏻大讚💕呢排情迷煲仔菜😂今次呢隻豆瓣醬幾好食！不過今日淨係買到小花甲😅呢排相熟海鮮檔都入唔到靚貨🥲

▶️花甲煮的途中會出水，所以一開始不用下太多水！個人喜歡這個花甲煲做到比較乾身的效果！
▶️花甲可以煮之前1小時放室溫！加入少少鹽放入水浸去沙！

材料:
花甲 1斤
粉絲 1包
金菇 1包
蒜蓉 2湯匙
蔥花 2湯匙
辣椒碎 1茶匙
水200ml
芫荽和蔥花 裝飾

調味料:
豆瓣醬 1湯匙
生抽 2湯匙
蠔油 1湯匙
麻油 1茶匙
糖 1/2茶匙
鹽 1/2茶匙

做法:
1) 粉絲放入熱水浸10分鐘，金菇切去根部，弄散
2) 熱鍋下油，加入蒜蓉、辣椒碎和蒽花爆香，再倒入調味料爆香！放上金菇和粉絲，再倒入水煮滾！
3) 加入花甲，上蓋中火煮6分鐘或煮至開口，表面灑上蔥花和芫荽即成

#betiskitchen中式#betiskitchen海鮮

好耐無出過魚類食譜🤣因為基本上我平時都係食清蒸魚😆 鱈魚在我心中價錢和味道都屬於是高端魚類，味道非常特別細膩，個種魚油甘甜味無其他魚取代到！今次整西京燒同清蒸都非常之好食！👶🏻鐘意食清蒸♥️💕鱈魚我在街市冰枱買，鐘意切幾厚都得✌🏻我返屋企自己再切走中間大骨，再切一半！(美觀一點和吃得方便一點！但煎的時候會比較易爛，要小心一點喔)

1) 西京燒鱈魚

▶️西京燒表面好易整，但要整到日本餐廳個種焦香乾身感唔易，上次去京都食懷石料理問了師傅秘訣
💛要有焦糖感覺就要最後塗上少少味醂再燒多陣
💛焗爐易焗到出水，instead可以平底鑊抹油再加塊牛油紙慢火煎就會更易令魚有焦金色又唔濕身
▶️醃至少一晚，二晚就更佳。

材料
銀鱈魚 /白鱈魚 2塊
西京味噌(白味噌) 100g (一定要用白味噌否則普通味噌會好咸！)
清酒 20g
醬油 10ml
糖 30g

做法:
1) 銀鱈魚洗淨吸乾水份，沿著圓骨位切成2件(美觀一點)
2) 西京味噌、清酒及糖攪勻，小火煮到粘身再加入醬油拌匀，待涼後地醬塗上銀鱈魚的上下，包上保鮮紙，放入雪櫃醃至少1日
3) 銀鱈魚取出，抹去銀鱈魚表面的味噌醬
4) 於平底鑊上塗上油，再加牛油紙慢火煎至二面焦黃，反轉時要小心點否則好易散開，最後再輕輕塗上一層味醂再燒多陣即成！

2) 清蒸白鱈魚

直接大火蒸8-10分鐘！倒走蒸後碟上的魚水，放上蔥花！淋上滾油和蒸魚豉油即成！

#betiskitchen魚#betiskitchen中式#betiskitchen日式

雖然未必好多人有興趣，但都想分享吓啲手工菜😎以前我都以為自己炆乾鮑好困難！但係整過一次之後就發現其實只係需要多啲時間！如果有真空煲就更加方便！整完覺得好滿足同超級無敵好食😍😗😍😗我幾年前第一次係買啲最平嘅中國乾鮑測試🤣之後再開始用南非>中東>到呢期都係用日本吉品鮑♥️💕♥️💕價錢唔平但係真係好食！有時候是要對自己好一點呢🥺炆鮑魚絕對係一項技能解鎖😽

今次我仲用咗個炆鮑魚湯底去煮蝦子麵食！super yummy! Speechless✌🏻

▶️炆完鮑魚個湯可以留返做上湯或飲都得！如果覺得太油，可以雪一晚之後，油就會凝固浮面，咁就可以整走上面層肥油
▶️如果用明火怕痴底要加竹笪防黐底！我用真空煲炆就無加到！用真空煲不時煲滾佢，再放返內膽入就OK! 好方便❤️ 十分推薦✌🏻
▶️可以用牙籤向鮑魚中間吉一吉，如果可輕易穿過就係炆好！

材料:
乾鮑 10-12隻
排骨 1斤
雞 1隻
雞腳 10隻
金華火腿 50g

調味:
蠔油 1湯匙
老抽 1湯匙
冰糖 1湯匙
炆過鮑魚的上湯 200ml
生粉水 1湯匙

做法:
1) 乾鮑用水浸過面，放入雪櫃，每日換一次水，浸2日，之後再煲一鍋水，要可以蓋過所有鮑魚，連鮑魚煲滾後熄火，上蓋，室溫焗過夜！
2) 之後拿出洗一洗淨，再剪開鮑魚咀，將內裡的腸臟及污衊拿出，用手按一按鮑魚中間，如果仲係硬要再浸！浸透的話應該係會有彈性！
3) 其他材料落凍水，之後煲滾5分鐘後拿起洗淨，出水備用！排骨白鑊煎至金黃！
4) 煲底先放上竹笪，(竹笪買返黎要用滾水煮一煮消毒)，再放上排骨，一半雞腳，鮑魚，一半雞腳，最上層放雞，倒入水蓋過所有材料！
5) 煲滾後轉細火炆3小時，再熄火焗至溫度降至唔熱，再開火炆3小時，如此類推！大約炆3日！金華火腿先飛水，可以向第2日放落去！
6) 拿起鮑魚，放置等15分鐘令鮑魚收水令到有溏心效果，再加入調味料的材料，細火煮15鐘，再加入生粉水埋獻即成

#betiskitchen中式#betiskitchen海鮮