👦🏻今晚又想食🥰因為實在太簡單，諗唔到整咩就可以整呢個😆我今次用左花甲，用蜆都同樣好食！個湯都好好飲！食哂蜆之後可以當湯飲❤️

▶️可以用現成椰子水代替新鮮椰青水 <我今次就係咁做😅都好好食！350ml椰青水

材料:
大蜆/花甲 1斤
椰青 1個
水 50ml
香茅 2條
檸檬葉 4片
辣椒仔 1隻
草菇/菇類 8粒
魚露 1茶匙
黑胡椒 少許
青檸 1個
芫荽 1扎

做法:
1) 草菇切半，香芧莖部切段和輕拍，檸檬葉撕開一半，椰青開好後留椰水，椰子肉切條備用，辣椒仔切粒，蜆浸鹽水吐沙
2) 鍋中倒入椰青水、水、香茅、檸檬葉、辣椒仔、草菇、魚露，中火滾3分鐘
3) 之後倒入蜆，煮到開口，再加入黑胡椒 、青檸和芫荽即成

#betiskitchen海鮮#betiskitchen東南亞

Vday classy yet easy dinner idea💖💯 A traditional french dish! 我呢個係簡單version！傳統係會用晒成隻雞，我簡單啲淨係用雞扒😝煮雞唔怕好似牛咁驚煮得唔夠淋！失敗機率底😗45分鐘搞掂☺️撈雞油飯食好好食！如果嫌麻煩可以配法式麵包或白飯都得！我平時煲中式雞湯會收集啲雞皮放入冰箱！今次攞嚟煲雞油飯好正✌🏻

▶️紅酒無乜所謂邊隻，法國傳統係用Burgundy 如Pinot Noir🍷唔講究就用支你平時會飲得落口既就得！我就係屋企求其用支飲剩既！

▶️雞油飯做法: 熱鑊加入雞皮和雞脂肪！再加入乾蔥頭和蒜頭！煎至雞皮金黃出油，夾起雞脂肪，再加入白米炒至均勻！熄火，倒入電飯煲，加入1:1的水或雞湯煮成熟飯！

材料:
無骨雞扒 5件
洋蔥 一小個
蒜頭 2粒
蘑菇 8粒
煙肉 2條
茄膏 3湯匙
紅酒 250ml
雞湯 250ml
Thyme 3扎
黑椒和鹽 適量
牛油 20g
忌廉 100ml

做法:
1) 雞扒解凍後切成半，加少少鹽和黑椒醃十分鐘，洋蔥切條，蘑菇切半，煙肉切粒，蒜頭拍扁
2) 熱鍋下油，加入雞扒用中火煎至2邊微微金黃，再加入洋蔥和蒜頭炒2分鐘，便可加入煙肉粒和菇炒1分鐘，然後加入茄膏炒至均勻！
3) 倒入紅酒和雞湯煮滾，再加入thyme、鹽和黑椒，轉小火蓋上蓋煮30分鐘！
4) 把所有配料夾起，淨下醬汁，轉大火煮至醬汁濃厚，便可加入牛油和忌廉，攪拌均勻，倒在雞肉上即成！

#betiskitchen西式#betiskitchen雞

今次想主打講飯焦！頭幾次煮建議用簡單啲嘅材料如臘腸、臘肉或潤腸等！如果整雞或者肉餅，因為會出水，亦會怕食材煮得太熟，會更難控制飯焦的成功率😗今次用咗傳統煲仔飯瓦煲！其實本身冇諗住買，因為屋企已經有太多煲😂不過街市雜貨店見到$28實在太平😅雖然唔耐用，但係好有風味，推薦♥️👦🏻投訴話個煲太細個，佢可以食2煲😆the best claypot rice from myself ever🖤🥸Cooking video on my instagram.


事先聲明，飯焦好視乎爐頭！未必一次成功！但整幾次一定掂❗️
▶️ 飯焦原理就好似用油煎米餅，有油而飯又煮到乾身，再大火少少就做到
▶️ 但秘訣就係點樣唔好太大火煮到黑哂，靠聞下個味同聽下聲，當然仲有經驗！如果聞到有燶味就係有問題，要收手細火啲😂
▶️個煲蓋唔好成日開嚟開去！後期要將個煲打斜，不同方向對住個火煮，咁就可以連個邊都有飯焦！
▶️我無浸米，洗一洗就煮，洗完米一定要盡量整乾水先！如果唔係水份就會唔啱比例！米用泰國米最易煮到乾身粒粒分明，我用泰國金鳳口感煙韌♥️
.
.
材料: (2人用)
臘腸 2條
櫻花蝦 30g
米 2米杯
水 2米杯 (1:1 比例)
甜豉油 適量
蔥花 適量

做法:
1. 鍋底抹1茶匙油，米洗淨後加入同等份量的水，蓋上鍋蓋以中火煮至鍋蓋緣有蒸汽冒出，再轉細火繼續煮約10分鐘至收水，之後放上臘腸、繼續小火煮10分鐘
2. 期間可以炒香櫻花蝦備用
3. 向煲邊圍圈倒上1湯匙油！火力轉中火！將個煲打斜向不同方位煮1-2分鐘左右(總共6分鐘)！應該會聽到節節聲同聞到香味！關火！把臘腸取出，切粒，之後和櫻花蝦一起放返入個煲到，冚蓋焗3-5分鐘，加上蔥花和豉油即成！(如果呢一刻撩個邊都係無飯焦就落多少少油繼續重複煮)

#betiskitchen中式#betiskitchen豬

新年食咗好多日中餐！冇咩胃口就會想食下泰國菜😍超級易整十分開胃的一個菜式！上次整係用咗素肉碎&素蛋！今次整返個豬肉version，again super easy and yummy! 絕對係一個快速晚餐之選💖💖💖

▶️辣椒仔我用咗兩條覺得有啲辣但係又啱啱好！鍾意食辣嘅可以落多啲唔鍾意嘅可以唔落！🌶
▶️煎太陽蛋: 多油大火，完😂無咩技巧

材料: （2人用)
免治豬肉 200g
蒜頭 3瓣
乾蔥頭 2粒
辣椒仔 2條
蛋 2隻
青瓜 1條
青檸 1個
白飯 2碗
金不換 1扎

調味:
蠔油 1湯匙
魚露 1/2茶匙
生抽 1茶匙
老抽 1/2茶匙
糖 1茶匙
胡椒粉 1/4茶匙

拌飯汁材料: (可以唔整)
魚露 2湯匙
糖 1茶匙
青檸汁 半個
辣椒仔 1條切粒

做法:
1) 白飯煲好，蒜頭、乾蔥頭、辣椒仔切碎
2) 熱鍋下油，加入油，油熱後加入蛋大火煎至蛋邊脆身！青瓜切片，放在碟上備用
3) 熱鍋下油，倒入蒜頭、乾蔥頭、辣椒仔爆香3分鐘，然後倒入豬肉碎，大火炒3分鐘，倒入調味料，炒至乾身，再加入金不換葉子炒多30秒便可！
4) 拌飯汁所有材料攪拌在一起即成

#betiskitchen東南亞#betiskitchen豬

🧧虎年第一個食譜POST!🐯繼續冇得晚市堂食！初一係屋企食好啲！Inspired by 幾日前食過的Kappo Rin (last pic)💖佢煮飯材料用咗紅蘿蔔同魷魚絲！我自己調配一下，諗一諗(Hi creativity)改咗用北海道洋蔥絲！超級清甜，炒過嘅洋蔥絲再加入木魚高湯煲飯，個飯勁好食同清甜🥺！我呢到用咗1/3底海膽，其他留返就咁食🤭firstly一定要有新鮮海膽同三文魚子✨海膽from @uni_brother 日本直送到屋企！包裝得好好💯fresh af😸💖👌🏻

▶️煲飯的湯要用木魚高湯，我平時用快速木高湯包嚟煲個湯底好方便！放入去水到煲5分鐘就完成♥️(AEON有) 日式超市亦都有木魚湯粉！或直接用木魚碎去煲個湯底都好簡單！尋日心情好，用木魚加昆布去煲個湯底！做法可以向我blog search <昆布柴魚高湯> 🤭

➡️北海道細洋蔥比其他洋蔥清甜，如果搵唔到都可以就咁用普通洋蔥，但係最好切絲切得細條啲！口感會好啲🧅

材料:
日本米 2米杯
木魚高湯 2米杯 （和米 1:1比例)
海膽 100g
洋蔥 1個細/半個大
三文魚子 50g
日式醬油 1湯匙 
味醂 1湯匙
清酒 1茶匙
大葉 3塊切碎
青檸皮的碎 (optional)

做法:
1) 米先洗乾淨，洋蔥切絲，熱鍋下油，把洋蔥用細火輕輕炒香3分鐘，盛起備用
2)鍋中加入米，柴魚高湯、醬油、味醂和清酒攪拌均勻，然後再加入洋蔥攪拌均勻，開中火，湯滾後轉細火加蓋煮15-20分鐘或至飯乾身，再轉大火1分鐘後熄火，焗5分鐘 
3) 把三文魚子和海膽鋪在飯上面，然後再灑上大葉，細火加蓋煮20秒後，再加青檸皮碎即成

#betiskitchen日式#betiskitchen海鮮

<食譜改良> 今年限量地整咗六底！五底都俾哂朋友😆自己整嘅蘿蔔糕真係好食好多！我最鍾意食到一條條蘿蔔！咁多年都係用呢個食譜，蘿蔔全部切粗條！今次用咗日本大根、本地臘腸、北海道瑤柱同日本菇❤️❤️❤️每底都勁多料😜預祝各位新年快樂！🍊 With 1min cooking video on my instagram⭐️

材料 (10吋圓形 4底左右 /長形6底)
白蘿蔔 3斤 (大概2大條)
鷹粟粉 225g
粘米粉 75g
生粉 75g
臘腸 2-3條
蝦米 30g
冬菇 6粒
瑤柱 適量
水 900毫升
滾水 300毫升
鹽 15g
雞粉 35g
糖 75g
胡椒粉 1茶匙
麻油 45g

做法:
1) 乾貨全部浸水過夜或半天，切小粒備用
2) 臘腸飛水後切粒
3) 鷹粟粉、粘米粉和生粉倒在大盤中，逐小加入900毫升水 可用手搓滑至粉漿沒有粉粒後備用
4) 蘿蔔刨皮切粗條，滾水灼蘿蔔5分鐘可去腥味和存放耐一點，倒去水後備用
5) 爆香臘腸出油後、加入蝦米、瑤柱和冬菇爆香，倒入蘿蔔條炒勻 (臘腸自己會出油 如不夠肥可另加油)，再加300毫升滾水，下麻油、胡椒粉、雞粉、糖和鹽，大滾後熄火 (乾貨可留小許鋪面用)
6) 熄火後要立刻將剛開水的粉漿慢慢倒入，推至半生熟漿，不要推到過熟濃稠但也不要過稀，程度大概要用點力才推到的漿一樣
7) 糕盆先掃一層薄油，將粉漿倒入糕盆內並掃平，將餘下小份乾貨鋪在糕面
8) 大火/ 100度蒸1-1.5小時即成，竹筷子插入取出後沒有粉漿黏住即可
9) 待涼後放入雪櫃雪數小時待結實即可煎來吃

Tips:
1) 水和粉的分量好在乎你的蘿蔔多不多水 要靠一些經驗來判斷
2) 4日之內要食哂 因為無落防腐劑有冬菇好易壞
3) 落生粉可以令糕更滑 剛蒸完會好似好水咁 待放涼後會結實返
4) 我這個食譜質地偏軟滑身，但煎出來形狀還是挺身，你可自行微調做出自己所喜歡的軟硬度
5) 蒸盒可在油麻地上海街街頭一帶購買 有不同形狀

6) 熄火後立刻將剛開水的粉漿慢慢倒入，因為要有熱度才可把粉漿堆至半生熟漿，不然會水汪汪！

#betiskitchen中式#betiskitchen新年

第一次認識呢個菜式係2年前向好酒好菜食過😛之後整過幾次，尋晚再調教過個汁煮多次，無落辣椒仔，口味清新啲💛呢個餸我發現用細隻啲的花甲係好食過大大隻😅！Super simple and easy❤️ 呢排掛住整新年糕點，煮啲簡單嘅嘢算😴

▶️紅尖椒同芫荽盡量切細緻一點，口感和賣相都會比較突出

材料:
花甲 1斤

醬汁:
芫荽 1扎 (切細粒)
紅尖椒 半條 (切細粒)
蒜蓉 1湯匙
麻油 1茶匙
生抽 1湯匙
魚露 1湯匙
糖 2茶匙
水 50-100ml (自己試下味)

1) 花甲先浸洗，鍋中水滾後加入花甲大火煮至開口，拿起沖一沖凍水，再移走另一邊殼！排在碟上備用！
2) 醬汁所有材料攪拌均勻，自己試吓味先！
3) 倒在花甲上即成

#betiskitchen中式#betiskitchen海鮮

#StartGreenWithMiele 新年新態度Healthy life healthy new year🌿新一年希望整多啲素菜食譜！培養低碳習慣以建立更美好的環境🌏原來素蘿蔔糕都好好食！以前覺得自己整中式糕點好麻煩，但整完一次之後真係返唔到轉頭！好食過出面買嘅好多😌全天然無防腐劑足料糕點🍀✨ @miele_hk

材料: (4底左右)
白蘿蔔 3斤 (大概2大條)
鷹粟粉 225g
粘米粉 75g
生粉 75g
羊肚菌 8條
紅蘿蔔粒 30g
菜脯粒 30g
冬菇 6粒
黑松露醬 2湯匙
水 900毫升
滾水 300毫升
鹽 25g
菇粉 25g
糖 75g
胡椒粉 1茶匙
麻油 45g

做法:
1) 乾貨全部浸水過夜或半天，切小粒備用
2) 鷹粟粉、粘米粉和生粉倒在大盤中，逐小加入900毫升水 可用手搓滑至粉漿沒有粉粒後備用
3) 蘿蔔刨皮切粗條，滾水灼蘿蔔5分鐘可去腥味和存放耐一點，倒去水後備用
4)熱鍋下2湯匙油後，加入紅蘿蔔粒、菜脯粒、羊肚菌、黑松露醬和冬菇爆香，再倒入蘿蔔條炒勻，再加300毫升滾水，下麻油、胡椒粉、菇粉、糖和鹽，大滾後熄火 (乾貨可留小許鋪面用)
5)立即將剛開水的粉漿 (先攪勻，粉可能沈底)，倒入剛熄火的鍋中，用力不斷推至半生熟漿，不要推到過熟濃稠但也不要過稀，程度大概要用點力才推到的漿一樣
6)糕盆先掃一層薄油，將粉漿倒入糕盆內並掃平，將餘下小份乾貨鋪在糕面
7)大火蒸 45分鐘即成，竹筷子插入取出後沒有粉漿黏住即可，襯熱撒上芫茜蔥或芝麻
8)待涼後放入雪櫃雪數小時待結實即可煎來吃

Tips:
1) 水和粉的分量好在乎你的蘿蔔多不多水 要靠一些經驗來判斷
2) 4日之內要食哂 因為無落防腐劑有冬菇好易壞
3) 落生粉可以令糕更滑 剛蒸完會好似好水咁！但待放涼後會結實返
4) 我這個食譜質地偏軟滑身，但煎出來形狀還是挺身 你可自行微調做出自己所喜歡的軟硬度
5) 蒸盒可在油麻地上海街街頭一帶購買 有不同形狀！

#betiskitchen中式#betiskitchen素#betiskitchen新年

Super easy and yummy! 用咗6盞印尼三角燕窩！再加北海道牛奶玫瑰花去燉！超正養顏⭐️唔係真係想象中咁貴！我呢到成本大約$400已經做到啖啖燕窩for 7-8個人食💖

紅菜頭棗泥千層糕係跟 @miele_hk 食譜，可以參考返佢地IG/YouTube👐🏻不過我比較懶就無好認真整千層，整咗漸變效果！我蒸好放入雪櫃，之後就咁凍食！有埋合桃好健康又有口感^_^✌🏻Thanks for the cooking kit @miele_hk 💚

▶️燕窩不宜用高溫煮！最好用細火燉！內含燕窩酸和膠原蛋白，不宜煮太耐，大約30分鐘就夠💖
.
.
材料: (4人用)
燕窩 3盞
牛奶 500ml
冰糖 2湯匙
玫瑰花瓣 1湯匙

做法:
1) 燕窩先以熟溫水浸發6小時，期間換1次水挑除雜質，再以開水過濾，然後瀝乾備用
2) 燕窩加入牛奶，再加入冰糖！玫瑰花瓣放入細魚袋/茶包，加入牛奶中！
3) 細火燉30分鐘即成，把茶包拿走，可以放上玫瑰花瓣作裝飾！

#betiskitchen中式#betiskitchen甜品